Chapter 49: ပြည်တော်ပြန်ခြင်း
ကောင်းကင်ဘံ၏သားတော် ဇာတ်ကား နောက်ဆက်တွဲကို ရိုက်ရာတွင် Tang Feng၏နေရာတွင် အခြားသရုပ်ဆောင်ကို အစားထိုးမလားဆိုပြီး ပြင်ပကမ္ဘာကလူတွေ ငြင်းခုံနေကြဆဲဖြစ်ပြီး အချို့သော စိတ်အားထက်သန်သော မဂ္ဂဇင်းများက ထုတ်လုပ်ရေးကုမ္ပဏီအတွက် အစားထိုးနိုင်ချေရှိသည့် သရုပ်ဆောင်လောင်းများ၏ အဆင့်ကိုပင် သတ်မှတ်ပေးခဲ့သော်လည်း Tang Feng ကတော့ သူ့ရဲ့ အနာဂတ်သရုပ်ဆောင်လမ်းကြောင်းကို ဘယ်လိုလျှောက်လှမ်းမယ်ဆိုပြီး တက်ကြွစွာ စီစဉ်နေပြီးဖြစ်သည်။
အမြင့်ကို တက်လှမ်းနိုင်တဲ့ တံခါးကို ပိတ်ပစ်ပြီး အပေါ်ကနေ ခုန်ချတာ မဟုတ်ဘူး။ သူက သူပါဝင်ချင်တဲ့ ဇာတ်ကားတွေမှာ သရုပ်ဆောင်ထားတဲ့ ဇာတ်ကားကို ပြည်တွင်းမှာ ဖြန့်ရုံတင်မက ကမ္ဘာနဲ့အဝှမ်း အသိအမှတ်ပြုနိုင်တဲ့ ဇာတ်ကားတွေကိုလည်း ထုတ်လုပ်ချင်တယ်။ ဒါကြောင့်က သူက တရုတ်ပြည်သို့ ပြန်ရန် ဆုံးဖြတ်ခဲ့ပေမယ့် Tang Feng က သူ့ ခရီးဆောင်အိတ်ကို ချက်ချင်း မသိမ်းဆည်းခဲ့ပေ။
ထုတ်လုပ်ရေး အဖွဲ့တစ်ဖွဲ့ဖွဲ့ဖို့ အမေရိကန်မှာ သူသိတဲ့ လူတချို့ကို ရှာတွေ့နိုင်မယ်လို့ မူလက သူ ထင်ခဲ့တယ်။ ဒါပေမယ့် အခု သူက ပြည်တော်ပြန်တော့မယ်ဆိုတော့ တိုင်းတပါးက လူတွေကို ရှာတာထက် ကိုယ့်ပြည်တွင်းက အရည်ချင်းရှိတဲ့သူကို ရှာရတာ ပိုကောင်းမည်ဟု တွေးလိုက်သည်။
တရုတ်နိုင်ငံကိုမပြန်မီ Tang Feng က မင်းသမီး Landa ၊ ဒါရိုက်တာနှင့် "Slayer" အဖွဲ့သား သူငယ်ချင်းအချို့နှင့် တွေ့ဆုံခဲ့သည်။ လူတိုင်းက တစ်ဦးနှင့်တစ်ဦး ဆက်သွယ်ဖူးကြသူများ ဖြစ်နိုင်သည်၊
