_____________________________
عند كادي....
"بعد العقد كانت الدموع مالية عيونها وبتبكي بحرقة، هي م بتبكي عشان خلاص عرست، او عشان حتفارق اهلها زي م الناس فاكرة، كانت بتبكي عشان كانت متمنية في الحظة دي يكونو موجودين امها وابوها الحقيقيين، ودي اللحظة الي بجد بتكون البت محتاجة لسندها الي هم امها وابوها، بس بالرغم من دة كلو محمود وفاطمة م قصرو من الناحية دي"....
"دقايق مرت من المباركات حتى عِلا صوت النساوين وهم بقولو" امرقو امرقو العريس جاي يشوف مرتو"...
"ثواني حتى فضيت الغرفة الي كانت فيها كادي، ودخل معمر".....
"ساعتها مشى ناحية كادي الي كانت واقفة ومتوترة ومنزلة راسها وباس راسها وقال ليها"
معمر:مبروكة علي وربي يقدرني اسعدك واسندك وم احوجك لزول طول م انا عايش...
كادي:اميين يارب
معمر:متزكرة اول موقف جمعني بيك؟!
كادي:اييك ودة موقف يتزكروهو
معمر:بس بس انا من ساعتها وانا حالف يا اخدك يا اخدك ومافي حل تالت
كادي:م كنت متوقعة اني ف يوم اتزوجك انت بالذات
معمر: دة خلاص بقى ماضي، هسي انتِ حبيبتي ومرتي وانشاءالله ام عيالي...
"كادي ابتسمت ليهو وم عرفت تقول شنو"...
_______
"المسا كان العرس رغم بساطتو الا انو كان رهيب، الإضاءة الخافتة وفستان شمس البسيط والرايق والي كان عبارة عن فستان اسلامي، ومعمر الي بدلتو الكحلية كانت محلياهو ولا ساعتو الذهبية، كتير من التفاصيل ال كانت رغم بساطتها الا انها كانت مرضية لجميع الناس الموجودين ولي معمر وكادي قبل كل حاجة..."
"انتهى العرس وبعدو عملو الجرتق♡♡".....
"وبالرغم من انو كان يوم طويييل لي كادي ومعمر، إلا انو كانو اكتر اتنين مبسوطين في اليوم ده"....
"بعد الجرتق كان بعد كدة معمر وكادي حيتحركو وبدأت الدموع والي بدت من فاطمة"..
"الي حضنت كادي عليها شديد وباستها ف راسها وقالت ليها ابقي عشرة ع راجلك وبيتك يابتي، اما محمود ف اكتفى انو يحضن كادي طوييل بعدها باس راسها وقال، بتي الحلوة الليلة عروس....
وبعدها كادي حضنتو وبكت شديد، محمود حب يلطف ليها الجو همس ف اضنها وقال، بس يابتي ارفعي راسك دة هسي المكياج دة كلو يمشي وراجلك دة يرجع لينا بخبيزك، كادي ضحكت وباست راسو واتلفتت على سند، الي حضنها عليهو شديد وقال ليها، اختي السمحة الليلة احلى عروس، بعدها اتلفت لي معمر وقال ليهو، اوعم تزعلها هاا، الخرطوم دي م بتشيلنا، علت اصوات الضحكات بينهم قبل م معمر يقول ليهو، م تخاف اختك دي في الحفظ والصون...
واتحركو على كدة"
