"جزئية مفقودة"..
《مابعد النهاية》.....
________________________
"فتحت عيونها وهي بتعاين حولينها بي قلق وكانت ف المستشفى وبتهمس بي شمس.....
يسرا:شمس....شمس....
سند:يسرا مالك بسم الله
يسرا:سند شمس وين؟!
سند:ربنا يرحمها برحمته
يسرا:لا سند مستحيل تموت ياسند، مستحييييييل
سند:يسرا قولي بسم الله انتِ حلمتي حلم كعب شكلك
"قالت وهي بتحاول تتنفس وتعاين حولينا وتبكي"
يسرا:سند شمس، مستحيل تموت، الورقة وين؟!
سند:ياتو ورقة يايسرا ؟!
يسرا:الورقة الي لمن اتبرعت لي فيها كتبتها
سند:يسرا شمس لمن اتبرعت ليك قلبها كانت ف غيبوبة، كتبتها كيف
سند:شنو؟!....
#فلاش_باك....
"بعد الحادث الحصل لي شمس شمس دخلت ف غيبوبة، وللأسف شمس كانت في غيبوبة بس كانت ميتة دماغيآ....
حتقولو لي ميتة دماغية كيف، الميت الدماغي بتكون كل اعضاءو بتعمل بشكل عادي، اما هو دماغيآ بكون ميت....."
"في نفس الثانية ونفس الوقت يسرا كانت محتاجة تبرع لقلب، لحظتها سند كان مابين مصدق او لا يزعل على شمس ولا يزعل على يسرا....
في نفس الثانية جا ابو شمس وسمع بمرض يسرا وطلب من الدكاترة ازا يشوفو قلب شمس مطابق ل قلب يسرا او لا، وفعلآ طلع مطابق وبدون تفكير تم التبرع بكليتين شمس ل اشخاص كانو محتاجين، وقلبها.....
ب اختصار تم التبرع " ب اعضاءها"...
وكلها اكيد حتمشي في ميزان حسناتها..♡
________________________
بعد مرور تلاتة سنين......
سند:اوبااا تعالي هناا ياشمس اوعك اوعك اوعك تمشي هناك امك حتقتلنا
"شمس كانت بلعب ف الجير وبتبطع يدها في الجدار"...
سند:ربنا يتولاني برحمتو
يسرا:شمسسس، لااااا اوعك
"شمس اول م شافت يسرا جرت واتخبت ورا سند ومسكت تي شيرتو الاسود وهو ساعتها بقى يصرخ"...
سند:لا، التي شيرت دة لااا ، ح اقتلك ياشمس
يسرا:سند انا مش قلت ليك هسي حممتها م تخليها تقرب ع الجير دة
سند:انا مالي لو البت طالعة على امها راسها قوي وعنيدة...
يسرا: دة منو العنيد والراسو قوي؟!
سند:اناا
يسرا:افتكرت...
شمس ياماما يلا تعالي ناخد دش
"شمس وقفت ورا سند وهي بتحرك في وشها بمعنى لا
يسرا:هسي حنمشي ل عمو منذر حيقول نور حلوة وشمس وسخانة
