True Star Volume - 4 - Chapter (72) ချက်ချင်း ဆုံးဖြတ်ချက်ချခြင်း
"ဖီးနစ်ထျန်း ဟုတ်လား?"
နေရောင်ကာခရင်မ် လိမ်းထားတဲ့ အမျိုးသားတစ်ယောက်ဟာ ထိုင်ခုံပေါ် မှီပြီး ချောမောပြီး ဟော်မုန်းဓာတ်တွေ ထုတ်လွှတ်နေတဲ့ အမျိုးသားက မျက်နှာတစ်ဝက်ကို မဂ္ဂဇင်းနောက်ကျောကနေ ဖော်ထုတ်လိုက်တယ်။ Charles သည် မဂ္ဂဇင်း၏ ထောင့်စွန်းကို ကိုင်ထားပြီး ဆေးပြင်းလိပ်ကို သူ့လက်ချောင်းကြားထဲ ညှပ်ထားခဲ့သည်။ သူ့ဘေးနားက ဖန်ခွက်ကို ကောက်ကိုင်လိုက်ပြီး သူ့ရဲ့ ဝီစကီကို ရေခဲတုံးတွေနဲ့ သောက်ဖို့ သူ့ညာလက်ကိုလည်း ဆန့်လိုက်တယ်။
ထို့နောက် သူက "ဖီးနစ်ထျန်း က ဘယ်သူလဲ" ဟု မေးသည်။
ယခုအချိန်တွင် ရေကူးကန်ထဲတွင် လက်နှစ်ဖက်ဖြင့် ကမ်းစပ်တွင် လဲလျောင်းနေသော Tang Feng သည် ရုတ်တရက် အနည်းငယ် တောင့်တင်းသွားသလို ခံစားလိုက်ရသည်။ သူက သူ့အရင်ဘဝတွင် မေ့နေပြီး ထျန်းဖုန်း အဖြစ် နောက်ထပ်အချိန်နှင့်နေရာမှာ ချားလ်စ်နဲ့ နေထိုင်ခဲ့သည်။ ။
ချားလ်က ဒီ အမေရိကန်ပြည်ထောင်စုရှိ အကျော်ကြားဆုံး ဝတ်လစ်စလစ် အကမယ်၊ ဥရောပရှိ ထိပ်တန်း မင်းသမီး 10 ဦးနှင့် တောင်အာဖရိကရှိ ထင်ရှားကျော်ကြားသော လူမျိုးစု မော်ဒယ်ကိုပင် သိသော်လည်း ဖီးနစ်ထျန်း ကို မသိပေ။
"ဝိုး...--"
Lu Tin Chen သည် ရေထဲမှ ထွက်လာပြီး Tang Feng အနားသို့ ဖြည်းညှင်းစွာ ကူးခတ်ကာ ထိုလူ၏ ခါးကို လက်တစ်ဖက်ဖြင့် ဖျစ်ညစ်လိုက်ရာ သူ့မျက်လုံးများက ကြည်နူးနေသည့် အရိပ်အမြွက်ပြသွားသည်။
"ဖီးနစ်ထျန်း က ရုပ်ရှင်သရုပ်ဆောင်တစ်ယောက်ပါ၊ သူ့ရုပ်ရှင်ကို မကြည့်ဖူးဘူးလား" Lu Tin Chen က တမင်သိချင်လို့ မေးလိုက်တယ်။
"ကမ္ဘာပေါ်မှာ အနုပညာကြယ်ပွင့်တွေ အများကြီးရှိတယ်၊ ငါက သူတို့အားလုံးကို တစ်ယောက်ပြီး တစ်ယောက် ဆုံတွေ့ဖူးရမှာလား။ အနည်းဆုံးတော့ သူက ဒီလောက်နာမည်ကြီးတာမဟုတ်လောက်ဘူး။ မဟုတ်ရင် ငါက ဘာလို့ သူ့ကို မသိမှာလဲ။"
Charles က ရွှင်ပြုံးပြုံးရွှင်နဲ့ ပြောပြီး Tang Feng နဲ့ ဖီးနစ်ထျန်း အတွက် အုတ်ဂူကို ရှင်းလင်းကာ ဂါရဝပြုဖို့ သွားခဲ့သည်ကို မေ့သွားခဲ့တယ်။
ကောင်းပြီ၊ သူ က အခု Tang Feng ဖြစ်နေပြီ။ သူက ဖီးနစ်ထျန်း မဟုတ်တော့ဘဲ၊ ဒီလို အသေးအဖွဲကိစ္စကြောင့် စိတ်မသက်မသာ မဖြစ်သင့်ပါဘူး။ တကယ်တော့ ဖီးနစ်ထျန်း ကို လူတိုင်း သိဖို့ မဖြစ်နိုင်ပါဘူး။
