____________________
"يمنى دخلت الغرفة مستغربة وقفلت الباب وراها قبل ماتمشي تجلس جمب يسرا"...
يمنى: دا مالو دا؟
يسرا:بريي م عارفة، خليهو مجنون ساي، مويتك وين عطشانةة انا
يمنى:موية شنو انا طلعت اخليهو ياخد راحتو في الونسة
يسرا:محسساني راجلي ولا خطيبي بس بس
يمنى:خلاص خلاص اسكتي هسي امشي اجيبها ليك، م تقعدي تردحي لي زي الدنقلاوية...
"وقامت، اما يسرا، ف سرحت بعييد جدآ.."
_________________
في صباح اليو التانيي....
"قامت كادي من نومها بدري جدآ عن الوقت المعتاد، بحجة انها توصل ل ام معمر الدواء عشان تاخدو ف مواعيدو؛ قامت كالعادة وصلت واستحمت ولبست هدومها واتعطرت قبل ماترفع الطرحة في راسها وتربطها ب إحكام وتشيل كيس الادوية ال كان قاعد في الكوميدينة، وتطلع من غرفتها، وكالعادة ياسعادة، طلعت صبحت على امها وابوها الكانو بشربو ف الشاي واخدت معاها كوبها المعتاد، الي مساعدها في انها تطلع بدري وركبت ع سيارتها وقبل م تتحرك عاينت لِ اللوحة الي مكتوب فيها"سبحان الذي سخر لنا هذا وماكنا له مقرنين، وإنا إلى ربنا لمنقلبون"...
وتتحرك بعدها وفي يدها الورقة الي فيها عنوان بيت ناس معمر ....
نص ساعة بالضبط ووقفت قدام بيت من البيوت قبل م تعاين فيهو مسافة وتقول"اكيد دا هو"..
طفت العربية وشالت المفتاح وكيس الادوية ونزلت"
ثواني حتى كانت قدام باب البيت وكانت مترددة في انها تضرب الجرس او لا...
دقايق من الصراع النفسي قي انها تضرب الباب او لا، اتفاجئت بباب البيت بيتفتح.....
كادي:اا....ااا...
منذر:دكتورة كادي، ياصباح المفاجئات الحلوة، لا هو انا اتصبح بوشك اكيد حيكون اليوم دسيسس ...
كادي:هههه م للدرجة دي....
منذر:اتفضلي اتفصليي"قال كدا وهو بزح من الباب...
كادي:لا لا انا بس جيت عايز....
منذر:اتفضلي ياااخ م تزعليني منك
كادي:...."انتهدت" امري لله..
"ودخلت"....
منذر وهو بيصرخ...
منذر:يا حجة الليلة جايب ليكم مفاجئات زي المفاجئات....
"كانو متوجهين على الصالة الي فيها معمر وامو"....
سلمى:ياود انت م توطي الصوتك، م قاعد في الشارع...
منذر:امي عايني جبت ليكم منو الليلة
سلمى:دكتورة كادي!!!
"معمر كان بياكل وبلعب بتو ومجرد ما سمع اسمها لقى نفسو بيلتفت ع الجهة الي فيها صوت منذر ب اهتمام....
معمر:دكتورة كادي...ا ا ..اتفضلي
سلمى:اتفضلي يابتي تعالي اقعدي اشربي الشاي
كادي:تسلمي ياخالتو بس جيت جبت ليك الادوية تبعتك نسيتيها ف المستشفى امبارح...
سلمى: تسلمي يابتي ، اتفضلي اتفضلي
كادي:ياريت والله ياخالتو بس انا مستعجلة ووراي دوام نعوضها مرة جاية.....
منذر:بلا مرة جاية بلا مرة جاية، مامشكلة هسي تعالي اشربي والمرة الجاية برضو تعالي اشربي الشاي، ايزي..
"قال كدا وهو بيمشي بيسحب كرسي من الكراسي عشان تقعد فيهم، كادي م عرفت تقول شنو، واستسلمت وقعدت ف الكرسي"...
"دا كلو ومعمر وكان بعاين ليها"....
سلمى:هاكي يابتي ومدت ليها كباية شاي مع بسكويت...
كادي:تسلمي ياخالتو....
