______________________
في جانب معمر....
منذر:معمر
سلمى"ام معمر: معمر!!!...
معمر:اا ...ايوا
سلمى:سرحت وين ي ود
معمر:معاكم ياحجة نطلع بعد دا؟!
سلمى:اي ارح يااولدي،بسم الله....
كادي:يلا ياخالتو خلي بالك من نفسك...
سلمى:حاضر يابتي تسلمي
"منذر مسكها من يدها وسبقو معمر ال كان واقف وكأنو ماعايز يمشي".....
معمر:اا...شكرآ يادكتورة
"ردت ليهو وهي بتدخل يدها ف اللابكوت تبعها"...
كادي:على شنو
معمر:على وقفتك معانا
كادي:ههه، يامعمر دا شغلي واكيد ح اقيف في راس مريضتي لحدي ماتتشافى...
معمر:تسلمي، طيب، اتشرفت كتير بيك
"قال كدا وهو بمد يدو ليها"...
"ردت وهي بتمد يدها ليهو"
كادي:وانا اكتر....
"بعدها اتوالت نظرات كل واحد فيهم للتاني قبل م يقول معمر"....
معمر:يلا سلام
كادي:سلام.....
_________________
جانب تاني في المستشفى....
"فتحت عيوني بهدوء، مستشفى؟!، انا الجابني هنا شنو، وجيت هنا كيف؟!، اخخ بطني..بطني واجعاني شديد، لحظات بس حتى افتكرت كل الحصل"....
جات الممرضة دخلت ولمن لقتني صاحية مشت وجات معاها دكتورة كادي اخت سند، وقتها ماكنت عايزة اشوفها، ماكنت عايزة اي حاجة تذكرني بسند، بس م كنت قادرة اقول حاجة...
كادي:الحمدلله ع السلامة يايسرا
يسرا: الله يسلمك، ا امي..انا عايزة امي
كادي:اهدي حناديها ليك، هي مشت تصلي وحتجي م تقلقي....
"مع اخر كلمة قالتها باب الغرفة اتفتح، ودخلت امي، اول م شافتني جات حضنتني شدييد وقعدت تبكي"
انا كنت متضايقة ساعتها والدكتورة لاحظت لي ومسكت امي وقالت ليها....
=الجرح تبعها لسى م التأم م المفروض تقربي منها بالطريقة دي ياخالتو...
"امي زحت مني شوية قت بتمشي يدها على وشي قبل م تبوس راسي وتقعد ف طرف السرير وتقول...
نجاة: اتي كويسة يابتي
يسرا:الحمدلله بخير يا امي، ابوي ويمنى وين؟!
نجاة: مشو يجيبو العشاء
يسرا:....
كادي:يسرا ممكن تحكي لي الحصل معاكِ بالضبط
يسرا:مامتذكرة اي حاجة انا
كادي: مافي حاجة اسمها م متذكرة، الناس كلها عارفة الطعنك مأمون، وانت بتحاوليِ تخبي شنو اساسآ وانا متأكدة انك شفتيهو ....
عمومآ بكرة الصباح شرطة المستشفى حتجي تاخد اقوالك، وحتحكي ليهم الحصل بالضبط، اتفقنا؟!
يسرا:..........
كادي:ردي على كلامي، اتفقنا؟!
يسرا:تمام..
تمام.....
"بعد م الممرضة شيكت ع الأجهزة وكدااا طلعو هي ودكتورة كادي بعد م استأذنت"....
دكتورة كادي بعد م طلعت لقت سند ف وشها
كادي:سند،كنت وين
سند:مشيت مع صاحبي ودينا شمس وماجدة البيت وهسي اخدت سيارتو منو وجيت بيها، انتِ لسى مامشيتي
كادي:ايوا كنت بشيك ع يسرا هسي ماشة...
سند:هي صحيت
كادي:ايوا وبشوف من الأحسن انك تتحمد ليها بالسلامة وتخليها تاخد راحتها مع اهلهاا، اااا وصح لازم يرافقها شخصين بس واشوف الاحسن انو انت واختها تقعدو معاها بس....
"اخد نفس قبل م يقول"...
سند:ان شاءالله..
كادي:يلا اشوفك بكرة
سند: خلي بالك من الطريق
كادي:حاضر، يلا سلام...
.............
"بين ماكادي كانت ف غرفة التبديل وكانت بتطلع لابكوتها هناك وقبل م تاخد شنطتها وتطلع جاتها واحدة من الممرضات"..
الممرضة:دكتورة كادي
كادي:دي الادوية لقيتها ف غرفة المريضة الي طلعت الليلة...
كادي:اي مريضة
الممرضة: الي في الغرفة رقم 165
كادي:ايوااا، قصدك المرا الكبيرة المعاها ولدينها
الممرضة:اي
كادي:هاتيها...
"وبقت تقلب ف الادوية بعدين قالت"...
كادي:حلو مافي دواء م انأخذ اليوم،بكرة ح اوصلو انا بنفسي ليهم بدري الصباح، تقدري تمشي بعد دا.....
الممرضة:تمام .....
سكتت لثواني قبل م تطلع من غرفة الغيار ومعاها كيس الأدوية ف يدها....
اتوجهت عند الرسبشن وقالت
كادي:مساء الخير، يلا عايزة عنوان بيت المريضة الي طلعت الليلة من غرفة رقم 165...
_خالتو سلمى؟!
كادي:ايون، اكتبيهو لي في ورقة، في ادوية عايزة اوصلها....
_حاضر....
