ဟင့်အင်း ခင်ဗျားကို....(U&Z) - Completed

အပိုင်း ၃၄ (U&Z)

(Unicode)

ရိပေါ်ကို ခေါ်ပြီး ရှောင်းကျန့်က ကျန်းချန်တို့ ရှိရာ မီးပုံလေးဆီ ပြန်လာခဲ့သည်။

*အဲ့တော့ သူက ဘာ ပြောလိုက်လဲ...သူ့ အခြေအနေကရော စိတ်ဝင်စားပုံ ပေါ်ရဲ့လား...

*အင်း...ပြန်ပြောမယ်တဲ့... ကောင်းမယ် ထင်ပါတယ်...ဒါပေမယ့် အရမ်းကြီးတော့ မမျှော်လင့်နဲ့ပေါ့ကွာ...

*အေးပါကွ...ဘာပဲဖြစ်ဖြစ် ဒီလို ကြားရတော့ အားရှိတာပဲလေ...

ဟိုက်ခွမ်းနဲ့ ကျန်းချန် မနက်ကအကျဥ်းထောင် သွားခဲ့တဲ့ အကြောင်းကို ပြောနေကြသည်။ ရိပေါ်က နားမလည်သဖြင့် ဝင်မေးလေသည်။

*ဘာကို အားရှိတာလဲ ကျန်းချန်ကော...

*မနက်က ဟိုက်ခွမ်းတို့...ကျင်းပေါင်ကို သွားတွေ့​ကြတဲ့ အကြောင်း ပြောနေတာ...

*ကျန့်ကော...ပြောတော့ ဆေးရုံကို ဆေးစစ်သွားတာဆို...

ရိပေါ် က ရှောင်းကျန့်ဘက် လှည့်ကာ အော်သည်။ ရှောင်းကျန့်က ရိပေါ်လက်လေးကို မလွတ်တမ်း ဖမ်းဆွဲလိုက်ရင်း...

*ဟိုလေ...ရိပေါ်...အဲ့ဒါက... ဆေးစစ်ပြီးမှ ကော...သွားတာပါ...

*အဲ့နေရာတွေက... ကျန့်ကော သွားသင့်တဲ့နေရာ မဟုတ်ဘူးလေ...ဘာလို့ သွားတာလဲ... နောက်ကို မသွားနဲ့... ဟုတ်ပြီလား...

ရိပေါ် စိတ်ဆိုးမှာ ဆိုးတာကြောင့် ရှောင်းကျန့် ခပ်မြန်မြန် ခေါင်း ငြိမ့်ပြလိုက်သည်။

*​ေဩာ်...ဝမ်ရိပေါ်...တော်တော့ တရားကျဖို့ ကောင်းတယ်နော်...အတူတူ သွားတဲ့ ငါအတွက်ကျတော့...မသွားသင့်တဲ့နေရာလို့ မထင်ဘူးပေါ့... ဟုတ်လား...

ဟိုက်ခွမ်းက ရိပေါ်ကို ကြည့်မရတော့ဘူးဆိုတဲ့ အကြည့်ဖြင့် ကြည့်လိုက်သည်။

*ဒါတော့... ကျန်းချန်ကော ဆုံးဖြတ်လိမ့်မယ်လေ... ကျွန်တော်က ကျွန်တော် ပိုင်တဲ့သူကိုပဲ ပြောခွင့် ရှိတာကိုး... ဟုတ်ဘူးလား...

ရိပေါ်က ရှောင်းကျန့်ကို အသားထုပ်လေး ခွံကျွေးရင်း ရယ်ကျဲကျဲနဲ့ ပြန်ပြောလိုက်သည်။ ဟိုက်ခွမ်းက မျက်လုံးပြူးပြီး ကျန်းချန်ကို လှည့်ကြည့်သည်။ ကျန်းချန်က ကြင်နာစွာ တုန့်ပြန်ရှာသည်။