ابن الاجاويد

البارت الستون

_٦٠_

#أبن_الاجاويد(رد الدين )

#بقلمي_أسماء_ديمير

حجيت بتوتر خوله ؟؟!

لهيب عقد حواجبه كام على حيله ، هز راسه شنوو ..

مارديت عليه باوعتله بخوف ..

كملت كلامها ، باين على صوتها ممزوج بدموع ، حجت عبالج تتهنين ، لج عبالج اني هينه ..

يابه ومحمد الا ابجيج دموع دم  يالتين ، لاخذ اغز شي عندج مثل ماتحدتيني واخذتي لهيب ، خلي لهيب عود يطلكني بس المهم عندي احرك كلبي مثل ماحركتي كلبي ..

حجيت بخوف خوله بس ..

جر لهيب الموبايل من ايدي بسرعه ، خلاه على اذنه عقد حواجبه وجهه دعه احمر دم ..

ساكت ولازم جهاز يسمع ، سد الموبايل كبل وقفله ..

حجيت عرفت مرتك عرفت ..

خلي تعرف اولها وتالي تعرف بس يااعار وصل الها الحجي ..

شراح تسوي ، هددتني مرتك ..

كلشي مسوي جنت رايد اني اكللها بس ارجع واخليها جدام امر الواقع وارضيها بعدين بس اكو ابن كلب خرب علينه ..

شراح تسوي هسه ..

نكمل سفرته وعود من نرجع الله كريم ..

مرته عرفت لهيب هسه تكلب دنيا عليك ،

خزرني تكلب دنيا على راسها وراس الخلفوها ، مو عليه ، عرفت تزوجت وماتجرات مادكت عليه ، دكت عليج ،

خوله السانها وكاحتها بس على الناس ،  مو عليه والله اطرها نصين اذا فكرت تتعده حدوها وياي لو تقلل احترام ..

وانتي هم اذا فد يوم فكرتي تتجاوزين علي ..

دار وجهه ضايج مني ، سكتت مكعدت على الفراش وجهي مصوفر ، حجيت ترى مو قصدي بس خفت ..

اندار عليه ضايج من شنوو من خوله ؟؟؟!

خوله بالاخر مره ضعيفه ، ماتكدر توكف بوجهي ،  واذا على كلامها وتهديدها اي مره بمكانها تسوي هيج ويمكن اكثر ..

خوله حبتي من جان عمرها ١٥ سنه ، امها زرعتني براسها من هيه طفله ، جنت ارجع من الكليه الكاها واكفه بالباب بهل حر تنتظرني بطل ماي ..

شتي صيف واكفه تنتظرني ، كبرت وكبر حبها الي بداخلها ، لحد ماتزوجتها وهم نفس الشي ماتغير شي ، نوب بدت تغار عليه حتى من اخواتي وامي  .

وصلت بيها الغيره زوجت شهم من اختي ، وره فتره دبرت زواج لفاطمه بس حتى تخلص من اخواتي ولا افضل وحده عليها ..

لو بيدها بعد حتى امي تخلص منها ، خوله من الناس الي تغار وغيرتها تخوف ..

بلعت ريك اني خانسه ..