အခန်း ၂
"တယ်ရီရေ ... ကို ပြောဖူးတဲ့ မကယ်ရွိုင်းကို မှတ်မိတယ်မလား။ စတော့ကုမ္ပဏီတစ်ခုကို ပိုင်တယ်ဆိုတဲ့လူလေ။ အခု သူက မြို့ထဲ ရောက်နေတာ။ သူပြောတာ ဒီတစ်ပတ်နှစ်ပတ်အတွင်း မင်း အလုပ်ရနိုင်ပြီတဲ့""အလုပ်ဟုတ်လား။ ဘယ်မှာလုပ်ရမှာတဲ့လဲ""ဗေးလေ့ရ်ှက ပြဇာတ်မှာလို့ ပြောတယ်။ ပြီးတော့ ဖီလ်က ကိုတို့ကို ဒီည တွေ့ချင်တယ်တဲ့။ ကိုတို့ လူချင်းတွေ့ရင် သေချာပြောပြမယ်လေ။ နောက် မိနစ်၂၀လောက်ဆို ကို ရောက်လာတော့မှာပဲ။ အခု ကို ကျောင်းက ပြန်လာနေပြီ"တရက်ဇ်က လှေကားသုံးထစ်လောက်ကို ကျော်ကျော်တက်ပြီး၊ သူ့အခန်းထဲကို ပြေးသွား၏။ မျက်နှာသစ်နေရင်း ဖုန်းလာတာကြောင့် အခုဆို မျက်နှာမှ ဆပ်ပြာရည်များပင် ခြောက်ကုန်သည်။ ဘေစင်ထဲက လိမ္မော်ရောင် မျက်နှာသုတ်ပဝါကို တရက်ဇ် စိုက်ကြည့်ပြီး စဉ်းစားနေမိ၏။"အလုပ်"သူ တိုးတိုးလေး ရေရွတ်လိုက်မိသည်။ သူ့အတွက်တော့ မှော်စကားလုံးလေးကဲ့သို့ပင် ဖြစ်သည်။သူ ပြင်ပြင်ဆင်ဆင် ဝတ်ဆင်နေ၏။ ရစ်ချက်ဆီက မွေးနေ့လက်ဆောင် ရထားသည့် စိန့်ခရစ်စတိုဖာပုံ ဆွဲပြားနှင့် ငွေဘယက်ကိုလည်း ဆွဲလိုက်သည်။ သပ်သပ်ရပ်ရပ် ဖြစ်သွားအောင် ခေါင်းဘီးကို ရေအနည်းငယ် ဆွတ်ပြီး သေသေချာချာ ဖြီးသပ်လိုက်၏။ နောက်ပြီး ဖီလ်မကယ်ရွိုင်းက ပြဇာတ်စင်ဒီဇိုင်းပုံအကြမ်းတွေ ကြည့်ချင်သည်ဟု ပြောလာလျှင် အဆင်သင့်ဖြစ်နေဖို့ ပြင်ဆင်ထားလိုက်သည်။ "ဟင့်အင်း။ တကယ်တော့ ကျွန်မမှာ အလုပ်အတွေ့အကြုံ မရှိသေးဘူး"ဟု ပြောလိုက်လျှင် သူ့ကို အထင်အမြင်သေးသွားမည်စိုး၍ ဖြစ်သည်။ အမှန်မှာ ပြဇာတ်နှင့်ပတ်သက်ပြီး၊ မွန့်ကလဲမှ အပျော်တမ်းပြဇာတ်အဖွဲ့က သူ့ဒီဇိုင်းပုံကို ယူသုံးဖူးတာကလွဲလျှင် အလုပ်သင်ပင် မဖြစ်ဖူးပေ။ ဒါကိုပင် အလုပ်ဟု ခေါ်ရမည်လား။ နယူးယောက်က ရှုခင်းဒီဇိုင်းနှင့် ပတ်သက်သည့် သင်တန်းနှစ်ခုလောက်တော့ တက်ဖူးပြီး၊ စာအုပ်တွေတော့ ဖတ်ဖူးသည်။ဖီလ်မကယ်ရွိုင်းလို အလွန်အလုပ်များသည့်လူက ဘာအရေးကိစ္စမှ မဟုတ်ဘဲ သူ့ကို လာတွေ့မိပြီး စိတ်ပျက်လက်ပျက်နှင့် "မင်းတော့ အလုပ်ရနိုင်မှာမဟုတ်ဘူး"ဟု ပြောသွားမှာကို ကြားယောင်မိသည်။ သို့သော် ထိုသို့ ပြောလာလျှင် တစ်ယောက်တည်းဖြစ်နေတာထက်စာလျှင် ရစ်ချက်နှင့်ဆို ပိုပြီး စိတ်ကို တင်းခံထားနိုင်လောက်မည်။ရစ်ချက်ကလည်း တရက်ဇ် သူ့ကို စသိကတည်းကပင် အလုပ်ထွက်လိုက်၊ အလုပ်ပြုတ်လိုက်နှင့် ငါးကြိမ်မျှ ရှိမည်။ အလုပ်ပြုတ်တာ၊ အလုပ်ရှာရတာတွေက ရစ်ချက်အတွက် အဆန်းမဟုတ်တော့ပေ။လွန်ခဲ့သည့်တစ်လလောက်က ပယ်လီကန်ပုံနှိပ်တိုက်တွင် လုပ်ရင်း တရက်ဇ် အလုပ်ထုတ်ခံလိုက်ရသည်ကို အမှတ်ရမိပြီး မျက်နှာပျက်သွားသည်။ သတိပေးစာပင် မပေးကြဘဲ သူ့ကို အလုပ်ဖြုတ်လိုက်ကြသည်။ အကြောင်းအရင်းမှာ သူတို့လိုချင်သည့် သုတေသနစာတမ်းကို သူက သေချာပြီးစီးအောင် လုပ်ပြီးတာကြောင့် သူ့ကို ထပ်မလိုတော့၍ဖြစ်မည်ဟု တရက်ဇ် စဉ်းစားမိသည်။ သတိပေးစာမရသည့် ကိစ္စနှင့် ပတ်သက်ပြီး၊ မစ္စတာနက်စ်ဘောင်းဆီ တရက်ဇ် သွားတွေ့တော့ တကယ်ပဲ မသိသလိုလို၊ မသိဟန်ဆောင်နေသလိုလို လုပ်နေ၍ ရုံးခန်းထဲတွင် မငိုမိအောင် မျက်ရည်ထိန်းရင်း လှည့်ပြန်လာခဲ့ရ၏။ရစ်ချက်ကတော့ သူ့နောက်တွင် အမြဲအားပေးတတ်သည့် မိသားစုနှင့် အိမ်မှာ အတူနေရ၍ အရာအားလုံးက သူ့အတွက် အေးဆေးသည်။ ပိုက်ဆံစုမိဖို့လည်း လွယ်ကူသည်။ ရစ်ချက် ရေတပ်မှာ နှစ်နှစ်မျှ အလုပ်လုပ်ရုံနှင့် ဒေါ်လာ ၂၀၀၀ စုထားမိပြီး၊ အခု ဒီနှစ်အတွင်းမှာပင် ဒေါ်လာ ၁၀၀၀ စုမိသည်။ တရက်ဇ်အတွက်တော့ ပြဇာတ်စင်ဒီဇိုင်နာအသင်း အဖွဲ့ဝင်ဖြစ်လာဖို့ ဒေါ်လာ ၁၅၀၀ကို ဘယ်လောက်ကြာအောင် စုရမလဲ။ နယူးယောက်တွင် နှစ်နှစ်လောက် နေခဲ့ပြီးတာတောင် ဒေါ်လာ ၅၀၀ မှာ သူစုမိသမျှ အကုန်ဖြစ်သည်။စာအုပ်စင်ပေါ်က မက်ဒေါနား သစ်သားရုပ်ထုလေးကို ကြည့်ပြီး သူ့အတွက် ဆုတောင်းပေးဖို့ ရေရွတ်နေမိသည်။ ရုပ်ထုလေးက သူ့တိုက်ခန်းတွင် ရှိသမျှ ပစ္စည်းများထဲမှ အလှဆုံး ပစ္စည်းတစ်ခုပင် ဖြစ်သည်။ နယူးယောက်ကို စစရောက်သည့် ပထမဆုံးလတွင် ဝယ်ခဲ့တာ ဖြစ်၏။ ရုပ်ထုလေးကို အကျည်းတန်လှသည့် ထိုစာအုပ်စင်ပေါ်မှာထက် ပိုလှလှပပရှိသည့် နေရာမျိုးတွင် ထားချင်မိသည်။ စာအုပ်စင်မှာ သစ်သီးတွေစုထည့်ထားသည့် သေတ္တာနှင့် ပိုတူနေသည့်အပြင် စင်ကို ဆေးအနီရောင် သုတ်ထားသေးသည်။ ဒါ့ကြောင့်ပင် ပြောင်လတ်ချောမွတ်နေပြီး သဘာဝသစ်သားရောင်နှင့် စာအုပ်စင်တစ်စင်ကို သူ လိုချင်နေမိသည်။တရက်ဇ် တိုက်အောက်ဆင်းသွားပြီး အသင့်စားဖွယ်ရောင်းသည့်ဆိုင်ကို ဝင်ကာ ဘီယာ ၆ဘူးနှင့် ဒိန်ခဲအချို့ကို ဝယ်လိုက်သည်။ တိုက်ခန်းပေါ်ကို ပြန်ရောက်တော့မှ ထိုဆိုင်တွင် ညစာအတွက် အသားတချို့ ဝယ်ခဲ့ဖို့ကို သတိရသည်။ ဒီညတွင် သူနှင့် ရစ်ချက် ညစာအတူစားဖို့ စီစဉ်ထား၏။ ရစ်ချက် ဖုန်းဆက်လာသလိုဆိုလျှင် အစီအစဉ်က ပြောင်းသွားသည့်သဘောတော့ ရှိသည်။ သို့သော် တရက်ဇ်ဘက်ကစပြီး အစီအစဉ်တွေ ပြောင်းလိုက်သလို ရစ်ချက် ထင်သွားနိုင်၍ တိုက်အောက်ကို ပြန်ဆင်းကာ အသားဝယ်မည်လုပ်နေစဉ်မှာပင် ရစ်ချက်၏ဘဲလ်သံရှည်ကို ကြားလိုက်ရသည်။ တရက်ဇ် တံခါးဖွင့်သည့်ခလုတ်ကို နှိပ်လိုက်၏။ရစ်ချက်က ပြုံးပြုံးရွှင်ရွှင်နှင့်ပင် လှေကားထစ်များကို ပြေးတက်လာသည်။"ဖီလ် ဖုန်းခေါ်လာသေးလား""ဟင့်အင်း။ မခေါ်ပါဘူး""ကောင်းတယ်။ ဒါဆို သူလာနေပြီဆိုတဲ့သဘောပဲ""ဘယ်အချိန်လောက် ရောက်လာမယ်တဲ့လဲ""ခဏလေးနေရင် ရောက်လာတော့မှာပါ။ ပြီးရင် သိပ်အကြာကြီးလည်း မနေလောက်ပါဘူး""သူက တကယ့်အလုပ်ရမှာလို့ ပြောတာလား""သူ ပြောတာပဲလေ""ဘယ်လိုပြဇာတ်မျိုးလို့ ပြောလဲ""သူတို့ပြဇာတ်အတွက် လူလိုတာကလွဲပြီး ကိုလည်း ဘာမှသေချာမသိဘူး။ ဒါပေမယ့် သူတို့ လိုနေတဲ့ လူက ဘာလို့ အချစ်လေး မဖြစ်နိုင်ရမှာလဲ"ရစ်ချက်က သူ့ကို ကြည့်ပြီး ပြုံးလိုက်သည်။"အချစ်လေးက ဒီနေ့ အတော်လှနေတာပဲ။ စိတ်တော့မလှုပ်ရှားနေဘူးမလား။ အဲဒါ ဗေးလေ့ရ်ှက ကုမ္ပဏီအသေးစားလေးပါကွာ။ သူတို့အားလုံး ပေါင်းလိုက်ရင်တောင် အချစ်လေးရဲ့ အရည်အချင်းကို လိုက်မှီမယ်လို့ ကိုတော့ မထင်ပါဘူး"ထိုင်ခုံပေါ်မှ ရစ်ချက် ချွတ်တင်ထားသည့် သူ့အပေါ်ကုတ်အင်္ကျီကို တရက်ဇ်က ယူလိုက်ကာ အဝတ်ဗီရိုတန်းတွင် ချိတ်ထားလိုက်သည်။ အင်္ကျီထဲတွင် အနုပညာသင်တန်းကျောင်းက သူ ယူလာသည့် ဆီစိမ်စက္ကူလိပ်တစ်လိပ်ကို တွေ့ရသည်။"ကို ဒီနေ့ ကျောင်းမှာ စိတ်ဝင်စားစရာ ပန်းချီ ဆွဲခဲ့ရတယ်မလား""အဲလိုမျိုးပဲပေါ့။ အိမ်ရောက်ရင်တော့ သေချာအချောသတ်ချင်သေးတယ်။ ဒီနေ့က ကို သဘောကျတဲ့ ဆံပင်အနီနဲ့ မော်ဒယ်က ကိုယ်ဟန်ပြထိုင်တာလေ"ရစ်ချက်က ဘာကိုမှ ဂရုမပြုသလို ပြောလိုက်၏။တရက်ဇ်က ထိုပုံကြမ်းကို ကြည့်ချင်ပေမယ့် သူ့ကို ပေးကြည့်မှာ မဟုတ်မှန်း သိနှင့်နေသည်။ တရက်ဇ် အိပ်ရာဘေးတွင် ချိတ်ထားသည့် ရစ်ချက် ရေတပ်တွင် အလုပ်လုပ်တုန်းက