______________________
*فلاش باك
عند نهى...
=السلام عليكم
_اهلين وعليكم السلام، اتفضلي
=استاذ معمر موجود
_ايوا في اجتماع لكن بنتهي بعد ربع ساعة، عندكم معاهو موعد؟
=لا بس قولي ليهو ام نهى وهو بيعرفني
_اسفة يا استاذة الا تكوني ماخدة معاهو موعد
=موعد شنو يابت هو بعرفني ولو قلتي ليهو انو دي انا حيقول ليك خليها تدخل
_اسفة يا استاذة لازم موعد
=م تقولي لي موعد ولا زفت انا ح اشوفو يعني ح اشوفو
نهى:امي روقي هي كدا قوانين الشركات.....
=اسكتي انتِ خليني اتفاهم معاها
_استغفرالله العظيم، خلاص يا استاذة اتفضلي اقعدي هنا لحدي م يخلص الإجتماع
"نهى وامها فاتو جلسو ف المقاعد حقت الانتظار لحدي بعد 20 دقيقة كدا
الموظفة ال في الرسبشن ضربت تلفون
_استاذ معمر، في وحدة هنا معاها بتها، بتقول هي ام نهى، رافضة رفض بات من قبيل تمشي،،اوكي تمام....
الموظفة رفعت يدها ل نهى وامها...
_لو سمحتي....
"نهى وامها طوالي مشو ليها"...
_اتفضلو
"ام نهى حدّرت للموظفة قبل م تدخل المكتب الي فيهو معمر..
=السلام عليكم
"معمر اول ماشاف نهى عاين ليها بنظرة مامفهومة وسلم على امها بعدها سلم على نهى وقال ليهم
"اتفضلو"
معمر:قبل كل حاجة عايزين تشربو حاجة...
=شكرآ ياولدي، طبعآ انا م حابة ادور والف في الموضوع، انا بتي يامعمر عايزة ليها شغل، وزهجت من قعدة البيت، فقلت اجي اشوف ليها شغل هنا في شركتك دي...
عسى ولعل القى ليها شغل، ثم انو القريب احق الغريب، وبتي كانت مرتك قبل م تكون ام بتك
معمر:احم احم، تمام جدآ، م عندي اي مانع....
"نهى كانت بتعاين بس في معمر وتلُك في لبانتها بطريقة مقززة وبتبتسم من ماف"....
معمر:اممم، شايف عندك خبرة جميلة في الاعمال الادارية ، لحسن حظك سكرتيرتي الاسبوع دا مسافرة عندها ظرف، ف ح استبدلك بيها لحدي م ترجع واشوف ليك مكان تاني...
"نهى بعد م سمعت انها حتبقى سكرتيرتو ابتسمت وبقت تعاين ف امها البادلتها الاابتساامة"...
معمر عاين فيهم مسافة قبل م يوقف ويمد ملف نهى ليها ويقول..
"حتبداي معانا شغل من السبت الجاي"....
واللبس طبعآ هو نفس الي لابساهو السكرتيرة م ضروري نفس الموديل بس اهم حاجة يكون لابق وب الابيض والاسود بس.....
