______________________________
"عمي محمود من قلت كدة قال لي"....
محمود: استغفري ربك يابت دة كلام شنو
"سند وقف على حيلو وقال" ....
سند:بعد كدة ان شاءالله تكوني انبسطتي يا امي، ولو كنت عارف هدفك انك جايبانا هنا عشان تهيني مرتي بالطريقة دي والله م كنت فكرت اصلآ اني اعتب عتبة الباب دة، ويلا بعد كدة متشكرة على عزومتك الحلوة
"بعدها عاين لي يسرا الي كانت بتعاين ليهو واشر ليها بعيونو،"بمعنى خدي شمس واطلعو"....
"وفعلآ دة الحصل، طلعو من البيت وطول الطريق شمس كانت بتبكي، ومافي زول قدر يواسيها ب كلمة حتى، لانو كل زول فيهم كان عاىف كمية الالم ال كانت حاسة بيهو شمس ساعتها، اول م وصلو نزلت علطول ومشت البيت من سكات"...
"يسرا جات تنزل سند قال ليها"....
سند:خليكي معاها انا طالع مشوار م ح اتأخر....
يسرا:حاضر .....
"سند ابتسم ليها، ويسرا ردت ليهو الابتسامة ونزلت...."
"دخلت البيت وشافت شمس قاعدة في الأرض بتبكي بحرقة، فاتت ناحيتها وحضنتها، ساعتها شمس بقت تقول بصوت مليان الم".....
شمس:انا م اخترت يحصل معاي كدة يا يسرا، ابدآ م اخترت يحصل كدة، انا.....انا م عايزة احرم سند من الاولاد، م عايزة اظلمو، بس م بيدي الحاجة دي يايسرا انا عملت شنو عشان يحصل معاي كدا....
يسرا:شمس هشش ياقلبي هشش، عايني لي سند بحبك انتِ لو عايز عيال كاه قال ليك بلسانو بس انتِ م شفتي هو انزعج كيف لمن امو زعلتك، دة اكبر دليل انو سند بحبك انتِ وم همو العيال
شمس:يعني سند م حيزعل
يسرا:ويزعل ليه ازا انتِ ف حياتو ها؟!
يلا قومي غسلي وشك عشان م يرجع ويلقاك كدة قومي
شمس:هو فات وين
يسرا:م عارفة قال ماشي مشوار وراجع،
وخلي الليلة العشاء علي انا ح اعملو
شمس:لا لا هسي انا ح امشي اعملو، انتِ ضيفة م تتعبي نفسك
يسرا:يخسي ياشمس هسي بقيت ضيفة، زعلتيني منك والله
شمس:خلاص خلاص اعمليهو انتِ، لكن اليوم بس واول واخر مرة
يسرا:وكي حاضر، اصلآ كدة كدة يمنى اليوم راجعةة ف ح امشي بكرة
شمس:جد؟!، الاسبوع مشى سريع كدة
يسرا:للأسف، يلا قومي غسلي وشك وارتاحي
شمس:حاضر
__________________________
عند يمنى .....
"كان دة آخر يوم ليهم في المخيم، وبين م الناس كانت بتستف اغراضها وخلاص رايحة......"
"ولمن خلاص بدو يملو الباصات منذر الي كان جاي بعربيتو، جا عندها وقال ليها" ....