ဆွဲဖူးသော အပြာနှင့်အမည်းစပ် မီးပြတိုက်ပုံမျိုး ပန်းချီလက်ရာတချို့ကတော့ တော်တော်ကောင်းသည်။ သို့သော် ထိုလက်ရာမှာ ပန်းချီအလုပ်နှင့် အသက်မွေးဝမ်းကြောင်း ပြုနိုင်လောက်သည်အထိတော့ မကောင်းပေ။သူ့ ချည်ဘောင်းဘီ၏ ဒူးခေါင်းနားတွင် ကျောက်မီးသွေးမှုန့်များပင် ရှိနေသေးသည်။ အနီအနက်စပ်ထားသည့် ရှပ်အင်္ကျီအောက်တွင်မှ ရှပ်လက်တိုလေးတစ်ထည် ဝတ်ထားသေးသည်။ တောကောင်သားရေနှင့် လုပ်ထားသည့် ဖိနပ်ကို စီးထားတာက သူ့ခြေထောက်ကြီးများကို ဝက်ဝံ၏ ပုံမကျပန်းမကျခြေများနှင့် တူစေ၏။ သူ့ကို ကြည့်လိုက်လျှင် သစ်ခုတ်သမားလိုလို အားကစားသမားလိုလို ထင်ရသည်။ ရစ်ချက်ဟု ဆိုလျှင်ပင် လက်မှာ စုတ်တံထက် ပုဆိန်ကိုင်ထားသည်ကိုသာ ပြေးမြင်မိ၏။ အပြင်မှာလည်း ရစ်ချက် ပုဆိန်ကိုင်ဖူးသည်ကို တရက်ဇ် မြင်ဖူးသည်။ ဘရွတ်ကလင်က သူ့အိမ်၏ ခြံနောက်တွင် ထင်းခွဲနေသည်ကို တွေ့ခဲ့ဖူးသည်။ သူ့ပန်းချီကားတွေနှင့် သူ့လက်ရာကိုသာ သူ့မိသားစုကို သက်သေမပြနိုင်လျှင်တော့ ဒီနှစ်နွေတွင် ရစ်ချက်တစ်ယောက် သူ့အဖေ၏ ဂတ်စ်အိုးလုပ်ငန်းတွင် ဝင်ကူနေရလောက်ပြီဖြစ်သည်။ ပြီးလျှင် လောင်းအိုင်းလန်းတွင် သူ့အဖေ ဖြစ်စေချင်သည့်အတိုင်း ဆိုင်ခွဲဖွင့်နေရနိုင်၏။"ဒီစနေနေ့ ကို အလုပ်လုပ်စရာရှိလား"အလုပ်အကြောင်း ပြောဖို့ကိုပင် တရက်ဇ် တုန်လှုပ်မိနေသည်။"မရှိလောက်ဘူး။ မင်းရော အားတာလား"ရစ်ချက် မေးကာမှ သူ မအားမှန်း သတိရသွားသည်။"ကျွန်မ သောကြာနေ့တော့ အားတယ်။ စနေနေ့က နောက်ကျတဲ့ထိတောင် အလုပ်လုပ်ရမှာ""အေးဆေးပေါ့"ရစ်ချက်က ပြုံးလိုက်ကာ တရက်ဇ်၏ လက်တွေကို ကိုင်လိုက်ပြီး သူ့ခါးနားကို ဆွဲယူလိုက်သည်။"တနင်္ဂနွေနေ့ဆိုရင်ရော။ ကို့မိသားစုက အိမ်မှာ ညစာစားဖို့ မင်းကို ဖိတ်ခိုင်းလိုက်တယ်။ အကြာကြီးနေစရာလည်း မလိုပါဘူး။ နေ့လယ်ခင်း ကိုတို့ ကားလျှောက်မောင်းလို့ ရအောင်လည်း ကို ထရက်လေးတစ်စီး ငှားထားလိုက်မယ်လေ""အင်းပါ"ကားပတ်မောင်းရတာကို ရစ်ချက်နှင့်တရက်ဇ် နှစ်ယောက်လုံး သဘောကျ၏။ လိပ်ပြာတွေလို လွတ်လွတ်လပ်လပ်ရှိသည်ဟု ထင်သည်။ တရက်ဇ် သတိဝင်လာသည်နှင့် သစ်ပင်၏ပင်စည်ကို ဖက်ထားပြီး မတ်တပ်ရပ်နေသလို ရူးကြောင်ကြောင် ခံစားရကာ ရစ်ချက်၏ ခါးနားမှ လက်များကို ဖယ်လိုက်သည်။"ကျွန်မ ညစာအတွက် အသားတွေ ဝယ်ထားသေးတယ်။ ကုန်တိုက်မှာတင် အခိုးခံလိုက်ရတာ""အခိုးခံလိုက်ရတယ်ဟုတ်လား။ ဘယ်လိုဖြစ်လို့လဲ""ကျွန်မတို့လက်ဆွဲအိတ်တွေ ထားတဲ့စင်မှာပဲ အသားထုပ်ကို တင်ထားခဲ့တာ။ ခရစ္စမတ်ကာလအတွက် ယာယီခန့်ထားတဲ့ ဝန်ထမ်းတွေကိုက သီးသန့် ဗီရိုလော့ကာ မပေးထားဘူးလေ"တရက်ဇ်က အခုလို ပြန်ပြောပြမှပင် ပြုံး၍ရွှင်၍၊ နေ့လယ်ခင်းမှာတော့ ငိုလုမတတ်ဖြစ်ခဲ့သည်။ အသား၏သွေးနံ့ရသည်နှင့် သုတ်ချီပြေးသွားတတ်သည့် ဝံပုလွေအုပ်စုလိုမျိုးပင် အလကားရသည့်အသားဖြစ်၍ ခိုးသွားမည်ဟု တရက်ဇ် တွေးမိလိုက်သည်။ သူလည်း အရောင်းစာရေးမအကုန်လုံးကို 'အသားထုပ်ကို တွေ့မိသေးလား'ဟု လိုက်မေးပါသေးသည်။ သူတို့အားလုံးက ဘူးခံငြင်းကြသည်။ 'တကယ်ဆို ကုန်တိုက်ထဲကို ဘယ်အသားမှ ယူခွင့်မရှိဘူး'ဟု မစ္စစ်ဟန်ဒရစ်ဆင်က ဆူငေါက်တာကိုပင် ခံခဲ့ရသည်။ သို့သော် ညနေ ၆နာရီဆိုလျှင် အသားဆိုင်တွေက ပိတ်ကုန်ပြီဖြစ်၍ ထိုသို့မလုပ်ထားလျှင်လည်း တခြားနည်း မတတ်နိုင်ချေ။ရစ်ချက်က ဆိုဖာပေါ်တွင် လှဲချလိုက်သည်။ သူ့နှုတ်ခမ်းများက ပါးပြီး၊ မညီညာပေ။ နှုတ်ခမ်းတစ်ဝက်လောက်တွင် အောက်သို့ စောင်းကျနေသည်။ သူ၏ ဟန်မဆောင်တတ်သည့် အပြာရောင်မျက်လုံးများက တစ်ခါတလေ ရယ်ရွှင်စရာဖြစ်စေပြီး၊ တစ်ခါတလေတွင် ရင့်သီးတတ်ကာ သူ့ပုံစံကို ဖော်ပြဖို့ အတော်ခက်သည်။ရစ်ချက်က သရော်စကားဆိုလာ၏။"မင်း ပစ္စည်းပျောက်ဆုံးရှာဖွေရေးဌာနဆီ သွားလိုက်သေးလား။ပျောက်ဆုံးပစ္စည်း - အသားတစ်ပေါင်အမည် - အမဲသား ဆိုပြီးလေ"တရက်ဇ်က မီးဖိုခန်းက စင်တွေပေါ်ကို ကြည့်နေရင်း ပြုံးလိုက်သည်။"ရှင်ကတော့ သက်သက်စတာ။ မစ္စစ်ဟန်ဒရစ်ဆင်က ကျွန်မကို အဲ့ကိုသွားလိုက်ဆိုပြီး တကယ်ကြီးပြောခဲ့တာ"ရစ်ချက်က တဟားဟား ရယ်မောလိုက်ပြီး၊ မတ်တပ်ထရပ်လိုက်သည်။"အခုတော့ ပြောင်းဖူးစည်သွပ်ဘူးတစ်ဘူးနဲ့ အရွက်သုပ်စားဖို့ ဆလပ်ရွက်တော့ ရှိတယ်။ ပေါင်မုန့်နဲ့ ထောပတ်လည်း ရှိတယ်။ ရေခဲရိုက်ဝက်သားပြားတွေကို ကျွန်မ သွားဝယ်လိုက်ရမလား"ရစ်ချက်၏လက်က တရက်ဇ်၏ ပခုံးကို ကျော်ပြီး၊ စင်ပေါ်မှ ပေါင်မုန့်ညိုထုပ်ကို ယူလိုက်သည်။"မင်းက ဒါကို ပေါင်မုန့်လို့ ပြောနေသေးတယ်။ ပေါင်မုန့်မှာ မှိုတွေတက်နေတာကို ကြည့်ပါဦး။ အာဖရိကမျောက်ပါးစပ်က အပြာရောင်တွေလိုပဲ။ ပေါင်မုန့်ကို ဝယ်ထားပြီး ဘာလို့မစားတာလဲ""မှိုတက်နေတာ သိသားပဲ။ ပစ်ဖို့မေ့နေတာ"တရက်ဇ်က ရစ်ချက်ဆီမှ ပေါင်မုန့်ထုပ်ကို ယူကာ အမှိုက်အိတ်ထဲ ပစ်လိုက်သည်။"ကျွန်မ ပြောတာ အဲပေါင်မုန့်မဟုတ်ပါဘူး""ဒါဆို မင်းပြောတဲ့ပေါင်မုန့်က ဘယ်မှာလဲ"xxxxxရေခဲသေတ္တာနားက တံခါးဘဲလ်သံမြည်လာ၏။ တရက်ဇ်က တံခါးဖွင့်သည့် ခလုတ်ကို နှိပ်လိုက်သည်။"အဲဒါ သူတို့ပဲ နေမယ်"ရစ်ချက်က ပြော၏။ရစ်ချက် မိတ်ဆက်ပေးသည့် ဖီလ်နှင့် သူ့အစ်ကို ဒန်နီ ဆိုသည့် နှစ်ယောက်ပင်ဖြစ်သည်။ ဖီလ်က တရက်ဇ် မျှော်လင့်ထားသလို မဟုတ်ပေ။ တည်ငြိမ်လေးနက်မှုမရှိ၊ ထက်ထက်မြက်မြက်ပုံလည်း မပေါ်။ ရစ်ချက် မိတ်ဆက်ပေးနေသည့် အချိန်မှာတောင် တရက်ဇ်ကို သေချာ မကြည့်ချေ။ဒန်နီ၏ကုတ်အင်္ကျီကို တရက်ဇ်က ယူပြီး ချိတ်ပေးဖို့ မလုပ်မချင်း ဒန်နီက အင်္ကျီကို သူ့လက်တွင် ကိုင်ထား၏။ ဖီလ်၏အင်္ကျီအတွက်တော့ ချိတ်အပို မရှိတော့၍ ဖီလ်က ပြန်ယူထားပြီး ထိုင်ခုံပေါ်တွင် တင်ထားလိုက်သည်။ အင်္ကျီက ထိုင်ခုံတွင် တစ်ဝက်သာရှိ၍ တစ်ဝက်က ကြမ်းပေါ်ကျနေသည်။ တကယ်တော့ အနည်းငယ် ညစ်နွမ်းနေသည့် ပိုလိုကုတ် အဟောင်းတစ်ထည်ပင် ဖြစ်သည်။ ရစ်ချက်နှင့်ဖီလ်က အလုပ်ကိစ္စပြောတော့မည်လား နားထောင်ရင်းနှင့်ပင် ဘီယာ၊ ဒိန်ခဲနှင့် ခရက်ကာမုန့်တွေကို တရက်ဇ်က ဧည့်ခံကျွေးမွေးနေ၏။ သို့သော် နယူးယောက် ကင်းစတန်တွင် သူတို့ နောက်ဆုံးတွေ့ခဲ့သည့်အချိန်မှစပြီး ဖြစ်ပျက်ခဲ့သမျှတွေကိုသာ ပြောနေကြသည်။ အရင်နှစ်နွေရာသီတွင် ရစ်ချက်က နှစ်ပတ်ခန့် ပန်းချီဆွဲပေးဖူးသည့် ကလပ်တစ်ခုတွင် ဖီလ်လည်း စားပွဲထိုးလုပ်ဖူးတာကို သူ သိလိုက်ရ၏။"ရှင်ရော ပြဇာတ်မှာ အလုပ်လုပ်တာပဲလား""မလုပ်ပါဘူး"တရက်ဇ်က ဒန်နီကို မေးလိုက်ရာ ဒန်နီက ရှက်ရွံ့သည့်ပုံဖြင့် ပြန်ဖြေလာသည်။ဒန်နီ့ပုံစံက ဒီမှာနေရတာ ပျင်းပြီး၊ ပြန်ဖို့ကို စိတ်မရှည်သလိုဖြစ်နေ၏။ ဖီလ်ထက် အသက်ကြီးပြီး၊ လူကောင်ပိုထွားသည်။ ဒန်နီက သူ့အညိုရောင် မျက်လုံးများနှင့် အခန်းထဲက ပစ္စည်းတစ်ခုပြီးတစ်ခုကို သေချာလိုက်ကြည့်နေသည်။ဖီလ်က