D.I.Y. Love

End Game

Sa Bahay nila Randell
10:00 PM

Nakitambay muna si Lester at Monique sa bahay ni Randell upang manuod ng livestreaming kung saan nanduon si Brendon. Nabanggit kasi ni Brendon sa kanyang mga barkada na aattend ito ng party.

Randell : (Tutok na tutok sa kanyang cellphone, katabi si Monique at Lester at nakaupo sila sa sahig) Grabe, ang yayaman ng mga tao sa event. Baka kahit tumanda na ko hindi ako makakapunta sa ganyan eh. (Bungad nito)

Lester : Mayaman naman pala si Sir Justin eh, pero low profile lang siya noh? Akalain mo yun, isang empleyado sa banko, hindi ko talaga naisip dati na isa siyang member ng Elite. ( Habang nakayakap kay Monique)

Randell : Ano ka ba Lester, hindi ko ba nakwento sayo? Yung inistalk ko yung profile niya tapos nag-message ako. Nadiscover ko na isa pala siyang CPA. (Dugtong nito)

Monique : Anong CPA? (Habang inaabangan ang announcement ni Gayle sa Livestreaming)

Randell : CPA, ibig sabhin Certified Public Accountant. mahal ang bayad sa kanya. Sa kahit anong business, hindi pwedeng walang accountant. Sila ang in-charge sa audit at finances. Mahal ang pirma ni Justin. Kung alam niyo lang. (Pagbibida nito)

Monique : Uy, dati inis na inis ka kay Justin pero ngayon parang bet mo na siya maging friend. Anong nangyari sayo? (Pang-aasar nito)

Randell : Siguro dahil alam kong nasa mabuting kamay si Brendon. Alam niyo naman kung bakit ako na fall kay Brendon diba? Kasi siya lang naman ang nagligtas sakin sa kapatid nung Ex ko na muntik na kong bugbugin. (Kwento nito)

Monique : Move on na Sis, nakaraan na yun eh. Balik tayo sa pagiging CPA ni Justin. Magkano kaya ang sinasahod niya noh? (Naintriga ito)

Randell : Wala akong ideya, pero kapag CPA ka na, matik lisensiyado ka na. Tsaka, ikaw ba naman makabili ng house and lot sa isang high-end na village diba? Eh di, malaki talaga sahod nun. (Natigilan ito) Ayan na, announcement na ng winners. Binoto ko kaya si Brendon pati si Alfred, sana manalo sila.

.......

Mini Center Stage
Alabang Events Center
10:00PM

Dahan-dahan ng binubuksan ni Gayle ang envelop kung saan nandun na ang result ng winners. Medyo nagulat siya sa nakita pero wala na siyang magagawa kailangan na niyang i-aanounce ito, sa ayaw niya o sa gusto.

Gayle : Hmmmm .... Interesting. This is unexpected.(Napatingin sa mga Guests) Basahin ko muna ang isa sa top comment ng mga Netizens, kung bakit siya ang nanalo.

Netizen : He's definetely has the look. Well, I am a little bit confused kung sino sa kanila ni Justin ang iboboto ko, but I prefer kasi yung ginawa niya na kahit injured siya ay nagawa pa rin niyang mag-effort for the sake of the event. My vote goes to Brendon.

As expected, lahat nagulat. Si Dennis na nag-aasume na siya ang mananalo dahil last year siya ang title holder, mukhang naagaw na sa kanya. Deep inside, lalong nainis si Dennis kay Brendon, nasa kanya na si Justin, pati ang title ay nakuha pa niya ngayong gabi.

Habang si Anton naman ay masaya for Brendon. Hindi dahil sa damit niya ang suot nito pero siyempre, nasa pagdadala rin kasi ni Brendon. Sinabayan niya ang palakpak ng ibang Guests.