ဒါပေမယ့် Charles ပြောလိုက်တဲ့ စကားကြောင့် သူ ဘာကြောင့် စိတ်မချမ်းသာရတာလဲ။
"အိုး ငါလည်း ဒီလိုပဲ ထင်တယ်။"
Tang Feng အနည်းငယ်ပြုံးလိုက်သည်။
Charles သည် Tang Feng ၏ ထူးဆန်းသောလေသံကို လုံးဝသတိမထားမိဘဲ "ဒီလူက ဘယ်သူလဲ၊ ကျော်ကြားမှု မရှိရင် သူ့အကြောင်း ဘာလို့ အတ္ထုပ္ပတ္တိရုပ်ရှင်ကို ရိုက်ကူးရမှာလဲ၊ သူ သေသွားပြီလား" လို့ ဆက်ပြောခဲ့သေးတယ်။
"ကိုယ့်ရဲ့ Tang Feng ဘေဘီက ပေါ့ပေါ့သေးသေး မဟုတ်တော့ဘူး။ ရုပ်ရှင်ကို ကိုယ်တိုင် ရိုက်နေပြီးအခု အရမ်း နာမည်ကြီးနေပြီဖြစ်လို့ တခြားသူအကြောင်းကို သရုပ်ဆောင်ဖို့ လိုသေးလို့သလား။ ဟား....ဟား။"
Charles ရယ်ပြီး မော့ကြည့်လိုက်တယ်။
"သူ ဘာရယ်နေတာလဲ" Lu Tin Chen နှုတ်ခမ်းကို မြှောက်လိုက်သည်။
"မသိဘူး၊ ရူးသွားတာ ဖြစ်နိုင်တယ်။"
ချားလ်စ်ကို ကြည့်လိုက်စဉ် Tang Feng က လှည့်ပြီး Lu Tin Chen ရဲ့လည်ပင်းကို အပြုံးနဲ့ ရစ်ပတ်လိုက်တယ် ။
" သူ့ကို ဂရုမစိုက်ပါဘူး...ကျွန်တော် ရေကူးရတာ ပင်ပန်းနေပြီ ... "
" ငါ မင်းကို ကိုင်ထားတယ်။"
Lu Tin Chen က ပြုံးပြီး Tang Feng နှင့် နီးကပ်လာသည်။ Charles သည် ထိုနေရာတွင် ရယ်မောနေချိန်တွင် ရေထဲတွင် ထိုလူကို နှုတ်ခမ်းချင်း ဖိကာ ပွေ့ဖက်ထားသည်။
တစ်ဝက်တစ်ပျက် ရယ်မောပြီး သူ့ရှေ့က မြင်ကွင်းက မြင်သွားတော့ Charles ၏ ပါးစပ်ထောင့်သည် ခဏတာ တုန်ခါနေပြီး မဂ္ဂဇင်းကို မဖတ်နိုင်၊ ဆေးပြင်းလိပ် မသောက်နိုင်သလို ဝီစကီလဲ မသောက်နိုင် အောင် ဖြစ်နေမိသည်။
သူ့ရေချိုးဝတ်စုံကို ချွတ်လိုက်သည်နှင့် Charles က ပြောလိုက်သည်။
"ဘေဘီ...ကိုယ် ဒီမှာ၊ အတူတူ ရေကူးရအောင်!"
အဲဒီနောက်မှာတော့ သူက Lu Tin Chen နဲ့ Tang Feng တို့ရှိရာ ရေထဲကို ခုန်ဆင်းခဲ့ကြပြီး Tang Feng နဲ့ Lu Tin Chen တို့ဟာ ဝက်ဝံ အရိုက်ခံရမှာကို စိုးရိမ်တာကြောင့် အမြန်လမ်းခွဲခဲ့ကြတယ်။
"ချားလ်စ်၊ ရေကူးကန်က အရမ်းကြီးတယ်၊ တခြားနေရာမှာ ခုန်ဖို့ မရွေးချယ်နိုင်ဘူးလား"
Tang Feng က သူ့မျက်နှာကို ရေနဲ့ပက်ပြီး ရေကိုလက်နဲ့သုတ်ရင်း ကြိမ်းမောင်းလိုက်တယ်။
"ဟား...ဟား ဘေဘီ..ကိုယ့်မှာ အလိုအလျောက် လမ်းကြောင်းပြစနစ် ရှိတယ်ဆိုတာ မင်း မသိဘူးလား။ မင်း ဘယ်သွားသွား ကိုယ် ပျံသန်းပြီး လိုက်လာမယ်။"
ဒီဝက်ဝံကောင်....
