_______________________________
"حتقولو لي م اتصدمت؟
لا انا اتصدمت شديدد، معقولةة؟!
كل السنين العايشاها دي كزبة؟!
طيب هم م وروني من زمان ليه؟!
انا كان من حقي اتربى واعيش مع اهلي زيي زي اي بت غيري ايوا هم م قصرو مني ف حاجة، بس بس دا كلو كيف"....
"م ابديت اي ردة فعل وعملت نفسي م سمعت اي حاجة وابتسمت لي امي، او هه فاطمة، وقلت ليها..:
كادي: الليلة ماف اكل، جعانة شديدد
فاطمة:ف...في اكل يابتي، هسي ماشة اختو...
كادي:تمام لو ختيتيهو ناديني انا قاعدة ف غرفتي
فاطمة: تمام يابتي تمام...
"رجعت على غرفتي وانا ف راسي مية سؤوال"...
اسأل شنو واخلي شنو، كيف كدا، يعني دي م امي ودة م ابوي، طيب جابوني من وين، من الميتم؟، ولا هه من جمب مسجد من المساجد زي م بحصل ف المسلسلات، سرحت بعيدد، بعدها ب مسافة تلفوني ضرب"...
"رفعت التلفون بدون م اشوف دة منو وختيتو ف اضني
معمر:كادي
"رفعت التلفون وعاينت فيهو مسافة بعدها رجعتو ف اضني وقلت"
كادي:نعم!!
معمر:امم، تقريبآ م شيكتي ع الواتس
كادي:ليه
معمر:اللية حابي نتعشا برا
كادي:ا...ااا معم...
معمر:م عايز اي عزر ممكن؟!
كادي: ........
معمر:عارف ف الفترة دي قصرت شدديدد، وبقيت طوالي مشغول ف حابي الليلة اعوضك ونقعد اطول وقت ممكن مع بعض ينفع؟.....
كادي:ااا....طيب
معمر:تمام ع الساعة 9م ح اجي اخدك
كادي:....منتظراك
معمر:تمام ياقلبي سلام
كادي:سلام ....
"كادي جدعت التلفون في السرير، وطلعت من غرفتها بعد ماسمعت صوت فاطمة بتناديها للغداء والي كانت م حابة تطلع بس عشان م تحسسهم انها سمعت حاجة من نقاشهم، اضطرت انها تطلع".....
______________________________
في المستشفى.....
"صحيت من النوم ولقيت نفسي مرقدة ف السرير، وصلت هنا كيف؟!، ومتين ؟!، ماكنت عارفة، بس ال كنت عارفاهو اني صحيت وكان جسمي بيوجعني شديد، وحاسة بيهو مشدود، معقول؟، انا عملت في نفسي كدا؟!، هل دي وحدة من الأعراض ال حكت لي عنهم يمنى....؟!
#فلاش_باك.....
يمنى:يسرا، عايني لي واسمعيني كويس انا م ح اخبي عليك اي حاجة تمام!؟،
يسرا:ليه ف شنو؟!
يمنى:انتِ عارفة انك مدمنة مخدرات صح
يسرا: .....مدمنة؟!