Landa သည် Tang Feng နှင့် ပူးပေါင်းဆောင်ရွက်လိုကြောင်း ထုတ်ဖော်ပြောဆိုခဲ့ပြီး ထုတ်လုပ်ရေး ကုမ္ပဏီ၏ အကြီးတန်းအမှုဆောင်အရာရှိအချို့က ဒီလို ပူးပေါင်းဆောင်ရွက်မှုကနေ လင်ဒါက Tang Feng ရဲ့ အမေလိုမျိုး အရမ်းကာကွယ်ပေးမည်ကို စိုးရိမ်လာကြသည်။ အဲ့လိုသာ ဖြစ်မယ်ဆိုရင် ဒါက တကယ့်ကို ကြောက်စရာကောင်းတဲ့ အရာပဲ။
ဒါပေမယ့် လက်ရှိမှာ ဒီပြဿနာအတွက် စိုးရိမ်စရာ မလိုသေးပေ။ Landa ရဲ့ ရုပ်ရှင်အဖွဲ့သားတွေက လောလောဆယ် လုပ်စရာ အချိန်စာရင်းတွေ ပြည့်နေလို့ Tang Feng တရုတ်နိုင်ငံကို ပြန်ပြီးနောက်ပိုင်း နောင်မှာ တကယ် ပူးပေါင်းနိုင်မလားဆိုတာ မသိနိုင်သေးပေ။
"တကယ်ပြန်သွားမှာလား"
သူ့ရဲ့ အရင်းခြာ သူငယ်ချင်းတွေထဲမှာ Gino က မပါမဖြစ်ပေ။
"ဟုတ်တယ်၊ ဆုံးဖြတ်ပြီးပြီ။"
Tang Feng သည် Gino ၏ မျက်နှာချင်းဆိုင်တွင် ထိုင်နေသည်။ မပြန်ခင်မှာ တစ်ဖက်လူကို ကော်ဖီတစ်ခွက် သောက်ဖို့ ဖိတ်လိုက်ခြင်း ဖြစ်သည်။ ဘာပဲဖြစ်ဖြစ် သူငယ်ချင်းကို နှုတ်ဆက်သင့်တယ်လေ။
"အဲဒီတုန်းက ငါ အရမ်းဒေါသထွက်သွားတယ်။"
"ကောင်းပြီ၊ Gino၊ မင်းနဲ့ ထုတ်လုပ်သူဟာ နောက်ဆက်တွဲဇာတ်လမ်းတွေ ရိုက်ဖို့ စာချုပ်တစ်ခု ရှိသေးတယ်၊ ငါ့အတွက်ကြောင့် ထုတ်လုပ်သူနဲ့ မဆန့်ကျင်နဲ့။"
Gino က ငယ်ရွယ်ပြီး တစ်ခါတရံ စိတ်မြန်တယ်။ Gino ရဲ့ မိသားစု နောက်ခံက ကောင်းပေမယ့် ဟောလိဝုဒ်မှာ သူ့စိတ်တိုင်းကျ လုပ်ဖို့ မတတ်နိုင်သေးပေ။
မဟုတ်ရင် လက်ရှိ ဟောလိဝုဒ်ကြယ်ပွင့်တွေဟာ ချမ်းသာတဲ့ ဒုတိယမျိုးဆက်တွေ ဖြစ်နေမှာပေါ့။
"ကောင်းပြီ၊ အဲ့လောက်ကြီး မခံစားပါနဲ့။ နောင်ပိုင်း ငါက သေချာပေါက် တန်ဖိုးမြှင့်တက်လာဦးမှာပါ။!"
