___________________________
ام معمر:ابو سند وام كادي...
انا اللية جاية اطلب يد بنتكم كادي ل ولدي معمر....
محمود:لينا عظيم الشرف
فاطمة:قبل كل حاجة عندي شروط...
"حلة لحظة صمت بعد ما كل الموجودين سمعو جملة ام سند"
سند:شروط؟!
فاطمة:ايوا عندي شروط لو م عندكم مانع يعني
معمر:ابدآ اتفضلي من حقكم
فاطمة:اول شرط انو بتي دي يتعمل ليها عرس زيها زي غيرها
معمر: و دي حاجة اكيدة
فاطمة:كويس، تاني شرط بتي يكون ليها بيتها براها
معمر: اكيد انا وكادي لينا شقتنا الخاصة في البيت، خصوصآ وانو البيت كبير
فاطمة:حتسكنها في بيت طليقتك؟!
سند:امي
محمود:فاطمة، الحاجة دي بتخص معمر وكادي، ودي حاجة ما لينا دخل فيها
فاطمة:تمام م عندي مشكلة، بس حتغير ليها اثاث البيت اكيد
معمر:من بكرة لو عايزة اغيرو ماعندي مشكلة
فاطمة: وآخر شرط...
بتي م حتربي بتك
محمود:فاطمة دا كلام شنو
كادي:قبل كل حاجة يا امي انا حتى لو وافقت عليهو موافقة عليهو ببتو وانا راضية جدآ اربيها يا امي...
فاطمة:كادي انا عايزة مصلحتك وسعادتك
كادي:وسعادتي حتكون لمن اربي البت دي..💙
محمود:احم احم، طيب بعد كدا نخلي الشروط دي مستقبلآ احسن لانو الليلة لا حتاخر ولا حتقدم في حاجة
معمر: اكيد ياعمي
محمود:طيب ياولدي انا م عندي مشكلة تب ازوجك بتي، صح انا م بعرفك لكن باين الشهامة والوقار فيك والله وبتي دام اختارتك انا واثق من اختيارها ..
معمر:تسلم ياعمي
منذر:يعني نقول مبروك
محمود:اي مبروك
"هنا علت الزغاريد المتبادلة بين ام معمر وفاطمة"...
"معمر قام مشى قعد جمب كادي واتبادلو الخواتم والفرحة ماسايعاهم..."
"منذر ساعتها وقف واخد صورة ليدينهم وختاها ستوري ع الفيس مكتوب فيها"....
"نقول مبروك يا اخوي؟"....
_________________________
"عند نهى كانت بتتصفح ف تلفونها عادي"...
نهى:لا لا دا شو دا
=مالك
نهى:اميي معمر يا امي خطب
=دا كلام شنو؟!
