True Star – volume_4_ Chapter (26) - ဖွင့်ပြောစရာမလိုသည့် နားလည်မှု
"ရုပ်ရှင်တွေမှာ ရင်းနှီးမြုပ်နှံဖို့ ခင်ဗျား ဘယ်တုန်းက စိတ်ဝင်စားလာတာလဲ။"
ထိုင်ခုံတွင် ဝင်ထိုင်ပြီးနောက် Tang Feng သည် အဲလ်ဘတ်ကို လှမ်းမေးလိုက်သည်။ သီးသန့်ခန်းတံခါးက ပွင့်နေပေမယ့် အဲလ်ဘတ် က ဒါကို စိတ်ထဲမထားပေ။ Tang Feng ကို တစ်ခုခုလုပ်ဖို့ သူ စိတ်မကူးထားဘူး။
အဲလ်ဘတ် ရုတ်တရက် စိတ်ထဖောက်ပြီး တစ်ခုခုလုပ်မလားဆိုတာကို Tang Feng က သိပ်စိတ်မပူပေ။ တကယ်လို့ မင်းသာ တိရိစ္ဆာန်တွေနဲ့ အချိန်အကြာကြီးနေခဲ့ဖူးမယ်ဆိုရင် သူတို့ရဲ့အကျင့်တွေကို အစကတည်းက သိထားလို့ မင်းက သူတို့ကို ကြောက်မှာမဟုတ်တော့ဘူး။
Tang Feng သည် မကြာသေးမီက အဲလ်ဘတ် ကို ကြိမ်းမောင်းခဲ့သော်လည်း တစ်ဖက်လူကို အရမ်း သတိမထားသင့်ဟု သူ ခံစားမိခဲ့သည်။
"ကိုယ်က အမြတ်ရမယ့် ရင်းနှီးမြုပ်နှံဖို့ကို အမြဲတမ်း စိတ်ဝင်စားတယ်လေ။ ရင်းနှီးမြုပ်နှံမှုဆိုတာ ကမ္ဘာပေါ်မှာ အံ့ဖွယ်အကောင်းဆုံးအရာပဲ မဟုတ်လား။ ဒါကို ကန့်သတ်သင့်တယ်လို့ ဘယ်သူမှ မထင်ဘူး။ ဖျော်ဖြေရေးလောကဆိုတာ အနာဂါတ်မှာ အကန့်သတ်မဲ့ ကြီးထွားလာနိုင်ချေရှိတဲ့ လုပ်ငန်းလို့ ကိုယ်မြင်တယ်"
အဲလ်ဘတ် က အနည်းငယ် ပြုံးလိုက်ပြီး ဆက်ရှင်းပြခဲ့သည်။
"ရင်းနှီးမြုပ်နှံမှုနည်းနည်းလုပ်ရုံနဲ့ မင်းက ငြိမ်ငြိမ်လေးထိုင်စောင့်နေရုံပဲ။ အချိန်တန်လာရင် ကိုယ့်ရဲ့ ရင်းနှီးထားတဲ့ လုပ်ငန်းကနေ အကျိုးမြတ်တွေ ရလာလိမ့်မယ်။ ဒီနည်းက သည် ကမ္ဘာပေါ်တွင် ငွေရှာဖို့ အလွယ်ကူဆုံး နည်းလမ်းလည်း ဖြစ်တယ်"
"သူများတွေ နေ့တိုင်း နေဝင်မိုးချုပ် အလုပ်လုပ်နေကြတုန်းမှာ ကိုယ်က ဒီနေရာမှာ ထိုင်နေရုံနဲ့ သူတို့ အိပ်မက်မက်နေတဲ့ အရာတွေ အားလုံးကို ရနိုင်ခဲ့တယ်"
အဲလ်ဘတ် က သူ့ဖန်ခွက်ကို Tang Feng ကို မြှောက်ပြလိုက်ကာ စကားကို အဆုံးသတ်လိုက်သည်။
KAMU SEDANG MEMBACA
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romansa(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
