__________________
للحظة افتقدت يسرا ف القعدة، مشيت عند البحر ع اساس اناديها، بس م لقيتها، قلت يمكن تكون في الحمام"الله يكرمكم"او حاجة بالشكل دا، مشي تميت قعدتي مع البنات، مرت تلت ساعة وبرضو م جات، مشيت الحمام وضربت الباب بس ماكان في اي رد فتحت الحمام ولقيتو فاضي، طلعت مشيت الأوض الي ف المزرعة وكذلك فاضية، بسرعة مشيت عند الشباب، قلت ليهو...
=سندد
_"جا ناحيتي وهو مستغرب من طريقة تنفسي وحركتي المستمرة" بسم الله مالك؟!
=يسرا ياسند
_مالها
=م موجودة، من قبيل بفتش فيها وما لاقياها..
_كيف يعني م لاقياها هي قبيل استأذنت مني ومشت ع جهة الحمام،
=فتشت هناك مالقيتها....
"جاهم صوت تالت"
- حتكون فاتت وين يعني
_ياشباب قومو اتوزعو لازم نفتشها، هي ف النهاية امانة ف رقبتنا واي حاجة حتحصل ليها لاسمح الله احنا الحنكون مذنبين....
"وفعلآ الناس كلها بقت تفتش فيها بس ماليها اي اثر"...
"ماجدة كانت اكتر وحدة منفعلة وخايفة"...
وكانت بتضرب ل تلفون يسرا، بس م كانت بترد....
"سند كان منفعل اضعاف ماجدة، وكان بقول يارب هي اتحسست من كلامي، غبي ياسند غبي، ماكان لازم تقول كلامك ليها كدا، اخخ يارب البت دي ذنبها ف رقبتي حيفضل لحدي م اموت....
للحظة تلفون ماجدة ضرب والناس كلها كانت مركزة مع تلفونها
ماجدة ردت بخوف وخصوصآ لمن لقت رقم يمنى اخت يسرا....
=ا..الو....،.....ش شنوو انتِ بتقولي في شنو،...هي كيف هسي،، ا ااي مستشفى....
سند مشى عند ماجدة ب اسرع ما عندو وهو بيقول ليها
_ هي وين، هي بخير صح
=س س..سند م مأمون طعن يسرا ياسند
"وكانت منهارة شديد، لدرجة م كانت قادرة توقف اصلآ عشان تمشي ليها المستشفى"
_في اي مستشفى ياماجدة؟!!
=ف ف..مستشفى (.....)
"في كسر من الثانية المزرعة فضيت الناس كلها رجعت بالحافلتين، ولحسن حظ سند انو واحد من اصحابهم كان جاي بعربيتو، ف استغلو الحتة دي ومشو سند وشمس وماجدة المستشفى....
_انا م قادرة افهم مأمون دا منو ويسرا طلعت متين اصلآ
~مأمون دا واحد ف الحِلة عندهم مريض دائمآ كان بيخوفها وبهددها بالسكين وهو بحبها وعايزاها توافق عليهو بس هي كانت بترفضو...
="بصوت مليان عصبية وهو بضرب ف قزاز العربية"وم قلتو لي قبل كدا ليييه .....
~سند يسرا كانت رافضة رافضة اي زول يعرف بالموضوع دا...
=يسرا لو حصل ليها حاجة انا م ح اخلي الاسمو مأمون دي يضوق طعم الراحة ف حياتو تاني...
"جاهو صوت صحبو "
- روق ياسند م وقت الكلام دا، بالإضافة الا انو لو يسرا بجد الموضوع بالنسبة ليها م خطير كانت ورتك عادي..
بس هي اكيد عارفة عواقب الحاجة دي...
_فعلآ كلامو ياسند روق م وقت الكلام دا هسي
"ماجدة كانت ف حالة تانية، بس شمس كانت بتحاول تهديها بقد م تقدر"....
نص ساعة وكانو قدام المستشفى، سند م انتظر العربية توقف، طوالي فنح الباب ونزل....
دخل ع الرسبشن وهو م قادر يتنفس وبقول بنفس متقطع.....
=ف في وحدة هنا جابوها قبل شوية مطعونة كانت و..وين ....
"ردت ليهو الممرضة ب اهتمام"
-روق، بتقصد المريضة "يسرا عبدالله"؟!
=ا ايوااا دي هي دي هي وينها.....
"في الوقت دا جات شمس وماجدة الي بالقوة مستندة عليها وصاحب سند"....
في الطابق الخامس، بس حاليآ ف غرفة الطوارئ غرفة رقم 122...
"سند ب اسرع م عندو طلع ف السلم اما شمس وماجدة وصاحب سند طلعو بالاصنصير نسبة لحالة ماجدة ال مبتسمح ليها تمشي".....
دقايق حتى وصل....
"واول م وصل بطأت حركتو ومشى على اتجاه اهلها،
=ا..لسلام عليكم، عمي يسرا كيف
~وعليكم السلام والله ياولدي لسى، لسى م ادونا اي خبر واحنا قاعدين هنا منتظرين زي م شايف...
"سند جلس جمب نجاة على ركبتو"
=خالتي انتِ عارفة يسرا قوية صح،"مسح دموعها بيدو وقال"م تبكي وتحرقي دمك ياخالتي، يسرا اقوى منها ماف ادعي ليها بس، هي محتاجة دعواتنا ياخالتي، وباس راسها وقام"......
"في اللحظة دي وصلو شمس وماجدة وصاحب سند..
