(Zawgyi သမားမ်ား ေအာက္ကို ဆြဲခ်ေပးပါ)
True star _ Volume III- Chapter (43)- " Cross-examination"
"ကဲ.... ကျွန်တော်တို့ဧည့်သည်တော်တွေကို ဇာတ်ခုံပေါ်မှာ တင်လာပေးဖို့ ပရိတ်သတ်များ မတ်တပ်ရပ်ပြီးဖိတ်ပေးလိုက်ကြပါဦး၊ ဒီစိတ်လှုပ်ရှားစရာကောင်းတဲ့ အခိုက်အတန့်ကို လက်ခုပ်တီးပြီး ကြိုဆိုလိုက်ကြစို့ ... "
ပရဟိတပွဲရဲ့ညနေခင်း ညစာစားပွဲကြောင်းကို စင်မြင့်ပေါ်ကနေ အစီစဉ်မှုးက ကြေငြာနေပြီး ဒါကို တိုက်ရိုက်ထုတ်လွှင့်နေတာဖြစ်သည်။
Tang Feng အပါအ ၀ င် ပရဟိတ ကိုယ်စားလှယ်များ တစ်ယောက်ပြီးတစ်ယောက်စင်ပေါ်သို့ရောက်လာသည်။
ထိုအဖွဲ့သည်လူထုပုံရိပ်အား ပိုမိုကောင်းမွန်စေရန် ပရဟိတလုပ်ငန်းများတွင် ပိုမိုပါ ၀ င်သင့်သည်ဟု ယုံကြည်သူများဖြစ်သည်။ Tang Feng သည် ဤလုပ်ရပ်ကို ဟန်ဆောင်လုပ်ငန်း သို့မဟုတ် လုပ်ရိုးလုပ်စဉ်တစ်ခုအဖြစ် မခံယူပေ။ သူသည် ကြယ်ပွင့်တစ် ဦး အနေနှင့် ပရဟိတပွဲများကို တက်ရောက်လိုပြီး ချို့တဲ့သူများအတွက် လိုအပ်သည်များကို အတတ်နိုင်ဆုံးကြိုးစားလေ့ရှိ သည်။
ပရဟိတလုပ်နေတဲ့ကြယ်လေးတွေက မကြာခဏဆိုသလိုပြသနာများစွာကို သယ်ဆောင်လာတတ်ကြသည်။
မင်း နည်းနည်းလေး လှူရင် တစ်ချို့လူတွေက မင်းကို အပြစ်တင် ဆူပူကြလိမ့်မယ်၊ မင်း မလှူရင် မင်းက ကပ်စေးနဲသည်ဟု အပြောခံရလိမ့်မယ်၊ နေ့တိုင်း ပရဟိတလုပ်ပြနေရင် တစ်ချို့က မင်းကို ကြောင်သူတော်လို့ပြောလိမ့်မယ်။
အကူအညီလိုအပ်နေတဲ့သူတစ်ယောက်ကို လိုအပ်နေသလောက် ချင့်ချိန် လှူတယ်ဆိုတာ မကောင်းတဲ့အရာမှ မဟုတ်ပဲ ဒါကောင်းတဲ့အရာ မဟုတ်ဘူးလား။
သူသည် တစ်နေ့လုံးပရဟိတညနေခင်း ပါတီများတွင် ပါ ၀ င်ရန်မသွားပါ၊ နေရာတိုင်းကို သူလုပ်သမျှ ကောင်းမှုများကို မတင်ပါ၊ သို့သော် ဒါကို မလုပ်သင့်ဘူးလို့တော့ မဆိုလိုဘူးလေ။.
