အခန်း၂၂
ဘလောက်၏ အလယ်လောက်မှာ ရှိသည့် ကော်ဖီဆိုင်တံခါးကို သူ ဖွင့်လိုက်သည်။ ဆိုင်ထဲမှာ သူနှင့် ကယ်ရော အတူ နားထောင်ဖူးခဲ့သည့် သီချင်းတွေထဲက တစ်ပုဒ်ကို ဖွင့်ထား၏။ တံခါးကို ပိတ်လိုက်ပြီး၊ ဆက်လျှောက်လာလိုက်သည်။ တေးဂီတက ရှင်သန်နေသေးပေမယ့် သူ့ကမ္ဘာကတော့ သေဆုံးသွားခဲ့ရပြီ။ သီချင်းဟာလည်း တစ်နေ့ကျ သေဆုံးပျောက်ကွယ်သွားမှာပေမယ့် ကမ္ဘာကြီးကရော ဘယ်လို ပြန်ရှင်သန်လာမှာလဲ။ သူ့တန်ဖိုးတွေရော ဘယ်လို ပြန်ရှိလာမလဲ။သူ ဟိုတယ်သို့ ပြန်လျှောက်လာခဲ့သည်။ သူ့အခန်းသို့ ရောက်လျှင် သူ့မျက်လုံးပေါ် တင်ထားဖို့အတွက် မျက်နှာသုတ်ပဝါကို ရေအေးစွတ်လိုက်သေး၏။ အခန်းမှာ အေးစိမ့်နေ၍ အဝတ်အစားနှင့် ဖိနပ်များ ချွတ်လိုက်ကာ တန်းပြီး အိပ်ရာဝင်ဖြစ်ခဲ့သည်။အခန်းအပြင်ဘက် တိုးတိတ်နေသည့် နေရာလပ်တစ်ခုမှ စူးစူးဝါးဝါးအသံတစ်ခုကို ကြားလိုက်ရသည်။"ဟေး။ ချီကာဂိုဆန်းတိုင်းမ်စ်"ထို့နောက် တိတ်ဆိတ်သွားပြန်သည်။ အရက်နာကျနေသလိုမျိုး ပင်ပန်းနွမ်းနယ်မှုက သူ့ကို မလှုပ်ချင်အောင် ကိုင်ချုပ်ထားတာကြောင့် အိပ်ပျော်သွားဖို့ အတင်းကြိုးစားနေရသည်။ ဧည့်ခန်းမမှ ခရီးဆောင်အိတ် နေရာမှားထားမိ၍ ပြဿနာတတ်နေသည့် စကားသံများ ပေါ်ပေါက်လာပြန်သည်။ သူကတော့ သူ၏ မို့မောက်နေသော မျက်လုံးများအပေါ်မှာ ဆေးမြစ်ဝါးမြစ် အနံ့ ထွက်နေသည့် မျက်နှာသုတ်ပဝါအစိုကို တင်ထားပြီး လှဲနေတာကြောင့် အချည်းနှီးသော ခံစားချက်က သူ့ကို လွှမ်းမိုးနေသည်။ အော်ကြီးဟစ်ကျယ် ငြင်းခုံနေကြသည့် အသံများက ဆူဆူပူပူ ဖြစ်နေ၏။ သူ့ အားအင်များနှင့် သူ့အတွေးဆန္ဒများကို တင်းမခံနိုင်တော့သလို ခံစားနေရတော့သည်။ ကြောက်စိတ်မွှန်စွာဖြင့်ပင် အပြင်ကမ္ဘာလောက၊ ဒန်နီ၊ မစ္စစ်ရော်ဘီချက်၊ ပယ်လီကန်စာတိုက်က ဖရန့်စ်ကော့တာ၊ မစ္စစ်အော့စ်ဘွန်းနှင့် နယူးယောက်က သူ့တိုက်ခန်းအကြောင်းတွေကို တွေးတောစဉ်းစားနေမိသည်။ သို့ပေမယ့် သူ့စိတ်က ဆန်းစစ်သုံးသပ်နေဖို့အတွက် ဒါမှမဟုတ် စွန့်လွှတ်လိုက်ဖို့အတွက် ငြင်းဆန်နေပြန်သည်။ အခုအချိန်မှာ သူ့စိတ်က သူ့နှလုံးသားနှင့် ထပ်တူဖြစ်နေ၏။ ကယ်ရောကို စွန့်လွှတ်လိုက်ဖို့ အတွေးကိုလည်း ငြင်းဆန်နေမိသည်။ အပြင်လောကမှ မျက်နှာပုံရိပ်များနှင့် အသံများက တွဲလျက်ပင်။ စစ်စတာအလီရှာနှင့် သူ့အမေ မျက်နှာပုံရိပ်တို့လည်း ပါသည်။ ကျောင်းမှာ သူ နောက်ဆုံး အိပ်စက်ခဲ့သည့် အခန်းပုံရိပ်လည်း ပါသည်။ အိပ်ဆောင်မှ ခပ်စောစော ခိုးထွက်ပြီး၊ မြက်ခင်းပြင်ပေါ်မှာ ကြည်နူးမြူးထူးကာ တိရစ္ဆာန်ငယ်တစ်ကောင်လို လျှောက်ပြေးခဲ့သည့် မနက်ခင်းတစ်ခုလည်း ပါသေးသည်။ မြက်ပင်ရှည်တွေကြားက ဘဲများလို ဝင်းလက်နေသည့် အဖြူရောင်ရှူးဖိနပ် ဝတ်ထားကာ ကွင်းပြင်ထဲမှာ တစ်ယောက်တည်း ရူးရူးမိုက်မိုက် လျှောက်ပြေးနေသော စစ်စတာအလီရှာကိုလည်း တွေ့ခဲ့ရသည်။ အစကတော့ စစ်စတာအလီရှာက လွတ်သွားသည့် ကြက်ပေါက်ကလေးကို လိုက်ဖမ်းနေမှန်း မသိခဲ့ပေ။ သူ့အမေ၏ မိတ်ဆွေအိမ်က အခိုက်အတန့်လေးတစ်ခုလည်း ရှိသည်။ ကိတ်မုန့်ပန်းကန်ကို လက်လှမ်းလိုက်ချိန်မှာ ကြမ်းပြင်ပေါ် ပန်းကန် မှောက်ကျသွား၍ သူ့အမေက သူ့ကို ပါးရိုက်ခဲ့ဖူးသည်။ ကျောင်း ဟောခန်းမမှ ပန်းချီကားတစ်ချပ်ကိုလည်း သူ တွေ့ဖူးသည်။ ပုံကားမှာ ... ဆိုးယုတ်ပြီး ရှည်ကြာနေသော ရည်ရွယ်ချက်များက ပြီးမြောက်သွားသလို လှောင်ပြောင်ရက်စက်သွားကာ အဆုံးသတ်သွားသော ကယ်ရောလိုပင် အသက်ဝင်လှ၏။ ကြောက်စိတ်များဝင်ကာ တရက်ဇ် တုန်လှုပ်နေမိသည်။ ရေကန်တစ်ကန်က ရေခဲတုံးတွေ ကွဲအက်နေသည့် စူးရှရှ အသံမျိုးက သူ့နားထဲ ဝင်ရောက်လာသလိုမျိုး ခန်းမက စကားသံကလည်း ကျယ်သထက် ကျယ်ကာ အတိုင်းသား ကြားနေရ၏။"ရှင် လုပ်ခဲ့တယ်ဆိုတာ ဘာလဲ""မဟုတ်ဘူးလေ""ရှင် သေချာလုပ်ရင် လက်ဆွဲအိတ်က အောက်ထပ်က ပစ္စည်းအပ်တဲ့အခန်းမှာ ရှိနေရမှာပေါ့""အိုဗျာ ... ကျွန်တော် ရှင်းပြပြီးပြီလေ""ဒါပေမယ့် ရှင်က ကျွန်မရဲ့ လက်ဆွဲအိတ် ပျောက်သွားစေချင်တာမလား။ ဒါမှ ရှင် အလုပ်မပြုတ်မှာ"နောက်ကျကျန်ကျန်နေတတ်သည့် ဘာသာပြန်လိုပင် သူ့စိတ်ထဲမှာ စကားတစ်ခွန်းစီတိုင်း၏ အဓိပ္ပာယ်ကို လိုက်စဉ်းစားနေမိသည်။ နောက်ဆုံးမှာတော့ လိုက်မမှီတော့ပေ။အိပ်မက်ဆိုးတစ်ခုကို မက်ပြီး၊ သူ အိပ်ရာပေါ်မှ ထထိုင်လိုက်သည်။ အခန်းမှာ မှောင်အတိ၊ အရိပ်များကလည်း အခန်းထောင့်စွန်းများတွင် နက်မှောင်နေ၏။ သူ မီးအိမ်ကို လှမ်းဖွင့်လိုက်ကာ မျက်စိမှာ မှိတ်တစ်ဝက် ဖွင့်တစ်ဝက် ဖြစ်နေသည်။ နံရံမှာ မှီတင်ထားသည့် ရေဒီယိုကို ဖွင့်ကာ ပထမဆုံး အသံထွက်လာသည်နှင့် အသံကို ကျယ်ပစ်လိုက်သည်။ ယောက်ျားတစ်ယောက်၏ အသံ အရင်ထွက်လာပြီးနောက်တွင် ကျောင်းသင်တန်းများက လက်ရွေးစင်တေးဂီတ တစ်ပုဒ်ဖြစ်မည့် နွဲ့ပျောင်းပြီး အရှေ့တိုင်းသံစဉ်နှင့် တူသော ဂီတတေးသီချင်း လာ၏။ "ပါရှန်းဈေးလေးမှာ" ဆိုသည့် သီချင်းမှန်း သူ အလိုလို မှတ်မိလိုက်သည်။ လမ်းလျှောက်နေသော ကုလားအုတ်တစ်ကောင်ကို အမြဲတမ်း တွေးမိစေတတ်သည့် ထိုသီချင်း၏ နိမ့်ချည်မြင့်ချည် တေးသွားလေးက အခုတော့ သစ်သားမှန်ကူကွက်များအပေါ် နံရံပတ်လည်မှ ဗာဒီအော်ပရာက ပြရုပ်တွေနှင့်အတူ ဟုမ်းဂေဟာက သူ့အခန်းငယ်လေးကို ပြန်ခေါ်သွားနေသည်။ ဒီသီချင်းကို သူ နယူးယောက်ကို ရောက်လာစဉ်က ရံဖန်ရံခါ နားထောင်ဖြစ်သေး၏။ သို့ပေမယ့် ကယ်ရောနှင့်အတူ နားမဆင်ဖူးပေ။ ကယ်ရောကို စသိကတည်းက ဒီသီချင်းကို နားမထောင်ဖြစ်တော့သလို သတိမရဖြစ်မှန်း သူ တွေးမိသွားသည်။ အခုအခါ သီချင်းလေးဟာ ဘာတစ်ခုနှင့်မှ မထိတွေ့ဘဲ မားမားစွင့်စွင့် မြင့်တက်သွားသည့် တံတားတစ်ခုလိုပင်။သူတို့တွေ အထုပ်အပိုးတွေ ပြင်ဆင်တိုင်းမှာ တစ်နည်းနည်းနှင့် သူ့လက်ကိုင်အိတ်ထဲ ရောက်နေတတ်သော သစ်သားဓားကလေး ဖြစ်သည့် အိပ်ရာဘေးစားပွဲပေါ်မှ ကယ်ရော၏ စာဖွင့်ဓားလေးကို သူ ကောက်ယူလိုက်သည်။ ဓားအစွန်းတစ်လျှောက်နှင့် သူ့လက်မကို ပွတ်တိုက်နေမိသည်။ သို့ပေမယ့် လက်တွေ့တွင် သူ့ဘက်က ရပ်တည်နေရမည့်အစား ကယ်ရောကို ငြင်းဆန်နေဟန် ရှိသည်။ သူတို့အတူ နားမဆင်ဖူးသည့် သီချင်းတွေမျှပင် သူ့ကို သတိတရမရှိမိချေ။ တိတ်ဆိတ်ငြိမ်သက်မှု၏ အဝေးတစ်နေရာမှ ကယ်ရောအကြောင်းကို မကျေမချမ်းမှုတို့ဖြင့် တွေးနေမိ၏။သူ ဘေစင်သို့ ထသွားလိုက်ကာ မျက်နှာကို ရေအေးဖြင့် ဆေးကြောလိုက်သည်။ ဖြစ်နိုင်လျှင် မနက်ဖြန် အလုပ်တစ်ခုခု ရဖို့ လုပ်ရမည်။ ဒီမှာပဲ ခရီးရပ်နားထားလိုက်ပြီး၊ ဟိုတယ်ခန်းတွေထဲမှာပဲ မငိုကြွေးမိအောင် နှစ်ပတ်တာမျှ အလုပ်လုပ်ဦးမည်။ အလိုက်တသိဖြင့် မစ္စစ်ကုပါဆီကိုလည်း ဟိုတယ်လိပ်စာ ပို့ထားရမည်။ ဒါတွေဟာ သူ မလုပ်ချင်ပေမယ့် လုပ်ရဦးမည့် နောက်ထပ်ကိစ္စတစ်ခု ဖြစ်သည်။ ပြီးလျှင် ဆူးဖောစ်မှာ ရှိစဉ်က ဟာကီဗီ ပို့လာသော ဖော်ဖော်ရွေရွေ ရှိပေမယ့် နားလည်ရခက်သည့် 'ခင်ဗျား နယူးယောက်ကို ပြန်ရောက်လာတဲ့အခါ ကျွန်တော်တို့ တွေ့လို့ရရင်တော့ ကောင်းမယ်။ ဒါပေမယ့် ဒီနှစ်နွေတော့ ဘာအလုပ်ကိစ္စကိုမှ ကတိမပေးနိုင်သေးဘူး။ ခင်ဗျား ပြန်လာရင် တွဲဖက်ထုတ်လုပ်သူ ဖြစ်တဲ့ မစ္စတာနက်ဒ်ဘန်စတိန်းကို တွေ့ကြည့်ရင်တော့ အဆင်ပြေမှာပါ။ ဒီဇိုင်းဘက် စတူဒီယိုတွေမှာ ဘာတွေ ဖြစ်နေလဲဆိုတာက ကျွန်တော့်ထက် သူက ပိုပြောနိုင်လိမ့်မယ်' စာကို အကြောင်းပြန်ဖို့ ဟာကီဗီဆီ စာထပ်ရေးသင့်ရဲ့လား ... သူ စဉ်းစားရမည်။ဟင့်အင်း။ သူ ဒီအကြောင်းကို ထပ်ပြီး စာမရေးနိုင်ပေ။အောက်ထပ်မှ မီချီဂန်ကန်ပုံနှင့် ပို့စကတ်ကို ယူကာ မစ္စစ်ရော်ဘီချက်ဆီ ရွှင်ရွှင်ပျပျ ရှိသည့်စာမျိုး တမင် စာရေးလိုက်သည်။ သူ ရေးပို့လိုက်ဖို့ မသင့်မှန်း သိသော်လည်း စာတိုက်ပုံးထဲသို့ စာကို ထည့်ကာ အဝေးကို လျှောက်ထွက်လာလိုက်သည်။ ခပ်မြန်မြန် လျှောက်လာချိန်မှာ ရုတ်တရက် သူ့ခန္ဓာကိုယ်မှ အားအင်များ၊ သူ့ခြေလှမ်း၏ ပေါ့ပါးသွက်လက်သေးမှု၊ သူ့ပါးပြင်တွေကို နွေးထွေးစေသည့် သူ့သွေးသားထဲမှ ငယ်ရွယ်နုပျိုနေသေးမှုတို့ကို သူ သတိထားလာမိ၏။ မစ္စစ်ရော်ဘီချက်နှင့် ယှဉ်လျှင် သူက လွတ်လပ်ပြီး၊ စိတ်ချမ်းမြေ့နေရသေးမှန်း သူ့ကိုယ်သူ သဘောပေါက်လာ၏။ သူ တတ်နိုင်တာကြောင့် သူ စာရေးပို့လိုက်တာလည်း မမှားပေ။ သူက ချည့်နဲ့ပြီး၊ တစ်ဖက် မကန်းသေးသလို နာကျင်မှု ဝေဒနာတွေကိုလည်း မခံစားနေရပေ။ စတိုးဆိုင်တစ်ဆိုင်၏ ပြတင်းပေါက်မှန်ဘေးတွင် သူ ရပ်လိုက်ပြီး၊ ခပ်မြန်မြန်ပင် နှုတ်ခမ်းနီ ထုတ်ဆိုးလိုက်သည်။ လေပြင်းတစ်ချက်ကြောင့် သူ ထိန်းထားသည့် ဟန်ချက်က ပျက်ပြားသွားရ၏။ သို့ပေမယ့် အေးစက်စက်လေပြင်းထဲမှ နွေးထွေးပြီး နုပျိုသေးသော နှလုံးသားကဲ့သို့ပင် မြူးကြွပျော်ရွှင်စရာ အချက်အချာကို သူ ခံစားရသည်။နောက်တစ်နေ့မနက်တွင် သူ အလုပ်တစ်ခု စ ရှာရတော့မည်။ သူ ချန်ထားခဲ့သည့် ငွေနှင့်ပဲ သူ ဆက်ရှင်သန်သင့်သည်။ နယူးယောက်သို့ ပြန်ရောက်သွားလျှင်လည်း ရှာသမျှ ငွေကို စုထားရမည်။ ကျန်သည့်ငွေတွေကို ထုတ်နိုင်ဖို့အတွက် ဘဏ်နှင့် ချိတ်ဆက်နိုင်ပေမယ့် ဒီလိုမျိုး သူ လုပ်ချင်တာ မဟုတ်ပေ။ လူသန်းပေါင်းများစွာ လုပ်ဖူးသည့် အလုပ်မျိုးကို သူ မသိသည့် လူများနှင့် နှစ်ပတ်တာမျှ အလုပ်လုပ်ချင်မိသည်။ တခြားလူ၏ တာဝန်ဝတ္တရားများကို သူ ဆက်ခံချင်မိ၏။ စာရိုက်တတ်ဖို့ အနည်းငယ် လိုအပ်ပြီး လူတွေ့စစ်ဆေးမည့် ဧည့်လက်ခံစာရေး ကြော်ငြာစာကို