ဟင့်အင်း ခင်ဗျားကို....(U&Z) - Completed

အပိုင်း ၃၀ (U&Z)

(Unicode)

*ဝမ်...

ရုံးကန်တင်းမှာ ထမင်းစားဖို့ ဆင်းလာတဲ့ ရိပေါ် တယောက် နောက်မှ ခေါ်သံကြောင့် အံ့အားသင့်ကာ လှည့်ကြည့်မိသည်။

ယုံရှင်း...

မိမိအား ငေးကြောင် ကြည့်နေသော ဝမ့်ကို သူမ ပြုံးပြရင်း အနားကို လျှောက်လာခဲ့သည်။

*ထမင်းစားချိန်ကြီး ရောက်လာတဲ့ ဧည့်သည်ကို... ဘာမှမကျွေးတော့ဘူးလား ဝမ်...

*အာ...ေတာင်းပန်ပါတယ်... ရုတ်တရက်ဆိုတော့ ကိုယ်လည်း အံ့ဩသွားလို့ပါ...လာလေ...ဘာစားမလဲ...

နီးစပ်ရာ စားပွဲဝိုင်း တခုမှာ ဝင်ထိုင်လိုက်ကြသည်။

*ဝမ် အဆင်ပြေတာ တခုခုပဲ... ယူလာခဲ့ပါ...

ယုံရှင်း စကားကြောင့် ရိပေါ်လည်း သူ စားတဲ့ ဆိုင်မှ lunch set တခု မှာကာ ယူလာပေးလိုက်သည်။

*ဝမ် တော်တော် နေနိုင်တာပဲ...

*ဘာကိုလဲ...

*တို့ဆီ ဖုန်းလေးတောင် မဆက်ဘူးလေ...

ယုံရှင်း စကားကြောင့် ရိပေါ် ပြုံးရယ်မိသွားသည်။

*အဟင်း...ဟုတ်တယ်...ကိုယ့်ညီလေးက စိတ်ကြီးတယ်...ယုံရှင်းနဲ့ ကိုယ့်ကိစ္စကို...ဘယ်လိုမှ လက်မခံနိုင်ဘူးဆိုပြီး...အကုန် block လိုက်လို့လေ...

*ဝမ့်မှာ နောက်တယောက် ရှိနေတာလား...

*မဟုတ်ပါဘူး...အရင်ထဲက ရှိနေတာပါ...ကိုယ် သတိမထားခဲ့မိရုံလေးပါ...အခုတော့ ကိုယ်သူ့ကိုပဲ လက်ထပ်ဖို့ ဆုံးဖြတ်ထားတယ်...

ရိပေါ် စကားကြောင့် ယုံရှင်း အနည်းငယ် မျက်နှာ ပျက်သွားသည်။

*အဟင်း... ကောင်းပါတယ်... ဒါပေမယ့် ဝမ် လက်ထပ်မှာ တို့မဟုတ်ဘဲ...တခြားသူ ဆိုရင် ဝမ် နောင်တ ရ ရလိမ့်မယ်... ဝမ်လည်း ဒယ်ဒီ့အကြောင်း သိသားနဲ့ဟာ...ဟင်း...ဟင်း...

*အင်း...ကိုယ်သိပါတယ်...ဒါပေမယ့် ကိုယ်သူ့ကို ရအောင် ကာကွယ်မှာပါ...

*ကောင်းပါပြီ...ယုံရှင်းက သတိပေးဖို့လာခဲ့တာ... ဝမ်က ဆုံးဖြတ်ပြီးပြီ ဆိုတော့လည်း ပြီးတာပါပဲ...နောက်မှ တို့ကို လက်ထပ်ချင်တယ် ဆိုလို့ကတော​့...ဝမ်ရဲ့ ကုမ္ပဏီကို ပေးရုံ လောက်နဲ့တင်...ဒယ်ဒီက ရပ်သွားမှာ မဟုတ်ဘူးနော်...