__________________________
*السبت
**عند معمر....
كان قاعد في مكتبو وبعاين ب اهتمام ل ورق قدامو
"جات نهى داخلة "تووششك" من غير م تضرب الباب..
معمر:دقيقة دقيقة، اول حاجة انتِ هنا زيك زي اي موظفة يا آنسة، ف حتحترمي نفسك وتضربي الباب، ولمن انا اقول اتفضل تدخلي ساعتها، تاني حاجة انا قلت الهدوم تكون ابيض واسود الأحمر الجاية بيهو دا ياريت يكون اول وآخر مرة تجي بيهو...
نهى:هه، انت مفتكر نفسكك منو ها؟!، م تنسى انو انا عندي حق ف الشركة دي زيك بالضبط..
معمر:هه، لا لا دقيقة يا استاذة، اي حق بالضبط، الشراكة ال بين ابوي وابوك انتهت ، وانتِ عارفة الحاجة دي، وفي النهاية منو ال جا عمر الشركة دي من جديد بعد م اسهمها وقعت ها!!، ابوي انا يا انسة، خسر حاجات كتيير عشان يرجع يوقف الشركة من جد وجديد، بعد م ابوك غدر بيهو صح،وعشان شنو، طلاقنا؟!، لو تكرمتي وعشان نكون اصحاب ونفتح صفحة جديدة ، الزمي حدودك من هسي، واتفضلي داك مكتبك " واشر ليها عليهو"..
"نهى اتغاظت شديد، وطلعت مشت مكتبها وهي معصبة"..
"معمر بتكلم مع نفسو"...
معمر:جنون من اول يوم!!، لا شكلك حتشوف كتير يامعمر....
_______________
عند يسرا...
"كانت ف الجامعة وكعادتها كانت لابسة ملابسها الغريبة الي بشوفها م بقول يسرا دي هي الي قبل فترة كانت م بتتجرأ تنزل الطرحة من راسها، الليلة ماشة بشكل جريء بدون لاطرحة ولا حتى لبس ب كم طويل..
"كانت واقفة بتوتر وبتهز كراعها بطريقةة سريعة، وكانها منتظرة زول، دقايق حتى قالت" ...
يسرا:محمد اتأخرت كدا ليه؟؟؟
محمد:اسف السكة كانت زحمة
يسرا:وينها؟!
محمد:يسرا بطلي جنون، ح اديك ليها قدام العالم دي كلها؟؟...
يسرا:طيب طيب اديني ليها سريع
محمد:تعالي
"وجراها من يدها"..
مشو حتى كانت شبه فاضية وقال ليهاا، اوعك تستعمليها هسي سامعة؟!
يسرا:حاضر هات
محمد:القروش
يسرا: اوففف امسك
محمد:كدا حلوين
_______________________
عند شمس ....
كانت قاعدة في البيت بتحضر مسلسل...
"شوية كدا باب البيت ضرب...
مشت فتحتو لقتها مي
شمس:مي جزمةةة مختفية كدا وين
مي:البقول الكلام دا انا ولا انتِ هسي، صدق القال من لقى احبابو نسى اصحابو
شمس:بطلي تلوميني؛ والله انا القاعدة انتِ المختفية "بغمزة" ارتبطي وانا ماعارفة؟