သူ ဖြေခဲ့သည်။ သူ အလုပ်လုပ်နိုင်လိမ့်မည်ဟု သူတို့က ထင်ဟန်ရှိပြီး၊ တစ်မနက်ခင်းလုံး ဖိုင်တွဲများကို လေ့လာသင်ယူကာ အချိန်ကုန်ခဲ့၏။ ထို့နောက် အလုပ်ရှင်များထဲက တစ်ယောက်က နေ့လယ်စာစားပြီးချိန်မှာ သူ့ဆီ လာကာ လက်ရေးတိုရေးနည်း သိသည့် မိန်းကလေး လိုချင်သည်ဟု ပြောသည်။ တရက်ဇ်က မသိပေ။ ကျောင်းမှာ လက်နှိပ်စက်ဖြင့် စာရိုက်တတ်ဖို့ သင်ကြားပေးဖူးသော်လည်း လက်ရေးတိုရေးနည်းမျိုး မသင်ပေးချေ။ ဒါကြောင့်ပင် သူ အလုပ်မရခဲ့ပေ။ ထိုနေ့လယ်မှာပင် အလုပ်အကူ ခေါ်သည့် အလုပ်ကြော်ငြာကော်လံကို သူ လိုက်ရှာကြည့်ခဲ့၏။ ထို့နောက် ဟိုတယ်နှင့် သိပ်မလှမ်းသည့် သစ်ဆိုင်ခြံဝန်း ခြံစည်းရိုးမှ ဆိုင်းဘုတ်ကို သူ သတိရသွားသည်။"ကုန်စည်ပစ္စည်း အထွေထွေ ရုံးအလုပ်အတွက် အကူမိန်းကလေး အလိုရှိသည်။ တစ်ပတ်တာကို ဒေါ်လာ၄၀"လက်ရေးတိုရေးနည်းကိုသာ သူတို့ မလိုအပ်လျှင်တော့ သူ့မှာ အခွင့်အရေး ရှိနိုင်၏။ သစ်ဆိုင်ခြံဝန်းရှိရာ လေကြောင်းကျသည့် လမ်းဘက်သို့ သူ ဝင်လာလိုက်သည်။ ၃နာရီဝန်းကျင် အချိန်ဖြစ်သည်။ သူ ခေါင်းကို ကြော့မော့လိုက်ကာ သူ့ဆံပင်များကို သူ့ခေါင်းနောက်ဘက်သို့ လွင့်နေစေ၏။ ထို့နောက် ကယ်ရော ပြောဖူးတာကို အမှတ်ရသွားပြန်သည်။ "တို့ မင်း လမ်းလျှောက်လာတာကို မြင်ရင် သဘောကျမိတယ်။ မင်းက အဝေးတစ်နေရာက လမ်းလျှောက်လာရင် တို့လက်ဖဝါးပေါ်မှာ မင်း လမ်းလျှောက်နေသလိုပဲ။ မင်းက ၅လက်မလောက် အမြင့်ပဲ ရှိတယ်"လေသံများအောက်မှ ကယ်ရော၏ နူးညံ့သည့် အသံကို သူ ကြားနေရသည်။ ထို့နောက် ခါးသီးမှု၊ အကြောက်တရားတို့နှင့်အတူ သူ စိတ်အိုက်လာမိပြန်၏။ ခပ်သွက်သွက်ပင် လမ်းလျှောက်လာလိုက်သည်။ အချစ်၊ အမုန်းနှင့် သူ့စိတ်မှာ ရုတ်တရက် စမ်းတဝါးဝါး ဖြစ်ခဲ့မိသည့် မကျေမချမ်းမှုတို့ဆီမှ ထွက်ပြေးလာခဲ့သလိုပင် တချို့ခြေလှမ်းများမှာ သူ ပြေးလာခဲ့၏။သစ်ဆိုင် ခြံဝန်းတွေဘက်တွင် ရုံးခန်းတစ်ခု၏ တဲကုပ်လေးတစ်အိမ် ရှိသည်။ ထိုအိမ်လေးထဲ တရက်ဇ် ဝင်သွားလိုက်၏။ ရွှေကြိုးလေးနှင့် နာရီကို သူ့ရှေ့နားလေးမှာ ချထားကာ လေးလေးကန်ကန် နေတတ်ပြုမူတတ်ပြီး၊ ထိပ်ပြောင်နေသည့် မစ္စတာဇမ်ဘရိုစကီဆိုသူနှင့် သူ စကားပြောကြည့်ခဲ့သည်။ အမှတ်အသားများနှင့် လက်ရေးတိုရေးနည်းတွေအကြောင်း တရက်ဇ်က