သူ့မျက်လုံးတွေကို ပွတ်တိုက်ရင်း အလုပ်ရှုပ်နေချိန် လုထျန်းချန် က သူ့လက်တွေကို ဖွင့်ပြီး ထျန်းဖုန်းကို တင်းတင်းကျပ်ကျပ် ပွေ့ဖက်လိုက်တယ်။ သူက ဝံပုလွေတစ်ကောင်လို နမ်းလိုက်ပြီး ညုတုတုလေး လုပ်နေရင်း ပြောလိုက်သေးသည်။
"ကိုယ့်ကို နမ်းပါဦး ဘေဘီ....ကိုယ်တို့မနမ်းတာကြာပြီ၊ မဟုတ်လား ? "
"သွားစမ်း...!"
"ဒီ သောက်ဝက်ဝံကြီး။"
"မလုပ်နဲ့ ငါ...အား! သေစမ်း..လုထျန်းချန်... ငါ့ကို သွားခွင့်ပြုပါ!"
Charles က ထျန်းဖုန်းကို အတင်းနမ်းဟန်ပြင်စဉ် လုထျန်းချန်က သူ့ဆံပင်တွေကို သူ့နောက်ကနေ ဆောင့်ဆွဲက ထျန်းဖုန်းအနားကနေ ပစ်ထုတ်လိုက်တယ်။
ပူပြင်းသောနွေရာသီတွင် ပုစဉ်းရင်ကွဲများက လေထဲတွင် ဆူညံနေပါသည်။
"တော်စမ်း.. နောင်တစ်ချိန်မှာ ငါက ထိပ်ပြောင်ရင် မင်းဆံပင်ကို နှုတ်ပြီး မင်းကို ဘုန်းကြီး လုပ်ခိုင်းမယ်၊ ဗုဒ္ဓကျမ်းစာတွေကို ရွတ်ဖတ်ဖို့ နေ့တိုင်း ခေါင်းလောင်းတီးရလိမ့်မယ်!"
Lu Tin Chen ကြောင့် နာကျင်နေသော ဦးခေါင်းနောက်ကို ပွတ်သပ်ရင်း Charles သည် အခန်းထဲသို့ ဝင်လာသည်နှင့် တပြိုင်နက် ကြိမ်းမောင်းလိုက်သည်။
"မင်း ထိပ်ပြောင်ရင်လည်း ဆံပင်တွေက အလိုအလျောက် ထွက်လာလိမ့်မယ်"
Tang Feng က Lu Tin Chen နဲ့အတူ ဝင်လာပြီး Lu Tin Chen နဲ့ လက်တွဲပြီး ပြောလိုက်သည်။
" မင်းမှာ ဆံပင်မရှိတာကို ကျွန်တော် ပိုကြိုက်တယ်။ "
သူပြန်ကြည့်လိုက်တာနဲ့၊ Charles က Tang Feng နဲ့ Lu Tin Chen က လက်ဆွဲနှုတ်ဆက်နေတာကို တွေ့လိုက်ရတယ်၊ အဘိုးကြီးနဲ့ ကောင်လေး တစ်ယောက်ရဲ့ ချစ်ခင်ကြင်နာမှုတွေက သူ့ကို သူတို့ကြား ခုတ်ထစ်ပြီး ခွဲပစ်ချင်စိတ် ပေါ်လာစေသည်။
"ချစ်တယ်... ဘေဘီ..မင်း ကိုယ့်ကို မချစ်တော့ဘူးလား"
Charles သည် Tang Feng ၏ရှေ့တွင် သိုးအရေခွံခြုံထားသော်လည်း အိပ်ရာပေါ်၌ မကောင်းဆိုးဝါး ဝံပုလွေကြီးတစ်ကောင်နှင့် တူပြီး အပြင်လူများရှေ့တွင် ပြုံးနေသည့် ကျားတစ်ကောင်ကို လုပ်ဆောင်လေ့ရှိသည်။
Tang Feng သည် ချားလ်စ် တစ်နေ့မှာ စိတ်ကြွရောဂါ ဖြစ်လာမည်လားလို့ ခဏခဏ စိုးရိမ်မိပေမယ့် ဖြစ်လာရင်လည်း ကိစ္စတော့ မရှိပါဘူး။ သူတို့ ထိန်းမနိုင်ရင် Charles ကို ထားဖို့ စိတ်ကျန်းမာရေးဆေးရုံကို ရှာတွေ့မှာပါ။
"Robert နဲ့ ကျွန်တော် ဖီးနစ်ထျန်း ရဲ့ အတ္ထုပ္ပတ္တိရုပ်ရှင်အကြောင်း အများကြီးပြောခဲ့ကြတယ်၊ ဒါပေမယ့် ရိုက်သင့်လား မရိုက်သင့်ဘူးလားတော့ ကျွန်တော်မသိဘူး။"
ချားလ်စ်ကို လျစ်လျူရှုလိုက်ရင်း၊ Tang Feng က သူ့ဆံပင်တွေကို ခြောက်သွေ့တဲ့ မျက်နှာသုတ်ပုဝါနဲ့ သုတ်ရင်း Lu Tin Chen နဲ့ ထိုင်ပြီး စကားပြောနေတယ်။
ထိုလူ၏ ဘေးတွင် ထိုင်နေသော Lu Tin Chen သည် Tang Feng ၏ မျက်နှာသုတ်ပုဝါကို ယူကာ တစ်ဖက်လူကို မျက်နှာမူရန် အချက်ပြလိုက်သည်။ Tang Feng လှည့်ကြည့်လိုက်တော့ Lu Tin Chen က သူ့ဆံပင်ကို သန့်ရှင်းအောင် ကူညီပေးလိုက်တယ်။
"ဇာတ်ကားရဲ့ ဇာတ်ညွှန်းနဲ့ ပတ်သက်ပြီး ရောဘတ်က ရုပ်ရှင်ဘတ်ဂျက်နဲ့ ဒါရိုက်တာ ကိစ္စတွေကို ဖော်ပြခဲ့သေးလား။"
Lu Tin Chen က လူတစ်ယောက် ဆံပင်ကို ဖြီးပေးရင်း မေးလိုက်သည်။
" ဖြစ်နိုင် မဖြစ်နိုင် စဉ်းစား ကြည့်ပေါ့"
Tang Feng က ဒီစကားလေးပြောပြီး နှုတ်ခမ်းကို နည်းနည်းကိုက်လိုက်တယ်။ ပြီးနောက်၊ သူက ဖီးနစ်ထျန်း ၏ဘဝဇာတ်လမ်းကိုရေးသားခဲ့သည်။ ငယ်ငယ်က မိဘမဲ့ဂေဟာမှာ အတွေ့အကြုံရှိတယ်။ ဒါကို တွေးမိတော့ သူ့ရင်ထဲမှာ အမည်မသိ ခါးသီးမှုတွေ လှိုက်တက်လာသည်။
ဇာတ်ညွှန်းထဲမှာ သူ့ကိုယ်ပိုင်ဇာတ်လမ်းကို မြင်လိုက်ရတော့ Tang Feng က နည်းနည်းထူးဆန်းနေသလို ခံစားလိုက်ရတယ်။
"ရောဘတ်ကလည်း ဒါရိုက်တာနဲ့ ရုပ်ရှင်ဘတ်ဂျက်အကြောင်းပြောပြီး လစာ ၁၅ သန်းက အရမ်းဆွဲဆောင်မှုရှိတယ်။"
"ဖီးနစ်ထျန်း ဟာ သူ့ရဲ့ အထွတ်အထိပ်မှာ ဇာတ်ကားရိုက်တိုင်း သရုပ်ဆောင်ကြေး သန်း 20 ရရှိခဲ့ပါတယ်၊ ဟုတ်တယ်၊ ရုပ်ရှင်ဂွင်မှာ ပါဝင်မယ်ဆိုရင် ပိုလို့တောင် ပိုများနိုင်သေးတယ်။"
ဒါပေမယ့် အခုအချိန်မှာတော့ သူ့ရဲ့ လက်ရှိအသက်အရွယ်နဲ့ ရုပ်ပိုင်းဆိုင်ရာအခြေအနေက မူလ ဖီးနစ်ထျန်း တွေထက် အများကြီးသာလွန်နေသေးတယ်။
အနည်းဆုံးတော့ ဒီအသက်အရွယ်မှာ ဖီးနစ်ထျန်း ဟာ ရုပ်ရှင်လောကမှာ ရုန်းကန်နေရဆဲဖြစ်ပြီး အပြည့်အဝ မကျော်ကြားခင် နှစ်နှစ်သုံးနှစ်လောက် ရုန်းကန်နေပါသေးတယ်။
အတွေ့အကြုံကြောင့်၊ သူက ဖီးနစ်ထျန်းထက် ပိုကောင်းတာတွေကို အများကြီးလုပ်နိုင်တယ်။ လူတော်တော်များများက သူတို့ရဲ့ ကျောင်းသားဘဝကို ပြန်ကြည့်မိတဲ့အခါ လူ့အဖွဲ့အစည်းထဲကို ဝင်ရောက်ပြီးတဲ့အချိန်မှ နောင်တရစရာတွေ အများကြီးရနေသလိုပေါ့...အစကိုပြန်သွားရင်၊ အစကနေပြန်လုပ်ရင် အခုအချိန်မှာ မင်းနဲ့မတူတဲ့ဘဝတစ်ခုကို သေချာပေါက်ရလိမ့်မယ်လို့ အမြဲတွေးမိကြတယ်။
ဒါက အတွေ့အကြုံပါ။ ငွေနဲ့ဝယ်လို့မရဘူး။ အချိန်၊ ချွေး သို့မဟုတ် မျက်ရည်များနဲ့ပဲ လဲလှယ်နိုင်သည်။
"ဒီ ဖီးနစ်က နာမည်ကြီးလား?"