မိတ်ဆွေချင်း ဆွဲခွာဖို့ နှုတ်ဆက်ရတာကို မကြိုက်တဲ့သူတွေထဲမှာ Gino လည်းပါတယ်။ ဒါကြောင့် သူက တဟားဟား ရယ်မောက အပြောင်အပျက်လုပ်လိုက်သည်။
ဟာသလုပ်ပြီးနောက် သူက လေးနက်စွာပြောခဲ့သည်။
"ဟောလီးဝုဒ်ကို မင်း ပြန်လာမယ်ဆိုတာ ငါ သေချာသိတယ်။"
"ငါ သေချောပေါက် ပြန်လာမှာပါ"
Gino နဲ့ နေ့လယ်စာစားပြီးတဲ့ နောက်မှာတော့ သူတို့နှစ်ယောက် နှုတ်ဆက်ပြီး နောက် Tang Feng လမ်းဘေးမှာ ရပ်ပြီး တက္ကစီဖြင့် ပြန်ဖို့ ပြင်ဆင်ခဲ့ပေမယ့် ဒီအချိန်မှာတော့ ကားတစ်စီးက သူ့ရှေ့မှာ ရပ်သွားတယ်။
Tang Feng က Gino လို့ထင်ခဲ့ပေမယ့် ပြတင်းပေါက်မှန် ကျဆင်းလာချိန်မှာ Harvey ဖြစ်နေတာ သိလိုက်ရသည်။
"ဒေါက်တာ ဟာဗေး၊ မင်း Gino ကိုရှာဖို့ ဒီမှာနေတာလား။ သူ အခုမှ ပြန်သွားတယ်"
သူက ကားပေါ်က လူကို စောင်းငဲ့ကြည့်ကာ ခေါင်းညိတ်ပြီး ပြောလိုက်တယ်။
"မဟုတ်ဘူး၊ ငါ မင်းကို တွေ့ဖို့ လာခဲ့တာ။ မင်း တရုတ်ပြည် ပြန်တော့မယ်ဆိုတာ ငါကြားတယ်၊ မင်း နဲ့ စကားခဏ ပြောလို့ရမလား "
Harvey က တံခါးကိုဖွင့်လိုက်ပြီး Tang Feng ဝင်လာဖို့ အချက်ပြလိုက်တယ်။
"မင်းကို သိပ်ကြာကြာ မဆွဲထားပါဘူး။"
"ဘယ်သွားနေကြတာလဲ?"
ကားက နာရီဝက်ကျော်လောက် မောင်းနေသဖြင့် မေးလိုက်သည်။ Tang Feng က သွားနေတဲ့ လမ်းနဲ့ ပတ်ဝန်းကျင်ရှုခင်းတွေမှာ ရင်းနှီးတဲ့ ခံစားချက်မျိုးရလာသည်။
"တောင်ပေါ်မှာ ရှုခင်းတွေကောင်းပြီး နေဝင်ချိန်ကြည့်ဖို့ သင့်တော်တယ်"
Harvey က ပြောခဲ့သည်။
တောင်တက်လမ်းဘေးမှာ ကားရပ်ပြီး သိပ်မကြာခင်ဘဲ နေက တောင်ထိပ်ကို မေးတင်နေလေပြီ။ တိမ်တိုက်ကြီးများတွင် လိမ္မော်ရောင် အနီရောင် အရိပ်အမျိုးမျိုးဖြင့် စွန်းထင်းနေခဲ့ကာ တောင်ခြေနား ရောက်နေသည့် လူတွေကို အိမ်မြန်မြန်ပြန်ကြရန် တိုက်တွန်းနေသလိုမျိုး ကောင်းကင်မှာ အိမ်တန်း တက်သည့် ငှက်တွေ အတန်းလိုက် ပျံဝဲနေသည်။
ရင်းနှီးသောရှုခင်း.... ရင်းနှီးသောနေရာ....တချိန်က ရင်းနှီးကျွမ်းဝင်ခဲ့ဖူးသည့်သူ.....
