____________________________
"م كنت حابة ارجع البيت، وكنت حابة اشم شوية هوا ف مشيت شارع النيل، وبقيت بمشي جمب البحر، وكنت بفكر و كنت لسى مصدومة، مصدومة من الخبر ال جاني زي الصاعقة، معناتا انا م ح ابقى اُم ابدآ؟، وسند م حيبقى أب؟، مافي شافع حيقول لي ماما؟ ولا شافع يقول ل سند بابا؟، انا كدا ححرم سند من كل لحظة حلوة ممكن يعيشها أي أب، فكرت كتير لحدي م حسيت راسي عايز ينفجر، بعدها رجعت البيت...."
"اليوم عدّا علي وكان اطول يوم ف حياتي، م كنت عارفة اقول لي سند لمن يرجع شنو، اقول ليهو مشيت الليلة الدكتور ولقيت انو انا عقيمة وم بجيب اولاد، ولا اقول ليهو شنو بالضبط؟!....
كمية من الأسئلة كان بتدور في بالي لحدي ما المسا رجع سند البيت، كان مبسوط شديد لأنو وقع على عقد في الشركة والعقد دة حيرجع ليهم بي ارباح كتيرة، وكانت الفرحة ماسايعاهو....
اول م رجع ك العادة، كنت مجهزة ليهو الموية الباردة عشان يستحمى بيها بعد يوم مشمس طويل، بعدها ختيت ليهو العشاء وقعدنا نتعشى.....
لحظتها سند لاحظ لي وشي مخطوف وكانو في حاجة مزعلاني وقاعدة بلعب ف الاكل وم باكل، قام سألني..."
سند:فيكي حاجة ياقلبي
شمس:ها....ل..لا
سند:عايني لي
"ساعتها رفعت راسي وكانت دموعي مالية جفني"...
سند: يلا احكي لي
شمس:احكي شنو
سند:المزعلك شنو
شمس:ولاحاجة ياسند، الحمدلله شبعت
"وجيت قايمة"....
"اول م قمت سند مسكني من يدي، بعدها قام وقال لي ...
سند:شمس؟!
من متين واحنا بنخبي على بعض؟!
"هنا لا اراديآ دموعي نزلت وبدات ابكي"...
سند:شمس؟!!
احكي ياقلبي م تخوفيني عليكي في شنو
"وحضني عليهو"....
شمس:س...سند انا الليلة مشيت ال ....المستشفى
سند:ليه ياقلبي عيانة؟!
شمس:حسيت ...نفسي شوية عيانة ...
ف..مشيت افحص
"سند هنا وكانو فهمني عايزة اقول شنو وحضني عليهو زيادة"...
شمس:سند انا م ...م بجيب عيال يا سند....
س..سند...ا...انا عقيمة..
سند:هششش، بسيطة ياقلبي، العلم اتطور وح اسفرك وحتتعالجي اكيد، مافي حاجة صعبة...
شمس:الدكتورة قالت م....ماف علاج...
م..مافي علاج ياسند...ماف
"سند هنا م عرف يقول لي شمس شنو، حضنها عليهو وخلاها تكمل بكيها ف حضنوو"....
______________________________