Tang Feng က သူ့ကို လျစ်လျူရှုတာကို မြင်တော့ Charles က လှည့်ကွက်တွေ ဆက်မကစားတော့ဘဲ ထိုင်ပြီး ခဏလောက် စဉ်းစားပြီး မေးလိုက်တယ် ။
" ဒီလူရဲ့ နာမည်က ရင်းနှီးနေပြီလို့ ရုတ်တရက် ခံစားလိုက်ရတယ်။ "
သြော် ဒီကောင် မှတ်မိသွားပြီ။
လွန်ခဲ့သည့် နှစ်နှစ်အတွင်း၊ Tang Feng သည် ဖီးနစ်ထျန်း အတွက် အုတ်ဂူကို သွားရောက် လှည်းကျင်းတာ တစ်ကြိမ်ဆိုပေမယ့် မှတ်မိဖို့ လုံလောက်နေပြီ။
"ဟား..ဟား ငါမှတ်မိတယ်!" ချားလ်စ်က လက်ခုပ်တီးကာ ပြုံးပြလိုက်သည်။
"ဖီးနစ်ထျန်း ဟာ တစ်ချိန်က ပထမဆုံး တရုတ်လူမျိုး ကြယ်ပွင့်ဖြစ်ပြီး ဟောလီးဝုဒ်မှာ ပထမဆုံး တရုတ် လူမျိုး ရုပ်ရှင်သရုပ်ဆောင်လည်း ဖြစ်တယ်။"
ဖီးနစ် အကြောင်း အများကြီးသိဖို့ Charles က မျှော်လင့်မထားမိဘူး။ Lu Tin Chen က ဆက်ပြောခဲ့သည်။
"လွန်ခဲ့တဲ့ နှစ်ပေါင်းများစွာက နှလုံးဖောက်ပြီး သေဆုံးသွားခဲ့တယ်။"
အဲဒါကိုစဉ်းစားပြီးတဲ့အခါ Lu Tin Chen က "ဖီးနစ်ထျန်း က Tang Feng ရဲ့ idol ဖြစ်တယ်။"
ဖီးနစ် ရဲ့မကောင်းတာကိုပြောရင် Tang Feng က ကျိန်းသေပေါက် စိတ်မကောင်း ဖြစ်လိမ့်မယ်ဆိုတာ Charles နားလည်အောင်လုပ်နိုင်ခဲ့တယ်။
Charles က အရမ်းလည်း မတုံးအ ပါဘူး၊ သူ ချက်ချင်းနားလည်သွားပြီး
"ဝိုး၊ ဝိုး၊ ဖီးနစ် ဟာ စူပါစတားတစ်ယောက်လိုပါပဲ....ဘေဘီ.. မင်းက ဘာလို့ ဒီဇာတ်ကားကို မရိုက်တာလဲ။"
Tang Feng က Charles ကို ဘယ်လိုရှင်းပြရမှန်းမသိဘူး။
အမှန်တော့၊ သူသည် အထောက်အထားအသစ်ဖြင့် နေထိုင်ရန် ဆုံးဖြတ်ပြီး အတိတ်အားလုံးကို ဖယ်ထားလိုက်သည်။ အခု ဒီဇာတ်ကားကို ရိုက်ခဲ့မယ်ဆိုရင် သူ့ဘဝကို နောက်တစ်ကြိမ် ထပ်ခါတလဲလဲ လုပ်ရမယ့် သဘောပဲ...
