#لسندي_ملّكتُكِ_قلبي
طيب ياجماعة قبل م انزل البارت التالت ح اعمل نبذة صغيرة عن الشخصيات....
طيب اول جزئية ف الرواية دي خلوها لاانو دي الجزئية حتحصل مستقبلآ حلو؟!!
طيب الابطال تلاتة
شمس وسند ويسرا
شمس عندها صحبة وحدة والي هي مي
وماذكرنا احنا اي فرد من عائلتها للاآن
ويسرا كذلك صحبة وحدة والي هي ماجدة..
وعندها اخت وحدة والي هي يمنى وامها وابوها نجاة وعبدالله.. كدا حلوين؟!
طيب سند عندو اخت وحدة للآن م ذكرتها هي منو بس كونو حافظنها...
وعندو ابوهو محمود وامو فاطمة.... كدا حلوين؟!
تااني عندكم شخصية مأمون وهو بحب يسرا والي جا هددها....
طيب ديل براهمم
________
نجي ل معمر
معمر ابوهو متوفي والحاجة دي حتعرفوها قدام ومرتو كذلك م ذكرتها
معمر واخوهو منذر وامهم
بالاضافة ل بتو كيان والدكتورة كادي....
كدا حلوين....؟!!💛💛💛💛
يلا في اي سؤوال حجاوب عنو نهاية البارت التالت لانو الحساب دا م مطول ف م بقدر ارد ع التعليقات للأسف💛🌻......
________________
=ماجدة قومي ياخي خلي زفت المكياج البتعملي فيهو دا بطني بتنتهي قاعدة عايزة اكلل
_اها اها خلصت ارحح....
"وبين ماهم طالعين اتلاقو مع مي وشمس".....
~يسرا وماجدة كيفكم
=اهلين شمس!!، الحمدلله بخير وانتِ
~تمام الحمدلله
=الحمدلله
~بكرة طبعآ حتجو الطلعة صح
=ان شاءالله....
~اوكي ب انتظاركم...
"وطلعو مشو الكافتيريا".......
=اقعدي هنا ياماجدة انا حمشي اشوف لانو المكان زحمة ومع الربو تبعك دا م بينفع...
_تماممم، امشي امشي....
"وبين ماهي ماشة لقت سند مع اصحابو".....
=سند
"عاين ليها"
=تعال عايزاك شويتين
"استأذن من اصحابو ومشى ليها
~اهليين يسرا...
=كيفك؟!
~تمام الحمدلله وانتِ
=بخير
~الحمدلله
=مالك؟!
~مالي!
"ب انفعال وصوت اشبه بصوت عالي"
=م تعيد السؤوال بزفت سؤوال ياسند قصتك شنو انت، بتتعامل معي بمزاجك؟!!!
"سند عاين حولينو قبل م يمسك يدها ويسحبها بعيد"...
~مالك هسي انتِ بتصرخي، مافي داعي للإنفعال البتعملي فيهو دا....
"رفعت يدها الي فيها الإسورة ليهو قبل م تطلعها وتقول"....
=دي هديتك صح، طيب متشكر وانا ماعايزة حاجة تربطني بيك بعد كدة
"ب ردة فعل اشبه بالتهديد"
~ارجعي البسيها يايسرا
=م عايزة حاجة منك بعد كدا ياسند م عااايزة
وجدعت الإسورة على الأرض ....
"سند نزل بكل هدوء ورفع الاسورة ومسك يدها بقوة وبدأ يلبسها ليها"....
~مهما كان الحاصل بيننا سواء شكلة او سوء تفاهم اي حاجة اديتك ليها م تحقري بيها لأنو م اديتها ليك عبث تمام؟!.....
"عاينت ف عيونو مسافة وقالت ليهو"
=سند انت عايز مني شنو ياسند؟!
"بدخل يدينو ف جيبو وبكل هدوء"
~كيف يعن عاوز شنو انا مس بيستك!!
=بالإسم بس، لأنك مافي يوم عملت حاجة بتثبت كدا
~حاجة زي شنو يعني؟
=م عارفة
"اتنهد قبل م يقول"....
~خلاص ياستي اسف وحقك علي، بس الفترة دي مشغول عشان كدا
=مشغول بشنو
~بكرة حتعرفي
=اممم، تمام
~حتجي اكيد
=ححاول
~لا ماف حاجة اسمها ححاول
=خلاص خلاص طيب...
~خلاص، روقتي" قالها وهو ببتسم ليها ابتسامة عفوية"
=ايون
~تمام يلا نرجع
=ايون يلا ماجدة قاعدة تستناني بالفطور
~م فطرتو يعني
=لا لا، لسى ماشة اوفف ف الزحمة ديك..
~خلاص امشي ليها، انا حجيبو ليكم
=طب هاك
~دي شنو
=قروش....
~يابت امشي امشي عشان م ارفع يدي عليك
=جادة
~وانا بمزح يعني"قالها بنبرة صارمة"...
امشي...
=حاضر....
