အခန်း ၂၁
အဲလ်ဘတ်ကန်နဒီဆိုသူက အိမ်နောက်ဘက်ခြမ်းက အခန်းတစ်ခန်းမှာ နေနေ၏။ မစ္စစ်ကုပါ၏ အိမ်အခန်ငှားနေသူတစ်ဦးလည်း ဖြစ်သည်။ ထိုလူက အသက် ၄၅နှစ်အရွယ်၊ ဆန်ဖရန်စစ်စကိုမြို့သားဖြစ်ပြီး၊ ဒီမြို့မှာ တရက်ဇ် မြင်ဖူးသမျှ လူတွေထက် ပိုပြီး နယူးယောက်မြို့သားပုံ ပေါ်သည်။ ဒီအချက်တစ်ချက်တည်းနှင့်ပင် ထိုလူကို တရက်ဇ် ရှောင်နေမိသည်။ ရံဖန်ရံခါ တရက်ဇ်ကို သူနှင့်အတူ ရုပ်ရှင်ကြည့်ဖို့ ခေါ်တတ်ပေမယ့် တရက်ဇ်က တစ်ကြိမ်သာ လက်ခံခဲ့သည်။ ဒီရက်တွေအတွင်း စိတ်မငြိမ်မသက်ဖြစ်နေပြီး၊ နေ့ရက်များကလည်း အေးစက်လွန်းကာ လေတိုက်လွန်းသဖြင့် အပြင်ဘက်ရှုခင်းပုံတွေ ဆွဲဖို့အတွက် အပြင်ထွက် လှည့်လည်သွားလာပြီး ကြည့်မျှော်တွေးတောဖို့သာ နှစ်သက်နေမိ၏။ အစက သူ သဘောကျခဲ့သည့် ရှုခင်းများကို ပုံကြမ်းချ ဆွဲသားဖို့အတွက် ကြည့်လွန်း စောင့်လွန်းနေရသည်မှာ ရိုးအီပြီး ငြီးငွေ့လာခဲ့ပြီဖြစ်သည်။တရက်ဇ်တစ်ယောက် ညနေခင်းတိုင်းလိုလို စာကြည့်တိုက်သို့ သွားဖြစ်ကာ စားပွဲဝိုင်းရှည်တစ်ခုံမှာ ထိုင်နေတတ်ပြီး၊ စာအုပ်ခြောက်အုပ်လောက်ကို လှန်လှော ဖတ်ကြည့်နေတတ်သည်။ ထို့နောက် အိမ်ကိုလည်း တန်းမပြန်ကာ အပြန်လမ်းမှာ ကွေ့ကောက်လှည့်ပတ်နေတတ်သေး၏။ရောက်လာပြီးမကြာ အပြင်ပြန်ထွက်လျှောက်ပတ်ရဖို့အတွက် အိမ်ပြန်လာခဲ့သလိုပင်။ ခုတစ်မျိုး တော်ကြာတစ်မျိုးနှင့် အပြောင်းအလဲ မြန်တတ်သည့် စိတ်ကို သည်းခံထားကာ ဒါမှမဟုတ် သူ မရောက်ဖူးသည့် လမ်းများကို ရှောင်ကာ အိမ်ပြန်ခဲ့ရသည်။မီးထွန်းထားသော ပြတင်းပေါက်များမှ စန္ဒယားခုံတွင် ထိုင်နေသော မိန်းကလေးတစ်ယောက်၊ နောက်ပြတင်းမှ အပ်ချုပ်နေသော အမျိုးသမီးတစ်ဦးနှင့် တစ်ဖက်တွင် ရယ်မောနေသော အမျိုးသားတစ်ဦးကို သူ မြင်နေရ၏။ထို့နောက် ကယ်ရောဆီသို့ ဖုန်းပင် မခေါ်နိုင်သည့် သူ့အဖြစ်ကို သူ တွေးကြည့်နေမိသည်။ အခုချိန်မှာ ကယ်ရော ဘာတွေလုပ်နေမလဲဆိုတာကို