__________________________
عند كادي....
صحيت الصباح بدري وكنت متوترة ومبسوطة في نفس الوقت ما كنت عارفة شنو ال كان موترني بالضبط، بس العارفاهو اني كنت متوترة شديد...
عشان اكون صريحة معاكم اكتر .... انا من بعد صلاة الفجر مانمتا وكنت بفتش على هدوم البسها وقلبت الدولاب فوقاني تحتاني لحدي مالقيت لبس البسو..
كان عبارة عن جاكيت باللون الابيض طويل لحدي الركب كدا ومعاهو بنطلون بالزيتي ومن جوا بلوزة بالزيتي برضو وكسرتهم بكعب وطرحة وشنطة باللون الاسود.....
بعد م طلعت الهدوم ال ح البسها مشيت نمت، وصحيت ع الساعاة 2 ونص كدا، استحميت وقعدت اعمل ميك اب ، اول م خلصت مشيت عملت تلاتة سندوتشات بيض اكلت واحد ووديت الاتنين لسند ضريت باب غرفتو سمعت صوتو بقول
"من متين الإحترام دا، خشي خشي" ....
كادي: سند القرض
سند"كان واقف قدام الدولاب تبعو ومحتار يلبس شنو" ..
سند: لا لا لا لا ياشمس البيض لاا، قلت ليك ميةة مرة م تدخلي اكل غرفتييي بالذات البيض دا لانو الغرفة حتبقى كلها اكل" مشى سريع فتح شباكو حق الغرفةة ووقف يعاين ليها بهدوء"...
كادي: طيب طيب الغلط مامنك، مني انا الظبطت ليك بيض
سند: هاتيهم اصلي جيعان" ومشى شال الصحن من يدها وقعد ياكل"...
كادي:طالع؟!
سند:ايون
كادي: حلو ...، انت مأمون داك حصل ليهو شنو
سند:اييييك، ود الكلب دا طلع مجنون وناقص عقل وحاليا جدعتو في المصحة....
كادي: ربنا ال نجى يسرا منو...
سند:تعالي اقعدي عايز اكلمك في موضوع
كادي:احكي...
سند: انا عايز اتزوج
كادي:وه!!،بتهظر؟!
سند: لا لا جادي
كادي: انت عارف عشان الموضوع دا امي قالبة البيت فوقاني تحتاني...
سند: عارف عشان كدا بتجنب الاقيها بقيت
كادي: ودي منو البت الامها راضية عليها وحتتزوج اخوي القرض
سند:شمس
كادي:شمس؟!!، ويسرا؟
سند: بتستهبلي؟، يسرا البيست فريند تبعي يا كادي ما اكتر وانتِ عارفة انو انا وشمس بنحب بعض من متين.
كادي:ممم، كويس طيب، شمس م عندها عيب
سند:ايون
كادي:اها وطالع مع منو ان شاءالله
سند: ماشايفة نفسك بتتحشري كتير
كادي: ياود لسانك دا لمو عليك، اختك الكبيرة انا
سند: طالع مع يسرا
كادي: سند، انت فاهم انت قاعد تعمل في شنو، هو شنو دي بيستي ودي حبيبتي اطلع مع البتعجبني ... انت عارف لو اتزوجت شمس تاني يسرا ماتنفع تكون بيستك؟!، عارف الحاجة دي ولا لا...
سند: عارف بس...
كادي: سند، انت ماصغير عشان انا ادلك تعمل شنو، اختار وحدة بس فيهم ياسند، لأنو نهايتك مع واحدة فيهم....
سند:.....
كادي: انا طالعة اشوفك المسا
سند: تمام
كادي: " قامت لحدي ماوصلت عند الباب والتفتت ل سند وقالت ليهو" خليك متاكد من اختياراتك وماتستعجل وطلعت"....
سند" اكتفى ب انو ياكل بصمت ويفكر في جملة كادي..
فعلآ احيانآ بتنفرض علينا انو نختار واحد من الاتنين، ومابينفع خالص انو نمتلك الحاجتين ف نفس الوقت