"ماجدة اول م شافت "نجاة" مشت حضنتها وقعدت تبكي وبتقول:والله ياخالتو انا كنت عارفة انو حيأزيها وم قدرت اساعدها بس يسرا قوية وحتبقى كويسة ان شاءالله...
سند مشى عند يمنى الكانت بتهديها شمس
=يمنى الحصل شنو بالضبط
_ماعارفة ياسند والله الحاصل شنو، بس كنت بتابع ف التلفزيون لقيت جارتنا بتصرخ ف الشارع طلعت لقيت ...لقيت السكين في نص بطنها وهدومها كلها دم، المرا قالت دا مأمون العمل فيها كدا هي شافتو.....
=مأمون دا منو ومن متين بهددها
_مأمون دا واحد ف الحِلة مريض ومجنون عاوزها وهي رافضاهو اخر مرة جا هددها بالسكين وهي قالت ليهو حتفكر وترد ليهو خبر، بس م عارفة هي قالت ليهو شنو بس انا متأكدة انها رفضتو عشان كدا عمل فيها زي دا...
=وانتِ م اتصرفتي معاهو ولا حتى كلمتيني ليه يايمنى ليه...
_خلتني اوعدها انو م اوري زول....
=ي الله، استغفرالله العظيم، استغفرالله العظيم، استغفرالله العظيم....
"الكل وقف لا اراديآ وهو بشوف الدكتورو طالعة من الغرفة الي فيها يسرا....
=كادي
_سند!!
=يسرا كيف هي بخير صح
~دكتورة هي ماحصل ليها حاجة طمنينا يابتي
_اطمنو، هي بخير الحمدلله...
=سند لا أراديا اخد تنهيدة طويلة قبل م يقول"الحمد والشكر لك يارب"-.....
~نقدر نشوفها يابتي؟!
_ ايوا بتقدرو ياخالتو بس خلينا ننقلها ع اوضتها وتقدرو تشوفوها بعد كدا
- ربي يطمنك يابتي
_ تسلم ياعمو،بس بعد تصحى حتجي شرطة المستشفى وتاخد اقوالها....
-ان شاءالله
_ يلا عن اذنكم، سند تعال....
=عمي عن اذنك"سند اشر ل صحبو بمعنى خلي بالك منهم"
- اتفضل ياولدي..
....
_انت عارف البت دي قوية وقوة ل درجة تبارك الله
=كيف؟
_المكان الانطعنت فيهو كان خطير شديد وكانت نسبة موتها 80%، وكناا متوترين شديددد ف العملية بس ربنا سترها...
=انا م ح اخلي الاسمو مأمون د حي لو على جثتي،
_ مأمون دا منو،
=الي طعنها
_امم، امشي خليك واقف مع اهلها، محتاجين ليك، واوعك تعمل اي حاجة غلط..
=دوامك بنتهي متين انتِ
_ تلاتة ساعات كمان
=طيب وري ابوي اني الليلة م راجع
_م تشيل هم ح اوريهو، يلا اشوفك
=تمام....
________________
في جانب تاني ف المستشفى
"ضرب باب الغرفة ودخلت هي بعد م سمعت اتفضل"
=اها ياخالتو بعد كدا خلاص..
_اي يابتي، المستشفى دي اصو م بدورها ..
=حبيبي، بعد كدا خلي بالك من نفسك كويس!!
_ان شاءالله
~تسلمي يادكتورة كادي اصلك م قصرتِ مننا،
=دا الواجب يامعمر....
- ح افقدك اكتر زول ف المستشفى دي والله
~احم احم"وصر ل منذر وشو"
=هههه، م تفقد عزيز يارب
"هنا كانو جاهزين وطالعين، هنا عملت كادي حركتها البتعملها مع كل مريض ليها بجي طالع وبكون كبير في السن، وهي انو تحضن ام معمر وتبوس راسها"......
الحركة دي خلت معمر يبتسم لا إراديآ....
وذاكرتو ترجع سنتين ورا....
#فلاش_باك
..
=نهى انا مية مرة قلت ليك حسني اسلوبك الزفت دا مع امي
_والله انا م مجبورة اتحملها، فوق م بنظف ليها وبعمل الغدا، بتقول لي اعملي ليها شاي
=صوتك دا عمرك م تفكري ترفعيهو علي انا، انتِ اذا م محترمة امي اكيد ف بيتكم م محترمة امك...
_لا الحمدلله، ارتاح انا عيني عمري م فكرت ارفعها عليها..
=لا لا واضحة جدا التربية
_انا م بسمح ليك تهيني بالطريقة دي يامعمر...
=انا صبرت وقلت معليش نهى حتتغير وهي مارة بحالة نفسية صعبة غير انها ف ايام النفاس، اكيد هرموناتا حتكون ظالماها لحدي م تميتي التلاتةة شهور وانتِ اسلوبك الزفت دا م غيرتي،بِتك 24 ساعة جادعاها عند المربية، ولمن اعتذرت يوم واحد هجتي وبقيتي تقلي ادبك، كفاية يانهى لحدي هنا، انتِ طالِق، طالِق، طالِق.....
_______________
آسفة الليلة االبارت قصير، بس التلفون ي الله و ي امين بكتب ومساحتو صفر ف عشان كدا البارت دا كتبتو في الفيس هنا، وغر الظروف الشخصية الحاصلة، وبكرة ح احاول اعوضكم....
"ولكم العتبة حتى ترضو"...💙🌸
_______________
"احداثٌ جَمِيلةً تُعِيدُنا الى المَاضي، وذِكرياتٌ ذِكراها أليم"...
💙🌸
لنا لقاء..💙🌸