ဒါပေမယ့် ဒါတွေအားလုံးက မတူတော့ပေ။ ပြောင်းလဲသွားသည့်သူက ထျန်းဖုန်းဆိုသည့် သူဖြစ်သည်။ ဘယ်လိုပဲဖြစ်ဖြစ် သူက အတိတ်က အချိန်ကို ပြန်မရနိုင်တော့ဘူး။
Tang Feng သည် အကာအရံပေါ်တွင် ကျောမှီလိုက်ပြီး အဝေးမှနေဝင်ချိန်ရှုခင်းကို လှမ်းကြည့်လိုက် သည်။ ဒီနေရာက ဖီးနစ်ထျန်းဘဝတွင် သူနဲ့ ဟာဗေး တို့ ငယ်စဉ်ကတည်းက နေဝင်ချိန်ကို လာကြည့်နေကျ နေရာဖြစ်သည်။
ဒီနေရာက သူတို့နှစ်ယောက် ပထမဆုံးချိန်းတွေ့တဲ့ နေရာဖြစ်သလို သူတို့လမ်းခွဲပြီးနောက် Fiennes တစ်ယောက် နေထွက်ချိန်မှနေဝင်ချိန်အထိ အခြားလူ လာပြီး မမောင်းထုတ်ခင်အထိ တစ်ကိုယ်တည်း လာရောက် လည်ပတ်ခဲ့ဖူးသည့် နေရာလည်း ဖြစ်သည်။
လူတစ်ယောက် ပျော်ရွှင်နေချိန် သူ ပျော်ရွှင်ခဲ့ရသလောက် ထိုအရာကို ဆုံးရှုံးသွားချိန်မှာ ခံစားသောအခါတွင် နာကျင်မှုက နှစ်ဆဖြစ်သည်။
"မြင်ကွင်းက လှတယ်"
Tang Feng က Harvey က သူ့ကို ဘာကြောင့် ဒီကို ခေါ်လာချင်တာလဲဆိုတာ မသိပေမယ့် အခု ချိန်မှာတော့ သူ့ဆီမှာ အထူးပျော်ရွှင်မှုနေတာ၊ ဒါမှမဟုတ် တခုခု ပျောက်ဆုံးနေတယ်လို့ မခံစားရဘဲ သူ့ရှေ့က အလှတရားကိုပဲ တန်ဖိုးထားမိတော့သည်။
"ကျွန်တော့်ဆီမှာ နေဝင်ချိန်ကို ကြည့်ရတာ ကြိုက်တဲ့ သူငယ်ချင်းတစ်ယောက် ရှိခဲ့ဖူးတယ်၊ သူက အပေါ်ယံမှာ အရမ်းတည်ငြိမ်ရင့်ကျက်ပုံပေါ်ပေမယ့် တကယ်တော့ သူက ရင်ခုန်စရာတွေကို နှစ်သက်တဲ့သူဖြစ်တယ်။"
Harvey သည် ထိုစကားပြောပြီး သူ့အကြည့်တွေက Tang Feng ထံသို့ ရောက်ရှိလာပြီး ထူးခြားသည့် ခံစားချက်တို့ဖြင့် စိုက်ကြည့်လိုက်သည်။
"ဘဝကို ချစ်မြတ်နိုးသူတွေဟာ 'ရိုမန်တစ်' ဆိုတဲ့ စကားလုံးရဲ့ အဓိပ္ပာယ်ကို သဘောကျမယ်လို့ ထင်ပါတယ်။"
Tang Feng က ပြုံးပြီးပြောလိုက်တယ်။ " မင်းသူငယ်ချင်းလည်း ဒီလိုနေမှာပါ"
Harvey က ပြုံးပြီး "အဲဒီသူငယ်ချင်း အကြောင်း မပြောတော့ဘူး၊ ကျွန်တော် ခင်ဗျားကို တစ်ခုလောက်မေးချင်တယ်၊ မေးလို့ရနိုင်မလား"
ထျန်းဖုန်း - " ခင်ဗျား မေးခွန်းကို ကျွန်တော် ခန့်မှန်းကြည့်ပါရစေ၊ ခင်ဗျားက ကျွန်တော် နဲ့ Charles ရဲ့ သတင်းကို ရည်ညွှန်းနေတာလား ဒါမှမဟုတ် အဲဒီနေ့က သင်္ဘောပေါ် ကျွန်တော် ဘာလို့ ပေါ်လာတာလဲ ဆိုတာကို မေးချင်တာလား"
