ဟင့်အင်း ခင်ဗျားကို....(U&Z) - Completed

အပိုင်း ၆ (U&Z)

(Unicode)

ပုံဆွဲစာအုပ်လေး တွေ့ပြီးနောက်ပိုင်းထဲက ရိပေါ် နေမထိ ထိုင်မသာ ဖြစ်နေခဲ့သည်။ သူ ကျန့်ကောကို တွေ့ချင်လှပြီ။ ဘယ်လိုပဲ ဖြစ်ဖြစ် ကျန့်ကော သဘောကို သိအောင် လုပ်ပြီး အိမ်ကို ရအောင် ပြန်ခေါ်မည်။

အရာရာကို ကျန့်ကောသာ ပထမ .....
ကျန့်ကောသာ ဒုတိယ.....

အခုလည်း ရုံးခန်းထဲ ထိုင်ရင်း စစ်ကျွေးဆီ စကားစရှာဖို့ စဥ်းစားနေမိသည်။

*ဟဲလို...မစ္စတာ ဝမ်ရိပေါ်...

အခန်းပေါက်ဝမှာ လက်ပြရင်း ခေါင်းပြူနေတဲ့ ကျန်းချန်ကြောင့် ရိပေါ် အတွေးတို့ ရပ်သွားသည်။

*ကျန်းချန်ကော...လာလေ...

ကျန်းချန် ဟိုတ​ေန့က အကြောင်း ပြောချင် မေးချင်လွန်း၍ ရိပေါ် အခန်းဆီ လာခဲ့ခြင်းဖြစ်သည်။

*မင်း အလုပ်များနေတာလား ရိပေါ်...

*နည်းနည်းပါ...ဘာလို့လဲ ကော...

*ဟိုတနေ့က မစ္စစ် ဟန်ယုံရှင်း... လာသွားတဲ့ အကြောင်း ပြောချင်တာရယ်...မေးချင်တာရယ် ရှိလို့... အဟင်း...

*ကျန်းချန်ကောကလည်း...စပ်စုတယ်နော်...မိန်းမကြီးလိုပဲ... ဟား...ဟား...ဟား...

ရိပေါ် မနေနိုင်စွာ စနောက် လိုက်သည်။ ကျန်းချန်က မျက်နှာကို မဲ့ရွဲ့ကာ ပြောင်နေပြန်လေသည်။

*ပြောလည်း ခံမယ်ကွာ...အဲ့ မလောက်လေး မလောက်စား ငမြွေထိုးမကိုတော့ ငါ မကျေနပ်တာ အမှန်ပဲ...

*အင်...ဘာတွေ ဖြစ်လို့လဲ...

*အဲ့ဒါ ခဏထားကွာ...မင်း ဟိုတနေ့က ဘာလို့ ရုံးမလာတာလဲ...

*အာ...ကိစ္စနည်းနည်း ရှိလို့ပါ...

*ဘာကိစ္စလဲ...

*ဟင့်အင်း...အဲ့ဒါ လျှို့ဝှက်ချက်... နောက်မှ ပြောပြမယ်...

*ရှောင်းကျန့် ကိစ္စ ကိုရော...

*ကျွန်တော် စဥ်းစားနေတုန်းပဲ...

*ဟင်း...မင်းဟာကလဲ...

ကျန်းချန်က ခေါင်းခါရင်း ရိပေါ်ကို ပြောလိုက်သည်။

*ကျွန်တော် သိရမှာတွေ ရှိသေးတယ်လို့ ထင်တယ် ကော...ဒါကြောင့် စဥ်းစားရမှာတွေလဲ များတာပေါ့...