ابن الاجاويد

البارت الثالث والاربعون

_٤٣_

#ابن_الاجاويد(رد الدين )

#بقلمي_أسماء_ديمير

ضلت صافنه لا يالله شنو هاي ، سديت موبايل حايره ، دك جهاز هو مارديت ، فاتحه برده وصافنه بحيره ..

اسويها لو اسد الباب واغلس ..

انداريت امان كاعد وراي يلعب بالعبه ، سويها مينا ، شراح تشوفين يعني اسوء من الي شفتي يم جعفر..

دز رساله اطلعي عاد رجال منتظر عيب ..

دزيت خاف احد يشوفنه ..

البيت فارغ لاصيرين ثوله ، بده صبري ينفذ وها جيبي وياج الهويه مالتج بالعجل يله ..

جريت العبا ولبستها طلعت هويتي من جنطه ، وشلتها بيدي هيه وامان وطلعت مرتبكه ..ميت الف عثره عثرت ويله وصلت ليمهم ارجف ..

باوعت لشهم مبتسم وفرحان وجهي احسه نار من خوف والتوتر ..

حجه رجال هذا هيه البنت يابه ..

حجه اي شيخ ..

عجل وين وكيلها يابه ..

حجه شهم بت مو قاصر بت بالغه ومطلقه هم ..

هز الشيخ راسه عيني على شباب واكفين بعيد مدنجين .. انداريت على شهم حجيت شلال وين ..

شنو ..

مو على اساس شلال واحد من شهود ..

شلال عريس يبه طابع هو وزفته تردين اجره من بينهم يشهد على زواجنه ..

شلون يعني ..

الفتهتمتي ميناا لا طلعيلي عرضه يرحم والديج ، كوه دبرت سالفه ..

درت وجهي على الشهود ماعرف احد بيهم ، رمشت بهدوء مامقتنعه ، نفس زواجتي من احمد هم ماعرف شهود ، انداريت عليه  يباوعلي عاقد حاجبه ضايج اشرلي شكوو تباوعين ..

همست شهود منو هذول ..

حجه بضوجه جماعتي ، ليش سالين ..

من حقي اعرف ، زواج هذا مو لعب ، وانته وعدت فتره وتعلن مو ..

رافع حاجبه جن ماراضي بهل كلام ..

حجيت العقد الاصلي اريده واصور هويات شهود هم ..

هاي منين طلعتلي بيهم ياول ، جرني حيل على صفحه ، شهل الحجي جديد اول مره اسمعه خيررر ميناا جيبيها من الاخر شناويه ..

زواجتين القبلك لاعقد اصلي عدي ولا اعرف شهود ، هالمره غير ، هالمره ماخذه ابن ناس واصل موو صح شهم ، ابن ناس مايقبل باجر عكبه تجي حجايه على مرته ..

حتى اذا احد فد يوم شافني وياك ، وحجو اخلي عقد زواجي منك بوجهه ..

سكت ، حجه هذا مو كلامج ياهو مدرسج ..