ဘာတွေဖြစ်လာမယ်၊ ဘယ်လိုခံစားရမယ်၊ ဒါတွေက သူ့ခန့်မှန်းချက်ထက် ကျော်လွန်နေတယ်။
"ငါ့ဘေဘီလေးထျန်းက စိန်ခေါ်မှုတွေကို အချိန်မရွေး လက်ခံတတ်တယ်။ မင်းက ဆောင်းရာသီမှာ ရေငုပ်ဖို့ လိုအပ်လာရင် ရုပ်ရှင်အတွက် မင်းတစ်ချက်လေးမှ မတုန့်ဆိုင်းပဲ ရေထဲ ခုန်ချလိုက်တယ်၊ မင်းအတွက် ကိုယ် အရမ်းစိတ်ဆင်းရဲပေမယ့် မင်းကတော့ ဇာတ်ကားအတွက် လိုအပ်လာရင် ကိုယ်အလေးချိန်တက်အောင်လည်း လုပ်နိုင်တယ် ဘေဘီလေး...."
ချားလ်က ထမင်းစားပြီး Tang Feng ကို စူးစူးရဲရဲ မျက်လုံးတွေနဲ့ စိုက်ကြည့်နေတယ်၊ တုနှိုင်းမရတဲ့ မာနတွေနဲ့ ပြည့်နေတဲ့ သူ့မျက်နှာက ပြုံးပြီး ပြောခဲ့သည်။
"ဒါပေမယ့် မင်းက Tang Feng၊ ငါ့ရဲ့ အချစ်ဆုံးနဲ့ အလေးစားရဆုံး လူသားပဲ၊ ငါ ဘယ်တုန်းကမှ မင်း အတွက် အန္တရာယ်ကို ရင်ဆိုင်ဖို့ ကြောက်မှာမဟုတ်ဘူး။ ဒီဇာတ်ကားက မင်းအတွက် စိန်ခေါ်ခြင်း တစ်ခု ဖြစ်နေလား ? ဘာဖြစ်ဖြစ် မင်း ဒီဇာတ်ကားကို ကြိုက်တယ်ဆိုရင် ကိုင်ကြည့်လိုက်ပါ၊ နောင်ဖြစ်လာမယ့် အရာတွေကို အများကြီး မစဉ်းစားပါနဲ့၊ ဒါတွေက ဘာမှ မဖြစ်လာတာလည်း ဖြစ်နိုင်တာပဲ.. "
Charles စိတ်ရူးမပေါက် သရွေ့တော့ သူ က ကောင်းကောင်းပြောတတ်တယ်။
Tang Feng က ရယ်နေပေမယ့် သူက ဘဝသစ်မှာ နေလာတာ ကြာလေလေ သူ့ဘဝဟောင်းနဲ့ ပိုပတ်သတ်မိလေလေ ဆိုတာ တွေးနေမိသည်။
"ဒါဆို ဒီဇာတ်ကားကို ရွေးဖို့ ဆုံးဖြတ်လိုက်ပြီလား။"
Lu Tin Chen သည် Tang Feng ၏ စတူဒီယိုရုံးခန်းတွင် ထိုင်နေသည်။ သူတို့သည် အထက်အရာရှိနှင့် လက်အောက်ငယ်သားများ ဆက်ဆံရေးမဟုတ်တော့သော်လည်း Tin chen Entertinment သည် အစုစပ် ပါတနာ တစ်ယောက် အနေဖြင့် Tang Feng နှင့် ကောင်းမွန်သောဆက်ဆံရေးကို ဆက်လက်ထိန်းသိမ်းထားဆဲဖြစ်သည်။
စိတ်ခံစားမှု သို့မဟုတ် စီးပွားဖြစ် ရှုထောင့်မှနေပါစေ၊ Tang Feng ၏ စတူဒီယိုသည် Lu Tin Chen အတွက် အလွန်ဆွဲဆောင်မှုရှိသည်။
Tang Feng က သူ သိပ်ချစ်တဲ့သူမို့ မဟုတ်ဘူး။ "Rebirth" သည် box office ရလဒ်ကောင်း တစ်ခုရရှိပြီးနောက်တွင်ပင်၊ Tang Feng နှင့် ပူးပေါင်းလိုသော တရုတ်နိုင်ငံတွင် အောင်မြင်ပြီး အကြီးစား ထုတ်လုပ်ရေးကုမ္ပဏီများစွာရှိသည်။ ရေပန်းစားမှု လှိုင်းနှင့်အတူ ထျန်းချန် အင်တာတိန်းမန့်က Tang Feng နှင့် လုံးဝ ဆွဲဆောင်မှုရှိသော အခြေအနေများဖြင့် ကမ်းလှမ်းကာ စာချုပ်ချုပ်ခဲ့သည်။
