_________________________
سند:يسرا، يسرا...
انا بتكلم معك سرحتي وين
يسرا:ها؟!.....لا لا ولاحاجة، عايز شنو ياسند
سند:انتِ هرموناتك قايمة ولاحاجة، بس بس م تجننيني، فطرتي؟
يسرا:ها، ل...لا
سند:عندك نزلة؟!
يسرا:لا ليه..
سند:دي شنو الحركات البتعمليها ف نخرتك دي، ثم ثانيآ ضعفانة كدا ليه
يسرا:سند، بلاش اسألة كتيرة ممكن توديني البيت وانت ساكت
سند:مش قلتي مافطرتيي، يبقى لازم اوديك تفطري بعديها اوديك البيت
يسرا:.......
"وشغل السيارة واتحركو"....
___________________________
*في مكان من الاماكن..
"دخل الجامعة وكل الانظار كانت عليهو، حاول يتجاوز الناس دي كلها بغرور ويمشي على مكتب العميد....
*في مكان تاني ف نفس الجامعة.....
=وااااااي يايمنى م شفتي
يمنى:شنو
=الدكتور الجديد، قررررضة بس
يمنى"سرحانة":جد! ، كويس
=مالك
يمنى:لا لا ولاحاجة"ورجعت سرحت"....
=اخخ، الكلام معاك زاتو ضايع....
"دقايق حتى دخل الدكتور.....
=وااااي يمنى عايني ليهو دا هو......
يمنى:اي اي شفتو...
"يمنى وجهت عيونها للدكتور الكل القاعة كانت بتعاين ليهو ب إعجاب.... وم أبدت اي ردة فعل......
"الدكتور بدأ يعرف عن نفسو....
=انا دكتور منذر خريج جامعة الخرطوم و....
"لحظتهاا يمنى سرحت بعد م قالت، الصوت دا سمعتو وين..."
"رجعت من سرحتها وسمعتو بقول"...
طيب اليوم خلينا نقول of مافي محاضرة، بس حابي اتعرف عليكم، واشوف مخططاتكم شنو بعد م تتخرجو بما انكم خريجيين السنة دي..
"كل الناس هنا بدأت تتكلم عن مخططاتها، فيهم الي حيسافر يشتغل برا، وفي الي عايز يقضي خدمة، وفي الناس العندها واسطة منتظراها....
وكتتتير...
لحدي م وصل عند يمنى....
"عاين فيها مسافة قبل م يقول، انتِ اسمك منو!!
يمنى:انا؟!
دكتور منذر:اها
يمنى:اسمي يمنى...
دكتور منذر:اهاا..!!، طيب مخططاتك شنو...
يمنى:لسى م فكرت
دكتور منذر:كيف يعني لسى م فكرتي
