____________________________
"لحظة صمت حصلت بين عبدالله ويمنى ونجاة..."
نجاة:ااا...بكلمك بعدين ياعبدالله هسي م وقتو
عبدالله:لا وقتو ، عايز اعرف بتهببو في شنو بي وراي انتو...
نجاة:م تبقي راسك قوي ياعبدالله، قلت ليك بحكي ليك بعدين
"عبدالله مارد على نجاة ووجه كلامو ل يمنى"...
عبدالله:يمنى، الحاصل شنو
"يمنى سكتت لمسافة تعاين ل امها وتعاين ل يسرا بعدها اتنهدت وقالت" ..
يمنى:يسرا يا ابوي ....
عبدالله:مالها؟!
يمنى:يسرا....مدمنة مخدرات...
"عبدالله سكت لثواني قبل م يمسك قلبو ويكون واقع في الارض.."
"صرخات ودموع كانت صادرة من يمنى ونجاة وهم بيجرو على عبدالله ويحصلوه قبل م يقع، خلت يسرا تقوم مفجوعة وتعاين بصدمة ل ابوها الخاتت يدو على قلبو وواقع في الأرض..."
"ثواني حتى قامت من سريرها وفتحت دولابها وشالت ليها عباية وادتها ل يمنى ال كانت قاعدة جمب ابوها بتبكي، وقالت ل امها الي اساسآ كانت لافحة توبها، امي م ...م تبكو، قومو، قومو خلينا نوديهو المستشفى"....
"محاولة في انهم يرفعوه، بس هو ك راجل وهم تلاتة بنات كان تقيل عليهم شديد، ف ساعتها ضرب تلفون يمنى ال كان قاعد ف سرير يسرا، يمنى قامت بدون تفكير ولا حتى تقرا الاسم قالت،
يمنى:ابوي،ابوي الحقو ابوي
منذر:يمنى بسم الله في شنو يايمنى
يمنى: ا..استاذ منذر ابوي ا...انا م عارفة مالو ابوي حيموت
منذر:روقي يايمنى انتو وين
يمنى:ف ...ف البيت
منذر:خلاص خلاص انا ح اطلب الاسعاف و ح اجب لاحقهم لأني بعيد شوية، بس روقي روقي سامعة....
يمنى:ط ...طيب طيب..
"عند منذر استأذن من اصحابو ال كان قاعد معاهم وقام مسرع وهو بيعمل تلفون ..."
_________________________
عند كادي.....
"دخلت فاطمة غرفتها عشان تصحيها، لأنو م من عادتها تكون نايمة للزمن دا او يصحيها زول خصوصآ وانو هي عندها دوام" ......
فاطمة:كادي...ي بت
"كادي بصوت مليان نعاس"
كادي:هاااا
فاطمة:ها شنو الليلة م ماشة دوامك ولا شنو
كادي:لا ياماما ما ماشة
فاطمة:ليه ان شاءالله مالك
كادي:مافي حاجة يا امي بس عايزة انومم
فاطمة:كمان طلعتي ليك بقلة ادب جديدة
كادي:......
"فاطمة عاينت ف كادي مسافة قبل م تطلع من غرفتها وتنزل عند محمود تحت الي كان بشرب ف الشاي وبقرا ف الجريدة"....