မမေးကြည့်ရသေးခင် မစ္စတာဇမ်ဘရိုစကီက ဒါတွေမလိုအပ်ကြောင်း ပြောလာ၏။ နေ့လယ်ခင်းနှင့် နောက်ရက်မှာ သူ့ကို စမ်းသပ်သင်ကြားပေးမည့်အကြောင်းလည်း ပြောသည်။ နောက်တစ်နေ့ မနက်ခင်းမှာတော့ အခြား မိန်းကလေးနှစ်ယောက်ကလည်း ရောက်လာကာ မစ္စတာဇမ်ဘရိုစကီက သူတို့နာမည်တွေကို ယူထားလိုက်သည်။ သို့သော် နေ့မွန်းမတည့်ခင် သူ့ကိုသာ အလုပ်ပေးမည်ဟု မစ္စတာဇမ်ဘရိုစကီက ပြော၏။"မနက်၈နာရီမှာ ဒီကို လာပေးလို့ ရတယ်မလား"မစ္စတာဇမ်ဘရိုစကီက ပြော၏။"ရပါတယ်ရှင်"ထိုမနက်၉နာရီမှာ သူ ရောက်သွားခဲ့သည်။ သို့ပေမယ့် မစ္စတာဇမ်ဘရိုစကီသာ အရောက်လာဖို့ မှာခဲ့လျှင် မနက် ၄နာရီမှာပင် သူ အရောက်သွားလိမ့်မည်ဖြစ်သည်။သူ့အလုပ်ချိန်မှာ မနက် ၈နာရီမှ ၄နာရီခွဲ ဖြစ်ပြီး၊ သူ့တာဝန်များက လက်ခံရရှိပြီးသည့် အော်ဒါစာရင်းနှင့် ခြံသို့ တင်ပို့မည့် စက်ရုံပို့ကုန်စာရင်းများကို စစ်ဆေးပေးရန်နှင့် အတည်ပြုစာများ ရေးပေးရန်သာ ဖြစ်သည်။ ရုံးခန်းထဲမှ သူ့စားပွဲမှာ သစ်ခွဲသားများကို မတွေ့ရသော်လည်း အဖြူရောင် ထင်းရှူးသားများကို အခုမှ လွှထိုးတိုက်ဖြတ်ထားသလိုမျိုး လေထဲမှ သစ်ပျဉ်အနံ့ ရတတ်ပြီး၊ ခြံဝင်းအလယ်မှာ ထရက်ကားများ ရောက်လာသည့် ဒုတ်ဒုတ်ဒက်ဒက် ကြားနေရတတ်သည်။ ဒီအလုပ်ကို သူ နှစ်သက်မိ၏။ မစ္စတာဇမ်ဘရိုစကီကိုလည်း သဘောကျမိသည်။ ရုံးခန်းထဲသို့ လာကာ သူတို့လက်များကို မီးလာလှုံတတ်သည့် သစ်ခုတ်သမားများနှင့် ထရက်ကားယာဉ်မောင်းများကို သဘောကျမိသည်။ ငယ်ငယ်ရွယ်ရွယ်နှင့် ဆွဲဆောင်မှု ရှိပြီး၊ မုတ်ဆိတ်မွေးငုတ်တိုများနှင့် သစ်ခုတ်သမားစတိဗ်က လမ်းထိပ် ကန်တင်းမှာ နေ့လယ်စာအတူ စားဖို့ ခဏခဏ ခေါ်တတ်သည်။ စနေညတစ်ညမှာလည်း ချိန်းတွေ့ကြဖို့ ခေါ်သေး၏။ သို့ပေမယ့် တရက်ဇ်က တစ်ညနေခင်းလုံးကို သူနှင့်ပဲဖြစ်ဖြစ်၊ မည်သူနှင့်မျှ မကုန်ဆုံးချင်မိပေ။xxxxxတစ်ညမှာ အက်ဘီက သူ့ဆီ ဖုန်းခေါ်လာ၏။"တို့ မင်းနဲ့ အဆက်အသွယ်ရဖို့ ဒါကိုတာတောင်ပိုင်းဘက်ကို နှစ်ခါလောက် ဖုန်းဆက်ရသေးတာ ... မင်း သိရဲ့လား"အက်ဘီက စိတ်ဆိုးမာန်ဆိုးလေသံမျိုးဖြင့် ပြောနေသည်။"အဲဒီမှာ မင်း ဘာတွေ လုပ်နေတာလဲ။ ဘယ်တော့ ပြန်လာမှာလဲ"အက်ဘီ၏လေသံမှာ သူ ကြားဖူးသည့် ကယ်ရောအသံနှင့်ပင် ဆင်တူနေသည်။ တရက်ဇ်လည်း သူ့လည်ချောင်း ဟောင်းလောင်းပေါက်မှာ တစ်ဆို့သွားသလို