Tang Feng အပြင် စင်မြင့်ထက်တွင် တရုတ်နိုင်ငံပြည်မကြီးက သရုပ်ဆောင်များနှင့် ဝေ့တောက်မင် အပါအ ၀ င်နာမည်ကျော်အမျိုးသား၊ အမျိုးသမီးကြယ်ပွင့်များစွာ ရှိနေသည်။ Ge Chen နှင့် ပတ်သက်၍ သူသည် ဒီကို တက်ရောက်ဖို့ အဆင့် မရှိပေ။ Ge Chen က အခြေအနေမကောင်းဘူးလို့ သူ ကြားရသည်။
ကြယ်များစွာသည်အတူတကွရပ်နေသော်လည်း ဝေ့တောက်မင် သည် Tang Feng နှင့် ခပ်ခွာခွာနေချင် ပုံရသည်။ လူသိများသော ကြယ်ပွင့် အများစုသည် ဝေ့တောက်မင် နှင့်ပိုရင်းနှီးပြီး သူတို့သည် ဝေ့တောက်မင် ကို အနီးကပ်စောင့်ကြည့်နေကြသည်။
ဤနည်းအားဖြင့် Tang Feng သည် လူအုပ်ထဲမှ အထီးကျန်စွာရပ်နေရသည့် ပုံပေါက်နေသည်။
ဒီအနေထားကြောင့် ရှောင်ယု သည် ဝေ့တောက်မင်၏ လုပ်ရပ်နှင့် ချဉ်းကပ်မှုကို အလွန်ဒေါသထွက်ခဲ့သည်။ သူမအရမ်းဒေါသထွက်ပြီး ဝေ့တောက်မင်ကို ပွဲချင်းပြီး လက်သီးဖြင့် ပစ်ထိုးပစ်လိုက်ချင်သည်။
" ဒီအရေခြုံကောင်လိုမျိုးကို ကျွန်မ တစ်ခါမှမမြင်ဖူးဘူး။"
ရှောင်ယုက အသက်ပြင်းပြင်းရှူလိုက်ပြီး သူမနှင့် Tang Feng တို့သည် ဒီနေရာမှာ ခဏနေကာ ထွက်လာကြသည်။ ဒီလိုပွဲမျိုးက သောက်ရုံကလွဲပြီး ဘာမှ သိပ်လုပ်စရာမလိုပေ။
အနုပညာစက်ဝိုင်းထဲကလူတွေဟာ ဝေ့တောက်မင်ရဲ့ကျောထောက်နောက်ခံကို စော်ကားမိမှာ ကြောက်ပြီး Tang Feng နဲ့ အရမ်း နီးစပ်အောင် မနေရဲကြဘူး။ သူတို့က ဟယ်လိုဟု နူတ်ဆက်စကားပြောတာလွဲရင် ကျန်တာ သိပ်မပြောကြဘူး။
တစ်ယောက်နဲ့တစ်ယောက်စိတ်ပျက်စရာအခြေနေနဲ့ မျက်နှာချင်းဆိုင်နေတာထက် အပြင်ထွက်ကာ လေကောင်းလေသန့် ရှူတာက ပိုကောင်းသည်ဟုတွေးကာ Tang Feng ထွက်လာသည်။Tang Feng က လုပ်သင့်တာကိုပဲ လုပ်ပြီး တမင်သက်သက် တစ်ခုခုကို လုပ်ဖို့ စိတ်မဝင်စားဘူး။
ပရဟိတလုပ်တဲ့အခါမှာ သူက အသုံးမဝင်တဲ့ အပိုအလုပ် လုပ်ရတာကို မကြိုက်ဘူး ။
"သရုပ်ဆောင်တစ်ယောက်ရဲ့ စိတ်နေစိတ်ထားနဲ့ သူ့ရဲ့ သည်းခံနိုင်စွမ်းကို မစစ်ဆေးနဲ့။ မင်းသိသွားရင် စိတ်ပျက်သွားရလိမ့်မယ်။ "
Tang Feng က ရှောင်ယုရဲကခေါင်းကို ညင်ညင်သာသာပွတ်ကာ ကအပြုံးနဲ့ပြောတယ်
"မနက်ဖြန် ငါနဲ့ ပတ်သတ်တဲ့ သတင်းတခုခုထွက် လာမယ်လို့ ငါ ထင်တယ်။ အဲ့ဒါက ငါက အကျင့်မကောင်းဘူး ဆိုတာမျိုးပေါ့... အဲ့ဒီအတွက် မင်းကို နည်းနည်း အလုပ်ရှုပ်စေလိမ့်မယ် ရှောင်ယု "
