_____________________________
سند:تتزوجيني؟!
يسرا:............
سند:يسرا؟!
يسرا:سند م تنسى انك متزوج
سند:وانا سألتك، تتزوجيني؟!
يسرا:اااا، لا
"سند سكت مسافة بعدها قال ببرود"...
سند:ازا عشانها ف ماتخافي انا ح اطلقها قريب
يسرا:سند انت انسان ماصاحي ولابتستهبل؟؟
انت جربت تقعد معاها وتفهم منها الحصل شنو طيب؟! ، انا متأكدة مليون بالمية انو شمس بتحبك ومستحيل تعمل حاجة زي دي...
سند:جربي تكوني مكاني ل مرة وحدة وبطلي تلوميني، انا بقيت م قادر اعاين ليها، وماطايقها انتِ ماشفتي الصور يايسرا مقرفة كيف
يسرا:هه وبرضو صور، يعني يمكن تكون فوتشوب ياسند اي حاجة انت المفروض تصدقها؟!!
سند:فوتشوب شنو يايسرا، مافي اي فوتشوب في الموضوع
يسرا:وجربت ترجع للرقم الرسل ليك الصور
سند:مغلق
يسرا:اضرب للشركة وشوف الشريحة مسجلة ب اسم منو
سند: ومن متين الشركة بتدي معلومات عن اسياد الشرايح....
يسرا:طيب ياسند ارسل لي الصور والرقم ف مسج
سند:"سكت مسافة"...
يسرا:ايوة عارفة الصور يمكن حساسة بس م تخاف م ح اوريها زول وح اشتغل عليها انا
سند: تمام، بس انا م ضربت ليك عشان الحاجة دي..
يسرا:اعمل القلتو ليك ياسند واقفل الموضوع دة لو سمحت...
سند: تمام يايسرا تمام، تصبحي على خير
يسرا:تلاقي الخير.
_____________________________
عند يسرا ....
"تاني يوم الصباح صحيت وكانت حاسة نفسها ماتمام، بس اتجاهلت الموضوع وطلعت من غرفتها وصبحت على يمنى ال كانت قاعدة بتشرب في الشاي وسرحانة..."
يسرا:الحلو زعلان مالو
يمنى:.....
يسرا:يمنى..!!
يمنى:ها....اهلين يسعد صباحك يقلبي
يسرا:الشالب عقلك يتهنى بيهو
يمنى:لا، هو في فعلآ بس مافي نصيب
يسرا:شنو شنو شنو"قالت كدة وهي بتجر كرسي وتقعد"
دة منو والحاصل شنو وانا م عارفة
يمنى:امممم....
يسرا:احكي يابت قبل م اجن
يمنى:دة منذر اخو معمر
