____________________________________
"لحظتها يسرا طلعت من الحمام وشافت التلفون في يد شمس، شمس لحظتها شافتها وطلعت من المذكذرة وختت التلفون وقالت"...
شمس:تلفونك ضرب، لكن م لحقت اشوف الضرب منو..
يسرا:اوكيي خليهو، بكون يمنى مافي غيرها...
شمس:ااا...تمام خليت ليك الشاي هنا اشربيهو ....
يسرا:اوكي يقلبي معليش عزبتك
شمس:لا عزاب ولاحاجة، دة روتينا اليومي
يسرا:امم..غريب لكن حلو
شمس:تقدري تقولي كداا، طيب انا اخليكي ترتاحي بعد كدة، تصبحي على خير
يسرا:تلاقي الخير....
"شمس طلعت وهي بتحاول تستوعب الكلام ال قرتو قبل كم دقيقة،اما يسرا م فكرت مجرد تفكير انو شمس تكون قرت الرسالة دي، وبعد م شربت الشاي وسرحت شعرها، فتحت تلفونها غشان تضول الضرب منو، لقتو رقم غريب م اهتمت ليهو ف نامت".......
_____________________
عند كادي.....
"تاني يوم الصباح، قبل م تطلع دوامها قعدت مع اهلها وبين ماهي شايلة الكوب بتاعها ك العادة، عشان م تتأخر على دوامها، ورت اهلها انو اهل معمر جايين الجمعة دي، وانو عايزين يعمل العرس بعد اسبوعين، فاطمة اعترضت وبقت تقول ل كادي"....
فاطمة:اسبوعين كيف يابتي، ديل يكفوف للحبس ولا للدخان ولا لي شنو بالضبط...
كادي:امي عادي ع فكرة اموركم دي م ضرورية على فكرة واساسآ م عايزة اتحبس ...
فاطمة:دة كلام شنو يابت هو الموضوع دة بي مزاجك انتِ
كادي:اي يا امي انا م عايزة اتحبس خلاص بس نكتفي بالدخان والحاجات دي.....
فاطمة:سجم خشمي كان م حبستك، بتي وحيدتي كمان م تتحبسي؟!!
كادي:ابوي اتكلم مع مرتك دي، وريها اني م عاييزة اتحبسسسس
محمود:اوركم دي حلوها براكم انا طلعوني برة الدائرة حقتكم دي
كادي:يخسييي يعني بعتني
محمود:م بعتك لكن امك دي عارفة راسها يابس قدر شنو، 40 سنة معرسها اي حاجة دايراها بتعملها، وغالباني غايتو، هسي بتد السنين دي كلها بتتوقعي اليوم اقدر عليها...
كادي:امم؛ تمام تمام خلاص، على فكرة ام معمر بكرة جاية
فاطمة:بتنور والله
كادي:عمومآ يلا انا بعد ده طالعة على شغلي
فاطمة: م تنسي تاخدي اذن للاجازة
كادي:حاااضر
محمود:انتبهي للطريق يابتي
كادي:ان شاءالله يا ابوي، يلا مع السلامة
