___________________________
"للحظة كنّا بنسمع فيها الزكريات الحلوة لي امي، بس للحظة اتقلبت اللحظة دي لبؤس مخيف، الدكاترة كانو ف راس ابوي وبستخدمو جهاز الإنعاش وكل مرة بزيدو الموجات بس، بس ابوي استسلم للموت بسرعة كدا ليه؟!، مافكر فيني انا ويمنى ليه؟!، طيب، طيب ربنا عاقبني بيهو هو بالزات ليه بس ليه، في اللحظة الي منذر ويمنى جرو على غرفة ابوي، امي ختت يدها على قلبها ووقعت، انا بقيت م عارفة اعمل شنو بس بقيت بصرخ شديد وبنده على يمنى، لأنو م ح اتحمل افقد شخص تاني ابدآ، بس للأسف حتى وجوه الممرضات لمن كانوا يحاولو يرفعوها م بتفسر، لحدي م جا دكتور وكان بحاول يضغط على قلبها بقوة شديد، بس للأسف، امي برضو استسلمت للموت زي ابوي، وش الدكتور لمن قال "لاحول ولاقوة الا بالله، انا لله وانا اليه راجعون" عمري م بنساهو..
"انا هنا الدنيا حسيتها ضلمت بي، كيف يعني امي وابوي يموتو في يوم واحد؟!، وسوى؟!...
انا م كنت عارفة حاجة غير اني ختيت يدي ف راسي وبقيت بصرخ ب اعلى م عندي ويمنى ساعتها قعدت جمبي وهي منهارة بالضبط زيي وحضنتني وقعدنا نبكي سوى، ماعارفة كم من الزمن مشى بس برمشة عين لقيت نفسي ف بيتنا الي كان مليان ناس، رجال ونسوان، ودقايق حتى في مرا جات قالت لي، تعالي شيلي العفو من ابوك وامك يابتي، مشيت معاها لحدي م دخلت وشفتهم، كانو حلوين شديد، يمنى كانت قاعدة عند ابوي وبتبكي شديد، انا مشيت عند امي وبستها ف راسها وقعدت ابكي عندها دقايق حتى مشيت ل ابوي ال كان طالع زي الملاك تمامآ بستو ف جبهتو طويييل وقلت ليهو " حتمشي بدري كدا يا ابوي وتخلينا، يعني م حتقعد معاي زي ماقلت و تشوف احفادك"، دقايق حتى مسكتني نفس المرا الشالتني قبيل انا ويمنى وقعدتني مكاني، ثواني بس وشفت كفن ابوي ووراهو كفن امي،"الناس ساعتها بقت بتقول لا إله الا الله"، بس انا م قدرت، م قدرت اخليهم يطلعو لأني محتاجة ليهم شديد، ولسى م قنعت من شوفتهم، قمت وكنت بحاول ادخل ف وسط الرجال عشان م اخليهم يشيلوهو مني بس، النساوين ف كل مرة كنت بحاول امشي عندو كانو بيمسكوني وبيبكو لحدي م طلع كفن ابوي وبي وراهو كفن امي"......
_____________________________
عند كادي.....
معمر:تمام ياكادي تمام، بس انا المفروض اقرر ازا ح افسخ الخطوبة او لا
كادي:.....
"معمر قبل م يقول كلمة تانية تلفونو ضرب، طلعو من جيبو ورد، ودة كان منذر"....
معمر:منذر؟
منذر:معمر
معمر:دا سنو صوت البكا الجمبك، سامعك...
منذر:يمنى يامعمر امها وابوها اتوفو
معمر: شنو؟!، لاحول ولاقوة الا بالله
كادي:في شنو؟!
معمر:خلاص هسي ح اكون هناك...
منذر:تمام