ဟာဗေးရဲ့ အဖြေကို မစောင့်ဘဲ Tang Feng ကဆက်ပြောလိုက်သည်။
"ခင်ဗျား အဲ့ဒါတွေကို သိချင်တာဆိုရင်တော့ ဆောရီးပဲ....ကျွန်တော် ခင်ဗျားကို သိပ်အများကြီး မပြောနိုင်ဘူး။"
Tang Feng က ဖြေဆိုဖို့ တိုက်ရိုက်ငြင်းဆိုခဲ့ပြီးနောက် Harvey ရဲ့ မျက်နှာပြင်ထက်မှာ သိသာထင်ရှားစွာ ပဟေဌိဖြစ်နေသည့် အမူယာပေါ်လာသည်။
" ဘာကြောင့်လဲ။ "
"ဒေါက်တာ ဟာဗေး၊ ခင်ဗျားက ကျွန်တော့် အတွက် လျှို့ဝှက်ထားပေးလို့ ကျေးဇူးတင်ပါတယ်၊ ဒါပေမယ့် ခင်ဗျားနဲ့ ကျွန်တော့်အတွက် အဲ့ဒီအကြောင်းကို သိတာ နည်းလေလေ ခင်ဗျား ကျွန်တော့်ကို ဂရုစိုက်လေလေပါပဲ.... ကျေးဇူး"
"သူတို့အားလုံး အန္တရာယ်ရှိပုံရတယ်။ မင်းသူတို့နဲ့ ဝေးဝေးနေသင့်တယ်။ မင်းက ငယ်သေးတယ်၊ သူတို့အကြောင်းကို အများကြီး မသိလောက်သေးဘူး။"
Harvey က ခေါင်းယမ်းပြီး လေးနက်စွာ ပြောလိုက်သည်။
Tang Feng က ပြုံးပြီး မေးလိုက်သည်။ "ကျွန်တော်က လောဘကြီးသူလို့ ခင်ဗျားထင်လား"
"ဘယ်ဟုတ်မလဲ။"ဟာဗေးက ချက်ချင်းပြန်ဖြေတယ်။
"ကျွန်တော် ဘာလုပ်နေလဲ၊ ကျွန်တော့် ပတ်ဝန်းကျင်မှာ ဘယ်သူရှိလဲ၊ ဘယ်သူနဲ့ဆိုရင် လုံခြုံမလဲဆိုတာ လိုက်ရှာနေမိတာကို ကျွန်တော် သိပါတယ်။ ဒါပေမယ့် ကျွန်တော့်ဘဝမှာ တစ်ကြိမ်လောက်လေးပဲ လွတ်လွတ် လပ်လပ် နေပါရစေ။ အဲ့ဒီအချိန်က အရမ်း တိုတောင်းတယ်ဆိုရင်တောင်မှပေါ့။"
အနီရောင်ပြောင်းသွားတဲ့ ဟိုးမိုးကုတ်စက်ဝိုင်းက နေဝင်ဆည်းဆာ ရှုခင်းကို ကြည့်နေရင်း Tang Feng တိုးတိုးလေး ဆက်ပြောလိုက်သည်။
"ကျွန်တော်က ဘဝကို လွတ်လွတ်လပ်လပ်လေး နေချင်ရုံလေးပါ။"
ထျန်းဖုန်း ပျော်ပါသည်။ သူ အမေရိကားကို ရောက်စဉ်က နွေဦးပေါက်ရာသီဖြစ်ပြီး နေရောင်နွေးနွေးက တောက်ပလှသည်။ အခု တရုတ်ပြည်ကို ပြန်သွားမည့်အချိန်က ဆောင်းဝင်ခါနီးပြီ။ သူ ရေတွက်ကြည့်တော့ သူ့ဘဝသစ်ကိုရောက်လာတာ နှစ်နှစ်ရှိပြီ။
နှစ်နှစ်အတွင်းမှာ သူသည် ရုပ်ရှင်သုံးကားကို ရိုက်ကူးခဲ့ပြီး သူ့ရဲ့အမြင်အရ သူ့ဘဝတိုးတက်မှု အရှိန်အဟုန်သည် မြန်တာလည်းမဟုတ်၊ နှေးတာလည်း မဟုတ်ပေ။
