_______________________________
"بعد م معمر طلع من المسجد طوالي وبدون تفكير ضرب لي كادي، الي اخدت ثواني وبعدها ردت ليهو"...
كادي:اهليين معمر؟!
معمر:كادي انا عايز اشوفك حالآ ينفع؟
كادي:صوتك مالو؟!
معمر:خليك من صوتي ربع ساعة واكون تحت عندك، تمام!!
كادي:تمام، تمام تعال...
"وفعلآ تلت ساعة من زحمة الطريق وصل معمر، ونزلت ليهو كادي واتحركو"..
كادي:ماشين وين؟!
معمر:مشوار قريب
كادي:طيب انت فيك حاجة
معمر:لا ياكادي...
كادي:تمام
"دقايق حتى وقف معمر عند البحر وقال ل كادي"...
معمر:انزلي
"كادي نزلت ومعمر قفل السيارة ونزل بعدها ووقفو الاتنين عند البحر ب سكات دام ل دقايق وكادي كانت لسى قلقانة وبتعاين لي معمر"....
معمر:كادي م عارف ازا قراري دا صح او غلط،بس
ان شاءالله يكون القرار ال صح ال انا ح اخذو، او بالاصح ح نتخذو
كادي:كيف
معمر:مش المفروض بعد كدا نعرس؟!
كادي:......
معمر:ولا رأيك شنو
كادي:اوف يامعمر قطعت لي قلبي قلت في حاجة حاصلة
معمر:وفعلآ في حاجة حاصلة
كادي:والي هي..!!
معمر:الليلة الشفع وهم بلعبو عند باب البيت في النجيلة لقو ...."شكت مسافة وقال"سحر
كادي:شنو؟!!!
معمر:للأسف
كادي:و ...و طيب كيف كدا
معمر: هو شنو ال كيف ياكادي، لقينا سحر وماعارفين اساسآ العملو منو
كادي:ودخل موضوع العرس شنو م فهمت
معمر:متأكد انو السحر دا اتعمل عشاني انا وانتِ
كادي:انا وانت؟!
معمر:اي
كادي:وشنو ال خلاك تكون متاكد قدر دة؟!
معمر:العوارض البقت حاصلة ياكادي، بتتزكري من قبل آخر طلعة لينا قلنا العرس حيكون الشهر الفلاني صح، بس الشهر فات ولليوم مواضيع الدنيا دي م عايزة تخلص
كادي:مواضيع زي شنو يعني يامعمر؟!
معمر:الإهمال ال كان حاصل بيننا طول الفترة ال فاتت ياكادي، موت ام يسرا وابوها، وفوق دة كلو كنتِ عايزة تفسخي الخطوبة ومواضيع تانية مافي داعي اقولها كلها ف نفس الشهر
