True Star Volume_ 4_ Chapter (71) - ဖီးနစ်ထျန်း၏ အတ္ထုပ္ပတ္တိရုပ်ရှင်ဇာတ်ကား
ညက လုံးဝ တိတ်ဆိတ်မနေပေ။
အိမ်စောစောမပြန်ချင်သော လူငယ်များက အုပ်စုဖွဲ့၍ ဘီယာပုလင်းများကို လက်ထဲတွင်ကိုင်ကာ အရက်သောက်ရင်း ရယ်မောကြကာ ရံဖန်ရံခါ တရွေ့ရွေ့သွားနေရင်း ပြိုလဲကျနေသည်လည်း ရှိသည်။
"ကလေးတွေ ဖြစ်နေပါလျက် လဲကျတဲ့အထိ မူးရူးသောက်စားနေတယ်။ ငါ့ကလေးသာ ငါ့ကို လှည့်စားပြီး ခုလိုသောင်းကျန်းနေမယ်ဆိုရင် ငါ သူ့ကို အိမ်ထိရောက်အောင် ဆောင့်ကန်ပြီး ခါးပတ်နဲ့ သေအောင် ရိုက်ပစ်လိုက်မယ်။ "
သိပ်မထင်ရှားသော ကားပေါ်တွင် ထိုင်နေသော အရပ်ဝတ်နှင့် လူတစ်ယောက်က ညနက်သည့်တိုင် ညဘက် အိမ်မပြန်သေးသော လူငယ်တစ်စုကို ကြည့်ပြီး မှတ်ချက် အနည်းငယ် ပေးလိုက်သည်။
"ဘော့စ်၊ ခင်ဗျားဆီမှာ ဒီလောက်အရွယ် ကလေးရှိတယ်လို့ ဆိုလိုတာလား။"
ထိုစကားကြောင့် အင်တာပိုလ်ခေါင်းဆောင်က သူ့ဘေးနားက ကော်ဖီသောက်နေတဲ့ လူငယ်ကို ကြည့်တယ်။
အိုင်ဗန်သည် ဗြိတိသျှအင်တာပိုလ် (နိုင်ငံတကာရဲတပ်ဖွဲ့) အဖွဲ့၏ ငြီးငွေ့ဖွယ်ကောင်းသော အဖွဲ့ဝင်တစ်ဦးဖြစ်သည်။ လမ်းတွေပေါ်မှာ လှည့်စားနေတဲ့ လူငယ်တွေနဲ့ အသက်အရွယ်တူပေမယ့် အိုင်ဗန်ဟာ ဗြိတိန် အင်တာပိုလ်ရဲ့ ခေါင်းဆောင် ဖြစ်နေပြီ။ ဒီအမှုကို အထူးအနေနဲ့ သူကိုယ်တို်င် လိုက်နေရခြင်း ဖြစ်သည်။
အခြားလူတွေက ဇနီးဖြစ်သူနဲ့ ကလေးယူဖို့ စိတ်ပူနေချိန် ဒါမှမဟုတ် ကျောင်းမှာ သားသမီးတွေရဲ့ ကျူရှင်ခအတွက် စိတ်ပူလာတဲ့အခါ အိုင်ဗင်က ရွှေလူပျိုအဖြစ် တောက်ပတဲ့ အနာဂတ်ကို ပိုင်ဆိုင်ထားသူပါ။
ထူးချွန်တဲ့အသွင်အပြင်နဲ့ အစွမ်းအစရှိတဲ့ အိုင်ဗန်ဟာ အသင်းမှာရှိတဲ့ လူငယ်တွေရဲ့ ပစ်မှတ်ဖြစ်ခဲ့တယ်။
"လှုပ်ရှားဖို့ အဆင်သင့်ပြင်....."
နောက်ဆုံး ကော်ဖီတစ်ငုံသောက်ပြီးတာနဲ့ စက္ကူခွက်ကို ခက်ခက်ခဲခဲညှစ်လိုက်ပြီး အိုင်ဗန်က ထိုစကားကို ပြတ်သားစွာ ပြောလိုက်သည်။
"ရက်စ်...ဆာ!"