"ဘာပြဿနာမှမရှိဘူး။ အဲ့ဒါ ကျွန်မလုပ်သင့်တဲ့ အလုပ်ပါပဲ။ ရှင်ပြောတာမှန်ပါတယ်။ ဝေ့တောက်မင်က ပေါ့သေးသေး ပြသနာရှာတတ်တာ မဟုတ်လို့ ကျွန်မပြန်ပြီး တာဝန်ရှိသူနဲ့ တိုင်ပင်ဆွေးနွေးလိုက်ပါ့မယ့် "
ရုတ်တရက်ဒါကိုတွေးမိလိုက်ပြီး ရှောင်ယုက ပြောလိုက်သည်။
" Tang Feng၊ ရှင် ပြီးတဲ့အထိ မစောင့်ဘဲ ထွက်သွားရအောင်ပါ၊ ကျွန်မ ရှင့်ကို ပြန်လိုက်ပို့ပေးမယ်။"
"မဟုတ်ဘူး၊ မင်း အိမ်ကိုအရင် ပြန်တော့။ ငါ မပြန်သေးဘူး "
"ဒါဆို ကျွန်မ ဖုန်းဆက် စရာရှိလို့ အရင်ထွက်နှင့်တော့မယ်နော် "
"အိုကေ.. "
ရှောင်ယုထွက်သွားတော့ Tang Feng ကနံရံကိုမှီပြီး ပြောလိုက်တယ်။
"ထွက်ခဲ့ပါ၊ အရမ်းတော်တဲ့ခင်ဗျားလိုလူက ကျွန်တော့်နောက်ကို လိုက်နေတာကို ကျွန်တော်သိတယ်။ အဲ့ဒါ ကျွန်တော်နဲ့တွေ့ပြီး ဆွေးနွေးချင်တာ မဟုတ်လား "
ကုတ်အင်္ကျီ ဝတ်ဆင်ထားသော အိုင်ဗန်သည် Tang Feng ၏ စကားကိုကြားတော့ သူ့ရဲ့လက်ထောက် နှစ်ယောက်နဲ့ ထွက်လာတယ်။
"မင်းတို့ ပတ်ဝန်းကို တချက် သွားကြည့်ထားလိုက် "
လက်ထောက်နှစ်ယောက်က လှည့်ပတ်ကြည့် ရန်ထွက်သွားပြီး အိုင်ဗန် တစ်ယောက်တည်း Tang Feng ဘေးမှာ ကျန်ရစ်ခဲ့သည်။
"မင်းက အရမ်းထက်မြက်တယ်။"
အိုင်ဗန်သည် Tang Feng ကို ချီးကျူးလိုက်သည်။
Tang Feng သည် အိုင်ဗန်အားတစ်ချက်ကြည့်လိုက်ပြီး ပြတ်ပြတ်သားသားပြောလိုက်သည်။
"မင်းနောက်ကို paparazzi တွေ ဆက်တိုက် လိုက်တာခံနေရရင် မင်းရဲ့ အာရုံကြောတွေလည်း နိုးကြားပြီး အများကြီးတိုးတက်လာလိမ့်မယ်။ "
အိုင်ဗန်က ဘာမှ မတုံ့ပြန်ဘူး။ Tang Feng က ဒီလူနဲ့စကားပြောရတာ တကယ်ပျင်းဖို့ကောင်းတယ် လို့ ခံစားရတယ်။ သူ သိသော အင်္ဂလိပ်လူမျိုးတွေ အကုန်နီးပါးက အလွန်ဟာသပြောတတ်ကာ ပျော်ပျော်နေတတ်ကြသည်။ လူတချို့ကသာ အိုင်ဗန်ကဲ့သို့ လေးနက်ကြသည်။
Charles အတွက်တော့ Tang Feng ပြောစရာ စကားမရှိတော့ဘူး။ ဝက်ဝံကြီး ချားလ်က ဘယ်လိုလုပ်ပြီး အိုင်ဗန်နှင့်အတူရှိမည်ကို စိတ်ကူးရခက်နေသည်။ ပျော်ရွှင်မှုကိုနှစ်သက်သော ဝက်ဝံကြီးသည် အိုင်ဗန် လိုက်သတ်တာကို ခံရတဲ့ ပိုလာဝက်ဝံကြီးဖြစ်လာတော့မလားလို့ စိတ်ကူးယဉ်လိုက်မိသည်။
Tang Feng သည် သူ့အတွေးများကြောင့် ရယ်မောလိုက်မိသည်။ ထိုအပြုံးသည် ရုတ်တရက်နှင့်ထူးဆန်းစွာပေါ်လာလို့ အိုင်ဗန်က Tang Feng အား ခဏစိုက်ကြည့်ပြီး သူ၏မျက်နှာသည် ကြည့်ရဆိုးလာသည်။
"မင်း ငါ့ကို ရယ်နေတာလား?"