ခံစားနေရသည်။ သူ ဘာမှ ပြန်မဖြေနိုင်သေးချေ။"တရက်ဇ်""ကယ်ရော ... ရှင်နဲ့အတူ ရှိနေလား""သူ အခု ဗားမွန့်မှာ။ နေမကောင်းဖြစ်နေတာ"အက်ဘီက ကွဲအက်နေသည့်လေသံမျိုးဖြင့် ပြောလာသည်။ သူ့အတွက် ပြုံးပန်းဝေနေစရာ တစိုးတစိ မရှိပေ။"သူ အခု အဲမှာ နားနားနေနေ အနားယူနေတာလေ""ကျွန်မဆီ ဖုန်းမဆက်နိုင်လောက်အောင်ကို နေမကောင်းဖြစ်နေတာလား။ ကျွန်မကို ဘာလို့ မပြောလဲ ... အက်ဘီ။ အခုရော သက်သာရဲ့လား။ စိတ်ပူရလား""အခုတော့ သက်သာလာပါပြီ။ မင်းကရော ဘာလို့ ကိုယ်တိုင် ဖုန်းမခေါ်ကြည့်လဲ"တရက်ဇ် တယ်လီဖုန်းကို အတင်းဆုပ်ကိုင်လိုက်မိသည်။ ဟုတ်ပါရဲ့။ သူ ဘာလို့ ဖုန်းမခေါ်ကြည့်မိပါလိမ့်။ ဘာလို့လဲဆိုလျှင် ကယ်ရောအကြောင်းအစား ပန်းချီကားကိုသာ စဉ်းစားနေမိ၍ ဖြစ်သည်။"သူ ဘယ်လိုဖြစ်လို့လဲ။ သူ...""မေးခွန်းကောင်းပဲ။ ဘာတွေဖြစ်လဲဆိုတာ ကယ်ရော မင်းဆီ စာရေးတယ်မလား""ဟုတ်ကဲ့""အဲ့ဒါကို မင်းက သူ့ကို ရော်ဘာဘောလုံးလေးလိုမျိုး နိမ့်လိုက်မြင့်လိုက် ဖြစ်နေဖို့ မျှော်လင့်နေတာလား။ အမေရိကတိုက်ထဲ မင်းကို လိုက်ဖမ်းပေးရမှာလား။ မင်းက ဘယ်လိုထင်လို့လဲ။ တူတူပုန်းတမ်းကစားနေတယ် မှတ်တာလား"ထိုနေ့လယ်ခင်းက အက်ဘီနှင့် ပြောဖြစ်ခဲ့သမျှက တရက်ဇ်ကို ထိခိုက်စေ၏။ ဒါတွေအားလုံးက သူ့အမှားပဲလို့ အက်ဘီက မြင်သည်။ ဖလောရင့်စ် တွေ့သွားသည့် စာကလည်း နောက်ဆုံး မမှားသင့်သော ဆိုးဝါးလွန်းသည့် အမှားပင်။"မင်း ဘယ်တော့ ပြန်လာဖြစ်မလဲ""နောက် ၁၀ရက်လောက်အတွင်း ပြန်လာမှာပါ။ ကယ်ရောသာ ကားကို စောစော မလိုချင်ရင်ပေါ့""သူလည်း မလိုပါဘူး။ နောက် ၁၀ရက်ထဲမှာတောင် အိမ်မရောက်လောက်သေးဘူး"တရက်ဇ် ထပ်ပြောနိုင်ဖို့အတွက် အားယူလိုက်သည်။"စာကိစ္စကလေ ... ကျွန်မ ရေးခဲ့တဲ့ စာကို သူတို့က အရင် တွေ့နှင့်နေတာလား။ နောက်မှ တွေ့တာလား""ဘယ်လို အရင်၊ နောက်မှလဲ""ကျွန်မတို့နောက်ကနေ နောက်ယောင်ခံလိုက်ပြီးတော့မှလားလို့""ဟုတ်တယ်။ နောက်မှ တွေ့သွားကြတာ"အက်ဘီက ပြောကာ သက်ပြင်းချလိုက်သည်။တရက်ဇ် အံကြိတ်လိုက်သည်။ သို့သော် အက်ဘီ သူ့ကို ဘယ်လိုတွေးတယ်ဆိုတာ အရေးမကြီး။ ကယ်ရော ဘယ်လို တွေးသလဲသာ အရေးကြီး၏။"ကယ်ရောက အခု ဗားမွန့် ဘယ်နားလဲ""တို့သာ မင်းနေရာမှာဆိုရင် သူ့ဆီ ဖုန်းခေါ်မှာမဟုတ်ဘူး""ဒါပေမယ့် ရှင်က