အဖွဲ့ခေါင်းဆောင်၏ အမိန့်ရလိုက်သည်နှင့် အရပ်ဝတ်ဖြင့် အထူးရဲများက ရာဇဝတ်ကောင်များ ခိုအောင်းနေသည့် အဆောက်အအုံ၏ ဘေးတံခါးမှတဆင့် သူတို့ ပစ်မှတ်ရှိရာဆီသို့ လျင်မြန်စွာ ဝင်ရောက်စီးနင်းကာ စစ်ဆင်ရေးကို စတင်ခဲ့သည်။
ယုံကြည်စိတ်ချရသော သတင်းပေးများ၏ သတင်းစကားအရ အဲလ်ဘတ် နှင့် ဆက်စပ်နေသည့် အဖွဲ့အစည်းများသည် ယနေ့ အမေရိကန်ပြည်ထောင်စုရှိ မြေအောက်အဖွဲ့အစည်းတစ်ခုနှင့် မှောင်ခိုရောင်းဝယ်မှုတစ်ခု ပြုလုပ်မည်ဖြစ်သည်။ ဗြိတိန် အင်တာပိုလ်နှင့် အမေရိကန် ရဲတပ်ဖွဲ့တို့ ပူးပေါင်းကာ ဒေါ်လာ ဘီလီယံပေါင်းများစွာ တန်ကြေးရှိသော အဆိုပါ တရားမဝင် ရောင်းဝယ်မှုများကို နှိမ်နင်းရန် ပူးပေါင်းဆောင်ရွက်နေခြင်းဖြစ်သည်။
အိုင်ဗန်သည် အဲလ်ဘတ်နောက်ကို လအတော်ကြာအောင် လိုက်နေခဲ့ပြီး နောက်ဆုံးတွင် သူတို့ကို လက်ရဖမ်းဆီးရမယ့် အချိန်ရောက်လာပြီဖြစ်သည်။
သို့သော် သေနတ်ဖြင့် ချိန်ပည တံခါးကိုဖွင့်လိုက်သောအခါတွင် သူတို့မြင်လိုက်ရသည်မှာ အမှောင်ထဲတွင် လူကြီးအချို့၏ လျှို့ဝှက် တရားမဝင် အရောင်းအဝယ်လုပ်နေတာ မဟုတ်ပဲ အသက်ဝင်လွန်းလှသော ပုံရိပ်တွေ ဖြစ်သည်။
"ရှာကြစမ်း!"
ထိုမြင်ကွင်းကို အမှတ်တမဲ့ တစ်ချက်ကြည့်လိုက်တော့ အိုင်ဗန်က မျက်မှောင်ကြုတ်ပြီး ပြတ်သားစွာ အမိန့်ပေးလိုက်သည်။ ထိုနေရာတစ်ခုလုံး၏ လေထုထဲမှာ စီးကရက်နံ့၊ ဝိုင်ကောင်းရနံ့ နဲ့ ချိုမြိန်တဲ့ အရသာတွေနဲ့ ပြည့်နေတယ်။
အခန်းတွင်းရှိ မီးများ လျင်မြန်စွာ ပွင့်သွားပြီး တောက်ပသော အလင်းရောင်အောက်တွင် အခန်းအတွင်းရှိ လူများကို ရှင်းရှင်းလင်းလင်း မြင်လိုက်ရသည်။ ရာဇဝတ်ကောင်များသည် ထွက်ပေါက်ဆီကို ပြေးရန်ကြိုးစားပေမယ့် အထူးရဲများက ထွက်ပေါက်ကို အမြန်ပိတ်ဆို့ကာ အဲလ်ဘတ် သို့မဟုတ် သူ၏အဖော်များကို ရှာဖွေခဲ့သော်လည်း နောက်ဆုံးတွင် ဘာမှမတွေ့ခဲ့ရသော်လည်း ဆေးခြောက်နှင့် Ice ဟု ခေါ်သည့် မူးယစ်ဆေး အများအပြားကို တွေ့ရှိခဲ့သည်။
ထိပ်တန်းအမေရိကန်ထုတ်လုပ်ရေးကုမ္ပဏီတစ်ခုမှ ထိပ်တန်း အမှုဆောင်အရာရှိများနှင့် မကြာသေးမီက ထွက်ရှိထားသော ရုပ်ရှင်များတွင် ပါဝင်သရုပ်ဆောင်ခဲ့သည့် တက်သစ်စ အနုပညာကြယ်ပွင့် များစွာကိုလည်း ထိုနေရာတွင် တွေ့လိုက်ရသည်။
"ဟေ့ ဒီကောင်က Hevenly Son 2" မှာ သရုပ်ဆောင်ခဲ့တဲ့ အနုပညာရှင် အသစ် မဟုတ်လား မနေ့ညက ငါ့ရည်းစားနဲ့ အဲ့ဒီ ရုပ်ရှင်ကိုတောင် သွားကြည့်ခဲ့သေးတယ်၊ ပထမကားနဲ့ ယှဉ်ရင် သရုပ်ဆောင်ချက်တွေက အတော်လေးကို စိတ်ပျက်စရာကောင်းတယ်လို့ ငါ သေချာပေါက် ပြောရဲတယ်။ ပိုဆိုးတာက အဲ့ဒီ သရုပ်ဆောင်အသစ်က အခု ဒီမှာ ရှိနေတာပဲ။ မနက်ဖြန်အတွက် သတင်းတချို့ ရေးဖို့ လိုပြီ ထင်တယ်။"
အမေရိကန်ရဲတပ်သားတစ်ဦးသည် အိုင်ဗန်ဘေးတွင် ထို စကားကို ပြောဆိုခဲ့ပြီး သူ့ဘေးက ဗြိတိန်ရဲသား သူငယ်ချင်းကို အတိအကျ ထောက်ပြခဲ့သည်။