"မဟုတ်ဘူး၊ ငါ မလုပ်ပါဘူး၊ မင်း ဘာလ ဒီလိုထင်တာလဲ"
အိုင်ဗန်လို မိသားစုကောင်းမှာမွေးဖွားလာပြီး နိုင်ငံတကာရဲတပ်ဖွဲ့ဝင်ဖြစ်နေတဲ့ အရာရှိတစ်ယောက်ကို သူက ဘယ်လို ရယ်နိုင်မှာလဲ။ အိုင်ဗန်က ရုပ်ရည်ချောမောပြီး အလုပ်ကိုင်ကောင်းသည်၊ Tang Feng သည် ဤကဲ့သို့သောရဲအရာရှိကို ရယ်ရန်အကြောင်းမရှိပါ။
"Charles က မင်းကိုအရမ်းစိတ်ဝင်စားတာကြောင့် မင်းအတွက် ကြောက်စရာ ကောင်းတဲ့အရာတစ်ခုကို တောင် လုပ်ဖို့ဆန္ဒ ရှိနေတယ်။ "
" ကျွန်တော့်မှာ ဒီလောက်ဆွဲဆောင်မှုမရှိygဘူး။ အရာရှိအိုင်ဗန်က ကျွန်တော့်ကို အများကြီးမြှောက်ပြောနေတာပဲ"
Tang Feng ကခေါင်းကိုခါလိုက်ပြီး အိုင်ဗန်၏ ဒုတိယ စကားက သူ့ကို အနည်းငယ်အာရုံစိုက်လာစေခဲ့သည်။ သူ့ ခန့်မှန်းချက် အရဆိုရင် အိုင်ဗန်က ချားလ် သူ့အပေါ် ကောင်းတဲ့အရာတွေ ဘယ်လောက်လုပ်ပေးတယ်ဆိုတာကို မှတ်သားထားသင့်တယ်လို့ တွေးလိုက်သည်။ ဒါက သူ့အပြစ်ကိုပိုတိုးစေလိမ့်မယ် မဟုတ်လား။
"ဒါက အမှန်တရားဘဲ၊ မင်းနှိမ့်ချနေဖို့ မလိုပါဘူး။ "
အိုင်ဗန်က စကားတစ်ခွန်း ဆက်ပြောလိုက်တယ်။
"အမှန်တော့ Charles က မင်းအတွက် အမေရိကန် လက်နက်ထုတ်လုပ်ရေးအဖွဲ့နဲ့လက်တွဲနေတယ်။ ငါတို့ British Interpol က သူ့ကို ထိန်းချုပ်ဖို့နည်းလမ်းမရှိတော့ဘူး။ မှောင်ခိုသေနတ်တွေအောက်မှာ အပြစ်မဲ့သူတွေ ဘယ်လောက်သေမယ်ဆိုတာ မင်းသိရဲ့လား။ "
Tang Feng စကားမပြောသော်လည်း အရာအားလုံးက သူ စိတ်ကူးထားသည့်အတိုင်းဖြစ်သွားသည်။
"မင်းက ပရဟိတပွဲတစ်ခုမှာ ပါ၀ င်ဖို့ ဒီနေ့ ဒီကိုလာခဲ့တာလား။ မစ္စတာ Tang၊ မင်းက လူကောင်းတစ်ယောက်လို့ ထင်ခဲ့ပေမယ့် အခု မင်းက ကောင်းမှုလုပ်ဖို့ ဆန္ဒတွေရှိနေပေမယ့် မင်းကြောင့် သေတဲ့လူတွေက ကမ္ဘာပေါ်မှာရှိနေဦးမှာပါ။ "
Tang Feng သည် အိုင်ဗန်ရဲ့ တဲ့တိုးစကားကြောင့် အပြစ်ရှိသလိုပင် ခံစားလာရသည်။
"မင်း ဒီမှာ အသက်တစ်သက်ကို ကယ်ဖို့ကြိုးစားနေတုန်းမှာ မင်းကြောင့် Charles ရောင်းလိုက်တဲ့လက်နက်တွေနဲ့ ကမ္ဘာတစ်ဝှမ်းမှာ လူဆယ်ယောက်လောက် သေဆုံးသွားနိုင်တယ်လေ။ "
အကယ်၍ သာမာန်ကြယ်တစ်ပွင့်ဖြစ်ခဲ့လျှင် Interpol နိုင်ငံတကာရဲတပ်ဖွဲ့ဝင် စစ်စစ်ကို ရင်ဆိုင်ရမှာကြောက်ရွံ့လိမ့်မည်ဖြစ်သည်။
