Kristine Series 22 - Wild Passion (COMPLETED) (UNEDITED)

19

NASA top deck sila at magkaharapang nakaupo sa naroong mga chrome-plated metal benches kasama ng ilang pasaherong mas gustong nasa itaas kaysa manatili sa air-conditioned room sa ibaba.

Ang mga binti ni Benedict ay nakataas sa bench na inupuan ni Julianne at nakahilig ang ulo nito sa sandalan. Nakakrus ang mga braso sa dibdib.

Naaaninag ni Julianne sa shades ni Benedict na nakapikit ito. Pero alam niyang hindi ito tulog. She had been staring at him for seconds, memorizing every planes and angles. Hindi pa rin ito nag-aahit. His jaws and chin were darkened by days old whiskers. Sa halip na pagmukhaing marumi ng whiskers ang mukha nito ay lalo lamang nakadagdag iyon sa attraction ni Benedict.She noticed a few women who gave him a second look.

Ang buhok nito ay ginugulo ng hanging nagmumula sa dagat. Nang matuon ang mga mata niya sa mga labi nito ay bahagyang nanayo ang mga mumunting balahibo niya sa katawan nang maisip kung ano ang nagagawa ng pilyong mga labing iyon sa kanya.Niyuko niya ang magkapatong nitong mga paa sa upuan niya. Naka-moccasin ito at walang suot na medyas. Her fingers softly toyed with the fine hairs on his lower leg. Then a tender smile curved her lips.

Napakalaki na ng ipinagbago ng buhay niya sa nakalipas na mga oras. Mula sa sandaling binigyan niya ng konsiderasyon ang alok nito sa kanya ay nagsisimula na niyang tahakin ang daang walang katiyakan kung ano ang dulo.

Kanina, ilang minuto matapos siyang iwan sandali ni Benedict sa cottage upang magbalik sa villa para magpaalam kay Abel ay bumalik si Nadine na punong-puno ng kuryosidad at pagtataka. Hindi man niya gustong magsalita ay hindi makapagkakaila ang kakaibang kislap sa mga mata niya. That and the telltales on her throat and shoulder blades of what had just transpired between her and Benedict. Napilitan siyang sabihin nang pahapyaw rito ang pangyayari sa pagitan nila ni Benedict.

"Hindi ako makapaniwalang ginawa mo ito, Julie!" bulalas ni Nadine bagaman wala kahit na bahid na pag-aakusa sa tinig. Ang naroon ay matinding panggigilalas. "Para kayong buhawi!"

"Iyon din ang naisip ko," she said, embarrassed by the permissiveness of her behavior. "Kagabi, maaari kong isisi sa mababang morale at vulnerability ang nangyari dahil sa natuklasan ko kay Stan. At nadagdagan pa ng kaunting espiritu ng alak. Pero ang nangyari kanina ay..." Nilingon niya ang kama, a delicious shiver ran down her spine as the intensity of their lovemaking flashed in her mind, "hindi ko kayang ipaliwanag."

"You and Benedict Aragon are destined to meet," hindi pa rin makapaniwalang idinagdag nito. A romantic spark flashed her eyes.

Isang matabang na ngiti ang pinakawalan niya. "I don't believe in destiny, Nadine. You shouldn't either. Tayo ang gumagawa ng mga bagay na nangyayari sa atin. Nakilala ko si Benedict dahil nagtungo ako sa Villa Manuela para komprontahin si Stan. I made it happened. Hindi dahil nakatakda kaming magtagpo. Don't be silly."

"But he seduced you," giit nito. "Sa isang tulad ni Benedict Aragon, tila ka sisiw sa mga kuko ng agila. You have no choice. Kung saan ka nadapa, doon ka na babangon."Hindi niya mapigilan ang mapangiti. "We all have choices to make, Nadine," paliwanag niya. "We were never left without a choice. Kahit na nga ba hindi natin gusto ang pagpipilian, still we were given that."

"At gusto mo ang pinili mo?"

Hindi siya kumibo. She wondered if she already made a choice. Hindi niya sinang-ayunan ang alok nito subalit hindi rin naman tinanggihan. It would have been easier if she just said good-bye. No... no. This morning when she left the villa, that had been easy. Maliban sa guilt sa ginawa niya, hindi na niya inaasahang magkikita pa silang muli.

Pero pinagdududahan niya ang sariling damdamin kung kaya niyang sabihin ngayon iyon. Kung ano ang nangyari sa pagitan ng pagdating nito sa cottage hanggang ngayon ay hindi alam ni Julianne. And it wasn't because they had sex. It was preposterous to even consider that sex was the reason why she was considering Benedict's offer of a relationship.

She was even a bigger fool to agree with him that there was something going on between them that he couldn't explain. Pero paano niyang ipaliliwanag sa sariling hindi niya makuhang iglap na putulin ang napasimulan na? That deep inside, she really wanted to take a chance on him; na naroroon ang isang gahiblang pag-asa na kung sakaling ma-annul ang kasal nito sa asawa ay magiging malaya si Benedict na ialok sa kanya ang pangalan nito.

Asawang tinutukoy nito ng "siya" at "the woman I married." Ganoon na lang ba ang pagkasuklam nito sa asawa at kahit man lang ang pagbigkas ng pangalan nito ay hindi magawa ni Benedict?

Isang buntong-hininga ang ginawa ni Nadine nang manatili siyang tahimik. "Ano ang sasabihin ng mga magulang mo?"

Napatingin siya sa labas ng bintana. May ilang sandali ang pinalipas bago sumagot. "Kung... kung magagawa kong ipaglihim sa kanila ay gagawin ko, Nadine. I can only hope this..." Hindi siya makahagilap ng tamang salita para sa kanilang dalawa ni Benedict, "this thing between us wears off before they learned about it."

"Nag-aalala ako, Julie. Paano kung... kung hindi magiging maganda ang kahihinatnan ng gagawin mong ito?"

"Then I suffer the consequences of my actions, of the wrong decision I made. We all do."Iyon ang naging kabuuan ng pag-uusap nila ni Nadine bago siya sinundo ni Benedict. She dreaded to know what the consequences would be.

*************Yan ang gusto ko sa'yo Julianne eh, dapat may paninindigan ka talaga sa lahat ng mga bagay na gusto mong gawin at ginawa. Kaya kahit karibal kita ay mataas ang respeto ko sa'yo char hahahaha - Admin A *******************