သူ့ကို အခု ဟောလိဝုဒ်က "စွန့်ပစ်လိုက်" တယ်လို့ မှတ်ယူထားကြပြီး ပြည်တွင်းမီဒီယာတချို့က လူအများရဲ့အာရုံစိုက်မှုကို ရအောင်ယူဖို့ ငွေဘယ်လောက်တောင် ပုံသြသုံးမလဲပင် မသိတော့ပေ။ ဟောလိဝုဒ်ရှိ တယ်လီဗေးရှင်းအချို့၏ သတင်းအတုများကို သယ်ဆောင်ကာ ပြည်တွင်းမှာ သတင်းမှားများကို ဖြန့်နေလောက်ပြီ။
ကံကောင်းထောက်မစွာ၊ Lu Tianလchenက လျင်မြန်စွာ လှုပ်ရှားခဲ့ပြီး သတင်းအတုအများစုကို ကုမ္ပဏီ၏ လူထုဆက်ဆံရေး အကူအညီဖြင့် အချိန်မီဖြေရှင်းခဲ့သည်။
Tang Feng သည် သတင်းထောက်အချို့၏ အင်တာဗျူးများကို ဖြေကြားခြင်းမရှိပေ။ ဘာကြောင့်လဲဆိုတော့ မကြာခင် Charles နဲ့ သူ့ရဲ့ အတင်းဖျင်း အတင်းကို အားပျော့သွားစေမယ့် နောက်ထပ် သတင်းအပြင် "Son of Heaven" ဇာတ်ကားရဲ့ နောက်ဆက်တွဲသတင်းတွေလည်း ထွက်လာတဲ့ အတွက်ဖြစ်တယ်။
Lu Tian chen နဲ့ စာချုပ်ကို ယခုအချိန်တွင် ရပ်စဲရန် ရွေးချယ်ရတဲ့ အဓိက အကြောင်းရင်းက သူ့ရဲ့ အနာဂတ် အလုပ်တွေကို ပိုအဆင်ပြေပြီး လွတ်လပ်စေတဲ့ အပြင်၊ Tang Feng လည်း လူအများရဲ့ အာရုံစိုက်မှုကို သူနဲ့ Charles ဆီကနေ ဖယ်ပစ်ဖို့ စဉ်းစားခဲ့လို့ဖြစ်သည်။
အတင်းဖျင်းသတင်းကို အစားထိုးဖို့ ပိုကြီးတဲ့ သတင်းကို အသုံးပြုပါ၊ ဒီနည်းက ပြည်သူ့ဆက်ဆံရေး ဌာနက လုပ်လေ့ရှိတဲ့ နည်းတွေဖြစ်ပြီး အချို့နိုင်ငံများမှာ ပြည်တွင်းရေး မငြိမ်မသက်မှုနဲ့ စီးပွားရေး ပြဿနာများ ရှိနေချိန်မှာ တိုင်းပြည်အုပ်ချုပ်သူတွေက ပြည်သူကို အာရုံလွှဲဖို့ စစ်ပွဲကို အသုံးပြုပြီး ပြည်တွင်းပဋိပက္ခတွေကို ပြည်ပသို့ လွှဲပြောင်းပေးလေ့ရှိသည်။
Tang Feng သည် တရုတ်နိုင်ငံသို့ စကားတစ်ခွန်းမှ မပြောဘဲ ပြန်လာသောအခါတွင် သူ၏ လိင်ပိုင်းဆိုင်ရာ ခံယူချက်နဲ့ "ကောင်းကင်ဘုံရဲ့သားတော်" ဇာတ်ကားမှ ဖယ်ရှားခံရခြင်း ဆိုတဲ့အကြောင်းကို လူတွေ စိတ်မဝင်စားတော့ပဲ Tang Feng နှင့် Tianchen Entertainment တို့ကြားက စာချုပ် ရပ်စဲလိုက်ကြောင်း ကိုပဲ မဂ္ဂဇင်းက ဦးစားပေး ဖော်ပြကြတော့သည်။ ဒီသတင်းကို ဦးဆုံးဖော်ပြနိုင်တဲ့ သတင်းထောက်က အရမ်းစိတ်ဝင်စားဖို့ကောင်းတဲ့ လီတုန်း (လီတုန်း ) ဆိုတဲံ သတင်းထောက်ဖြစ်သည်။
