ابن الاجاويد

البارت الثاني والعشرون

_22_

#أبن_الاجاويد(رد الدين)

#بقلمي_أسماء_ديمير

جرتني ميناا حيل تمشي بيه لبيتها ، اني واكفه ومنداره عليهم وعلى الهوسه ..

عمتي حجت ولجن شكوو شنو هاي ..

ماردينه ثنينه ، بس عيونه تباوع بخوف على الي ديصير ، جرتنه عمتي تركض خايفه من صوت الرمي ..

الرمي يرشك رشك ، صوت ام احمد وصل ليمنه ، بجيت لا اراديا تندمت لحظات شلون عفت امي هناك ، شلون خليتها بهيج وضع ، يجرن بيه واني واكفه ابجي ..

دعيت من ربي ماتطلع من ذاك البيت جثه ، رغم كلشي تبقه امي ، ركضنه وطلعنه من الشارع ، بس اشوف العالم تركض باتجاه شارعنه ..

وصوت مكبرات الشرطه تصيح ورااا الكل وراا ، الي يتقدم ينرمي عليه يله وراا ..

دخلنه لبيت مينا دمنه جامد من خوف ، عمتي ضلت تتكرضم شكو وشنو قصه ، ماردينه عليها نكللها حالنه حالج ..

احس وجهي صوفر وضغطي نزل ، نزعت العبا ، عمتي ضلت تترجف نوب عفنه ام احمد بحدها ليش اجينه وعفناها ..

نوب هاي مكافحه شكو شعدها بالشارع هاا يمه يمه شنو من هاي مصايب الدنيا ..

مينا تهربت منها كامت تنوم ابنها ، صاحت وراها رجلج وين مو دز علينه جاا وينه ..

عباله مااجي يمكن وراح لبيته ثاني ..

جاا هو يلعب علينه ..

مو اني كتله مااجي دنيا صبح شيجيبني عيب من عمتي اشحطها من صبح وياي ..

دخلت للحمام اغسل وجهي كركم ، رفعت اديه اشوفها مصلوخه صلخ نوب اثر وكعته عليه كشط  جلد مال اديه ..

غمضت بالم اون منها ، هسه شصار ، منو انلزم ، اني طلعت من البيت كاظم يحوص معقوله شردو ومالزموهم ..

لا لا اكيد انلزمو زين هذا طلق انرمه عليمن ، غير عليهم ، خليت اديه على حلكي اتحسب ، والله اذا مانلزمو معناها مصيبه ، وكعت على راسي ..

نوب غسلت وجهي ، وكع ماي على الحرك غير راحت روحي ، عمتي بعدها تسال وتستفسر ..

خايفه حيل ، كابلت مينا تحقق وياها ، طلعت بسرعه ، خفت لاتجفص بشي هاي ، طلعت لعمتي ، عمه الحكيلي هاي ايدي وكعت عليها من دخلت للحمام وجلد راح بالشاش تعاي غيري ولفيها الي زين ..