ابن الاجاويد

البارت الثالث والسبعون

_٧٣_

#أبن_الاجاويد(رد الدين)

#بقلمي_أسماء_ديمير

خليت اديه على بطني اني مخترعه وسااكته ، اشوف خوله سكتت وجهل بهت ..

فاطمه كولي هيج وهلهلي ياااالله يحظظك يالهيب اذا صدك ..

ام لهيب جرتني تركض بعدين صاحت لالا اكعدي دجيب العبا دنروح نحلل ..

اني الله يشهد من دهشه وكفت مثل صنم ، كبال خوله واكوللها شكوو شنوو ..

سكتت هيه شمرت نفسها على كرسي ، كعدت  ساكته صافنه بوجهي ..

حجت بحه حاامل ؟! انتي حامل مو ..

رفعت اديه شمدريني منين حامل شوكت ..
ام لهيب وفاطمه يركضن هيج وهيج مثل مخابيل ..

وحده تصيح عبا ، وثانيه تكللها هاج شحاطه ، ونوب دكن على سايق يجي ياخذنه ..

وهذا الحجي كله باليل ساعه ٩ تقريبا ..

واني وخوله صافنات بوجهن ..

جرني للسياره جر واني صافنه حامل يااا شوكت هاي ، شو ماحسيت عود شلون عرفت انا حبله عمتي ..

عمتي جرتني صعدتني بالسياره على كيف ، وكل شوي تكلي شبيج شتحسين شنو مشتهيه ..

واني مثل هبله كل شوي اكول هاا ، خاف مو حبله عمه ليش تستعجلين ، لبستني صايه بالسياره وحجت ويه سايق ..امشي يمه شبيك صفنت بوجهنا استعجل ..

كل شوي حجت شتحسين ، خما موجوعه عدج لعبان نفس موو من شوكت ..

عمه شمدريني على كيفج وياي ..

لمن وصلنه للعياده وهيه مخبوصه بيه ، خلت شال على راسي وجرتني للعياده ..

شو هاي شمرت ضبه فلوس على السكرتير وحجت تحليل يمه تحليل بالعجل .

تحليل دم مال حمل .. جنتي حامل وتضحك فرحانه ..

همه شافوها هيج وكلها تركض جدامها مكيفين على الاكراميات ..

كعدو اخذو مني بهدوء ويحجون هاا خما متوجعه هاا خما دايخه ..

لمن طلع تحليل وعمتي ماخلت واحد بالعياده ماحجت اله قصه لهيب ، وحرمانه من الخلفه خلت نص عياده تبجي وياه ..

وهيه تحجي واتبجي ، وهمه يواسون بيها ونستني ونست تحليل ، وصلو نتيجه يمي وهيه بعدها تحجي مأساتها ، خلت فوطه على وجها تبجي وتكول ادوعلنه عيوني خاف غلطانه اني ..  .

كمت لحيلي اخذها بسرعه ، نطوني الورقه بيدي ، حجيت هاا شنوو ، ضحكت المضمده حامل ماشالله بالخير ..

كعدت على كرسي لزمت بطني صدك والله وصارت يالهيب ..

دخيلك ياارب ثبته لو تاخذ عمري المهم ارزق لهيب بطفل  ..