_________________________
"استغفرالله العظيم واتوب اليه"🌷
__________________________
"مرت الأيام وشمس وسند بقو بركزو على قرايتهم أكتر خلينا نقول شمس، وسند الي كان بيفتح شيتاتو بالهرش، اما يسرا ف كانت ماخدة إجازة لمدة اسبوعين، والاسبوعين ديل م كانو بتلاقو لا هي لا سند، بس كانو بتواصلو مع بعض بالتلفون، اما ماجدة ف كانت بتمشي كل يوم الجامعة براها وبترجع والعصر بتمشي تشرح ل يسرا الشيتات وكدا...."
____________________
"في يوم في الجامعة وبين ما مي"صحبت شمس" كانت ماشة في الجامعة ناداها زول...
سامي:مي
مي:نعم؟!!
سامي:تعالي شوية عايزك
مي:عايزني انا
سامي:اي في زول غيرك
مي:اها
سامي:عايز رقم شمس
مي:نعم!!!!
سامي: ال سمعتيهو
مي: ماعندي ليهو" وقامت ماشة، بس سامي مسكها من يدها"...
سامي:انا م خلصت كلامي
مي:يدك دي اوعك تمدها سامع
سامي:"اتنهد" خلاص آسف...
مي:.....
سامي:عايز رقمها ضروري يامي، انا بحبها ياخي افهمي،" ماعايزة تجمعي بين راسين بالحلال"..
مي: اي حب بتتكلم عنو يا سامي وانت كل يوم مع بت ارحم نفسك+ شمس قالت ليك ماعايزاك مابتفهم.....
سامي: ولو قلت ليك المرة دي جادي وح اتغير عشانها
مي:.....
سامي: يلا يا مي م تكوني انانية...
مي:خلاص طيب طيب، هات تلفونك....
"سجلت الرقم، وحمرت ليهو وفاتت"...
.........
_ااها يامان حنكتها
"رد ليهو وهو برفع التلفون ع وش صاحبو
سامي: دا كلامك
=احاا طلعتا ماهين
_انت واثق انو المرة دي حتقبل بيك
سامي:عادي ح اعمل واحد اتنين تلاتة وحجيبها...
~واذا رفضتك
"سامي ابتسم ابتسامة مغرورة وقعد من سكات"...
_____________________
مكالمة:
......
سامي: انتِ عارفة انا بحبك قدر شنو صح؟!
شمس:سامي اصحى حُب شنو والناس نايمة انا كنت معاك صريحة من اول مرة كلمتني بالموضوع دا، قلت ليك ياسامي انا م عايزة اي ارتباطات صح ولا لا
سامي:وسند؟!
شمس:سامي خليك عارف انو انت وسند م بتتقارنو، ماقصدي اقلل منك، ابدآ والله، انت راجل والنعم فيك، بس ربنا ماكاتب لينا نصيب مع بعض
سامي:لا ربنا كاتب، بس انتِ الرافضة ياشمس انتِ.....
شمس:استغفرالله...
سامي:انتِ رافضة لأني تبع بنات صح؟!....
شمس:......
سامي:بوعدك ياشمس اتغير عشانك
شمس:هه، هو انت لسى حتتغير يعني
سامي:شمس..
شمس، بلا شمس بلا زفت ياسامي، انا م عايزاك بالعربي كدا، واوعك مرة تانية تضرب لي سامع...
"وتيت"قفلت التلفون ف وشو"....
مي: دا سامي تاني...
شمس: ايوا انا تعبتا شديد والله منو دي المرة المليون البغير رقمي بس بجيبو من وين م عارفة...
مي:روقي، ياشمس...
شمس، ارح ارح نذاكر انسيكي منو ...
"مي عاينت ف شمس مسافة وبعدها فتحت الشيت وبدأت شمس تشرح ليها".....
_____________________
"جانب سامي"....
سامي:كويس كويس ياشمس
=قلت ليك م حتقبل فيك ياسامي
سامي:اتوقع انك لو سكتت، افضل...
=هه، ماعايز تسمع الحقيقة صح
"سامي كان ف يدو قزازة بارد قام جدعها ف الارض وهو بصرخ"..
سامي:قلت ليك اسكتت، ماعايز اسمع صوتك
"جلس وهو ياخذ نفس بصعوبة"....
سامي: انا ح اادبك ياشمس، انا ح اادبك...