"အစ်ကိုထျန်း... ဒီတစ်ခါ ခင်ဗျား အခွင့်ရေးပေးတဲ့အတွက် ကျေးဇူးအများကြီးတင်ပါတယ်။ အယ်ဒီတာကို ခင်ဗျားနဲ့ သီးသန့်အင်တာဗျူး တစ်ခု လုပ်ပေးနိုင်တယ်လို့ ပြောလိုက်တဲ့အခါ အယ်ဒီတာက ကျွန်တော့်ကို ဘီလူးတစ်ကောင်ကို မြင်သလို ကြည့်နေခဲ့တာဗျ.... ဟားဟား။"
လီတုန်း က သူ့နှာတံ ပေါ်က မျက်မှန်ကို ပင့်တင်ကာ ပြုံးလိုက်တယ်။
Tang Feng ကို ဆက်သွယ်ရန် အခြား သြဇာကြီးမားသော ဝါရင့် သတင်းထောက်များ ရှိသော်လည်း Tang Feng က လီရှုံး ကို ရွေးချယ်ထားဆဲဖြစ်ပြီး တချိန်က လီတုန်း ကို သူ့ကို သီးသန့်အင်တာဗျူးခွင့် ပေးမည်ဟု ကတိပေးသောကြောင့် ဖြစ်သည်။
"မင်း အခုဘွဲ့ရပြီး သတင်းစာတိုက် ရုံးခန်းမှာ ဆက်နေဖို့ စိတ်ကူးရှိလား။"
နောက်ဆုံးအင်တာဗျူးက တစ်ဝက်တစ်ပျက်ပါပဲ။ ဒီနေ့ နောက်ဆုံးမပြီးသေးတဲ့ အင်တာဗျူးကို ဆက်လက်ဖော်ပြခြင်းဖြစ်သည်။ Tang Feng က လီတုန်း ကို သူ့အိမ်သို့ ရိုးရိုးရှင်းရှင်း ဖိတ်ခေါ်လိုက်သည်။
Tang Fengက ပရိသတ်နဲ့ ပိုရင်းနှီးဖို့ အင်တာဗျူးကာလအတွင်း သူ့အိမ်ရဲ့ ဓာတ်ပုံအချို့ကို ရိုက်ယူခွင့်ပြုနိုင်သည်။
"ဟုတ်တယ်၊ ကျွန်တော် ဒီနှစ်မှ ဘွဲ့ရတယ်။ အစ်ကိုထျန်းရဲ့ ကူညီမှုကြောင့် ကျွန်တော် ဒီသီးသန့် အင်တာဗျူးကို ရခဲ့တယ်။ နောက်ဆုံးထုတ် မဂ္ဂဇင်းက အရမ်းရောင်းကောင်းခဲ့တယ်။ အခု မဂ္ဂဇင်းက ကျွန်တော့်ကို ပုံမှန်ဝန်ထမ်းတစ်ယောက်ဖြစ်အောင် ခြွင်းချက်အနေနဲ့ ခန့်အပ်လိုက်တယ်" လီတုန်း စိတ်လှုပ်ရှားမှုအပြည့်ဖြင့်ပြောခဲ့သည်။
"ဟုတ်တယ် ။ မင်း ငါ့ကို ထမင်းစားဖို့ မဖိတ်သင့်ဘူးလား" Tang Feng က ပြုံးပြုံးလေးပြောလိုက်သည်။
လီတုန်း သည် တစ်ခါတည်း သဘောတူခဲ့သည်- "ကိစ္စမရှိပါဘူး၊ ဒါ ဖြစ်သင့်တယ်!"
လူငယ်လေးက ဆက်ပြောလိုက်သည်။
"ဟောလိဝုဒ် ရုပ်ရှင်လောကက မကောင်းဘူး။ အစ်ကိုထျန်းက ပြည်တွင်းမှာ တရှိန်ထိုး နာမည်ကြီးနေတဲ့သူပဲ။ နောက်မှ သူတို့က အစ်ကို့နောက်ကို တကောက်ကောက် လိုက်နေရမယ် "
**-**
ESTÁS LEYENDO
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