လက်ထိပ်ခတ်ခံထားရတဲ့ လူငယ်လေးဟာ သူ့အဝတ်အစားတွေ ရှုပ်ပွနေပြီး သူ့မျက်လုံးတွေက အာရုံစူးစိုက်မှု ကင်းမဲ့နေတယ်။ ပထမတစ်ချက်နဲ့တင် သူက ဆေးခြောက်ပါသည့် ဆေးလိပ် အလွန်အကျွံသောက်ပြီး လူတစ်ကိုယ်လုံး သတိလက်လွှတ်ဖြစ်နေပုံရသည်။ သူက ရဲကိုတွေ့တာတောင် ပြုံးပြုံးလေး နောက်ကို ငုံ့ကြည့်နေတယ်။
အိုင်ဗန်သည် ထိုသို့ ညစ်တီး ညစ်ပတ်တွေ လုပ်နေသည့် နေရာကို ပတ်ပတ်လည် စိုက်ကြည့်ကာ ရွံရှာစွာ လှည့်ထွက်သွားပြီး ကျန်သည့် သူ့အဖွဲ့သားများကို ကိုင်တွယ်ဖြေရှင်းဖို့ လွှဲပြောင်းပေးခဲ့သည်။
"ဘော့စ်.... ခင်ဗျား ရဲစခန်းကို လိုက်ခဲ့ဦးမလား" မှုခင်းရဲက ပြေးလာပြီး မေးလိုက်တယ်။
"မလိုတော့ဘူး။"
အိုင်ဗန်သည် သတိလက်လွတ် အမူအရာဖြင့် အဆောက်အဦး၏ ဓာတ်လှေကားဆီသို့ လျှောက်သွားကာ ဓါတ်လှေကားဖြင့် အမိုးရှိရာ လဟာပြင် သို့ တကသွားသည်။
အေးမြသောလေသည် ဖြည်းညင်းစွာတိုက်ခတ်လာပြီး အိုင်ဗန်သည် လွတ်နေသောအမိုးကို ငုံ့ကြည့်ကာ တဖြည်းဖြည်းအေးလာသည်အထိ တိတ်တဆိတ် တွေးနေသည်။ အခု အဖြစ်ပျက်မှာ သူတို့ လက်ကနေ အဲလ်ဘတ်ကို ပြေးထွက်သွားတာထက် ပိုဆိုးသည်မှာ ဤတစ်ကြိမ်တွင် သူတို့ကို အဲလ်ဘတ်က လုံးဝ အသုံးချသွားခဲ့သည်။
"Hevenly Son 2" ၏ သရုပ်ဆောင်က ဘာကြောင့် ဒီနေရာမှာ ရှိနေတာလဲ....
ဒီနေရာကို သူတို့ နိုင်ငံတကာ ရဲတပ်ဖွဲ့ဝင်များ ရောက်လာအောင် မျှားခေါ်ရတဲ့ ရည်ရွယ်ချက်က ဘာလဲ....
အနောက်နိုင်ငံတွေမှာ သောင်းကျန်းနေတဲ့ မြေအောက် ရာဇဝတ်ဂိုဏ်း ခေါင်းဆောင်များကို လိုက်ဖမ်းဖို့ကလွဲရင် သူတို့လို အင်တာပိုလ်က အဲဒီ အနုပညာသမားနဲ့ မင်းသားတွေ မဟုတ်တာ လုပ်တာကို လိုက်ဖမ်းဖို့ ရည်ရွယ်ချက် မရှိဘူး....
Tang Feng သည် အစည်းအဝေးအပြီးတွင် အဲလ်ဘတ် ဘာလုပ်မလဲဆိုတာကို နားမလည်တာကြောင့် Mike Chen နှင့် အခြားသူများ၏ အောင်ပွဲခံနေသည်ကို တွေ့လိုက်ပြီးနောက် သူတို့ကို အဆောက်အဦး၏ လျှို့ဝှက်လမ်းကြောင်းမှ ထွက်ခွာသွားစေခဲ့သည်။
သတင်းကောင်း နှစ်ခုရှိတယ်ဆိုတာ သိသာထင်ရှားနေတာပဲ...ဒါပေမယ့် တစ်ခုပြောပြီးရင် သူ့ကို အဲလ်ဘတ်က ကျန်တာကို တိုက်ရိုက်မပြောချင်တော့ဘူး။
[မနက်ဖြန် မှာ မင်း အဲ့ဒီ သတင်းကောင်းကို တွေ့လိမ့်မယ်...] အဲလ်ဘတ် က ဒီလိုပဲ ပြောခဲ့တယ်။
ထို့နောက် Charles နှင့် Lu Tin Chen တို့က သူ့ကို စိုက်ကြည့်နေသော်လည်း၊ ထိုလူသည် မထွက်ခွာမီတွင် ယဉ်ကျေးစွာဖြင့် သူ့ကို ပွေ့ဖက် နမ်းလိုက်ပြီး "အန်းက မင်းကို လွမ်းနေတယ်" လို့ပြောပြီး ထွက်သွားတော့တယ်။
Charles က ဒီကိစ္စကို မြင်ပေမယ့် ဘာဆိုတာ ရှင်းရှင်းလင်းလင်း မပြောနိုင်ဘူး။
"ကိုယ် သူနဲ့ အလုပ်နည်းနည်းလုပ်ဖူးပြီး ဒီကောင်က အမြဲတမ်း ထူးဆန်းနေတယ်ဆိုတာ သိပေမယ့် သူက တကယ့်ကို ငြီးငွေ့စရာကောင်းတဲ့ကောင်ပဲ။ သူက ဒီလိုလူတွေတောင် သေချာ အကွက်ချပြီး နှိပ်ကွပ်လိုက်သေးတယ် "
အဲလ်ဘတ်ပြောလိုက်သည့် နောက်ဆုံးစကားက Tang Feng အတွက် ရည်ရွယ်နေသလိုပင်...
