_________________________________
عند شمس.....
"كانت قاعدة ف الصالة بتتصف ف تلفونها، وسند قاعد في الكرسي الجمبها شغال ب اللاب توب تبعو، وكانت ليها فترة م دخلت السوشال ميديا، كانت بتتصفح وفجأة وقفت عند بوست وقعدت تقرا محتواهو بخوف وبتعاين في الصور ال كانت موجودة في البوست بخلعة"...
شمس:لا....لا ...لا مستحيل
سند:مالك
شمس:س....سند...
وبقت بترجف وبتبكي في نفس الوقت
"سند قام من كرسيهو ال كان قاعد فيهو وجدع اللابتوب ال كان ماسكو ومشى قعد جمب شمس ال كانت داخلة ف حالة صدمة".....
سند:شمس وريني في شنو
شمس:مستحيل تكون دي...م..ي يا سند،...م م مستحيل
"سند شال تلفون شمس من يدها وبقى يقرا ب ذهول"....
سند:لاحول ولا قوة الا بالله....
"وحضن شمس ال كانت بتبكي عليهو وبقى يهديها، شمس بدأت تتكلم وبتقطع في كلامها..."
شمس:ا...انا كنت بضرب ليها كتير بس، بس م كانت بترد، كنت، كنت مفتكراها مضغوطة ف شغلها، عشان كدا م بترد بس بس هي طلعت ميتة ياسند، مي ماتت، حتى اهلها، م...مافي زول فتشها متخيل اهلها قلبهم قاسي كيف...
سند:هشش ياشمس ياقلبي هشش، ربنا حياخد ليها حقها، ربنا موجود وم بظلم عبادو....
شمس:سند، مي ك... كانت عايزاني ف موضوع قبل م ... م تموت...
سند:موضوع شنو...
شمس:م عارفة، بس، بس من اليوم داك تاني م ضربت لي، م ضربت لي ياسند....
سند:هشش يا شمس هشش، انتِ كدة بتعزبيها ، ادعي ليها ياشمس، مي محتاجة دعواتنا.....
شمس:م قادرة اصدق
سند:الدنيا كدا ي شمس، وكلنا إليه راجعون
شمس:ربنا يرحمها.....
سند:ربنا يرحمها برحمتو الواسعة.......
شمس:سامي دخلو شنو ف الموضوع
سند:سامي دا منو
شمس:م..م عارفة، لقو علبة شجاير فيها بصماتو
بس.....
"سكتت مسافة وسرحت بعيد"....
سند:بس شنو ياشمس
شمس:ها؟!، لا لا ولا شي انا نعست دايرة امشي انوم
"مسحت دموعها وشالت تلفونها وقامت دخلت الغرفة وقفلت الباب عليها، وبداات تبكي وهي بتفتح التلفون عشان تعمل مكالمة.."
______________________________
عند سامي.....
"كان قاعد في بيت ف منطقة بعيدة عن الناس وكان قاعد في كرسيهو، يبتسم بفهاوة....
دقايق وتلفونو ضرب رفع تلفونو قال.....
سامي:اوووو، شمس بتضرب ف تلفون سامي، دي معجزة من معجزات ربنا ههههه
شمس:انت....انت القتلت مي