မသိ၊ လွင့်ချင်တိုင်း လွင့်နေသည့် လေထက်ပင် အထီးကျန်ဆန်ခံစားနေရတာကိုတော့ ဝန်ခံရမည်။ ကယ်ရော၏ စာမှာ ကိစ္စအားလုံးကို၊ အဆိုးဆုံး အဖြစ်အပျက်တွေကို မပြောပြထားသလို သူ ခံစားနေရသည်။xxxxxစာကြည့်တိုက်မှာ ဥရောပနေရာဒေသ၊ ဆီစီလီကျွန်းဒေသက ကြွေရေပန်းအလှ၊ နေရောင်ခြည် ဖြာကျနေသည့် ဂရိမြို့မှ ရူယင်း အဆောက်အဦးတို့၏ ဓာတ်ပုံတွေ ပါသည့် စာအုပ်တွေကို သူ ဖတ်ကြည့်နေသည်။ တစ်နေ့ကျလျှင် ကယ်ရောနှင့် သူ အဲလိုနေရာတွေ တကယ်ပဲ သွားဖြစ်မလားကို သူ သိချင်မိသည်။ သူတို့ မလုပ်ဖြစ်သေးသည့် အရာတွေက အများကြီး ကျန်သေး၏။ ကယ်ရောနှင့်က အတ္တလန်တိတ်သမုဒ္ဒရာကို ဖြတ်ပြီး၊ ပင်လယ်ခရီးတစ်ခုသာ ထွက်ခဲ့ဖူးသည်။ ခေါင်းအုံးပေါ်မှ သူ့ခေါင်းကို အသာကြွလိုက်လျှင် ကယ်ရော၏မျက်နှာကို ငေးမောမြင်နေရနိုင်သည့် မနက်ခင်းများ ... ထိုသို့ထိုသို့ ရိုးရိုးရှင်းရှင်း မနက်ခင်းများသာ ရှိခဲ့သည်။ ထိုနေ့ရက်တွေဟာ သူတို့၏ နေ့ရက်များသာ ဖြစ်ပြီး၊ ဘာကမှ သူတို့ကို ခွဲခွာမသွားစေနိုင်ဘူးဟု သိခဲ့၊ ခံစားခဲ့ရသည်။ထို့နောက် သူ တစ်ခါမှ မရောက်ဖူးသည့် လမ်းတစ်လမ်းမှ ရှေးဟောင်းပစ္စည်းဆိုင်၏ ပြတင်းမှာ သူ့နှလုံးသားနှင့် မျက်လုံးများကို မှင်သက်သွားမိစေသော လှပသည့် ပစ္စည်းလေးကို မြင်လိုက်ရ၏။ တရက်ဇ် ထိုအရာကို ငေးစိုက်ကြည့်နေမိသည်။ သူ့ကိုယ်အတွင်းမှ မေ့ပျောက်သွားပြီး၊ အမည်မသိသော ဆာလောင်မှုက ပြေပျောက်သွားသလို ခံစားလိုက်ရသည်။ ၎င်း၏ ကြွေထည်မျက်နှာပြင်ဟာ ဖုန်မှုန့်များ အောက်မှာပင် ငွေထည်ပန်းထိုးထားသလို ဝင်းလဲ့နေပြီး၊ ဒင်္ဂါးရွှေရောင်နှင့် ဘောင်ခတ်ထားကာ ကြွေရောင်၊ အပြာရင့်ရောင်၊ အနီရင့်၊ အစိမ်းရင့်တို့ဖြင့် သေးငယ်ပြီး တောက်ပသည့် မှန်ကူကွက်ပုံသဏ္ဌာန်များဖြင့် ခြယ်သုတ်ထားသည်။ လက်ချောင်းဖြင့် ထိန်းရာ အနားကွပ်နေရာမှာ ရွှေရောင်အကွင်းလေး ရှိသေးသည်။ ဖယောင်းညှာတံလေးပင် ဖြစ်၏။ ဘယ်သူကများ ပြုလုပ်ထားပါလိမ့်၊ ဘယ်သူ့အတွက်များ ပြုလုပ်ထားပေးပါလိမ့်ဟု သူ စဉ်းစားနေမိသည်။နောက်တစ်ရက် မနက်ခင်းမှာ သူ ပြန်သွားလိုက်ပြီး၊ ကယ်ရောကို ပေးဖို့အတွက် ဝယ်လိုက်သည်။ကော်လိုရာဒိုစပရင်းစ်မှ တစ်ဆင့် လွှဲပေးလာသော ရစ်ချက်ဆီမှ စာတစ်စောင် ရောက်နေ၏။ တရက်ဇ်က စာကြည့်တိုက် ရှိသည့် လမ်းပေါ်မှ ကျောက်သား ခုံရှည်တွေ ထိုင်ကာ စာကို ဖွင့်ကြည့်လိုက်သည်။ လုပ်ငန်းသုံး စက္ကူဖြစ်၏။ ဆမ်ကို ဂတ်စ်ဘူး လုပ်ငန်းမှ ဖြစ်သည်။ မီးဖိုချောင်သုံးပစ္စည်းများ၊ အပူ၊ အအေး ပစ္စည်း လုပ်ငန်းလည်း ဖြစ်သည်။ ပေါ့ဂျက်ဖာဆန်ဘရန့်ခ်ျ လုပ်ငန်း၏ အထွေထွေ မန်နေဂျာအဖြစ် ရစ်ချက်နာမည်ကို ထိပ်ဆုံးမှာ ရေးထားသည်။'တရက်ဇ်အရင်ဆုံး မင်း အခု ဘယ်မှာလဲဆိုတာ ငါ့ကို ပြောပြတဲ့ ဒန်နီကို ကျေးဇူးတင်ရမယ်။ ဒီစာကို မင်း မလိုအပ်ဘူးလို့ ထင်ချင်ထင်မှာပေါ့။ လိုအပ်မယ်လည်း ထင်ပါတယ်။ အဲနေ့ညနေခင်း ကန်တင်းက ငါတို့ စကားပြောတဲ့အချိန်ကလို အခုလည်း မင်း ဦးနှောက်ခြောက်နေဦးမှာ။ ဒါပေမယ့် ကိစ္စတစ်ခုကို ရှင်းဖို့က ဒီစာကို လိုအပ်တယ်လို့ ငါတော့ ထင်တယ်။ ဘာလဲဆိုတော့ အရင်နှစ်ပတ်လောက်ထဲက ငါ မင်းအပေါ် ထားခဲ့တဲ့ ခံစားချက်မျိုး ထပ်မရှိတော့ဘူး ဆိုတာပဲ။ ငါ မင်းဆီ နောက်ဆုံး ရေးပို့ထားတဲ့စာကလည်း ဒီတိုင်း စိတ်ကို မထိန်းဘဲ ပို့ခဲ့မိတဲ့ စာသက်သက်ပဲ။ ငါ စာကို ရေးကတည်းက မျှော်လင့်ချက်မရှိမှန်း သိတယ်။ မင်း စာပြန်မှာ မဟုတ်မှန်းလည်း သိတယ်။ ငါကလည်း မင်းကို စာမပြန်စေချင်ပါဘူး။ အဲကတည်းက ငါ မင်းကို မချစ်တော့မှန်း ငါ သိလာရတယ်။ ပြီးတော့ အခု မင်းအပေါ် ခံစားရတဲ့ စိတ်ခံစားချက်က စိတ်ပျက်ရွံရှာနေမိတာပဲ။ မင်းက အားလုံးကို ချန်လှပ်ထားခဲ့ပြီးတော့ အဲမိန်းမနဲ့ ဆက်တွဲနေတာလေ။ တကယ် စိတ်ပျက်ဖို့ကောင်းပြီး၊ အကျိုးသင့် အကြောင်းသင့် မဟုတ်တဲ့ ဆက်ဆံရေးမဟုတ်မှန်း ငါတော့ သေချာတယ်။ ငါ အစက ပြောခဲ့သလိုပဲ ... ဒီဆက်ဆံရေးက ဘယ်လောက်မှ ကြာရှည်ခံမှာ မဟုတ်ဘူး။ ဒီကိစ္စကြီးက နောက်ပိုင်းမှာ မင်းဘဝရဲ့ အချိန်ဘယ်လောက်ကို မင်း ဖြုန်းခဲ့မိတယ်ဆိုပြီး၊ မင်းကိုမင်း စိတ်ပျက်နောင်တရစရာ ဖြစ်လာမှာပဲ။ အသားနဲ့ပေါင်မုန့်အစား အော်ဂလီဆန်တဲ့ ချိုချဉ်တွေ ဒါမှမဟုတ် ကြာဖူးတွေကိုပဲ စားသောက်ရှင်သန်နေရမယ့်အဖြစ်လိုပဲ ... အခြေအမြစ်မရှိ၊ ကလေးကလားနိုင်တဲ့ကိစ္စပဲလေ။ ငါတို့တွေ စွန်လွှတ်တဲ့နေ့က မင်း မေးတဲ့မေးခွန်းတွေကို ငါ စဉ်းစားမိပါတယ်ကွာ။ ငါကတော့ ဟန်ဆောင်နေပြခဲ့တာပဲ။ သိပ်နောက်မကျခင် မင်းကို ကယ်တင်လို့ ရဦးမှာပါဆိုပြီးလေ။ ဘာလို့လဲ။ ငါ မင်းကို ချစ်ခဲ့လို့လေ။ အခုတော့ အဲလိုမဟုတ်တော့ဘူး။ လူတွေကတော့ ငါ့ကို မင်းအကြောင်းတွေ မေးကြဦးမယ်။ ငါ သူတို့ကို ဘာတွေ ပြောပြဖို့ မင်း မျှော်လင့်ထားလဲ။ ငါကတော့ အမှန်အတိုင်းပဲ ပြောဖို့ ရည်ရွယ်ထားတာနော်။ ဒီနည်းကပဲ ငါ့ကိုယ်ငါ ကယ်တင်နိုင်မှာ။ ဒီကိစ္စကြီးကို ငါနဲ့အတူ ခေါင်းခံမထားနိုင်တော့ဘူး။ အိမ်မှာ ကျန်ခဲ့တဲ့ ပစ္စည်းတွေကိုလည်း မင်းတိုက်ခန်းကို ပို့ထားပေးပြီးပြီ။ တကယ်ပဲ မင်းနဲ့ ပတ်သက်တဲ့ မှတ်ဉာဏ်သေးသေးလေးကအစ ငါ့ကို စိတ်ဒုက္ခရောက်စေတယ်။ မင်းကိုပဲဖြစ်ဖြစ်၊ မင်းနဲ့ သက်ဆိုင်တဲ့ ပစ္စည်းတွေဖြစ်ဖြစ် ငါ မထိမတွေ့ချင်တော့ဘူး။ ငါပြောတာတွေက အဓိပ္ပာယ်ရှိပါတယ်။ မင်းကတော့ နားမလည်ဘူး။ ဒါပေမယ့် မင်းနဲ့ပတ်သက်ပြီး ငါ ဘာမှ မဖြစ်ချင်တော့တာကိုတော့ မင်း နားလည်မှာပါ။... ရစ်ချက်'ရစ်ချက် ဒီစာကို ရေးနေစဉ်မှာ ရစ်ချက်၏ နှုတ်ခမ်းပါးပါးလေးတွေက မျဉ်းဖြောင့်အတိုင်း တင်းထားမှာကို တရက်ဇ် မြင်ယောင်မိသည်။ ထိုမျဉ်းဖြောင့်အတိုင်း နှုတ်ခမ်းက အပေါ်နှုတ်ခမ်းကိုပင် တတန်းတည်း ဖြစ်နေလိမ့်မည်။ ရစ်ချက်မျက်နှာကို သူ အတိုင်းသား မြင်နေရ၏။ ထို့နောက် ရစ်ချက်၏ စာမှ ငြိုငြင်မှုကဲ့သို့ သူနှင့် ဝေးကွာနေပြီး၊ မသဲမကွဲဖြစ်စေဟန်ရှိသည့် ကိုင်ဆောင့်မှုနှင့်အတူ ပုံရိပ်မှာ ပျောက်ကွယ်သွားပြန်သည်။ သူ မတ်တပ်ထရပ်ပြီး၊ စာကို စာအိတ်ထံ ပြန်ထည့်ကာ ဆက်လျှောက်သွားလိုက်၏။ ရစ်ချက်တော့ သူ့ဘဝထဲမှ သူ့ကို ထုတ်ပစ်လိုက်နိုင်ပြီဟု တရက်ဇ် မျှော်လင့်မိသည်။ သို့ပေမယ့် နယူးယောက်မှ သူ ထွက်မသွားခင် အချိန်လေးမှာ သူ မြင်ခဲ့ဖူးသည့် ဒုက္ခတွေ့စေသော ကိုယ်ဟန် စိတ်ထားတို့နှင့် စိတ်အားထက်သန်စွာဖြင့် ရစ်ချက်က တခြားလူတွေကို သူ့အကြောင်း ပြောပြနေမှာ သူ မြင်ယောင်နေသေးသည်။ ညနေညခင်းရောက်လျှင် သူတို့တွေ ပယ်လာမိုဘားမှာ သူ့အကြောင်းကို ရစ်ချက်က ဖီလ်ကို ပြောပြနေမှာ၊ ကယ်လီစုံတွဲကို ပြောပြနေမှာကို သူ သိနေ၏။ သူ ဘာတွေ ဘယ်လို ပြောပြော လုံးဝ ဂရုစိုက်မှာ မဟုတ်ပေ။အခု ၁၀နာရီအချိန်၊ နယူးဂျာဆီမှာဆိုလျှင် ၁၁နာရီမှာ ကယ်ရော ဘာတွေ လုပ်နေမလဲသာ သူ သိချင်မိ၏။ တခြားသူစိမ်းများ၏ အပြစ်တင်ချက်တွေကို နားထောင်နေမလား။ သူ့အကြောင်းကို တွေးတောနေမလား။ သူ့အကြောင်း တွေးဖို့ရော အချိန်ရပါ့မလား။xxxxxထို့နေ့က အေးမြနေကာ လေငြိမ်ပြီး၊ နေရောင်ဖြင့် လင်းထိန်သာယာနေသော နေ့လေးတစ်နေ့ပင်။ ကားကိုယူကာ တစ်နေရာရာကို မောင်းထွက်သွားနိုင်၏။ ကားမမောင်းဖြစ်တာ သုံးရက်မျှ ရှိပြီ ဖြစ်သည်။ ကားမမောင်းချင်မိမှန်း ရုတ်ချည်း သူ သတိရသွား၏။ ကားကို ယူပြီး၊ ဒဲလ်ရက်ပစ်မြို့သို့ အဝေးပြေးလမ်းမတည့်တည့်အတိုင်း မိုင်၉၀မျှ မောင်းထွက်ခဲ့သည့်နေ့က ကယ်ရောဆီမှ စာ လက်ခံရ၍ ဝမ်းသာပီတိဖြစ်ခဲ့တာဟာ အချိန်အတော်ကြာကြာက ဖြစ်ပျက်ခဲ့သလိုပင်။မစ္စစ်ကုပါ၏ အိမ်သို့ သူ ပြန်လာချိန်မှာ တခြား အခန်းငှားနေသူတစ်ဦး မစ္စတာဘိုးဝမ်းက ဆင်ဝင်ခန်းရှေ့မှာ ရှိနေသည်။ မျက်လုံးများပေါ်သို့ ဦးထုပ်ကို စိုက်ကာ ဆောင်းထားပြီး၊ ခြေထောက်များကို စောင်ဖြင့် လွှမ်းခြုံထားကာ နေပူထဲမှာ ထိုင်နေ၏။ အိပ်ပျော်နေသလို