______________________
#فلاش
_باك
**بعد م يسرا طلعت من البيت
محمد:يسرا
يسرا:محمد عايزاك في خدمة..
محمد:احكي سامعك
يسرا: في رقم الآن ح ارسلو ليك، وانت ك مجرم زي م قلت لي حتعرف لي موقع الرقم دا الآن
محمد:رقم منو، ههه ايييك ولا انتِ من البنات البتراقب حبيبها
يسرا:"بصجة اسنان"..محمد م وقتك، عشرة دقايق ح ارسل ليك الرقم وترد علي
محمد:حاضر حاضر، بس مش حاسة اني مفروض الآن اكون جمبك
يسرا:......
محمد:عايني عايني انتِ الآن وين انا ح اجيك
يسرا:محمد...
محمد:عايني مهما كان الحتعمليهو انا متأكد انو حيسبب ليك مشكلة، انتِ وين هسي
يسرا اخدت نفس: عند(..)
محمد: م تتحركي خمسة دقايق واكون عندك
"فعلآ عشرة دقايق م مرت ومحمد كان عند يسرا بسيارتو ويسرا ركبت"
محمد:اوو شيت، دا شنو اللابساهو دا
يسرا:اتحرك...
محمد:طيب طبب، امسكي اللاب دا خلي التحميل
ينتهي انا حاليآ دخلت الرقم مجرد م ينتهي التحميل حيطلع الموقع
"يسرا اكتفت ب انها تسكت وتعاين ف اللاب بهدوء
.. دقايق حتى قالت، اتحرك على (..)
محمد:تمام.....
"يسرا شالت تلفون يظنى واغلقتو وجدعتو جمبها..."
________________________
عند يمنى....
صحت من النوم وقعدو مسافة وكأنها بتتذكر الحصل، فجاة قامت مفزوعة وهي بتقول
:يسرا، يسرا وين
نزلت تحت بسرعة ومشت عند امها وسألتها
:امي يسرا وين
نجاة:م عارفة ليها خرجت مشوار قبيل، اختك دي راسها لفة ...
يمنى:طلعت على اوضتها بسرعة وفتشت تلفون يسرا وم لقتو
يمنى:يسرا لا لا لا لاااااااا
"نزلت تحت عند امها ب استعجال"...
يمنى:امي تلفونك وين
نجاة: شوفيهو ف الكنبة هناك
"يمنى شالتو وطلعت اوضتها ضربت لتلفونها بس لقت رقمها مغلق"....
وقفت مسافة وبتفكر قبل م تقول "سند سند، ايوا سند".
طوالي ضربت على سند الي كان مسبقآ رقمو موجود ف التلفون .. "
يمنى:سند
سند:الووو
يمنى:يسرا ياسند، يسرا طلعت من البيت وبخاف تعمل حاجة غلط