ငါ့ကို အတိတ်တုန်းက ခုလို အခြေနေကို တွန်းပို့ခဲ့တဲ့ လူတွေက ဒီစကားတွေ ပြောဖို့ မထိုက်တန်ဘူး....
Tang Feng က Charles ကို ဘာရယ်လို့ မဖော်ပြနိုင်တဲ့ ဖြူဖြူစင်စင် အကြည့်နဲ့ ကြည့်ပြီး သူ့နှလုံးသားထဲမှာ တိတ်တဆိတ် ကျိန်ဆဲလိုက်တယ်။ ဒီလိုပြောရစတမ်းဆိုရင် ရှက်စရာဖြစ်လိမ့်မယ်၊ ဘာဖြစ်လို့လဲဆိုတော့ အဲဒီအချိန်တုန်းက Charles နဲ့ သူတို့က ထျန်းဖုန်းနဲ့ အဲလ်ဘတ်ကို ခွဲချင်ရုံသက်သက်နဲ့ ဒါတွေကို လုပ်ခဲ့တာပဲ မဟုတ်လား။
အရင်က ကိုယ်လုပ်ခဲ့တဲ့ အကြောင်းတရားကြောင့် ပစ္စုပ္ပန်မှာ အမြဲတမ်း အကျိုးတရားကို ခံစားရမှာပဲလေ...
အဆောက်အဦးမှ ထွက်ခွာပြီးနောက် Tang Feng သည် အနားယူရန် ဟိုတယ်သို့ ပြန်လာခဲ့သည်။ အစတုန်းက ပြောခဲ့သလိုပဲ မနက်ဖြန်အလုပ်အတွက် ကောင်းကောင်းအနားယူဖို့ လိုနေတယ်။
နောက်တစ်နေ့မနက် သူနိုးလာသောအခါတွင် ရှောင်ယု ထံမှ ဖုန်းခေါ်ဆိုမှုတစ်ခု လက်ခံရရှိပြီး သူမက သူ့ကို ယနေ့ထုတ်သတင်းစာကို ဖတ်ခိုင်းပြီး သူမ၏လေသံမှာ အံ့သြမှုနှင့် စိတ်အားထက်သန်မှု အပြည့်ရှိနေသည်။
သတင်းစာထဲမှာ ဘာသတင်းကြီးပါနေလို့လဲ....
Charles နှင့် Lu Tin Chen သည် အိပ်ရာမှထလာစဉ် ဆိုဖာပေါ်တွင်ထိုင်ကာ သတင်းစာဖတ်နေသည့် ထျန်းဖုန်းကို မြင်တော့ သူတို့လည်း မျက်နှာသစ် ကိုယ်လက် ဆေးကြောပြီး ဧည့်ခန်းသို့သွားကြသည်။
" ဒီသတင်းကောင်းကို အဲလ်ဘတ် က ပြောခဲ့တာပဲ။"
Lu Tin Chen က သတင်းစာကို ရောက်လာတဲ့ လူကို ပေးလိုက်တယ်။
သတင်းစာ၏ ကြီးမားသော ခေါင်းစီးတစ်ခုမှာ- "Hevenly Son 2" တွင် ခေါင်းဆောင်မင်းသားအဖြစ် ပါဝင် သရုပ်ဆောင်ထားသူနှင့် ထုတ်လုပ်ရေး Company မှ အကြီးတန်း ခေါင်းဆောင်များအား တရားမဝင် မူးယစ်ဆေးဝါးသုံးစွဲမှုဖြင့် ဖမ်းဆီးခံခဲ့ရသည်။
အောက်ဖော်ပြပါ ပုံများသည် သတင်းစာ ရှေ့မျက်နှာစာ ၏ ထက်ဝက်ကျော်ကို သိမ်းပိုက်ထားသော အုပ်စုလိုက် ပုံဖြစ်သည်။ ရှုပ်ပွနေသောအဝတ်အစားများနှင့် မိုက်ချန်သည် ခေါင်းငုံ့ကာ မျက်လုံးများက ရီဝေဝေနှင့် အာရုံမစိုက်နိုင်ပဲ ရှိနေသည်။ တစ်ချက်ကြည့်လိုက်တာနဲ့ သိနိုင်စေမယ့် ညစ်ညမ်းမှုတွေ လုပ်ထားသည့်ပုံတွေလည်း ရှိနေတယ်။
တစ်ချို့က အဝတ်ဗလာဖြင့် ရှိနေတာ ရှင်းနေသည်။ ဒီလို ကွက်ကွက်ကွင်းကွင်းနဲ့ ထိုအဖွဲ့ လုပ်နေသည့် ညစ်ညမ်းမှု အားလုံး ချပြနိုင်သည့် ဓါတ်ပုံကို ဘယ်သတင်းဌာနက ရိုက်ခဲ့လဲတော့ မသိရပေ။