ထင်ရပေမယ့် မစ္စတာဘိုးဝမ်က သူ့ကို လှမ်းခေါ်လိုက်သည်။"ဟေး ... အခြေအနေဘယ်လိုလဲ"တရက်ဇ်လည်း ရပ်ကာ သူနှင့် ခဏမျှ စကားပြောဖြစ်ခဲ့၏။ ထိုလူ၏ အဆစ်အမြစ်ရောဂါအကြောင်းကို မေးကာ ကယ်ရောနှင့် မစ္စစ်ဖရန့်ခ်ျကဲ့သို့ ရည်ရည်မွန်မွန် နေကြည့်ခဲ့သည်။ ရယ်မောစရာ ကိစ္စတစ်ခုကို ပြောဖြစ်သွားကာ တရက်ဇ်တစ်ယောက် သူ့အခန်းထဲသို့ ရောက်လာပြီး၊ ရေမွှေးပန်းပင်ကို မမြင်မိမချင်း ပြုံးနေမိသည်။ရေမွှေးပန်းပင်ကို ရေလောင်းပေးပြီး၊ နေရောင်ခြည် ကြာကြာ ရနေနိုင်သည့် ပြတင်းပေါက် ဘောင်အစွန်းနားတွင် တင်ထားလိုက်သည်။ ထိပ်ပိုင်းက အရွက်သေးလေးများ၏ ထိပ်ဖျားမှာပင် ညိုနေ၏။ ဒီပန်းလေးကို ကယ်ရောက လေယာဉ်စီး ထွက်ခွာမသွားခင် ဒဲမွင်းစ်မှာ သူ့အတွက် ဝယ်ပေးခဲ့တာ ဖြစ်သည်။ တိုင်ကပ်နွယ်ပင်ကတော့ သေသွားပြီဖြစ်၏။ ဆိုင်ရှင်က ထိုပန်းဟာ အတော်ကို နူးညံ့သည်ဟု သတိပေးပေမယ့် ကယ်ရောက လိုချင်ခဲ့တာကြောင့်သာ ဝယ်ခဲ့လိုက်သည်။ ရေမွှေးပန်းလေးလည်း ရှင်ပါ့မလားဟု တရက်ဇ် သံသယဝင်မိခဲ့သေးသည်။ သို့ပေမယ့် မစ္စစ်ကုပါ၏ သောင်းပြောင်းထွေလာ ပန်းပင်စုဆောင်းထားမှုဟာ ဆောင်ထုတ်ပြတင်းတစ်လျှောက်မှာ ရှင်သန်နေ၏။သူ ကယ်ရောဆီသို့ စာရေးလိုက်သည်။'ကျွန်မ မြို့ထဲမှာ လျှောက်ပတ်ရင်း ပတ်ရင်း လည်နေပြီ။ ဒါပေမယ့် အရှေ့ဘက်ကိုပဲ လျှောက်လာခဲ့ပြီး၊ နောက်ဆုံးမှာ ရှင်နဲ့တွေ့နိုင်ဖို့ပဲ ဆုတောင်းတယ်။ ရှင် ဘယ်တော့ လာမှာလဲ ... ကယ်ရော။ ဒါမှမဟုတ် ကျွန်မပဲ ရှင့်ဆီ လာလိုက်ရမလား။ ရှင်နဲ့ အကြာကြီး ကျွန်မ ခွဲမနေနိုင်ဘူး'နောက်တစ်နေ့မနက်မှာ ကယ်ရောဆီက ပြန်စာကို သူ ရခဲ့သည်။ မစ္စစ်ကုပါ၏ ဧည့်စောင့်ခန်းအထပ်မှာပင် ကယ်ရော၏ စာထဲမှ ချက်လက်မှတ်တစ်စောင်က ထွက်ကျလာ၏။ ဒေါ်လာ၂၅၀တန် ချက်လက်မှတ်ပင် ဖြစ်သည်။ ကယ်ရော၏ စာမှာ ရှည်လျားသည့် အပုဒ်အဖြတ်များနှင့် လျော့တိလျော့ရဲ ဖြစ်နေကာ စာကြောင်းအရှည်ကို အင်္ဂလိပ်အက္ခရာ "ထီ"သံ စာလုံးများဖြင့် ဆွဲဆန့်ထား၏။ စာ၏ ဆိုလိုရင်းက ကယ်ရောအတွက် နှစ်ပတ်အတွင်း ဒီကို ရောက်လာဖို့ မဖြစ်နိုင်မှန်း ရေးထားခြင်းပင်။ ချက်လက်မှတ်ကတော့ တရက်ဇ်ကို နယူးယောက်သို့ လေယာဉ်စီးလာဖို့၊ ဒါမှမဟုတ် အရှေ့ဘက်သို့ ကားမောင်းနှင်လာဖို့ စရိတ်အတွက် ဖြစ်သည်။'မင်း အခု လေယာဉ်စီးလာလိုက်ရင် ကောင်းမယ်။ အခုပဲ ထွက်လာခဲ့တော့။ ဘာမှ စောင့်မနေနဲ့' ဟု နောက်ဆုံးစာပိုဒ်မှာ ရေးထား၏။ကယ်ရောက စာကို ကတိုက်ကရိုက် ရေးခဲ့ရတာ၊ ဒီစာရေးဖို့ကိုပင် အချိန်လုယူပြီး ရေးခဲ့ရတာ ဖြစ်နိုင်သည်။ သို့ပေမယ့် စာမှာ အေးတိအေးစက်နိုင်လှပြီး၊ တရက်ဇ်ကို တုန်လှုပ်စေ၏။ သူ အပြင်ထွက်ခဲ့ပြီး၊ လမ်းထောင့်သို့ မှိုင်တွေစွာဖြင့် လျှောက်လာခဲ့သည်။ ဘယ်လိုဖြစ်ဖြစ် ညက ရေးထားခဲ့သော အိတ်ပေါ်မှာ လေကြောင်းတံဆိပ်ခေါင်း သုံးခုပါသည့် စာထူကြီးတစ်စောင်ကို စာတိုက်ပုံးထဲသို့ ထည့်ခဲ့လိုက်၏။ သူ ကယ်ရောကို ၁၂နာရီအတွင်း တွေ့ရတော့မည်။ အတွေးများက စိတ်အေးလက်အေးတော့ မဖြစ်စေခဲ့ပေ။ သူ ဒီမနက်ပဲ ထွက်သွားလိုက်ရတော့မလား။ ဒီနေ့လယ်ပဲ ထွက်သွားလိုက်ရမှာလား။ သူတို့တွေ ကယ်ရောကို ဘာတွေ လုပ်လိုက်ကြပြီလဲ။ သူ ကယ်ရောဆီသို့ ဖုန်းဆက်လိုက်လျှင်ရော ကယ်ရော စိတ်ဆိုးသွားမလား။ လုံးဝ အမှုရှုံးသွားမည့် ဘေးကျပ်နံကျပ် အခြေအနေသို့ တွန်းပို့လိုက်မိမှာလား။သူ့လက်ထဲက တခြားစာများကို မကြည့်သေးခင်မှာ သူ့ရှေ့ လိမ္မော်ရည်နှင့် ကော်ဖီခွက်များ ချထားသည့် စားပွဲဝိုင်းတွင် ထိုင်နေလိုက်သည်။ စာ၏ အပေါ်ဘယ်ထောင့်မှာ သော့ရေးထားသော လက်ရေးလေးကို သူ မြင်လိုက်ရသည်။ မစ္စစ်ရူဘီရော်ဘီချက်ဆီမှ ဖြစ်၏။'တရက်ဇ်လေးရေ ... လွန်ခဲ့တဲ့လက ပို့ပေးလိုက်တဲ့ အရသာရှိတဲ့ ဝက်အူချောင်းတွေအတွက် အရမ်းကျေးဇူးတင်တယ်နော်။ သမီးလေးက တကယ် စိတ်ကောင်းသဘောကောင်းရှိတာပဲ။ သမီးကို အကြိမ်ကြိမ် ကျေးဇူးတင်ခွင့်ရလို့လည်း ဝမ်းသာမိတယ်။ ဒီလို ခရီးရှည်ထွက်နေတာတောင် အန်တီ့ကို သတိတရရှိပေးတာ တကယ် ပျော်မိတယ်။ ပို့စကတ်လှလှလေးတွေရော၊ ဆူးဖောစ်က ပို့ပေးလိုက်တာကိုရော တော်တော် သဘောကျတယ်။ ဒါကိုတာ တောင်ပိုင်းမှာရော ဘယ်လိုလဲ။ တောင်တွေနဲ့ နွားကျောင်းသားတွေရော။ အန်တီ့မှာတော့ ပန်ဆေဗေးနီးယားကလွဲပြီး၊ တခြား ဘယ်နေရာကိုမှ ခရီးထွက်ဖို့ အခွင့်အရေး မရှိပါဘူးကွယ်။ သမီးကတော့ ကံကောင်းတယ်။ ငယ်လည်းငယ်၊ လှလည်းလှတဲ့အပြင်ကို ကြင်နာတတ်သေး။ အန်တီကတော့ ကုန်တိုက်မှာ အလုပ်လုပ်နေတုန်းပဲ။ ကုန်တိုက်လည်း ဘာမှ မပြောင်းလဲပါဘူး။ အားလုံးက မပြောင်းလဲဘူး။ ဒါပေမယ့် နည်းနည်းတော့ ပိုအေးလာတာပေါ့။ သမီး ပြန်ရောက်ရင် အန်တီ့ဆီ လာလည်ဦးလေ။ သမီးအတွက် ညစာချက်ကျွေးဦးမယ်။ ဒီတစ်ခါတော့ အသင့်စားဖွယ်ဆိုင်က မဟုတ်ပါဘူး။ ဝက်အူချောင်းအတွက်ကို ထပ်ပြီး ကျေးဇူးတင်တယ်နော်။ ရက်တော်တော်ကြာကြာ အဲဒါကို စားဖြစ်တယ်။ တကယ်ကို ထူးခြားပြီး၊ ကောင်းတယ်။ သမီးရဲ့ စေတနာ၊ မေတ္တာတွေလည်း ပါမှာပေါ့။... ရူဘီရော်ဘီချက်'တရက်ဇ်က ထိုင်ခုံကို အသာရွှေ့ပြီး၊ ကောင်တာပေါ်မှာ ပိုက်ဆံတချို့ ထားကာ ပြေးထွက်လာခဲ့၏။ ဖုန်းပြောဖို့အတွက် ဝေါ်ရီယာဟိုတယ်ဆီသို့ တစ်လမ်းလုံး ပြေးလာခဲ့သည်။ ကယ်ရော၏ အိမ်မှ တယ်လီဖုန်း မြည်နေသံကို ကြားရသည့်တိုင်အောင် သူ့နားနှင့် တယ်လီဖုန်းလက်ကိုင်ကို အတင်းကပ်ထားကာ စောင့်ဆိုင်းနေ၏။ မည်သူမျှ ဖုန်းမဖြေ။ အကြိမ် နှစ်ဆယ်မျှ မြည်ပေမယ့် ဘယ်သူမှ ဖုန်းလာမဖြေချေ။ ကယ်ရော၏ရှေ့နေ ဖရက်ဒ်ဟိမ်းစ်ဆီသို့ ဖုန်းခေါ်ကြည့်ဖို့ တွေးလိုက်သည်။ သို့ပေမယ့် မခေါ်သင့်ဘူးဟု သူ ဆုံးဖြတ်လိုက်၏။ အက်ဘီဆီကိုလည်း သူ ဖုန်းမခေါ်ချင်ပေ။
**********
YOU ARE READING
Carol (မြန်မာပြန်)
RomanceMyanmar Translation of A Romance Novel - well known as Carol on the screen. (love between the two women in 1950s)
