#لسندي_ملّكتُكِ_قلبي 20
بقلم:يسرا عبدالله
______________________
"حلّت ثواني صادمة ل يمنى، كانت بين انها تعاين ل منذر وكأنها م مصدقة ال شافتو، وب انها تجلس على الأرض وتبدأ تبكي وتحاول تصحي يسرا...
منذر لحظتها ماكان عارف يتصرف كيف، بس العملو انو هو سأل يمنى عن المفتاح..."
منذر:المفتاح تبع السيارة وين يايمنى؟!...
"يمنى م كان عندها الحيل انها تُرد بس العملتو انو فتحت الشنطة الصغيرة الي كانت شايلاها يسرا وطلعت منها المفتاح ومدتو لي منذر وهي بترجف".....
يمنى"وهي منهارة وبتبكي":استاذ منذر عليك الله ساعدني ما...ماقاعدة تتحرك "وبدأت تهز فيها"..
يسرا.....يسراا...
"منذر لحظتها مَدّ المفتاح ل يمنى وقال ليها قومي افتحي العربية، وشال يسرا بين يدينو وركبها العربية بعد م يمنى فتحتها....
"يمنى ركبت جمب يسرا ورا، اما منذر ف هو الي ساق العربية...
اول م وصلو بدأ يضرب بوري بطريقة مزعجة وبعدها طلعو ممرضين وكان معاهم كرسي متحرك، منذر نزل وشال يسرا وختاها ف الكرسي،بعدها الممرض سحب الكرسي حقها وطوالي ودوها على غرفة الطوارئ...
.................
دقايق حتى طلع الدكتور....
=انتو اهل المريضة
يمنى:ايوا ايوا يادكتور انا اختها و....دا دكتوري في الجامعة...
=ماعارف اقول ليكم شنو والله...
يمنى:يسرا حصلت ليها حاجة، مالها يادكتور هي كانت كويسة
="سكت مسافة قبل م يقول"...
للأسف اختك مدمنة مخدرات...
"لحظة صمت، صدمة، عدم استيعاب من يمنى او حتى منذر
يمنى:ك كيف يعني؟!
=للأسف دا الحاصل والي لقيناهاو ...
يمنى:استاذ منذر، يسرا مستحيل تكون كدا، ابدآ، انا اختها وبعرفها كويس، يسرا م ممكن تشرب م..مخدرات م ممكن...
منذر:روقي يايمنى ...
طيب يادكتور هي بتتعاطاها من متين؟؟
=من ثلاثة ل اربعة شهور ..
يمنى:شنو؟؟؟
منذر:طيب طيب هي ماممكن تتعالج...؟
=المريضة لسى م ادمنت الادمان البيُسمى ادمان بس المخدرات دي بقت سارية مع الدم تبعها، ك دكتور عندي قليل من المعلومات عن مدمنين المخدرات، هي ممكن لو وقفت عن المخدرات دي حتحصل ليها اعراض جانبية لا بد منها.....
منذر:زي شنو يعني
=التشنجات المستمرة والقلق وفقدان الشهية وعدم اتزان وبرضو كل الحاجات دي م تخلو من الاضطرابات في القلب؛ وارتفاع ضغط الدم و....