Lu Tin Chen ရဲ့ဖခင်အတွက် စိတ်ပူစရာရှိ၊ မရှိနဲ့ ပတ်သက်ပြီးတော့ မေးကြည့်တော့ Lu Tin Chen က သူ့မိသားစုထဲက အဖိုးကြီးက ခုတလော အတော်လေးကို အေးချမ်းနေတယ်လို့ ဆိုတယ်။
ဒါ Lu Tin Chen ရဲ့ အိမ်တွင်းရေး ကိစ္စဖြစ်လို့ Tang Feng က တရားရုံးကို သူကိုယ်တိုင် မပါဝင်ချင်ဘူး။
"ကိုယ်ရေးကိုယ်တာ ခံစားချက်အပြင် ဒီဇာတ်ကားက ကဏ္ဍတိုင်း အတွက် အရမ်းကောင်းပါတယ်။ ထုတ်လုပ်ရေးကုမ္ပဏီက မြောက်အမေရိကမှာ အကြီးဆုံးထုတ်လုပ်ရေးကုမ္ပဏီတစ်ခုပါ။ ဒီဇာတ်ကားကို ပြင်ဆင်နေတာ နှစ်နှစ်ကျော်ရှိပြီ။ အဲဒီကာလအတွင်းမှာ ဇာတ်ညွှန်းက အခြေခံအားဖြင့် ပိုတည်ငြိမ် လာတယ်။ ဒါရိုက်တာက ဖီးနစ်ထျန်း နဲ့တွဲလုပ်ခဲ့တဲ့ သူတစ်ယောက်ကို ဆုံးဖြတ်ခဲ့တယ်။"
Tang Feng က Lu Tin Chen ရုပ်ရှင်အကြောင်း ပြောပြနေသည်။
ပဏာမ ကြိုတင်ပြင်ဆင်မှုပဲဖြစ်ဖြစ်၊ ရုပ်ရှင်ကို ဖန်တီးတဲ့အခါ ရန်ပုံငွေဝန်ထမ်းတွေက အာမခံပေးရတယ်၊ ဒါမှမဟုတ် ရုပ်ရှင်ပြီးသွားတဲ့အခါ မြောက်အမေရိကနဲ့ ကမ္ဘာတဝှမ်းလုံးကို ဖြန့်ဖြူးရေးဆိုင်ရာ အရင်း အမြစ်တွေနဲ့ လူသိရှင်ကြား ပရိုမိုးရှင်းဆင်းတဲ့ အချိန်တွေမှာ ရုပ်ရှင်ကို အကောင်းဆုံး အနေထားနဲ့ ပရိသတ်တွေဆီ ပြသနိုင်စေမှာ သေချာတယ်။
ရုပ်ရှင်တစ်ကားအနေနဲ့ ထျန်းဖုန်း အကြောက်ဆုံးကတော့ ဇာတ်ညွှန်း မပြင်ဆင်ခင်ကတည်းက စတင်ရိုက်ကူးတာ ဖြစ်ပြီး၊ ရိုက်ကူးရေး တစ်ဝက်လောက်က ငွေကြေးအခက်အခဲကြောင့် ဒါမှမဟုတ် ရိုက်ကူးပြီးပြီးချင်း လူသိရှင်ကြား မပြဖြစ်တာတွေပဲ။
ဒါကြောင့် ဇာတ်ကား အစကတည်းက ကနေ နောက်ဆုံး ဇာတ်ကားကို ပြီးပြည့်စုံအောင်ပြသနိုင်ဖို့ ထျန်းဖုန်းက ထောင့်ပေါင်းစုံမှ စဉ်းစားခဲ့သည်။
"ကိုယ်ရေးကိုယ်တာ ခံစားချက်လား?"
Lu Tin Chen က Tang Feng ရဲ့ စကားထဲက အဓိက အချက်တွေကို ဖမ်းကိုင်လိုက်ပြီး မေးလိုက်သည်။
" မင်းဘာတွေ စိတ်ပူနေတာလဲ... ဖီးနစ်ထျန်း နေရာကနေ သရုပ်ဆောင်ပြီး ဖီးနစ်ထျန်း ရဲ့ ဘဝထဲကို ပြန်ဝင် ရမှာမို့လား ၊ မင်း ဒီအတွက် စိတ်ပူရင်......"
