ابن الاجاويد

البارت التاسع والخمسون

_٥٩_

#أبن_الاجاويد(رد الدين)

#بقلمي_أسماء_ديمير

قبل العرس بيوم واحد ، اجه شهم اخذني واخذ عمتي وكرار للمحكمه كال لهيب هناك ينتظرنه هو والمحامي ..

توه نصعد سياره وام مؤيد اجت تركض تهفي بعباتها ، اووكف اوكف جايه وياكم ..

رد شهم ، هلا بيج حجيه بس ليش متعبه نفسه ، ويغمزلها ..

لا شنو غير احظر ماتصير سالفه الا وايدي بيها ..

اني اضحك وكرار كال هاي عمتج الثانيه ، كعدت بصف عمتي ويشاورن ..

اسمع صوت تخرخش جوه عباتها ، زحت العبا شوي لان جيس جكليت ضربتني على ايدي كبل نتر وخري ايدج غااد يله ..

ترى انا العروس خاله ليش هيج ..

جايبته لخاطر لهيب مو لخاطرج .

هيج صارت ، انته مالج صاحب ام مؤيد ، مو على اساس اني حسبت بتج ، وفرحانه بيه ..

تقربت مني حجت عندج اكراميه شي ..

الله وايدج مفلسه اني ..

لعد انجبي ياخاله ، الاستاذ لهيب مليان كراميات واني صاحبي ابو الكراميه ..

عوجت حلكي طماعه ام افليس ، عمتي حاله العبا على وجهه وتضحك ..

حجه شهم ، عجل تردين اكرامه ..

شنو لعد ، غير رزقنه احنه هاي شغلات ..

بيج حيل وتدللي ، بس هاا كون تفرحين كلبي ..

شلون هاي ، كول يمه وتدلل ..

مو هسه من نوصل ، دار وجه خربان ضحك ، حرام اذا فهمت شي عليهم ..

لمن وصلنه وهيه واول ناس مثل زيبك طفرت جدامنه ، ركضت تصيح هااا بنت الشيخ لابن شيخ جبناها ، وها هاا هاي رادها وهاي تمناها ..

اني مدري اضحك مادري اداري وجهي من الفشله العالم كلها تتفرج علينه ويضحكون ..

بعدنه ماعاقدين يالله ..

لهيب تلكاها يعض باصابعه ، ويكللها اش .. وهيه ماكوو ماتسكت ..

عاد جرها لهيب ويحجي همس ، بهدااي يرحم والديج فضحتينه ..

وكفت بصفه وتحجي، يعني اكو خير لااا ..

الج هنه الج قابل المن تدللي بس حسج شوي ..

دخلنه غرفه القاضي اول الناس ، ربع ساعه بالزايد كلها كملت ، المحامي يركض جدامنه يخلص الاوراق وهو اصلا مخلصهن قبل ايام ..

بس طلعنه من القاضي حجت ام مؤيد وهااا عرس الرائد لهيب لطش بالولايه ،
هااا هااا وعريسنه نشمي وربعه يزفونه  ...