စာမျက်နှာတစ်ဝက်ကို Mike Chen နှင့် ထုတ်လုပ်ရေး Company မှာ အကြီးတန်း အုပ်ချုပ်ရေးသမား များက နေရာယူထားပြီး ကျန်တစ်ဝက်မှာ "Tinzi 2" ဇာတ်ကား၏ ပထမနှစ်ဝက်တွင် အမြင့်ဆုံး စံချိန်အဖြစ် သတ်မှတ်ခံခဲ့ရသည့် Box Officeက ပထမနေ့အပြီးမှာ ဆက်တိုက် ဆက်လက်ကျဆင်းခဲ့သည့် သတင်းကို ဖော်ပြထားသည်။
ဒီတစ်ခါ အရှုပ်တော်ပုံကြောင့် ရုပ်ရှင်အပေါ် သက်ရောက်မှု ပိုရှိမယ်လို့ ခန့်မှန်းရတယ်။
ရုပ်ရှင်များသာမက "Hevenly Son-2" ကို ထုတ်လုပ်သည့် ကုမ္ပဏီ၏ stock share ဈေးပေါ်လည်း ကြီးမားသည့် သက်ရောက်မှု ဖြစ်စေလိမ့်မည်။
Tang Feng က ပျော်နေလား... စိတ်ပျက်နေလားဆိုတာ မပြောနိုင်ပေ။ ဘာဖြစ်ဖြစ် ကိစ္စမရှိတော့ဘူး။
တကယ်တော့ ဇာတ်ကားကောင်းတစ်ကား ပျက်စီးသွားပြီး ထုတ်လုပ်ရေးဘက်ကို ထိခိုက်သွားခြင်းက ပိုဝမ်းနည်းစရာကောင်းလှသည်။ "Tinzi-2" စီးရီးဟာ အဆုံးသတ်တော့မယ်လို့ ခန့်မှန်းလိုက်ရသည်။
ဒါက အဲလ်ဘတ်ပြောခဲ့တဲ့ သတင်းကောင်းပဲ၊ ဒီသတင်းက တကယ့်ကို ငြီးငွေ့စရာကောင်းလှတယ်။
......
"ကောင်းကင်ဘုံ၏သားတော် အတွဲ 2" ၏ box office သည် ဆိုးရွားသော သတင်းစားများ၊ အရှုပ်တော်ပုံများကြောင့် လျင်မြန်စွာ ကျဆင်းသွားခဲ့သည်။ ရုပ်ရှင်ရုံအချို့သည် တစ်နှစ်ကြာ ပြသရန် ပြင်ဆင်ထားသည့် "ကောင်းကင်ဘုံ၏သားတော် အတွဲ 2" ကို ဆက်လက် ပြသဖို့ စွန့်လွှတ်ခဲ့သည်။ ပထမ ထွက်ခဲ့သည့် ရုပ်ရှင်ကားကြီးကို ကျော်အောင် ထုတ်လုပ်ရေး အရင်းနှီးတွေ အများကြီးသုံးခဲ့ပေမယ့် နောက်ဆုံးတော့ စိတ်မကောင်းစွာနဲ့ အဆုံးသတ်ခဲ့သည်။
"ကောင်းကင်ဘုံ၏သားတော် အတွဲ 2" ထုတ်လုပ်သူက ယခုဖြစ်ရပ်အတွက် မီဒီယာမှတစ်ဆင့် အများပြည်သူကို တောင်းပန်ခဲ့ပြီး အမှုတွင်ပါဝင်ပတ်သက်နေသည့် စီမံခန့်ခွဲရေးဝန်ထမ်းများကိုလည်း အလုပ်ထုတ်ခဲ့သည်။ Mike Chen ဟာ အာမခံနဲ့ အမြန်ပြန်လွတ်လာပေမယ့် အချိန်တိုအတွင်းမှာ ရုပ်ရှင်ရိုက်ဖို့ သူ့ဆီ ဘယ်သူမှ လာမှာမဟုတ်ဘူးလို့ ခန့်မှန်းရတယ်။
Gino ၏ စကားကိုနားထောင်ရင်း၊ ရောဘတ်သည် ပြိုင်ဘက်၏စုပေါင်းကျဆုံးမှုဖြစ်ရပ်ကြောင့် ထုတ်လုပ်ရေးကုမ္ပဏီဘက်မှ တည်ငြိမ်စွာရပ်တည်ခဲ့သော်လည်း နောက်ပိုင်းတွင် သူ စတင် ရိုက်ကူးခဲ့သည့် ဇာတ်ကားက ကံဆိုးမိုးမှောင်ကျစွာနဲ့ အဆုံးသတ်သွားသည့် အတွက်လည်း စိတ်မကောင်းဖြစ်ခဲ့ရသည်။
"Hevenly Son" တွင် ပထမဆုံးပါဝင်သရုပ်ဆောင်ထားသည့် Tang Feng ကို ဒုတိယဇာတ်ကားထဲမှ ခေါင်းဆောင် မင်းသားနှင့် နှိုင်းယှဉ်ရန် မီဒီယာက ခွင့်တောင်းခဲ့သည်။ ဒါကို ပရိသတ်က သဘောကျခဲ့ ကြသည်။ လူတစ်ယောက်ကို မုန်းတီးလာသောအခါတွင် အခြားလူတစ်ယောက်ကို တန်ဖိုး ထားတတ်လာ ကြသည်။
