" နောင်လေး...ဒီကိုလာ..."
" အိုခေ..."
သဘာဝရှုခင်းတွေကိုအမှတ်တရမှတ်တမ်းတင်နေတဲ့သူ့ကို,ကိုကိုကဓာတ်ပုံရိုက်ဖို့ခေါ်နေခြင်းပင်...။ဓာတ်ပုံရိုက်ရတာဝါသနာမပါတဲ့ကိုကိုကဒီတစ်ခါတော့ဘာစိတ်ကူးပေါက်သွားလည်းမသိပေ...။သူ့ကိုဓာတ်ပုံရိုက်ခိုင်းနေ၏။ထိုကြောင့်သူလည်းကိုကို့အလိုကျဓာတ်ဖမ်းပေးဖို့အတွက်ကိုကိုရပ်နေတဲ့နေကြာပန်းခင်းကြီးထဲကိုလျှောက်သွားလိုက်၏။လိမ္မော်ရောင် Hoodie လေးနဲ့တစ်မျိုးလေးအသွင်ဆန်းနေတဲ့ကိုကိုကသူ့မျက်လုံးထဲမှာတော့ရွှေဝါရောင်နေကြာပန်းတွေထက်ပင်ပိုပြီးချစ်ဖို့ကောင်းနေ၏။
" ဟုတ်ပြီ...အဲ့အတိုင်းလေးပဲနေ..."
" ချပ်..."
" အိုခေ..."
နေကြာပန်းခင်းကြီးရဲ့အလယ်မှာလက်ကလေးနှစ်ဖက်ကိုဆန့်တန်းပြီးသူ့ကိုလှမ်းကာပြုံးပြနေတဲ့ကိုကို့ရဲ့သဘာဝကျကျ Snap ပုံလေးကိုအမိအရသူရိုက်ယူလိုက်၏။ပုစွန်ဆီရောင်သမ်းနေတဲ့နေဝင်ဆည်းဆာကိုအဓိကနောက်ခံထားပြီးရိုက်ယူလိုက်တာမို့ကိုကို့ရဲ့ပုံလေးက Camera ထဲမှာအရမ်းကိုအသက်ဝင်လွန်းလှသည်။
" ဘယ်လိုလဲ ကိုကို...အိုခေလား..."
" Wow...မိုက်တယ်..."
Camera ထဲကသူ့ပုံကိုသူပြန်ကြည့်ပြီးကိုကိုကသဘောကျလို့မဆုံးတော့ပေ...။ထိုအခါသူလည်းကိုကို့ကိုနောက်ထပ် Pose အမျိုးမျိုးပေးခိုင်းပြီး Memory တွေကိုမနားတမ်းသိမ်းဆည်းလိုက်၏။ကြာတော့ကိုကိုတစ်ယောက်မဟန်တော့ပေ...။
" နောင်လေး...တော်ပြီလေ..."
" အိုခေ ကိုကို...ဒီတစ်ပုံနောက်ဆုံးပဲ..."
သဘာဝကျလွန်းတဲ့အပြုံးချိုချိုနဲ့ဒီလူသားလေးကိုတစ်နေကုန်၊တစ်နေခမ်းဓာတ်ပုံရိုက်ပေးနေရလည်းသူမောမိမှာမဟုတ်ပေ...။သူကိုယ်တိုင်ကိုကဓာတ်ပုံရိုက်ရတာဝါသနာပါတဲ့အပြင်သူချစ်ရတဲ့ရွှေရင်အေးလေးရဲ့အပြုံးတွေကိုပါသိမ်းဆည်းခွင့်ရတဲ့အတွက်သူ့အနေနဲ့အတိုင်းထက်အလွန်ဖြစ်လို့နေသည်။
နောက်ထပ်ပုံစံသုံး၊လေးမျိုးလောက် Pose ပေးပြီးတဲ့အခါကိုကိုကနေကြာပန်းခင်းကြီးထဲကနေပြေးထွက်ကာခပ်လှမ်းလှမ်းမှာရှိတဲ့တောင်ကုန်းလေးပေါ်မှာခြေပစ်၊လက်ပစ်ထိုင်ချလိုက်၏။ပြီးနောက်ခေါင်းမှာဆောင်းထားတဲ့အဖြူရောင်ဦးထုပ်အဝိုင်းလေးကိုဆွဲချွတ်ကာယက်ခပ်လို့နေသည်။ယပ်ခပ်နေရင်းနဲ့ဖြူနုနုပါးနှစ်ဖက်ကိုလည်းဖောင်းလိုက်ပိန်လိုက်လုပ်ကာလေပူတွေကိုလျှော့ချနေပြန်သည်။ကိုကို့ရဲ့ပုံစံလေးကိုကြည့်ပြီးသူသဘောကျနေမိသည်။
ŞİMDİ OKUDUĞUN
ကိုယ့်ရင်ထဲမှာအလွမ်းမိုးတွေစွေ{ Completed }
Romantizmဤဇာတ်လမ်းသည် Real Life နဲ့ကိုက်ညီမှုမရှိတဲ့စာရေးသူ၏စိတ်ကူးယဥ်ဇာတ်လမ်းတစ်ပုဒ်ဖြစ်ပါသည်။