ဆိုဖာပေါ် မှီထိုင်နေရင်း ရစ်ချက်ကို ပြောလာ၏။"ပြဇာတ်အတွက်က ဒါရိုက်တာတစ်ယောက်ရယ်၊ သရုပ်ဆောင် ၃ယောက်ရယ်ပဲ ရသေးတယ်လေ"ထို့နောက် ဖီလ်က တရက်ဇ်ကို လှည့်ကြည့်လိုက်ပြီး ပြောသည်။"ဖီလီမှာ ကျွန်တော်နဲ့ အလုပ်တွဲလုပ်ဖူးတဲ့ သူငယ်ချင်း ရေမွန်ကော့တ်က ဒါရိုက်တာနေရာ တာဝန် ယူထားတာ။ ကျွန်တော် သူ့ကို ပြောပေးရင် ခင်ဗျား သေချာပေါက် အလုပ်ရမှာပါ။ ဒီပြဇာတ်မှာတောင် ကျွန်တော့်ကို ဒုတိယအကိုနေရာမှာ သရုပ်ဆောင်ရမယ်တဲ့။ ပြဇာတ်နာမည်က မိုးရေစက်လေးများတဲ့""ဟာသဇာတ်လား"တရက်ဇ်က ပြန်မေးလိုက်သည်။"ဟုတ်တယ်။ ဇာတ်က သုံးပိုင်းကမှာ။ ခင်ဗျားမှာ ဒီဇိုင်းပုံတွေ လုပ်ထားတာတွေရှိလား"တရက်ဇ် ဖြေဖို့လုပ်စဉ်မှာပင် ရစ်ချက်က ဝင်မေးလိုက်သည်။"ဘယ်နှခုလောက် သုံးမှာတဲ့လဲ""အများဆုံးလိုမှ နှစ်ခုလောက်ပါပဲ။ တစ်ခုကတော့ သေချာပေါက် ယူသုံးဖြစ်မှာပါ။ ပြီးတော့နော် ... ဂျော်ဂျီယာဟယ်လိုရန်က ခေါင်းဆောင်မင်းသမီးတဲ့""ဂျော်ဂျီယာလား"ရစ်ချက်က ပြုံးလိုက်သည်။"သူနဲ့ ရူဒီက အခု ဘယ်လိုဖြစ်သွားပြီလဲ"စိတ်ပျက်စရာပင် ... ဂျော်ဂျီယာ၊ ရူဒီနှင့် တရက်ဇ် မသိသည့် တခြားလူများအကြောင်း စကားဆက်ဖြစ်သွားပြန်သည်။ ဂျော်ဂျီယာမှာ ရစ်ချက်ပတ်သက်ဖူးသည့် မိန်းကလေးတွေထဲက တစ်ယောက် ဖြစ်လိမ့်မည်။ ရစ်ချက်က သူ တွဲဖူးသည့် မိန်းကလေးငါးယောက်လောက် အကြောင်းကို ပြောပြဖူး၏။ တရက်ဇ်ကတော့ စီလီယာဆိုသည့် မိန်းကလေးတစ်ယောက်၏ နာမည်မှလွဲ၍ တခြားနာမည်များကိုပင် မမှတ်မိချေ။"ဒါ ခင်ဗျား လုပ်ထားတဲ့ ဒီဇိုင်းတွေပေါ့ ... ဟုတ်လား"နံရံတွင် ချိတ်ထားသည့် စင်ဒီဇိုင်းပုံစံငယ်လေးတွေကို ကြည့်ရင်း ဒန်နီက တရက်ဇ်ကို မေးလာသည်။ တရက်ဇ်က ခေါင်းညိတ်ပြလိုက်၏။ရစ်ချက်နှင့်ဖီလ်ကတော့ ရစ်ချက်ဆီမှ ပိုက်ဆံချေးထားပြီး ပြန်မဆပ်သည့် လူတစ်ယောက်အကြောင်းကို ပြောနေပြန်သည်။ ဖီလ်က မနေ့ညကပင် သူ့ကို ဆန်ရီမိုဘားတွင် တွေ့လိုက်သည်ဟု ပြောသည်။ ဖီလ်၏ မျက်နှာရှည်ရှည်နှင့် ဆံပင်အတိက ဂရိဗိသုကာပညာရှင် အယ်ဂရီကိုနှင့်ပင် ဆင်သေးသည်။ သူ့အကို ဒန်နီကတော့ အမေရိကန်အင်ဒီးယန်းလူမျိုးတွေ ပုံနှင့် တူသည်။ သို့သော် ဖီလ် စကားပြောပုံမှာ အယ်ဂရီကိုကဲ့သို့ လူကြီးလူကောင်း မဆန်လှပေ။ ဗေးလေ့ရ်ှဘားက စာရေးဆရာယောင်ယောင် သရုပ်ဆောင်ယောင်ယောင်နှင့် လက်တွေ့တွင် ဘာအလုပ်အကိုင်မှ မရှိသည့် လူငယ်တွေလို စကားပြောပုံမျိုး ဖြစ်သည်။"ဒါက အရမ်းဆွဲဆောင်မှုရှိတာပဲ""ပက်ထရုရ်ှကာ ဇာတ်ကလေ"ကဇာတ်တွေအကြောင်းကို ဒန်နီ သိမှသိပါ့မလားဟု တရက်ဇ် စဉ်းစားနေမိသည်။ ဒန်နီက ရှေ့နေ ဒါမှမဟုတ် ဆရာဝန်တစ်ယောက်ပင် ဖြစ်လိမ့်မည်။ သူ့လက်ချောင်းများတွင် စီးကရက်ပြာအစွန်းတွေ မဟုတ်သည့် အဝါရောင်အစွန်းအထင်းများ ရှိနေ၏။ရစ်ချက်က ဗိုက်ဆာနေပြီဟု စကားစလိုက်ကာ ဖီလ်က သူလည်းဆာပြီဟု ပြောလာသည်။ သူတို့ရှေ့တွင် ချထားသော ဒိန်ခဲကိုတော့ ဘယ်သူကမှ မစားထားကြချေ။"နာရီဝက်လောက်ပဲ အချိန်ရတာနော် ... ဖီလ်"ဒန်နီက သတိပေးသည့်ဟန်ဖြင့် ပြောလိုက်၏။ခဏကြာလျှင် သူတို့အားလုံး မတ်တပ်ထရပ်ပြီး၊ ကုတ်အင်္ကျီများကို ဝတ်လိုက်သည်။"ကိုတို့ ဒီည အပြင်ထွက်စားကြရအောင်နော် ... တယ်ရီ"ရစ်ချက်က ပြောလာ၏။"အမှတ်၂လမ်းက ချက်ခ် စားသောက်ဆိုင်လေးမှာ ဆိုရင်ရော""ကောင်းတာပဲလေ"တရက်ဇ်က အားလုံးနှင့် အဆင်ပြေသွားစေဖို့ သဘောတူလိုက်၏။ ဖီလ်ကို သူ အရေးကြီးမေးခွန်း မေးစရာရှိပေမယ့် မမေးဖြစ်ခဲ့ပေ။ သူတို့ မြို့ထဲကို လမ်းလျှောက်ထွက်လာကြသည်။ ရစ်ချက်က ဖီလ်နှင့် စကားတပြောပြောပင်။ တရက်ဇ် နောက်မှ လိုက်လာသလား သေချာအောင်သာ တစ်ချက်နှစ်ချက် နောက်လှည့်လှည့်ကြည့်တတ်သည်။ဒန်နီကတော့ လမ်းကူးသည့်အခါတိုင်း ဒါမှမဟုတ် လွန်ခဲ့သည့် သုံးပတ်လောက်က နှင်းမိုးရွာ၍ ကျန်နေသေးသည့် နှင်းခဲများကြောင့် ချော်ကျနိုင်သော နေရာရောက်တိုင်းမှာ တရက်ဇ်၏ လက်မောင်းကို လှမ်းကိုင်ပြီး ထိန်းထားပေးသည်။"ရှင်က ဆရာဝန်လား""ဟင့်အင်း။ ရူပဗေဒပညာရှင်ပါ။ အခု နယူးယောက်တက္ကသိုလ်က ဘွဲ့သင်တန်းတွေ တက်နေတာ"ထို့နောက် ခဏတာ တိတ်ဆိတ်သွား၏။"စင်ဒီဇိုင်းတွေ ဆွဲတတ်ဖို့ တော်တော်အချိန်ယူခဲ့ရမှာပဲနော်"တရက်ဇ် ခေါင်းညိတ်ပြီးမှ ဖြေလိုက်သည်။"ဟုတ်တယ်။ တော်တော်ကြာတယ်"'ဒန်နီ့အလုပ်က အက်တမ်လုံးတွေနှင့် စပ်ဆိုင်တာတွေ လုပ်ရတာလား'ဟု မေးချင်ပေမယ့် သူ လုပ်လုပ်မလုပ်လုပ်က အရေးမကြီး၍ မမေးတော့ပေ။"ကျွန်မတို့ ဘယ်သွားနေတာလဲ။ ရှင်သိလား"တရက်ဇ်က မေးလိုက်သည့်အခါ ဒန်နီက ညီညီညာညာရှိလှသည့် သူ့သွားဖြူဖြူလေးများ ပေါ်အောင် ပြုံးလိုက်သည်။"သိတာပေါ့။ ဘူတာကို သွားနေတာလေ။ ဒါပေမယ့် တစ်ဆိုင်ဆိုင်မှာ ဖီလ်က အရင် ဝင်စားဦးမလို့တဲ့လေ"သူတို့ အမှတ်၃လမ်းဆီ လျှောက်လာကြ၏။ ရစ်ချက်က ဖီလ်ကို နောက်နှစ်နွေတွင် ဥရောပကို သွားမည့်အကြောင်း ပြောပြနေသည်။ တရက်ဇ်ကတော့ ရစ်ချက်၏အနောက်တွင် အချန်ခံ၍ လျှောက်လာရတာကြောင့်ပင် သူက ရစ်ချက်ကို အတင်းပိုးပန်းနေသည့် အဖြည့်ခံအပျော်မယား ဖြစ်နေမလားဟု တွေးမိရင်း ရှက်လာသည်။ ဖီလ်နှင့် ဒန်နီကတော့ သူ့ကို ရစ်ချက်၏အမျိုးသမီးဟု ထင်နေနိုင်သည်။ အမှန်မှာ တရက်ဇ်က ရစ်ချက်၏အမျိုးသမီး မဟုတ်သေးသလို သူကလည်း တရက်ဇ်ကို သူနှင့်အတူ ဥရောပထိ သွားနိုင်ဖို့ အများကြီး မျှော်လင့်မထားပေ။တခြားလူများပင် မယုံနိုင်လောက်အောင် သူတို့နှစ်ဦး၏ ဆက်ဆံရေးက ထူးဆန်းလိမ့်မည်ဟု တရက်ဇ် ထင်မိသည်။ နယူးယောက်မှာဆိုလျှင် လူတိုင်းက တစ်ကြိမ်နှစ်ကြိမ် ချိန်းတွေ့ဖူးသည့်လူများနှင့်ပင် အတူအိပ်တတ်ကြသည်ကို တရက်ဇ် သိထားသည်ကိုး။ ရစ်ချက်မတိုင်ခင် အန်ဂလိုနှင့် ဟယ်ရီ ဆိုသည့် လူနှစ်ယောက်ကို တရက်ဇ် တွဲဖူးသေးသည်။ သို့သော် နှစ်ယောက်လုံးမှာ 'တရက်ဇ်က သူတို့နှင့် သမီးရည်းစားဘာဝ ဆက်ဆံရေးကို အလေးမထားဘူး' ဆိုပြီး ဖြတ်သွားကြသည်။ဒီနှစ်ထဲမှာတော့ ရစ်ချက်နှင့်အတူ အိပ်ကြည့်ဖို့ သုံးလေးခါမျှ ကြိုးစားကြည့်ဖူးသည်။ ရစ်ချက်ကတော့ တရက်ဇ် အဆင်ပြေသည်အထိ အချိန်ထပ်စောင့်ချင်သည် ပြော၏။ ရစ်ချက်က သူ့ကို လက်ထပ်ချင်ပြီး၊ သူ့ဘဝတွင် တရက်ဇ်က သူ ပထမဆုံး လက်ထပ်ခွင့်တောင်းဖူးသည့် မိန်းကလေးဟု ပြောပြဖူးသည်။ ဥရောပကို မသွားခင်တွင် သူ့ကို နောက်တစ်ခါ လက်ထပ်ခွင့်တောင်းဦးမည်ကို တရက်ဇ် သိနေမိသည်။ သို့သော် တရက်ဇ်က ရစ်ချက်ကို လက်ထပ်ရလောက်သည်အထိတော့ မချစ်ပေ။ဒီခရီးစဉ်အတွက် ရစ်ချက်ဆီမှ ပိုက်ဆံတွေကို စုထားပေးနေတာကလည်း သူ့မှာ အပြစ်ရှိသလို တရက်ဇ် ခံစားရသည်။ ရစ်ချက်က သူ့ကို လက်ထပ်ခွင့်တောင်းထားသည်ကို ရစ်ချက်၏အမေ မစ္စစ်ဆမ်ကိုက သိသွားပြီး၊ သူ့ဆီ အပျော်ကြီးပျော်ကာ လာနှုတ်ဆက်သွားပုံကို ပြန်မြင်ယောင်လာပြီး တရက်ဇ်က အမှုမဲ့အမှတ်မဲ့ ခေါင်းခါမိသွားသည်။"ဘာဖြစ်လို့လဲ""ဘာမှမဖြစ်ပါဘူး""ချမ်းနေလို့လား""မချမ်းပါဘူးရှင်"တရက်ဇ်က