Mike Chen နှင့်မတူဘဲ ဒုတိယအပိုင်းတွင် ထုတ်လုပ်သူသည် Tang Feng ကို ဘာကြောင့် အစားထိုး ခဲ့သည်ကို ပရိသတ်နှင့် မီဒီယာများက နားမလည်နိုင်ပေ။ ယွမ် 10 သန်းကျော်အတွက်ဆိုရင်တော့ ဂုဏ်ယူပါတယ်။ အခုတော့ ထို ရိုက်ကူးရေးက ဆယ်သန်းသာမကဘဲ သန်းရာနဲ့ချီ ဆုံးရှုံသွားခဲ့ရပြီ။
ဤဖြစ်ရပ်ကြောင့် "ကောင်းကင်ဘုံ၏သားတော် " ဇာတ်ကား ထုတ်လုပ်သူ၏ အစားထိုးမှုသည် အခြားကုမ္ပဏီများအား သတိပေးချက်တစ်ခု ဖြစ်လာခဲ့သည်။ ရုပ်ရှင်စီးရီးတွေရဲ့ပထမ ဇာတ်ကား၏ ခေါင်းဆောင်မင်းသားကို ပေါ့ပေါ့တန်တန် မပြောင်းပါနဲ့။ အရှုပ်အရှင် းမရှိရင်တောင် ရုပ်ရှင်ရဲ့ နောက်ဆုံးရလဒ်က အရမ်းထိခိုက်သွားလိမ့်မယ်။
နှမ်းစေ့များ ကောက်ယူပြီး ဖရဲသီးများ ဆုံးရှုံးသွားသည့် ဥပမာတစ်ခုလိုပင်...
ဆန့်ကျင်ဘက်အနေနဲ့ Tang Feng ရဲ့ ပထမဆုံးရုပ်ရှင်ဖြစ်တဲ့ Rebirth က ပံမှန် နှုန်းဖြင့် အစပြုခဲ့ပေမယ့် နာမည်ကောင်းနဲ့ ရေရှည်လည်ပတ်နိုင်ခဲ့တယ်။ နောက်ဆုံးအနေနဲ့ တစ်လအတွင်း Box Office သန်း 100 ကျော် ဖြင့် အောင်မြင်ခဲ့တယ်။ အထူးပြုလုပ်ချက် မပါတဲ့ ရုပ်ရှင်တစ်ကားမှာရင်းနှီးမြုပ်နှံတာ အရမ်းရှား လှသည်။
ဇာတ်ကားတစ်ကားတွင် နာမည်ကောင်းနှင့် ကုန်ကျစရိတ်ကြီးကြီးမားမား ပံ့ပိုးမှုမရှိပါက၊ ရုပ်ရှင်အတွက် လိုအပ်သည့်အရာမှာ အားကောင်းလှသည့် ဇာတ်ညွှန်းနှင့် ခိုင်မာသော ဒါရိုက်တာတစ်ဦးဖြစ်ပြီး ဒါမှသာ ရုပ်ရှင်ပရိသတ်ကို ဆွဲဆောင်နိုင်မည်ဖြစ်သည်။
Tang Feng ၏ ကိုယ်ပိုင်အတွေ့အကြုံနှင့် စွမ်းရည်ကို အားကိုးကာ တစ်ဆင့်ပြီးတစ်ဆင့် ဇာတ်ကားကို ဂရုတစိုက်ရွေးချယ်ကာ ပါဝင်ရိုက်ကူးခဲ့သည်။ သူက အမည်မသိ ကြယ်ပွင့်လေးဘဝမှ တရုတ်လူမျိုး သရုပ်ဆောင်များကြားတွင် နံပါတ်တစ် စူပါစတားအထိ တဆင့်ခြင်း ပါဝင် သရုပ်ဆောင် ရိုက်ကူးခဲ့သည်မှာ သုံးနှစ်သာ ရှိသေးသည်။
ဒါပေမယ့် Tang Feng အတွက် ဒါက သူ့အစီအစဉ်နဲ့အညီ သွားနေခြင်း ဖြစ်သည်။
ကံကောင်းလို့ အောင်မြင်တာ ဖြစ်နိုင်ပေမယ့် ဘယ်ဇာတ်ကားမဆို သူက သေချာ မကြိုးစားမှုပဲ မလုပ်ခဲ့ဖူးပေ။
"Rebirth" ဇာတ်ကား သည် ကမ္ဘာတစ်ဝှမ်းရှိ Box Office သန်း 200 ကျော်ဖြင့် အဆုံးသတ်ခဲ့သည်။ ထိုသို့သောရလဒ်သည် Tang Feng ၏စွမ်းဆောင်မှုကို အားရကျေနပ်စေရုံသာမကTang Feng ကို ငွေကြေးဖြင့်ပံ့ပိုးပေးသော ရင်းနှီးမြှုပ်နှံသူအချို့ကို ကောင်းသော အမြတ်ငွေ ပြန်ပေးနိုင်ဖို့ လုံလောက်စေခဲ့သည်။
