________________________
يمنى:يسرا بتعملي في شنو؟؟
"يسرا عاينت وراها ب ارتباك وقالت وهي بتضحك ضحكة وكأنها بتتدارك الموقف"...
يسرا:اوف ههه خوفتيني يايمنى اتوقعتك امي ولا حاجة...
يمنى:دا شنو ال في يدك دا
"بتتقدم ناحيتها"..
دا دهب امي؟، بتعملي بيهو شنو؟...
يسرا:اسكتي يايمنى مافي زول يسمعك....اوف انا حقول ليك الحقيقة بس اوعك تعصبي...
يمنى:اها احكي..
يسرا:عندي صحبتي، امها عيانة شديد، ف الحصل انهم هم ع قدر حالهم، وهي م قادرة توفر لا قروش الادوية ولا قروش الشيتات حقتها زاتو، ف عايزة اساعدها...
يمنى:وتساعديها بإنك تسرقي؟!...
يسرا:........
يمنى:يسرا احنا م ناقصانا حاجة عشان نوصل اننا نسرق، كان ممكن تكلميني انا او تكلمي ابوي واكيد كان اديناك،
يسرا: بس المبلغ كبير شوية يايمنى
يمنى:كم...
يسرا:20
يمنى:الف؟!
يسرا:ايوا...
يمنى:طيب خلاص تعالي
يسرا:حتجيبيها من وين؟؟
يمنى: انا اوريدي كنت شغالة تسويق ف الاجازة، وقدرت اجمع 30 الف ف ح اديك منها ايزي الوضع ف تعالي...
يسرا:تمام...
"يمنى اخدت يسرا غرفتها وطلعت القروش من الظرف ال كان موجود في دولابها ، وادتها ال 20..."
"يسرا وهي بتحضن يمنى"...
يسرا:شكرآ شكرآ شكرآ
يمنى:بس يابت حتقتليني، يلا انا طالعة السوق عندي كم حاجة ناقصاني عايزة حاجة؟!
يسرا: بال 10؟
يمنى:لا لا قبيل شلت قروش من ابوي
يسرا:امم كويس، لا لا سلامتك
يمنى:اقفلي الابواب كويس
يسرا:حاضر
يمنى:يلا سلام
يسرا:بيباي ..
يمنى:صحي، انتِ ماماشة عرس سند
يسرا:هو متين؟
يمنى:اجيي مش عزمونا الاسبوع الفات وجابو الكرت..
وبكرة الحنة...
يسرا:ايوا صح
يمنى: واها ماماشة السوق؟
يسرا: لا لا حشوف اي حاجة موجودة البسها
"يمنى عاينت ليها ب استغراب وفاتت"..
"يسرا مشت غرفتها وكانت منتظرة اتصال من محمد، دقايق حتى تلفونها ضرب"....