"အရာရှိမင်းအိုင်ဗန် ခင်ဗျား ပြောတာကို ကျွန်တော် သိပ်နားမလည်ဘူး။ "
Tang Feng ကပြောလိုက်သည်။
"ခင်ဗျားရဲ့စကားအရ Charles က အခုမကောင်းမှုတွေလုပ်နေတယ်။ သူက ကျွန်တော့်အတွက် လုပ်နေတယ်ပေါ့။ ဒါပေမယ့် သူက ကျွန်တော့်အတွက် ဘာ လုပ်ပေးနိုင်မှာမို့လဲ.... "
Tang Feng က Ivan ကိုနောက်ထပ် စကားတစ်ခွန်းမှ ပြောခွင့် မပေးတော့ပဲ သူက ဆက်ပြောလိုက်တယ် -
"ကျွန်တော်တို့ရဲ့တွေးခေါ်မှုတွေကို ပြန်ပြီး သုံးသပ်ရအောင်။ သူက လက်နက်ထုတ်လုပ်ရေး အဖွဲ့နဲ့ ပူးပေါင်းတယ်ဆိုတာ ကျွန်တော် အင်အားကြီးအောင် လို့ ဟုတ်လား။ ဒါဆို သူဘာလို့ ဒီလိုလုပ်တာလဲ။ အရာရှိအိုင်ဗန် ..ခင်ဗျားက ကျွန်တော့်ကို အရမ်း အထင်ကြီးလွန်းနေပါပြီ။ ကျွန်တော်က ချားလ်အပေါ် အဲ့လောက် လွှမ်းမိုးမှု ရှိတယ် ထင်နေလား။ "
"မင်းနဲ့ဒါက မသက်ဆိုင်ကြောင်း မင်းမှာ သက်သေပြစရာရှိနေလို့လား... ။ "
Ivan ကမေးလိုက်တယ်။
"ဒါဆို အရာရှိအိုင်ဗန်ကို မေးပါရစေ။ အင်တာပို အရာရှိအနေနဲ့ ချားလ်က သူ့ သြဇာအာဏာစက်ကို ဘယ်လို ဆက်လက် ချဲ့ထွင်မလဲ ဆိုတာကိုပဲ စဉ်းစားသင့်တယ်။ "
Tang Feng ကခေါင်းကိုညင်ညင်သာသာ ငြိမ့်ကာ သက်ပြင်းချလိုက်သည်။
"ဒီလောကမှာ တရားမျှတမှုရှိတယ်ဆိုတာ ကျွန်တော် ယုံတယ်၊ ဒါပေမယ့် ဒီလောကမှာ တရားမျှတမှုကို ကိုယ်စားပြုတဲ့သူတွေက အမှားတွေ လုပ်နေကြတယ်။ ကျွန်တော့်လိုသာမန်အရပ်သားပြည်သူတစ်ယောက်ကိုအရှက်ရအောင် အပြစ်တင်နေမယ့်အစား ခင်ဗျားက အကြောင်းပြချက်ကို ဘာလို့မရှာတာလဲ။"
"မင်းက ငါတို့မသိတာကို ဘယ်လိုသိနိုင်မလဲ၊ ငါ ဒီမှာရပ်ပြီး အမှားတွေကိုဖြေရှင်းဖို့ဗြိတိန်ကနေ ဒီကိုလာခဲ့တယ်။ Tang Feng၊ ငါတို့ Charles နဲ့စကား ပြောဖို့လိုတယ်၊ ငါတို့ သူနဲ့ပူးပေါင်း ဆောင်ရွက် ဖို့ ဆန္ဒရှိတယ်၊ အဲ့ဒါကို မင်း စဉ်းစားပေးဖို့ ငါမျှော်လင့်မိပါတယ် "
အိုင်ဗန်သည် သူ့ခရီးစဉ်၏ အဓိက ရည်ရွယ်ချက်ကိုစတင်ပြောဆိုခဲ့သည်။
"ဒါဆို မင်းက ငါ့အစား သူ့ဆီသွားသင့်လား"
"သူ ဘယ်မှာလဲဆိုတာ မင်းသိလား။ "
"မဟုတ်ဘူး၊ ငါ မသိဘူး။ "
Tang Feng ရယ်လိုက်သည်။