"دقايق حتى سلمتها الورقة، كادي قلت ليها شكرآ وطلعت على كدا من المستشفى"....
......................
جانب سند...
"كان محتار في انو يدخل ليها ولا لا، بس بعد صراع شديد بينو وبين نفسو، بعدها قرر يدخل بعد ماضرب باب الغرفة وسمع صوت اتفضل"....
سند:السلام عليكم
"يسرا مجرد ما سمعت صوتو لفّت وشها وعملت نفسها نايمة"....
"سند شافها بس ماعمل اي شي غير انو اتكلم مع امها ل دقايق وبعدها طلع قعد برا"
نجاة:دي شنو الحركة الشينة العملتيها يايسرا، الود زاتو اتحسس منك
يسرا:كنت تعبانة ورقدتا فيها حاجة؟!
نجاة:لا ماتعبانة استهبال منك بس.....
يسرا:.....
"شوية وكدا جو يمنى وابوها اول م دخلت يمنى وشافت يسرا مشت عندها وباست راسها قالت ليها:خوفتينا عليك يابت
عبدالله:انتِ كويسة، مشى عندها وباس يدها، سلامتك يابتي سلامتك....
بعد نص ساعة تقريبآ وبعد م اتعشو والزمن شبه اتااخر
جا سند وضرب الباب ودخل بعد م ءمع كلممة اتفضل وقال
سند:احم احم ياعمي الزمن اتأخر بعد دا ارجع انت وخالتي نجاة وانا ويمنى بنقعد مع يسرا......
نجاة:ياسند ياولدي انت امشي ارتاح انحنا بنقعد زاتو ما ورانا شي....
سند:ماكدا ياخالتي لكن المستشفى م بتسمح لي اكتر من مرافقين يقعدو مع المريضة فعشان كدا تعالو اوصلكم وبكرة الصباح بجي بيجيبكم ليها....
يمنى:كلامو صح يا امي+ مافي مكان ننوم فيهو هنا كلنا مابتشيلنا الغرفة
عبدالله:قلتو كدا
يمنى: اي يا اابوي....
عبدالله:خلاص كويس ارح بعد كدا يانجاة....
"مشى عند يسرا وباس رسها ويدها وقال ليها ح اجيك بكرة يا اميرتي، وامها كذلك باستها ووصت يمنى وسند عليها وطلعو على كدا".....
__________________
عند معمر....
بعد م دخلو البيت، وكانو اوريدي جايبين معاهم عشاء من برا.....
دخل منذر المطبخ عشان يظبطو ف الصحون..
اما معمر ف اول م وصل غرفتو بدون مقدمات قعد ف السرير وبقى سرحاان وبيبتسم براهو....
منذر:معمر، بعيد عن انو الأكل ارح ناكل وعايزك في موضوع
معمر:تمام
منذر:ارح....
معمر:يلا....
"بعد م خلصو اكل واتأكدو انو امهم نامت طلعو قعدو في الحوش يتونسوا"....
معمر:احكي
منذر:اممم،اقدر اقول انك اُعجبت بالبت ديك
معمر:ياتو بت
منذر:حتعمل لي فيها غبي
معمر:اااا...قصدك كادي
منذر:ايون
معمر:اممم، ابدآ مافي حاجة بالشكل دا
منذر، عايز تقنعني لمن ف المستشفى سرحت وهسي كنت سرحان ماكنت بتفكر فيها؟!
معمر:عايز تصل لي شنو انت
منذر:حبيتها؟!
معمر: احب وحدة شفتها ف تلاتة ايام بس يا منذر، عقلك وين
منذر: انكر انكر يامعمر، مردك حتعترف لي انك حلبتها بجد، يلا تصبح على خير"قام وربّت ف كتفو ومشى....
"معمر قعد براهو ف الحوش وهو بفكر بكلام اخوهو"......
_________________
في المستشفى
بعد ساعة من الونسة مابين يمنى ويسرا ....
الباب ضرب....
يمنى:اتفضل
سند:احم احم..
"يمنى استأذنت وقالت مااشة تجيب موية"...
يسرا:.......
سند: طلعتي ليه من المزرعة وقلقتينا كدا عليك
يسرا:زهجت وحسيت نفسي تعبانة ف طلعت
سند:ومش ع اساس انو الطلعة بسطتك وغيرت مودك..؟!
يسرا:....
سند:انتِ زعلانة لأني قلت ح اتزوج شمس صح
يسرا:ابدآ والبزعلني شنو
سند:تمام مالك بتتكلمي معي كدا من نخرتك، منحرجة مني
يسرا:.....
سند:يسرا احنا قبل م نكون اصحاب كنا اخوان صح
يسرا:اهاا
سند:رأيك شنو نكون صريحين، انتِ بتحبيني
يسرا:دا كلام شنو ياسند....
سند:سألتك
يسرا:....لا
سند:يعني لو اتزوجت شمس م حيأثر معاك ف حاجة
يسرا:اكيييد
سند:ممممم، وليه م قلتي لي قصة مأمون
يسرا:.......
سند:عمومآ انا بلغت عليهو
يسرا:ليييه
"بصوت مليان غضب"
سند: هو شنو ال ليه؟!، عايزاني اخليهو حر طليق؟!، على جثتي...
"وطلع و رزع الباب بقوة"......
____________________
"حُبآ لَك يَسري بِداخلي، وصُحبَةٌ بالنِسبةِ إليكَ ليس إلا، كتيارآ مُشتعِلآ بِلا كهرُباء!!..."🌷💔
لنا لقاء....❤❤