ကျွန်မ မဟုတ်တာ။ ကျွန်မတော့ သူ့ဆီ ဖုန်းခေါ်ချင်တယ်""မခေါ်နဲ့ဦး။ တို့ ဒီလောက်ပဲ မင်းကို ပြောလို့ရမယ်။ သူ့ကိုလည်း တို့ သတင်းပြန်ပေးပေးလို့ ရတာပဲ။ အရေးကြီးလို့"ထို့နောက် အေးတိအေးစက် တိတ်ဆိတ်ငြိမ်သက်သွားကြသည်။"ကယ်ရောက မင်း ငွေလိုနေမလား၊ ကားရော အခြေအနေ ဘယ်လိုရှိလဲ သိချင်နေတာ""ငွေ မလိုပါဘူး။ ကားလည်း အဆင်ပြေပါတယ်"သူ့မှာ မေးခွန်းတစ်ခု ထပ်မေးစရာ ရှိလာ၏။"ရင်ဒီလေးရော ဒီကိစ္စအကြောင်း ဘာတွေ သိသွားလဲ""ကွာရှင်းမှုက ဘယ်လိုမျိုးလဲဆိုတာ ကလေးက နားလည်သွားတယ်။ ကလေးကတော့ ကယ်ရောနဲ့ နေချင်တာပေါ့။ ဒါပေမယ့် ကယ်ရောအတွက် မလွယ်ကူဘူး ဖြစ်နေတယ်"'တော်တော်ကောင်းတယ်၊ သိပ်ကောင်းတာပဲ'ဟု သူ ပြောလိုက်ချင်သည်။ ကားကိစ္စအတွက် စာ မဟုတ်လျှင် တခြားကိစ္စများအတွက်နှင့် ကယ်ရောဆီကို စာရေးဖုန်းဆက်ပြီး ဒုက္ခမပေးတော့ပါ။ ဖုန်းကို ဒိုင်ခွက်ပေါ် ချလိုက်ချိန်မှာ ခေါင်းသာခါနေမိတော့သည်။ ထို့နောက် သူ ဖုန်းကို မြန်မြန် ပြန်ခေါ်လိုက်၏။"အခန်းနံပါတ် ၆၁၁ကပါ"သူ ပြောလိုက်၏။"နောက်ထပ် နယ်ဝေးက ဖုန်းတွေဆို မခေါ်ပေးပါနဲ့တော့။ ဘယ်ဖုန်းကိုမှ မကိုင်ချင်တော့လို့ပါ"အိပ်ရာဘေး စားပွဲပေါ်မှာ ကယ်ရော၏ စာဖွင့်ဓားလေးကို သူ ကြည့်နေမိသည်။ အခုတော့ ကယ်ရောဟာ အသွေးနှင့်အသားနှင့် လူသားတစ်ယောက်ပင် ဖြစ်ပြီး၊ မှဲ့ခြောက်များဖြင့် ကယ်ရော၊ သွားအစွယ်တစ်ချောင်းက ခံတွင်းထောင့်တစ်ထောင့်ကို ပွန်းပဲ့နေစေသည့် ကယ်ရောပင်။ သူ ကယ်ရော၏ တစ်စုံတစ်ခုအပေါ် အကြွေးတင်နေမိတာလား။ ကယ်ရောကိုယ်တိုင်အပေါ်မှာ ကျေးဇူးကြွေးတင်နေမိတာလား။ ရစ်ချက် ပြောဖူးသလို ကယ်ရောက သူနှင့် ကစားနေတာ မဟုတ်ဘူးလား။ ကယ်ရော၏စကားလုံးများကို သူ မှတ်မိလိုက်သည်။"မင်းမှာ ယောက်ျားနဲ့ ကလေး ရှိလာတဲ့အခါ အခြေအနေတွေက မတူတော့ဘူး"သူ စာဖွင့်ဓားလေးကို မျက်မှောင်ကြုတ်ကာ ဘာလို့များ စာဖွင့်ဓားလေးပဲ ဖြစ်နေရလဲ၊ ဒီဓားလေးကို ပစ်ပဲပစ်ပစ်၊ သိမ်းပဲထားထား ဥပေက္ခာပြုလိုက်ဖို့ ဘာအရေးကြီးတာမှတ်လို့လဲဟု နားမလည်နိုင်ဘဲ ကြည့်နေမိသည်။
**********
YOU ARE READING
Carol (မြန်မာပြန်)
RomanceMyanmar Translation of A Romance Novel - well known as Carol on the screen. (love between the two women in 1950s)