"မစ္စတာထျန်း.... မင်းကို စောင့်ခိုင်းထားရတာ တောင်းပန်ပါတယ်။"
နိုင်ငံရဲ့ အကြီးဆုံး ထုတ်လုပ်ရေးကုမ္ပဏီ အဆောက်အဦးနဲ့ မျက်နှာချင်းဆိုင်မှ စားသောက်ဆိုင် ငယ်လေးမှာ ရောဘတ်က ပြုံးပြီး ချောမောတဲ့ အရှေ့တိုင်းသား လူငယ်တစ်ယောက်ဆီ လျှောက်သွားခဲ့တယ်။
နွေရာသီရောက်ပြီးနောက် ရာသီဥတုက ပို ပူလာသည်။ ရောဘတ်က စားပွဲတွင် ထိုင်ပြီး ပထမဆုံးလုပ်ခဲ့တာက စက္ကူပုဝါကို ထုတ်ပြီး ချွေးတွေကိုသုတ်ဖို့ပါပဲ။ ရာသီဥတုနှင့် ပတ်သက်၍ သူက ပြောလိုက်သေးသည်။
"အခုတလော အရမ်းပူတယ်။"
"သောက်စရာတစ်ခုခုလိုသေးလား" Tang Feng က ပြုံးပြီး မေးလိုက်တယ်။
"ကိုလာတစ်ခွက်ပေးပါ။"
စားပွဲပေါ်မှာ ရေခဲကိုလာတစ်ခွက် နှစ်ခွက်တင်ထားပြီး Robert နဲ့ Tang Feng က စားသောက်ဆိုင် ငယ်လေးမှာ ထိုင်နေကြတယ်။ "Hevenly Son 2" ရှုံးနိမ့်ပြီးနောက်ပိုင်း သူတို့တွေ့ဆုံခဲ့တာ တတိယအကြိမ်မြောက် ဖြစ်သည်။
ထိုအချိန်က "Rebirth" ကို ကြော်ငြာပြီးနောက် တရုတ်ပြည်သို့ ပြန်ရန် Tang Feng က ပြင်ဆင်နေချိန်၊ Robert သည် Tang Feng ကို Gino မှတစ်ဆင့် ခေါ်ပြီး "Hevenly Son 2" တွင် အချို့သော အကြောင်းအရာများကို ပြောပြခဲ့သည်ကို သတိရလိုက်မိသည်။ အများစုသည် အလွန်ကောင်းမွန်သော ဇာတ်လမ်းတွဲကြီး ခုလို ပျက်စီးသွားသည့် အတွက် အလွန်ဝမ်းနည်းခဲ့ကြပါသည်။
ရောဘတ်သည် တရုတ်နိုင်ငံသို့ ဒုတိယအကြိမ်သွားရောက်သောအခါတွင် တရုတ်ရုပ်ရှင်နှင့်ပတ်သက်သည့် အဖွဲ့အစည်းများနှင့် ပူးပေါင်းဆောင်ရွက်ရန်အတွက် Tang Feng ကိုရှာဖွေရန် S City သို့ သွားရောက်ခဲ့ သည်။ ထိုအချိန်တွင် Robert သည် Tang Feng နှင့် ဆက်လက်ပူးပေါင်းဆောင်ရွက်ရန် မျှော်လင့်ထားကြောင်း Tang Feng အား ဖွင့်ဟခဲ့သည်။
ဒီနေ့က တတိယအကြိမ်မြောက် တွေ့ဆုံခြင်း ဖြစ်သည်။ Tang Feng သည် ယခုအခါ အမေရိကန်တွင် "The Devil Slyer" ၏ ဒုတိယအပိုင်းကို ရိုက်ကူးနေသော်လည်း ဘာမှ ဖြစ်မလာသေးပေ။ ရုပ်ရှင်ရိုက်ကူးသူက ဇာတ်ကားအတွက် သရုပ်ဆောင်ကြေး တိုးပေးကာ ဆက်လက်ရိုက်ကူးပေးဖို့ ပြင်းပြင်းထန်ထန် တောင်းဆို ရင်တောင် Tang Feng က "Slyer" ဇာတ်လမ်းတွဲကို ရိုက်ကူးတာက ဒါက နောက်ဆုံးအကြိမ်ပဲ ဖြစ်ပါလိမ့်မယ်။
