___________________________
انا ك شمس م كنت متوقعة الحصل ولا واحد في المية، كمية الفرحة الي سرت فيني مافي زول بقدر يوصفها، سند صح ف آخر فترة كان بيلمح لي ع الحاجة دي، بس تقدرو تقولو كنت غبية لأني م كنت بفهم عليهو ، كل الناس كانت مبسوطة لي وبتضحك وناس بتزغرد وناس وناس...
خصوصآ يسرا، ايوا يسرا، يسرا كانت بتبكي بحرقةة وبتضحك في نفس الوقت، خليت كل الناس ال كانت بتبارك لي ومشيت عندها، م عارفةة ليه سبب انهيارها دا كلو رغم انها مجرد خطوبة، بس على م اظن لانو سند البيست فريند تبعها....؟!
مشيت ناحيتها وحضنتها شديدد، وكأنها لحظتها كانت منتظرة زول يحضنها من قبيل، زادت بكا وانا م كنت عارفة اهديها، بقيت بضحك وببكي معاها في نفس الوقت وبقول ليها"يابت انتِ غبية دي خطوبة بس العرس حتموتي ولا شنو ههه"....
يسرا لحظتها ضحكت وهديت شوية، قالت لي
" فرحت ليكم شديد ياشمس اكتر من ما بتتخيلي"...
حضنتها تاني وقلت ليها
"ياقلبي تسلمي لي شديد"....
يسرا لحظتها انسحبت وقالت لي ماشة الحمام تضبط مكياجها ...
بس بعدها م بتزكر شفتها لحدي م انتهى التخريج...
يسرا كانت بتمر بمرحلة مافي زول كان حاسي فيها ابدآ، مرحلة اشبه ب انها امتحان صعب من ربنا، بس
هي ماقدرو....
اكيد اغلبنا مرت عليهم مواقف زي موقف يسرا دا، بيعيشو الالم براهم وم بيقدرو حتى يفضفضو بيهو..💙💙
_________________
*فلاش باك
*قبل كم يوم من التخريج
عند كادي.....
انصدمت لحظتها من طلب معمر انصدمت، معمر عايز يتزوجني انا؟!، كيف؟، بالسرعة دي، وهو مابيعرفني كويس، طيب هل اهلي حيوافقو عليهو ياربي لانو مطلق ولا لا؟....
اسألة كتييير كانت بتدور في بالي، ومالقيت ليها لي اي اجابة......
قلت ل معمر بتوتر
كادي:ااا....ينفع ترجعني البيت
معمر:عايني قبل م نتحرك، م عايز اضغط عليك وفكري وخدي راحتك ....
كادي:حاضر، ااا.....نمشي....
معمر:اوكي يلا.....
معمر رجعني البيت وطول السكة مافي زول فتح خشمو مع التاني، اول م معمر وصلني جيت افتح الباب انزل قال لي
معمر:كادي
"عاينت ليهو بتوتر وقلت ليهو"
:نعم؟
معمر:ممكن تلفونك
"مديتو ليهو بدون م افتح الباسورد"
عاين ليهو ومداهو لي بمعنى افتحيهو"...
فتحتو ليهو ورجعت مديتو
قال لي
:مسمياني ب منو
كادي: ابو كيان بالانجليزي
مشى عند قائمة الحظر ورفع الحظر من الواتس ورجع لي التلفون .....
معمر:ياريت تاني مافي حظر
كادي:ان شاءالله، يلا سلام
"وطوالي نزلت"..
دخلت البيت وجريت على غرفتي قعدت في السرير اتنفس بصعوبة، شوية كدا لقيت نفسي بتبسم براي
مااعارفة هل انا عايزة معمر ولا لا، بس بحس انو برتاح لوجودو، ابتسامتو المعتادة، ببساطة اي حاجة بتخصو وم تسألوني ليه، قعدت تلاتة ايام ف حيرة بين اني اوافق او لا، بس بعدها صليت استخارة وحسيت انو فيهو خير لي، م استشرت ساعتها اهلي بس ضربت ليهو وقلت ليهو قبل م يسلم حتى
:انا موافقة يامعمر...
معمر كان باين من صوتو انو مصدوم وم عارف يقول شنو"
معمر:جد!!!، بالسرعة دي؟!
كادي:تقدر تقول استخرت
معمر:ربنا يقدرني واسعدك....ط طيب طيب عايز تاخدي لي موعد مع اهلك في اقرب وقت ياكادي اقرب وقت
كادي:ههه معمر روق، دقيقة انا تخريج اخوي بعد كم يوم، بعد ننتهي من هيصة التخريج دي ح اكلمهم اوك؟
معمر:تمام م عندي مشكلة...
كادي:طيب لازم اقفل هسي بكلمك بعدين ....
معمر:اوكي خلي بالك من نفسك
كادي:حاضر، وانت
معمر:في امان الله!!
كادي:في امان الحافظ...
