_________________________
سند، بعد ما خلصو اكل هو ويسرا، طلعو كم مشوار بعدها ، ومن بينهم انو سند وداها محل دهب وهي اختارت ليهم الدبل ،وهنا سند اوفى بوعدو لانو دايمآ كان بقول ليها
"وعد يايسرا مافي زول يشتري خاتم خطوبتي الا انتِ"..
وهي كانت بتضحك، بس ماكانت عارفة انو لمن يبقى الموضوع جد جد حتشتريها ليهو وقلبها بيوجعها....
سند وصل يسرا البيت وقبل م تنزل قال ليها
سند: يسرا
يسرا:اها
سند:هاتي يدك
يسرا:شنو!!
سند:يدك هاتيها
يسرا:اها
سند:قلت ليك هاتيها مامديها
يسرا:اجي ياسند خلصني
سند:ههه خلاص خلاص لفيها
يسرا:"لفتها"، اها...
"سند لبسها ختم فضي وكان فيهو فِصة باللون الازرق
يسرا:الله ياسند رهيييب
سند:افتكرتيني نسيتك يعني
يسرا:اشتريتو متين
سند:لمن كنتي مشغولة ب انك تختاري الخواتم لينا
يسرا:شكرآ شديييدد، بس مش كأنو غالي
سند:مايغلى عليك شي
يسرا:طيب طيب انا بعد كدا انزل
سند:امسكي كيس الشوكلاتة تبعك دا
يسرا:هو القال ليك منو انا نسيتو، انساك ولا انساهو
سند:ههه، م ح انبزك لانو عيب انبز وحدة حلوة زيك، بس وصلت؟!
يسرا: هئه هئه...يلا يلا باييي
سند:مع السلامة....
_______________________
عند كادي
وصلت البيت دخلت على غرفتها وقعدت تتذكر النقاش الحصل، قعدت مسافة بعدها استغفرت ومشت اتدوشت ورجعت قعدت، مجرد م قعدت تلفونها ضرب وكان دا معمر، م كانت بالمرة حابة انها تتكلم معاهو ف عشان كدا اكتفت بإنها تنتظر المكالمة لحدي م تفصل وتعمل للتلفون وضع طيران،
" ماكنت حابة اتكلم مع معمر ماعشان هو عمل حاجة غلط، لا لا ابدآ بس كنت حابة اقعد براي بعد الحصل..
بكذب عليكم لو قلت ليكم كلام البت الاسمها نهى م اثر معاي، لانو فعلآ كلامها القالتو اثر معاي شديد، وخلاني اعيد النظر ف بعض الحاجات الي كنت غافلة عنها ..💛💛
________________________
عند شمس ومي....
شمس:مي مش ع اساس انو انتِ م عايزة تطلعي، هسي دا شنو ال مكان الجايباني فيهو دا..
مي:برري سمعت الناس قالو اكلو حلو قلت نجي نجربو...
شمس: اوكيي طيب طيب انا اقوم اشوف المنيو تبعهم لانو اعتقد مافي نادلين...
مي:لا لا انتِ خليكي هنا انا ح امشي
شمس:اوككي اوكييي امشييي....
"مي قامت وشمس قعدت تلعب بتلفونها وثواني حتى اتفاجئت ب سامي قدامها"....
سامي:شمس الحلوة
شمس:ساميي!!
سامي:صدفة حلوة
شمس:صدفة ولاكنت قاعد تتبعنا ياسامي؟!
سامي: مامهم، كيفك
شمس، شايف شنو انت
سامي:شمس، هو اكيد اي زول في الحياة دي لازم ياخد فرصة صح
شمس:ماتنسى ياسامي اني اديتك الفرصة ال بتتكلم عنها دي
سامي:ياخي كنت زمان مراهق طايش ياشمس
شمس:لا انا بتكلم عن الفرصة التانية ال اديتك ليها ياسامي
سامي:اي فرصة......"سكت مسافة وقال" اااا...قصدك
شمس:بس بس ايوا....
سامي:"سكت وقعد يتذكر...