"မင်းရဲ့ပြတ်သားတဲ့လေသံကြောင့် ကျွန်တော့် ဖာသာ ရှက်မိပါတယ်၊ ဒါကြောင့်အရာရှိအိုင်ဗန်.. ကျွန်တော်က Charles ကိုတကယ်တွေ့ခဲ့ရင် ခင်ဗျား ပြောချင်တဲ့ စကားကို တဆင့်ပြောပေးဖို့ ကူညီပါ့မယ်။ "
" မင်းက လူတွေအားလုံးရဲ့ကောင်းကျိုးကို လုပ်ပေးချင်တယ်ဆိုရင် မင်း ကိုယ်တိုင် ဘာလုပ်ရမလဲဆိုတာ သိပါတယ် Tang Feng။ ငါတို့ နောက်ထပ် မတွေ့ရဖို့ မျှော်လင့်ပါတယ် Tang Feng "
အိုင်ဗန်သည်စကားစကို ရပ်လိုက်ပြီး သူ့နောက်ကို ချက်လှည့်ကြည့်လိုက်သည်။
Tang Feng က နောက်ကို လှည့်ကြည့်လိုက်တော့ လူတစ်ယောက်က သူ့ကိုလိုက်ရှာနေဟန်ဖြင့် သူ့နားကို လျှောက်လာတာ တွေ့လိုက်ရသည်။
ဒီလူဟာ ချားလ်စ်မဟုတ်တာသေချာတယ်။
"Tang Feng"
Lu Tian chen သည် မျက်နှာအမူအရာမဲ့စွာ လျှောက်လာပြီး အိုင်ဗန် ရှိသည့် ဘက်ကို ညင်သာစွာကြည့် လိုက်သည်။
"သူတို့က မင်းကိုအရှက်ခွဲနေတာလား"
"မဟုတ်ဘူး...မဟုတ်ဘူး၊ အကြောင်းရာ တစ်ခုကို ခဏပြောနေတာပဲ"
Tang Feng သည် Lu Tian chen ရောက်လာသော လမ်းကြောင်းကိုကြည့်လိုက်သည်။ လူနှစ်ယောက်မြေကြီးပေါ် ဘယ်အချိန်မှာ ပြုတ်ကျသွားလဲ မသိတော့ဘူး။ သူတို့က အိုင်ဗန်ဘေးမှာ လက်ထောက်နှစ်ယောက်နဲ့ တူနေသည်။
"သူတို့က ခု မှသတိလစ်သွားတာ"
Lu Tian chen ကဆက်ပြောသည်။
"ငါ အရင် လုပ်တာ မဟုတ်ဘူး။ "
"ဒါက ရဲကိုတိုက်ခိုက်တာ မဖြစ်နေဘူးလား"
Tang Feng သည် အသက်ရှု မဝဖြစ်နေသော အိုင်ဗန်ကို တစ်ချက်ကြည့်လိုက်ပြီး Lu Tian chen ကို မျက်စောင်းထိုးကြည့်လိုက်သည်။
Lu Tian chen ကဘာမှပြန်မပြောဘဲ Tang Feng နှင့်ထွက်သွားစဉ် အိုင်ဗန်ကို ညင်သာစွာ တချက်လှမ်းကြည့်လိုက်စဉ် အိုင်ဗန်၏ နောက်ကျောရိုးမကြီးတလျှောက် အေးခနဲဖြစ်သွားသလို ခံစားလိုက်ရသည်။
သူ၏အစွမ်းထက်သော လက်ထောက်နှစ် ဦး ကို တိတ်တဆိတ် လှဲသိပ်လိုက်နိုင်သည့် အရည်ချင်းက သာမန်ဖျော်ဖြေရေးကုမ္ပဏီတစ်ခု၏ဥက္ကဌ ရှိသင့်သော အရည်အချင်းမဟုတ်ပါ။
Tang Feng လို့ ဒီလူရဲ့ ဒီပတ်ဝန်းကျင်မှာထူးဆန်းပြီး လျှို့ဝှက်ဆန်းကြယ်တဲ့လူတွေ အများကြီး ဘာကြောင့် ရှိနေရတာလဲ။ အိုင်ဗန်သည် တဖြည်းဖြည်း မျက်မှောင်ကြုတ်လိုက်ပြီး အခြေအနေက သူ ထင်တာထက်ပိုရှုပ်ထွေးလာသည် ကို သတိထားလိုက်မိသည်။
**-**
YOU ARE READING
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