ပြောနေရင်း လုထျန်းချန်က လက်ကို ဆန့်တန်းလိုက်သည် ။ Lu Tin Chen သည် Tang Feng ကို ညင်သာစွာ ဖက်ကာ နှစ်သိမ့်လိုက်သည်။
"ငါ မလုပ်နိုင်ရင်တောင် ချားလ်စ်၊ အဲလ်ဘတ် နဲ့ ရှောင်ယု နဲ့ တခြားသူတွေ ရှိနေတယ်လေ။"
ang Feng ရဲ့ဘဝဟာ သူတို့တွေ မပါလို့ မဖြစ်ဘူး။ သူတို့တွေကလည်း ထျန်းဖုန်းကို လက်လွတ်မခံနိုင်ဘူး။
Lu Tin Chen သည် Tang Feng ၏နှလုံးသားရှိ ထိုလူတွေကို အလေးထားသည့် စိတ်ကို သိနေသည်။ Tang Feng ၏ သရုပ်နေ သရုပ်ဆောင်ရင်တောင် အချိန်မီ ပြန်ရုန်းထွက်ဖို့ လုံလောက်သည်ဟု ယုံကြည်ပါသည်။
"ကောင်းပြီ၊ စိတ်ဓာတ်မကျပါနဲ့။"
Lu Tin Chen ရဲ့လက်ကို တွန်းဖယ်လိုက်ပြီး Tang Feng က သူ့လက်ချောင်းကို စားပွဲပေါ်တင်လိုက်ပြီး ခေါင်းညိတ်လိုက်တယ်။
" ခန်းမထဲမှာထိုင်ပြီး ဖီးနစ်က တစ်သက်တာအောင်မြင်မှုဆုကို ရရှိခဲ့တာကိုတွေ့တော့ ကျွန်တော် သူ့ကို ပြောစရာ ရှိတာ အားလုံး ပြောပြီးပြီထင်ခဲ့တယ်။ သူ့ကို နှုတ်ဆက်ခဲ့တယ်။ ဒါပေမယ့် အခု ဖီးနစ်ထျန်း က ကျွန်တော် စွန့်လွှတ်သင့်တဲ့ အတိတ်မဟုတ်ဘူး ။ ကျွန်တော် ရုပ်ရှင်သွားရိုက်ပြီး သူ့ကို အနုပညာ လောကထဲ ပြန်ခေါ်မယ်၊ ဒါကြောင့် ကျွန်တော် ဒီဇာတ်ကားမှာ သရုပ်ဆောင်မယ်လို့ ရောဘတ်ကို ပြောပြလိုက်မယ်။"
Tang Feng က တကယ်ပဲ ဆုံးဖြတ်ချက်ချလိုက်သည်။
"ဒီဇာတ်ကားကို ကိုယ် တကယ် စောင့်မျှော်နေပါတယ်။"
Lu Tin Chen ပြုံးလိုက်သည်။ အနည်းဆုံးတော့ ရုပ်ရှင်ရိုက်ကူးရေးနဲ့ နောက်ဆုံး ထွက်ကုန်တွေတောင် သူ တစ်ခါမှ မဆက်သွယ်ဖူးတဲ့ ဖီးနစ် အကြောင်း ပိုလေ့လာနိုင်မှာပါ။
ထိုနေ့မှာပင် Tang Feng သည် Robert နှင့် ဖုန်းပြောခဲ့သည်။ သူတို့၏ရိုးသားမှုကိုပြသရန်အတွက် ထုတ်လုပ်ရေးကုမ္ပဏီသည် တစ်ပတ်အကြာတွင် Tang Feng နှင့် စာချုပ်ချုပ်ရန် အထူးပုဂ္ဂိုလ်တစ်ဦးကို အမေရိကန်သို့ ထျန်းဖုန်းကို ခေါ်မယ့်အစား သူတို့လူကို ထျန်းဖုန်း နှင့် လက်မှတ်ရေးထိုးဖို့ စေလွှတ်ခဲ့သည်။
"ကျွန်တော် တကယ်နာမည်ကြီးနေပုံရတယ်။"
ဒီကိစ္စနဲ့ ပတ်သက်ပြီး Tang Feng က ပြုံးပြီး ပြောလိုက် တယ်။ ဒါက နာမည်ကြီးခြင်းနဲ့ နာမည်မကြီးခြင်းရဲ့ ကွာခြားချက်ပါပဲ။
*****-****
YOU ARE READING
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
