ابن الاجاويد

البارت السادس والاربعون

_٤٦_

#أبن_الاجاويد(رد الدين)

#بقلمي_أسماء_ديمير

لتفت بسرعه فزيت ، باوعت بوجهه لتين خجلانه ، دنجت راسي ، تقرمت عليه بسرعه حجت وحلكها يرجف ..

هزت جسمي حيل احجي يالمصخمه شمسويه حامل ولج موو يايمه يافضيحتنه ..

ضربت على وجها تلطم ، ولج اناا هيج كتلج ،  هيج علمتج ، ياامصيبتنه اي والله ، عمتي اذا سمعت لو واحد صار عنده خبر شراح يصير ...

نترت بيه حيل وتهز بيه ، ضليت اشهك ،

ش

هم مايرضه يعترف بي مو ،

رادج ونسه يحظي وانتي نولتي الي يريده يالغبيه ، هاي تاليتها بنت استاذ ناظم مزوجه بسر وحامل هو هيج اتفقنه اني وياج ..

يالغبيه لامن حصلتي رجال يحويج ولا حافظتي على نفسج ،
تحجي ومعصبه وكازه على سنونه وكل شوي تلتفت على باب لاتجي عمتي ..

خليت اديه على ابجي منهاره ، دفعت ايدها فاطمه عني وخري عنها شبيج انتي الثانيه وياها هسه عايزه  ..

غصب عنه يعترف بي شنو بنات الناس لعبه ، التفتت عليها لتين وانتي ؟؟!  انتي هم تعرفين وسكتي طمطمتي لابن خالج كلكم نفس الشي ..

كامت لحيلها ورفعت اصابعها كلكم جذابين ، استغليتو فقرنه  ويتمنه وماورانه احد يسال ، لعبو بمشاعرنه استغليتو ضعفنه وكلتو محد وراهم  ..

ليش هيج شسوينالكم منين نتلكاها ، ردتها فاطمه انجبي ولج والله معتبرتكم مثل اخواتي شهل حجي مو عيب شمستغلين منكم ..

كااافي لخاطر الله كااافي ، من كرايبنه للغريب تكفخون بينه ، كااافي لهناا حدكم والله الكل ..

كومي كومي هسه ، جرتني حيل ، معصبه ، امشي نروح لاهله ونكوللهم ابنكم مزوج بنتنه غصب ، وتعالو استرو الا والله نسويها عشاير وقانون وياكم لعبه احنه خما لعبه ..

كمت لحيلي جسمي يرجف الالم الي بطني موتني ، وهاي ترجف معصبه وتهدد ، نوب تعاركت هيه وفاطمه ،

ولتين تحجي انتو عايله نكسه ، ضحكتو علينه وعلى مشاعرنه ، وذيج ترد ماغزر الزاد والملح بيج شكد صلفه انتي ..

طبت عمتي على حسهن اني رجليه بادن من الخوف طلعت بره ارجف واستند على الحايط مهزومه منهن ..

خفت من كلشي ، عمتي سالت شبيهن خير شكو شبيجن يمه .. مارديت لزمت بطني احسها تتكطع ، حتى كمت ماكدر امشي رجليه خدرن ،  وصلت للغرفه وكعت على وجهي لزمت بطني وصرخت اااااخ يايمه ..