●تنويه قبل م ابدأ الصورة م تفتحوها الا بعد يخلص البارت حلو؟!!!
قراءة ممتعة♡♡
________________________
"صحيت لقيت ف يدي في درب، اول م
حاولت اقعد جات الممرضة وطلعت مني الدرب لأنو خلص...
بعدها طوالي جا داخل الدكتور قال لي
=ماتشوفي شر...
يسرا:تسلم يارب....
=الحمدلله انو جابك سيد الامجاد، قال انك غمرتي في عربيتو
يسرا:تقريبآ... م متزكرة حاجة
اااا....طيب انا ممكن اطلع...
=ايوة تقدري، عملنا ليكي فحص والحمدلله الصورة طلعت سليمة
يسرا:جد
=ايوة الحمدلله
يسرا:طيب سبب الالام البحس بيها من فترة ل فترة ف قلبي دي شنو
=ااا..والله بتكون تراكمات على حد علمي، بس
م تخافي ح اديك ادوية تاخديها ب اذن الله حتمشي كل الالام دي وم حتعاني منها بعد كده...
يسرا:كويس الحمدلله
ااا سيد الامجاد وين؟
=فات بعد م جابك طوالي
"يسرا قالت بصوت واطي وم مسموع"...
يسرا:اوف م اديتو قروشو
طيب حاجاتي وين
=كلها عند الرسبشن برة...
يسرا:طيب، تمام...
"يسرا فاتت عند الرسبشن وشالت شنطتها وطلعت، وملت بعض الاوراق بعد م الدكتور كتب ليها الادوية ..."
"فاتت الصيدلية ال قريبة من المستشفى واخدت الادوية ورجعت البيت"....
"اول م دخلت لقت يمنى ومعاها بنتين وتقريبآ كدة كانو بنظفو"....
يسرا:بسم الله بتعملو في شنو
يمنى:يازفتة انتِ وينك، ماعارفة الليلة خطوبتك؟؟؟
يسرا:ويت ويت، هو كان جادي يعنييي
يمنى:ودة موضوع يهظرو فيهو
يسرا:يمنى م تنسي انو الراجل معرس،مبسوطة كدة مالك
يمنى:وم تنسي انك بعد م عرس كنتي كل يوم بتجيني وبتتبكبكي عند راسي
يسرا:يارب صبرك دة شنو العالم دة
عايني لي هنا م تعزمي زول سامعة؟!!
يمنى:هي خطوبة يابت م ح اعزم زول اصلآ
يسرا:احسن
"وطلعت غرفتها وخلت يمنى وهي بتتكلم مع وحدة من البنات ال بينضفو"....
"اول م طلعت غرفتها بلعت حبة نسبة لأنو كان في وحدة من الادوية دة موعدها، بعدها شالت ليها غيار ودخلت تستحمى...."
"بعد م استحمت طلعت وبقت تسرح شعرها ال كان مبلول، وترقد في سريرها وتغط في نوم عميق، وم صحيت الا على صوت يمنى ال كانت بتصرخ في راسها......"
