ابن الاجاويد

تغشيشه ..

طلعني بره الردهه سانداتني ثنين ممرضات صاحت مينا تبجي ، لتين ..

رفعت راسي عليها كوه مفتحه عيوني ميته بجي ، مشي مابيه امشي ..

وراها لهيب يركض هو وامه ..

جاي بالزي العسكري للمستشفى حجه ويه عمتي يرجف شكوو شبيها ..

حامل وجاي تطرح ..

ضرب على راسه لااا كولي غيرها الله يخليج ..

بجت عمتي اي والله .. حجه خايفه خااص ودوها للخاص ..

اني سحت من ادين الممرضات وكعت بالارض بس احس بالرطوبه جواي ، غمضت عيوني ، الالم ماينحجي عنه والله ..

شايف قطعه من جسمك وتنقلع من مكانها ، لدرجه حتى اطرافي ثلجن ، عياط مينا باذني بس ماكدر لا اتحرك ولا اكوم ..

رخيت جسمي منتهيه ، وعيت بعدها على ايد تمسد على كصتي وجهي  .

فتحت عيوني لهيب كبالي ، حجه مبتسم حمدالله على سلامتج ..

نترت وخر ، ردت اكوم صحت ااخ لزمت بطني ، بجيت ..

رفعت راسي عليه الطفل شبي الطفل ..

رجع ليوره ضايج وجهه احمر ..

لهيب الطفل خما مات ..

بعدج باول ثلاث اسابيع لتين يعني نقطه دم ونزلت وخلص ..

خليت اديه على وجهي ابجي ، انته السبب انته موته ، انته ومرتك ..

تقرب عليه لزم اديه انا شلي غرض ..

صرخت بوجهه اضرب بي وادفعه ، صوجك كله منك انته ضربتني وصار بيومها عندي وجع وضليت هيج لحد ماطرحت ..

من ضربك طرحت .. وكف ساكت لاا مو انا ..

انته والله الله لايوفقك لا انته ولا مرتك ، بعمري ماراح اسامحك ، كتلت ابني ، وخرر راد يلزمني ضليت اعيط ..

دخلت عمتي حجت شبيج يمه صلي على محمد قابل اخر مره تحبلين شجاج ..

اهز براسي واحجي كتلوو ابني تعمدو يكتلوو ، ماتحمل الضرب ومات بطني ، مسلمتكم بيد الله ، انتو ناس ماتخافون من الله ..

طلع هو يرجف ويكول مو اناا مو اناا ومحمد مو قصدي اصلا ..

دخلت ام لهيب تبجي تكول كومي بالسلامه وجيبي غيره ، كولي يالله ..

نترت بيها اجيب غيره موو والله تحلمون تحلموون تشوفون طفل مني ..

بيومها ضليت اعيط واصيح لحد ما رجعت انزف مره ثانيه طلعوهم من يمي يرزلون بيهم ..

................................

انتظرونا باجر ...

نزل غلاف القصه الجديده رحو شوفو 💜😘