True Star Vol 4 _ Chapter (10) : -မီးသီးတစ်အုပ်ပါတဲ့ ဝက်ဝံကြီးရဲ့ ဟန်းနီးမွန်းခရီး
ဘဝဟာ တည်ငြိမ်အေးချမ်းနေပုံရပြီး Lu Tian chen တကယ်ကို ပေါ်မလာခဲ့ပေ။ Tang Feng ဆီသို့ တစ်ခါမှ မမြင်ဖူးသော ဖုန်းခေါ်ဆိုမှု သို့မဟုတ် စာတိုပေးပို့မှုလုံးဝ မရှိပဲ လူတစ်ကိုယ်လုံး ပျောက်ကွယ်သွားပုံရသည်။
Tang Feng သည် ရှောင်ယုကို Lu Tianchen ဘယ်သွားသလဲ ဆိုတာ ခဏခဏ မေးသည်။ ရှောင်ယု က သူမ မသိကြောင်း၊ သူမကို သူဌေးက နိုင်ငံခြားသို့ အလုပ်ရှိလို့ သွားကြောင်းကိုသာ သိကြောင်း ပြောကြားခဲ့သည်။ တကယ်တော့ သူမဟာ Tang Feng ရဲ့ အေးဂျင့်မဖြစ်ခင်မှာ Lu Tian chen ကို ကုမ္ပဏီမှာ တွေ့ဖို့ ပင် အရမ်း ခဲယဉ်းခဲ့သည်။
Tang Feng ဆေးရုံမှဆင်းပြီး ကုမ္ပဏီသို့ပြန်လာပြီးနောက် Lu Tian chen သည် ကုမ္ပဏီဝန်ထမ်းများ၏ရှေ့မှောက်တွင် မကြာခဏဆိုသလို ပေါ်လာသည်။
ထို့အပြင် တောင်အာရှတွင် နောက်ဆုံးပြန်ပေးဆွဲမှု ဖြစ်စဉ်နောက်ပိုင်း အဲလ်ဘတ်သည် သဲလွန်စ မရှိဘဲ ပြန်ပျောက်ကွယ်သွားခဲ့သည်။ ဒီကောင် ဘယ်မှာပေါ်လာမလဲလို့ တွေးထားပေမယ့် အခုလို ခြေရာပျောက်နေတာက သူတို့မျှော်လင့်ထားတာထက် ကျော်လွန်သွားပြီ။
လက်ရှိအချိန်မှာတော့ ဘဝဆိုတာ ကြည်လင်နေတဲ့ ရေကန်တစ်ခုလိုပါပဲ။ ရေကန်သည် တောက်ပနေပြီး နေရောင်အပြည့်ရှိသည်။ လှေငယ်များပေါ်တွင် သက်တောင့်သက်သာ ငါးဖမ်းရန် လှေငယ်များစီးကြပြီး တိတ်ဆိတ်စိမ်းလန်းသော သစ်တောများဖြင့် ဝန်းရံထားသည်။
ဒါပေမယ့် ရေကန်ရဲ့အောက်ခြေမှာ ဘီလူးတွေ မကောင်းဆိုးဝါးတွေ ရှိနေမလား၊ ဘယ်အချိန်မိုးပြန်ရွာပြီး ရေတွေ နောက်ကျိလာမလဲ ဆိုတာ ဘယ်သူသိနိုင်မလဲ။
Tang Feng သည် အနည်းငယ်သတိဝီရိယ ထားသင့်သည်ဟု ခံစားမိသည်၊ ထိုကဲ့သို့ အေးချမ်းသောဘဝမျိုးကိုပင် အမြဲ သတိဖြင့် စောင့်ကြည့်နေပြီး သူလည်း စိတ်မောလာလို့ အေးချမ်းစွာ အနားယူရန် အချိန်တန်ပြီဟုပင် ခံစားလာရသည်။
"နည်းပြရဲ့အမေက နေသိပ်မကောင်းလို့ သူက အိမ်ခဏပြန်ဖို့ လိုတယ်၊ ငါလည်း လွတ်လွတ်လပ်လပ် နွေဦးပေါက်တုန်းကလိုပဲ အပြင်ထွက်ပြီး လမ်းလျှောက်ချင်စိတ်ပေါက်လာတယ် "
أنت تقرأ
(V 3+V4) ကောင်းကင်ယံထက်က ငွေကြယ်ပွင့် ( MM translation)
عاطفية(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