ဒီတစ်ခါတော့ ကိုယ်အလေးချိန်တက်အောင် လုပ်ဖို့ မလိုတော့ဘူး။ Tang Feng သည် သန့်ရှင်းပြီး ခပ်တိုတို ညှပ်ထားသော ဆံပင်တိုသောကြောင့်၊ ရုပ်ရှင်၏လိုအပ်ချက်များကြောင့်၊ အပြင်ထွက်လျှင်တောင် နေရောင်နဲ့ တိုက်ရိုက် မထိနိုင်ပေ။ အခုရိုက်နေသည့် ရုပ်ရှင်ထဲတွင် သူ ပါဝင်ရိုက်ကူးရမယ့် ဇာတ်ကောင်က အရမ်းကို သန့်ရှင်းပြီး အန္တရာယ်ကင်းသော အသားရေ ဖြူဖွေးနေသည့် လူငယ်လေးရဲ့ ရုပ်သွင်နဲ့ ကိုက်ညီစေဖို့ နေရောင်ကာခရင်မ်လိမ်း နေရသည်။ သူ့ အရေပြားသည် ဆွတ်ဆွတ်ဖြူပြီး လုံးဝ နေမလောင်ရပေ။
"ငါတို့နောက်ဆုံးတွေ့ခဲ့တဲ့အချိန်ကို သတိရမိပါတယ်၊ ငါတို့ပြန်ပြီး ပူးပေါင်းနိုင်မယ်လို့ ပြောခဲ့သားပဲ... Tang ၊ ငါ ထပ်ပြီး ပူးပေါင်းဆောင်ရွက်ဖို့ အခွင့်အရေးရနိုင်မယ်လို့ မျှော်လင့်ပါတယ်၊ အခု ကုမ္ပဏီမှာရုပ်ရှင်မှာ ပြင်ဆင်မှုတွေ လုပ်ပြီး နေပြီ၊ မင်းက အခု ငါတို့ ရိုက်ကူးမယ့် ဇာတ်ကားအတွက် အကောင်းဆုံး သရုပ်ဆောင်ဖြစ်မယ်ဆိုတာ အကြီးကဲ အားလုံး သဘောတူကြတယ်"
ရောဘတ်ဟာ သူ့ရဲ့စိတ်လှုပ်ရှားမှုကို ဖုံးကွယ်မထားနိုင်တော့ပေ။
Tang Feng သည် Robert ၏ စိတ်လှုပ်ရှားမှုကို မြင်ခဲပြီး ထိုဇာတ်ကားနှင့် ပတ်သက်၍ Robert ပြောသည်ကိုကြားတောည့ ချက်ချင်း စိတ်ဝင်စားသွားခဲ့သည်။
ရင့်ကျက်သော သရုပ်ဆောင်တစ်ဦးသည် ထိုမနှစ်မြို့ဖွယ်ဖြစ်ရပ်ကြောင့် ထုတ်လုပ်ရေး ကုမ္ပဏီကြီး တစ်ခုနှင့် လုံးလုံးလျားလျား လက်တွဲဖြုလိမ့်မည်မဟုတ်ပေ၊ ထုတ်လုပ်သူသည် တစ်ခါတစ်ရံ မိုက်မဲသည့်အရာများကို ပြုလုပ်တတ်သော်လည်း၊ အချိန်အများစုမှာ သူတို့၏ရုပ်ရှင်သည် ပို၍ ယုံကြည်စိတ်ချရသည်။
"တချို့ကို ထုတ်ဖော်ပြောပြဖို့ အဆင်ပြေလား" Tang Feng က ပြုံးပြီး မေးလိုက်တယ်။
"ရတာပေါ့...!" Robert က ကိုကာကိုလာ သောက်ပြီး ဖြည်းညှင်းစွာ ပြောသည် ။
"ဒါက အတ္ထုပ္ပတ္တိရုပ်ရှင်ဇာတ်ကားပဲ။တကယ်တမ်းတော့ ကုမ္ပဏီက အရင်နှစ်ကတည်းက ဒါကို ရိုက်ကူးဖို့ ပြင်ဆင်ခဲ့တယ်။ ဒါပေမယ့် သင့်တော်တဲ့ သရုပ်ဆောင်ကို ရှာဖို့ ငါတို့ အတော်လေးကို ရုန်းကန်နေ ရတယ်။ မင်းနဲ့ အသင့်တော်ဆုံးလို့ ငါ ထင်တယ်။ "
"ဒါက ဘာဇာတ်ကားလဲ။ ဘယ်သူ့ရဲ့ အတ္ထုပ္ပတ္တိရုပ်ရှင်ဇာတ်ကားလဲ"
"အင်း...မင်းလည်း ဒီလူအကြောင်း ကြားဖူးမယ်ထင်ပါတယ်၊ သူက ဖီးနစ်ထျန်းပါ.... "
Coke သောက်နေတဲ့ Tang Feng ခမျာ သီးလု မတတ် ဖြစ်သွားခဲ့သည်။
ဖီးနစ်ထျန်း ဟုတ်လား....?
****-*****
ESTÁS LEYENDO
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