ဘယ်လိုပြောပြောပင် ဒန်နီက တရက်ဇ်လက်မောင်းများကို ဆွဲလိုက်ပြီး သူ့နားသို့ ဆွဲကပ်လိုက်သည်။ အမှန်ပင် ချမ်း၍နေပေမယ့် စိတ်ရှုပ်နေမိ၏။ ရစ်ချက်နှင့်ဆက်ဆံရေးမှာ သူတို့နှစ်ယောက်က အမြဲတွေ့ဖြစ်နေပေမယ့် စိတ်ချင်းနီးမလာပေ။ တွဲလာသည်မှာ ဆယ်လကျော်ကြာပြီးသည့်တိုင် ရစ်ချက်ကို ချစ်မလာမိပါ။ ဒီထက် ပို၍ ထပ်မချစ်နိုင်တော့တာလည်း ဖြစ်နိုင်သည်။ ဘယ်လိုပဲဆိုထားဆိုထား သူ တွေ့ဖူးသည့်ယောက်ျားလေးများတွင်တော့ ရစ်ချက်ကို ပိုပြီး သဘောကျမိသည်။ အမြဲတမ်းမဟုတ်လျှင်တောင် တစ်ခါတလေတော့ ရစ်ချက်ကို ချစ်မိသည်ဟု တရက်ဇ် ထင်သည်။ မနက်မိုးလင်းတိုင်း မျက်နှာကြက်ကို ကြည့်နေမိရင်း သူ့အပေါ် ကြင်နာမှုအပြည့်ရှိပြီး၊ အမြဲပြုံးရွှင်နေတတ်သည့် ရစ်ချက်ကို သတိရတတ်သည်။ ရစ်ချက်၏ ဂရုစိုက်မှုတွေကြောင့်ပင် တရက်ဇ်၏ အထီးကျန်စရာကောင်းသည့် အချိန်တွေက ပျော်စရာဖြစ်လာသည်ဟုပင် ပြောရမည်။သို့သော် သူဖတ်ဖူးသည့်စာအုပ်တွေထဲမှ အချစ်၏ခံစားချက်နှင့် ဆင်တူမနေပါ။ ချစ်ခြင်းတရားက ကောင်းချီးပေးခံထားရသည့် ရူးမိုက်ခြင်းတစ်မျိုးပင်။ ရစ်ချက်ကတော့ သူ့ကို ရူးရူးမူးမူး ချစ်တာမဟုတ်။"အားလုံးက စိန့် ဂျာမိန်းမှာပဲဟေ့"ဆိုပြီး ဖီလ်က သူ့လက်များကို ရမ်းကာ အော်လိုက်သည်။"မင်းတို့ ဥရောပကို မသွားခင် ငါ လိပ်စာ ပေးထားခဲ့မယ်။ မင်းတို့က အဲမှာ ဘယ်လောက်ကြာကြာ နေမှာလဲ"ချိန်းကြိုးသံတွေ မြည်ဟီးနေသည့် ကုန်ကားတစ်စီးက သူတို့ရှေ့က ဖြတ်မောင်းသွားတာကြောင့် ရစ်ချက်အဖြေကို တရက်ဇ် မကြားလိုက်ပေ။ ဖီလ်က ၅၃လမ်းထောင့်မှ ရိုက်ကာဆိုင်ထဲ ဝင်သွားသည်။"ကိုတို့ ဒီမှာ စားမှာမဟုတ်ပါဘူး။ ဖီလ်က ဒီကို ခဏဝင်ချင်တယ်ဆိုလို့"ရစ်ချက်က တရက်ဇ်၏ ပခုံးများကို အသာညှစ်ကာ ပြောလိုက်သည်။သူတို့က ဆိုင်ထဲ ဝင်သွားကြသည်။"ပျော်ဖို့ကောင်းတယ်မလား ... တယ်ရီ။ မင်းလည်း အလုပ်ရတော့မယ်"ရစ်ချက် ပြောသလို ပျော်စရာကောင်းသည်ကို လက်ခံဖို့ တရက်ဇ် မနည်းကြိုးစားရမည်။ ရစ်ချက်နှင့် ဖုန်းပြောပြီး၍ ဘေစင်ထဲက မျက်နှာသုတ်ဝတ်ကို ကြည့်နေမိသည့်အချိန်က ခံစားရသည့် သေချာမှုမျိုးကို တရက်ဇ် မခံစားရတော့၍ ဖြစ်၏။xxxxxဖီလ်၏ ခုံဘေးတွင် တရက်ဇ်က မှီရပ်နေသည်။ ရစ်ချက်က သူ့အနားတွင် ရပ်နေပြီး ဖီလ်နှင့် စကားပြောနေသည်။ ဆိုင်အတွင်းတွင် အရိပ်ကျစရာပင် မရှိအောင် အဖြူရောင်အုတ်နံရံပေါ်မှ မီးအလင်းတွေက နေရောင်ထက်ပင် အမြင်စူးစေသည်။ ထိုအလင်းကြောင့်ပင် ဖီလ်၏မျက်ခုံးမွှေးပေါ်က အနက်ရောင်မျက်ခုံးမွှေးတိုင်းကို မြင်နေရ၏။ ဒန်နီကိုင်ထားသော မီးမညှိရသေးသည့် ဆေးတံပေါ်မှ အစက်အပြောက် မည်းမည်းလေးတွေကိုလည်း မြင်ရသည်။ နောက်ပြီး ရစ်ချက်၏ ကုတ်အင်္ကျီအောက်က သူ့လက်ကိုလည်း အသေးစိတ် ကြည့်လိုက်သည်။ သူ့လက်ချောင်းများက ရှည်ရှည်နှင့် ခပ်ကြီးကြီးပင်။ ဆားဘူး ဒါမှမဟုတ် လက်ဆွဲအိတ်ကို ယူလိုက်သည့်အခါမျိုးတွင် ဒါမှမဟုတ် တရက်ဇ်၏ ဆံပင်ကို ပွတ်သပ်လိုက်သည့်အခါမျိုးတွင်တော့ မိန်းကလေးတစ်ယောက်၏ လက်များလို နူးညံ့နေလိမ့်မည်။ သို့သော် လက်ဆီတွေကြောင့် အနည်းငယ်ချော်နေတတ်သည်။ ဆိုးသည်မှာ ရစ်ချက်က သူ ပြင်ပြင်ဆင်ဆင် ဝတ်ထားလျှင်ပင် လက်သည်းညှပ်ဖို့ မေ့နေတတ်၏။ တရက်ဇ် ခဏခဏ သတိပေးပေမယ့် နောက်ဆုံးမှာ သူ့ကို ဘယ်လိုမှ ပြောမရမှန်း သိလိုက်သည်။ဒန်နီကတော့ တရက်ဇ်ကို စိုက်ကြည့်နေသည်။ သူ့မျက်လုံးများနှင့် ခဏ အကြည့်ဆုံသွားပြီးနောက် တရက်ဇ်ကပင် အောက်ဘက်သို့ မျက်နှာလွှဲလိုက်သည်။ ခုနက သူ စဉ်းစားနေမိသည့် သေချာမှုမျိုး ဘာကြောင့် မခံစားရသည်ကို အခုမှ သဘောပေါက်သည်။ ဖီလ် ပြောပုံအရ သူအလုပ်ရှာပေးနိုင်သည်ဆိုတာကို တရက်ဇ်က မယုံကြည်၍ပင် ဖြစ်လိမ့်မည်။"အလုပ်အတွက် စိတ်ပူနေတာလား"ဒန်နီက တရက်ဇ်နားကို လာရပ်ရင်း မေးလိုက်သည်။"မဟုတ်ပါဘူး""အင်း ... စိတ်ပူမနေပါနဲ့။ ဖီလ်က ကူညီပေးမှာပါ"ဒန်နီက ဆေးတံကို သူ့နှုတ်ခမ်းတွင် တပ်လိုက်ပြီး၊ တစ်ခုခုပြောဖို့ ကြိုးစားလိုက်သည်။ သို့သော် တစ်ဖက်ကိုသာ မျက်နှာလွှဲသွားသည်။တရက်ဇ်က ရစ်ချက်နှင့်ဖီလ် ပြောနေသည်များကို တစ်စွန်းတစ်စ ကြားနေရ၏။ ဥရောပတွင် လှေနှင့်လည်ပတ်နိုင်ရန် လှေငှားရမ်းဖို့ကိစ္စအကြောင်း ပြောနေခြင်းဖြစ်သည်။"ဒါနဲ့ ကြောင်နက်ရှင်ပြဇာတ်ရုံက ကျွန်တော်နေတဲ့ မော်တွန်လမ်းရဲ့ နှစ်ဘလောက် ကျော်ကျော်မှာပဲ။ ဖီလ်လည်း ကျွန်တော်နဲ့ပဲ အတူနေတာ။ တစ်ခါလောက်တော့ ခင်ဗျား ကျွန်တော်တို့နဲ့အတူ နေ့လယ်စာ လာစားပေါ့"ဒန်နီက ပြောလာ၏။"ကျေးဇူးပါပဲ။ ကျွန်မတို့ လာလိုက်ပါမယ်"သွားဖို့ မဖြစ်နိုင်ပေမယ့် ဒန်နီက သူ့ကိုပင် အခုလို ဖိတ်လာတာကြောင့် ပျူပျူငှာငှာရှိလှသည်ဟု တရက်ဇ် တွေးမိလိုက်သည်။xxxxx"မင်း ဘာတွေစဉ်းစားနေလဲ ... တယ်ရီ"ရစ်ချက်က မေးလာ၏။"ဒါနဲ့ ဥရောပကို သွားဖို့က မတ်လလောက်ဆိုရင် စောလွန်းတယ်ထင်လား။ ဒါပေမယ့် စောစောသွားတာ ပိုကောင်းမယ်နော်။ မဟုတ်ရင် ဟိုမှာ လူတအားရှုပ်နေမှာ""မတ်လသွားလည်း အဆင်ပြေတာပဲ""ဒါပေါ့။ ကိုတို့ကို ဘာကမှ မတားနိုင်ပါဘူးကွာ။ သွားရဖို့ဆို ဆောင်းရာသီစာသင်နှစ်ဝက်ကို နားလိုက်ရရင်တောင် ကို ဂရုမစိုက်ဘူး"ဘယ်အရာကမှ မတားနိုင်ဘူးဟု ရစ်ချက်ပြောတာက လွယ်လွန်းသည်။ အားလုံးကို အလွယ်လေး ယုံကြည်လိုက်၍ ရသည်။ မယုံကြည်ဖို့လည်း လွယ်သည်။ အကယ်၍ ပြောသမျှသာ အမှန်ဖြစ်လာပြီး အလုပ် တကယ်ရခဲ့လျှင်၊ ပြဇာတ်လေးကလည်း အောင်မြင်သွားခဲ့လျှင်တော့ ထိုအောင်မြင်မှုလေးနှင့် ပြင်သစ်ကို အေးအေးဆေးဆေးသွားနိုင်မည်လေ။ရုတ်တရက် တရက်ဇ်က ရစ်ချက်၏ လက်များကို ဆုပ်ကိုင်မိသွားသည်။ ရစ်ချက်ကပင် အံ့အားသင့်သွားပြီး စကားပင် ဆက်မပြောနိုင်ပေ။နောက်တစ်နေ့ နေ့လယ်ခင်းတွင် ဖီလ်ပေးထားသည့် ဝက်ကင် ဖုန်းနံပါတ်ကို တရက်ဇ် ခေါ်လိုက်သည်။ မစ္စတာကော့တ်က အခုတော့ ဒီမှာမရှိပေမယ့် သူတို့က တရက်ဇ်အကြောင်းကို ဖီလ် ပြော၍ သိထားသည်ဟု အသံချိုချိုနှင့် မိန်းကလေးက ဖြေသည်။ ဒီဇင်ဘာ ၂၈ရက်ကစပြီး တစ်ပတ်ကို ဒေါ်လာ ၅၀နှင့် အလုပ်စဆင်းနိုင်ပြီဟုလည်း ပြောသေးသည်။ အလုပ်မဆင်းခင်တွင် တရက်ဇ် ဆန္ဒရှိလျှင် မစ္စတာကော့တ်ဆီ လာပြီး သူ့လက်ရာများကို လာပြချင်၍ ရသည်ဟုလည်း ပြောသည်။ မစ္စတာမကယ်ရွိုင်းကတော့ ဒီကိစ္စကို မပြောထားသဖြင့် သူ့လက်ရာများကို သွားပြစရာမလိုဘူးဟု တရက်ဇ် တွေးလိုက်သည်။ဖီလ်ကိုလည်း ကျေးဇူးတင်ကြောင်း ပြောချင်၍ တရက်ဇ်က ဖုန်းဆက်ခဲ့ပေမယ့် ဖုန်းမကိုင်၍ ကြောင်နက်ရှင်ပြဇာတ်ရုံကိုသာ စာတစ်စောင် ရေးပို့လိုက်တော့သည်။**********
YOU ARE READING
Carol (မြန်မာပြန်)
RomanceMyanmar Translation of A Romance Novel - well known as Carol on the screen. (love between the two women in 1950s)
