___________________
كنت ماشة في شارع النيل براي وزهجانة شديدد، وكالعادة عشان زهجانة بطلع شارع النيل عشان اتمشى جمب البحر، كنت شايلة ف يدي كاسة جبنة وسرحانة وماشة، اتفاجئ بكاسة الجبنة طايرة ف بلوزة زول، عاينت كدا وقبل م اتأسف، سمعت صوت واحد بصرخ وبتزهج وكأنو قتلت ليهو امو..
=انتِ مابتشوفي وانتِ وانتِ..
بس انا مركزت مع كلامو، ركزت مع كمية النفاق الحاصلة قدامي، رغم انو بلوزة البت سودة الا انها بتبكي بطريقة هستيرية بالاضافة لأنو انا من قبيل حايمة بكاسة الجبنة دي و 100% لو كبيتها ف يد شافع م حيبكي لأنها سُلفآ باردة، سكتتا مسافة قبل ما ابتسم ليهم ابتسامة مامفهومة واعاين للود اللسى قاعد بصرخ ف اضني وجدعتا فيهو الباقي ف كاسة الجبنة قبل ما اقول ليهو،
_ اها تشتك؟!، ولا قربتا تموت؟!، عاين هنا ياود الناس رجولتك الماف دي م تقعد تفضيها فيني...
قبلت عليها وقلت ليها
_وانتِ يا العاملة فيها بت ميكي، الحركات دي م تعمليها لي هنا سامعة....
اتفاجئت بقميصي من نااحية الكتف بترفع بطريقة مستفزة شديدد ، وكان دا المعاها عامل فيها منفعل وبصرخ....
مسكت يدو ولزيتو قلت ليهو بعصبية شديدة، اوعك يدك دي تمدها علي انا سامع؟!...
ولو عمرك فكرت مجرد تفكير تمدها صدقني حترجع ليك مكسورة تمام؟!،
بعد ماشفت امة لا اله الا الله اتجمعت وبدأت تتابع بتركيز سكتتا وبقيت بصلح ف قميصي، قبل ما احاول ارفع عيني عليهو تاني لقيتو بيرفع يدو، بس في يد صدتها،
~خالد، انت بتعمل في شنو؟!، بتمد يدك ع بت؟!!!
=فكني ياسند ، فكني خليني اربيها من جديد، تمد يدها علي انا؟!....
_امد يدي عليك وعلى عشرة زيك ياباط..
"سمعت صوت نهرة"
~بس....انتبهي للبتقوليهو لو سمحتي
_وانت مالك؟!، محسسني لمن هتعملو المسلسلة دي كلها ح اصفق ليك وح اصدق، ياود الناس خليك بعيد مني يكون احسن، لأنو بجد كدا انا بقيت ماا بطيقكككك، افهم
~هه، جد؟! مسلسلة؟!، انتِ مفتكراني ممكن اعمل مهزلة زي دي ف مكان زي دا؟!، اصحي اصحي يابت الناس انتِ بقيتي مابتهمينيييي،سامعة؟!، لا انتِ ولاعشرة زيك مابهمونيي انا انسان متزوج تتفتكري ممكن اعاين للنوع الزيك....
_هه وكأنك ناسي اني انا برضو مرتك، بس عدم الثقة مشكلة ياسند مشكلة وصدقني انا مسامحاك،مسامحاك دنيا وآخرة...
بقيت شايفة ضحكات صحبو والبت المعاهو وضحكات الناس عامة، بقيت شايفة حتى المابضحك بيضحك، بقيت حاسة الدنيا لافة بي وماقادرة اقيف....
ماعارفة كيف قدرت امسك نفسي واجري، كنت عايزة اجري ل ابعد مكان ممكن، بس...
بس... ياريت ماجريت....
لقيت نفسي ف نص الظلط، وماكنت واعية ابدآ ل دقات البوري ال كانت جاياني من السيارات ولا الاصوات الكانت بتصرخ وبتقول لي ابعدي وماعارفة مصدرها وين، بس للحظة الدنيا بقت سودة، وماكنت واعية الا ل اصوات الناس الكانت حوليني.....
=البت ماتت ماتت خلاص ماتت...
_لا ماحتموت هي عايشة، نبضات قلبها شغالة
~ابعدو ابعدو انا دكتورة، مافي زول يقرب منها ولا يحاول يلمسها، جسمها فيهو كسور، زول يتصل ع الاسعاف
=كلو بسببك، البت حتموت
_ماحتموت انا قلت ماحتموت
~رجاء بدون نقاشات الآن، لازم اعمل الاسعافات الاولية ولا حنفقدها....
دا كل ال كنت سامعاهو، وبعد كدا غفيييت، بس هل ياربي انا حموت ولا حكون عايشة؟!......
